ޚަބަރު / ހައުސިން، ލޭންޑް އެންޑް އާބަން މިނިސްޓްރީ

ގޯތި ލިބުނު މީހުންނަށް ރަޖިސްޓަރީ އާއި ބިން ހަވާލުކުރަން ފަށައިފި

މޫސާ ރަޝީދު، މިހާރު

04 ޖެނުއަރީ 2024 - 08:53

ކުރީގެ ސަރުކާރުން ފެށި "ބިންވެރިޔާ" ސްކީމްގެ ދަށުން ގޯތި ލިބުނު މީހުންނަށް ރަޖިސްޓަރީ އާއި ބިން ހަވާލުކުރުމުގެ މަސައްކަތް ހައުސިން މިނިސްޓްރީ އިން އިއްޔެ ފަށައިފި އެވެ.

ގޯތި ލިބުނު މީހުންނަށް ރަޖިސްޓަރީ އާއި ބިން ހަވާލު ކުރުމުގެ މަސައްކަތް ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ވަކި ހިސާބަކަށް ގެންދިއުމަށް ފަހު، ރިޔާސީ އިންތިހާބުގެ ފުރަތަމަ ބުރަށް ފަހު އެ މަސައްކަތް އޮތީ މަޑުޖައްސާލައިފަ އެވެ.

ނަމަވެސް ހައުސިން މިނިސްޓްރީން ކުރި އިއުލާނެއްގައި ބުނީ، މިހާތަނަށް ގޯތީގެ އެއްބަސްވުމާއި ގޯތީގެ ރަޖިސްޓަރީ ހަވާލު ކޮށްފައި ނުވާ މީހުން އެއްބަސްވުމުގައި ސޮއި ކުރުމާއި ރަޖިސްޓަރީ ހަވާލުކުރުމުގެ އިތުރުން ބިން ހަވާލު ކުރުމުގެ މަސައްކަތް އިއްޔެ އިން ފެށިގެން ކުރިޔަށް ގެންދަން ފަށާފައިވާ ކަމަށެވެ.

އެއްބަސްވުމުގައި ސޮއިކުރުމަށް ހަމަޖެހިފައިވާ މީހުންނަށް ގުޅައިގެން އަދި މެސެޖުކޮށް ހާޒިރުވާން ޖެހޭ ތާރީހާއި ގަޑި އަދި ތަން އަންގާނެ ކަމަށް ވެސް ހައުސިން މިނިސްޓްރީން ބުންޏެވެ.

މިހާތަނަށް ހަވާލު ކޮށްފައިވާ ރަޖިސްޓަރީތަކާއި އެއްބަސްވުންތަކުގައި މައްސަލައެއް ފާހަގަ ކުރެވޭ ނަމަ އެކަން މިނިސްޓްރީ އަށް ހުށަހެޅުމުން އިސްލާހު ކުރާނެ ކަމަށް ވެސް ހައުސިން މިނިސްޓްރީން ބުންޏެވެ.

ކުރީގެ ސަރުކާރުން ވަނީ ހުޅުމާލެ 2 އާއި އަލަށް ހިއްކާ ހުޅުމާލެ ތިނަކާއި ގުޅިފަޅާއި ގިރާވަރުފަޅުން 9،000 ގޯތި ދޭން ނިންމައިފަ އެވެ. އޭގެ ތެރެއިން ގިނަ މީހުންނަށް ރަޖިސްޓަރީ އަދި ބައެއް މީހުންނަށް ބިންތައް ވެސް ހަވާލު ކުރި އެވެ.

"ގެދޮރުވެރިޔާ" ސްކީމްގެ ދަށުން ފްލެޓަށް ކުރިމަތިލުމަށް ހުޅުވާލައި 13،000 މީހުން ޝަރުތު ހަމަވާ ކަމަށް ކަނޑައެޅި އެވެ. އޭގެ ތެރެއިން 4،000 މީހުންނަށް މިވަގުތު ހުރި ފްލެޓުތައް ދޭން ނިންމުމުން އެތައް ބަޔަކު ހިތްހަމަ ނުޖެހި 7،000 އަށް ވުރެ ގިނަ ޝަކުވާ ހުށަހެޅުމުން އެންޓި ކޮރަޕްޝަން ކޮމިޝަން (އޭސީސީ) އިން ވަނީ އެކަން ހުއްޓުވައިފަ އެވެ.

އެ ކޮމިޝަނުން އަންނަނީ ބިންވެރިޔާ އަދި ގެދޮރުވެރިޔާ ސްކީމަށް ހުށަހަޅާ ޕޯޓަލް އަށް އެކްސެސްވެ، ހުރި މައްސަލަތައް ތަހުގީގު ކުރަމުންނެވެ. މިހާތަނަށް އައިއިރު ޝައްކު ކުރެވޭ އެތައް ކަމެއް ހުރި ކަމަށް އެ އޭސީސީގެ މެންބަރުން ވަނީ ވިދާޅުވެފަ އެވެ.

ބޯހިޔާވަހިކަން ހައުސިން، ލޭންޑް އެންޑް އާބަން މިނިސްޓްރީ ފްލެޓް

53 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައިމަނު

04 January 2024

ޝައްކުކުރެވޭ އެތެއްކަމެއް އޭސީސީއަށް ޕޯޓަލްއިން ފާހަނގަވީ މިވަގުތު އެމްޑީޕީ ވެރިކަމުގައި ނެތީމައެެވެ. ތިޔަ މައްސަލަ ނިމޭނީ އޭސީސީގެ މެންބަރުންނަށާއި މިވަގުތު ވެރިކަމުގައި އޮތްޕާޓީއަށް ބޭނުން ޖެހިފައިވާ ވަރަށް ފްލެޓް ލިބުނު ލިސްޓުން މައްސަލަ ފާހަނގަ ކުރެވި އެބައި އޭސީސީގެ މެންބަރުންނަށާއި ޕީޕީއެމް/ޕީއެންސީ މެންބަރުންނަށް ލިބިގެންނެވެ. ރާއްޖޭގައި ތިބި ގިނަ މިނިވަން މުއައްސަސާތަކަކީ އުފެއްދި މަޤުސަދު ނުވެފައި ތިބި ތަންތަނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލް އަމީރު ލައިޓުއްދީން

04 January 2024

ބޭފުޅުން އާ ހެޕީ. ރާއްޖެތެރޭ ދެވަނަ ދަރަޖައިގެ އިންސާނާ ފިކުރުބޮޑުވެ މާދަންވެސް ކައިގެން ވޮއެގެން ހުންނާނެކަން ނޭނގިފަ. ދަންފަޅި ބަހައިގެން ނިދާފައި ދެ ވަޒީފާ އަދާކޮށްގެން ދަރީންނަށް ކިޔަވާ ދެވޭތޯ. ދަރިވެސް ހަމަ މި ސައިކަލަށް ވެއްޓޭނެކަން އެނގުނަސް ކުރެވޭނެ ކަމެއް ނެތިފައި. ޢަދުލުވެރިކަމަކީ ހަމައެކަނި ފަނޑިޔާރު ކުރިމަތީ އޮތް އެއްޗެއް ނޫންކަން ހަނދަން ކޮށްދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުފިޔާ

04 January 2024

ކުލި 3000 ޑޮލަރު ޖަހާމީހުން ހުއްޓުވާބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދީމްނާ

04 January 2024

ކޮބާހޭ ދެވަނަ ބުރުގައި ކުރިމަތިލީ މީހުންގެ ގޯއްޗާއި ފްލެޓް ލިބޭ މީހުންގެ ލިސްޓް. އަވަހަށް ނެރޭން އުޅޭ އެ ލިސްޓް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޥެންތިލޭޓަރު

04 January 2024

ރައްޔިތުންނަށް މިފަހަރު ލިބިފައި މިހުރީ އަޑަށްވުރެބާރަށް ވައުތައް ފުއްދާ ރައީސްއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާރުގެ

04 January 2024

ޚޮބާ ގެދޮރުވެރިޔާ ބިން 2 ކޮންއިރަކު ދެނީ. ޢިނތިހާބައް ވޯޓް ހޯދަން ނާންނާތި ގެދޮރުވެރިޔާ 2 ގެ ބިންކަނޑާ ނުދީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުންޏެއްނު

04 January 2024

ގޯތި ލިބޭ މީހުން މިހާރު އޮތް ތަންކޮޅު ދޫކޮށްލަންނުޖެހޭނެ ވާހަކަވެސް މުއިއްޒު ބުންޏެއްނު؟ ކިހާ ބޭއިންސާފު ގޮތެއް. ގައުމުގަ 2 ގޯތި އޮތް މީހުންނަށް 3 ވަނަ ގޯއްޗެއްވެސް އޭރުން ލިބުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުންޏޭ

04 January 2024

ކަލޭމެންވެސް ރަށުގައި ބައްޕަގެ ގޯތިން ބައެއް، މަންމަގެ ގޯތިން ބައެއް އަދި ކާފަ މާމަ ގޯތިން ބައެއް އޮއްވާ ދޯ އަލަށް ދޫކުރާ ބިން ވެސް ލިބެނީ. ހާދަ އަަމިއްލަ އެދުންވެސް ބޮޑޭ ދޯ. ކަލޭމެނަށް ލިބޭ ގޮތަށް އަހަރެމެންނަށް ވެސް ލިބެންޖެހޭނީ. މައިންބަފައިންގެ ވާރުތަވާ ބިންކޮޅު ދުލެއް ނުކުރާނަން.