ޅ. ދިއްފުށިމާދޫ ކިޔާ ފަޅު ރަށުގައި މިއަދު ފާރެއް ވެއްޓި ދެ މީހަކަށް އަނިޔާވެ ފަރުވާދޭން ފަށައިފި އެވެ.
އެ ފާރު ވެއްޓުނީ މިއަދު އެ ރަށަށް ދަތުރު ގޮސް އުޅުނު ބައެއްގެ ގައިމައްޗަށެވެ. މި ހާދިސާގައި އަނިޔާވީ އުމުރުން 57 އަހަރުގެ އަންހެނަކާއި 27 އަހަރުގެ ފިރިހެނަކަށެވެ.
އަނިޔާވި ދެ މީހުންނަށް އަވަސް ފަރުވާދިނުމަށް ނައިފަރުގައި ހުންނަ ޅ. އަތޮޅު ހޮސްޕިޓަލަށް ވަނީ ކޯސްޓްގާޑުގެ އެހީގައި ގެންގޮސްފަ އެވެ.
ދެ މީހުންނަށް ލިބިފައިވާ އަނިޔާގެ ތަފްސީލެއް މިހާތަނަށް ނުލިބެ އެވެ.