ީއަމީނީމަގުގައި ތާރުއަޅާފައި އޮތް ސަރަހައްދުގައި ވެހިކަލް ދުއްވަނީ: ގަވާއިދާ ޚިލާފަށް ޕާކުކުރާ ނަމަ ފިޔަވަޅު އަޅާނެ ކަމުގެ އިންޒާރު ވަނީ ދީފައި..-- ފޮޓޯ: ފަޔާޒް މޫސާ | މިހާރު
05 ޖެނުއަރީ 2024 - 12:14
24 comments
މާލޭގައި ކަނޑައަޅާފައިވާ ޕާކިން ޒޯންތައް ފިޔަވައި އެހެން ތަންތަނުގައި ޕާކު ނުކުރުމަށާއި ބާރުބޮޑު ބައެއް ސަރަހައްދުތަކުގައި ބަރުއުޅަނދު ޕާކުކުރާ ނަމަ ފިޔަވަޅު އަޅާނެ ކަމުގެ އިންޒާރު ފުލުހުން މިއަދު ދީފި އެވެ.
ފުލުހުން މިއަދު ބުނީ، ގްރީން ޒޯން ސަރަހައްދާއި ސަލްމާން މިސްކިތް ހިމެނޭ ސަރަހައްދުގެ އިތުރުން ބޮޑުތަކުރުފާނު މަގުގެ ބައެއް ހިސާބުތަކުގައި ޕާކް ކުރާ މައްސަލަ ފާހަގަވެފައިވާ ކަމަށެވެ.
ކަނޑައެޅިފައިވާ ޕާކިންގ ޒޯނުތައް ފިޔަވައި އެހެންތަންތަނުގައި އުޅަނދު ޕާކު ނުކުރުމަށާއި މާލޭގެ ބާރުބޮޑު ސަރަހައްދުތަކުގައި ބަރު އުޅަނދު ޕާކު ނުކުރުމާ ގުޅޭ pic.twitter.com/3XfcXyWzEi
— Maldives Police (@PoliceMv) January 5, 2024
އެފަދަ ތަންތަނާއި ޕާކިން ޒޯންތަކާއި ޕާކް ކުރަން ކަނޑައަޅާފައިވާ ތަންތަން ނޫން އެހެން ތަންތަނުގައި ޕާކު ނުކުރުމަށް އެދި ފުލުހުން ބުނީ، އާންމުންނަށް ދަތިވާ ގޮތަށް މިހެން ހުންނަ އުޅަނދުތަކާ މެދު ގާނޫނީ ގޮތުން އަޅަން ޖެހޭ ފިޔަވަޅު އަޅާނެ ކަމަށެވެ.
މާލޭގައި ޕާކިން ޖާގަ ތަނަވަސްކޮށްދިނުމަކީ ރައީސް، ޑރ. މުހައްމަދު މުއިއްޒުގެ ވެރިކަމުގެ ފުރަތަމަ 100 ދުވަހުގެ ވައުދުތަކުގެ ތެރޭގައި ހިމަނާފައިވާ ކަމެކެވެ. އޭގެ ތެރޭގައި ޕާކިން އިމާރާތް ނުވަތަ ޕާކިން ބިލްޑިން އެޅުން ހިމެނެ އެވެ. އެ މަސައްކަތްތައް ސަރުކާރުން މިހާރު ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުސްތާގޫ
07 January 2024
އަމީނީ މަގު އެވިޑް ކޮލެޖް ކާރި ހުންނަ ގުދަން ކުރިމަތީ ބޮޑު ލޯރި ބާއްވަގެން މުދާ އަރުވާ ބާލާ ހަދާއިރު ބަސްވެސް ތާށިވަނީ. ކާރުތައްވެސް ތާށިވަނީ. ސައިކަލުވެސް ޖޭމް ވަނީ. އެތަން ފެންނަން ކެރޭނެބާ؟
ޕަކާސް
06 January 2024
ސަރުކާރުގަ އެބަހުރިބާ މިނިސްޓަރުންގެ ކާރު ފިޔަވާ އާއުޅަނދެއް ، އެމްއާރުޑީސީ ، ސިޓީކައުންސިލް ، އެމްޓީސީސީ ..
އާދޭސް
06 January 2024
ކަފިހިހުރަސްތަކު މަތީވެސް ޕާކުކުރުންވަނީ ހައްދުފަހަނައަޅާފަ. ހުޅުމާލޭގަ. އިސްލާހުކޮށްދެއްވާ.
އަސްލު މާލޭ މީހެއް
06 January 2024
ތިއީ، ރާއްޖޭގެ ހަތަރުބިތުން މާލެ ސަރަހައްދަށް މީހުންތައް ގެނެސް ތޮއްޖެއްސީމައި ވަމުންދާ ގޮތެވެ. ބަރު އުޅަނދާއި، ލުއި އުޅަނދު ވެސް ޖެހުނު ދިމާލެއްގައި ޕާރކް ކުރާނެ އެވެ. މީހުން ގިނަވާ ވަރަކަށް މަގުތަކެއް ފުޅައެއް ނުވެއެވެ. މިހާރު މާލޭގައި ދިރިއުޅުމަކީ ވޭނަކަށް ވެއްޖެ އެވެ.
ޕލލލނބބ
06 January 2024
ރަށްރަށުގަ އޯލެވެލް ނެހެދޭ އެއްވެސް ރަށެއް ނެތް. ކޮންމެ ދުވަހަކު ޑޮކްޓަރަށް ދައްކާކަށް ވެސް ނުޖެހޭނެ. ރަށުގަ ހަމަ ޖެހިގެން އުޅެވެން އޮއްވާ އާއިލާ އެއްކޮށް މާލެ ބަދަލުވަނީ. އޮން ލައިންކޮށް ޑިގްރީ ކޯސް ހެދޭ. ރަށް ކައިރީގަ ރޮސޯޓްތަށް އޮންނަ ރަށްރަށުގެ މީހުން ވެސް މާލެއަށް ބަދަލު ވެގެން އުޅެނީ. ސަރުކާރެއް ނޫން ގޯސް ވެގެން އުޅެނީ. މީހާގެ ވިސްނުން ގޯހީ. ވަޒީފާ އަދާ ކުރަނީ މުޅި އާއިލާ އެއްކޮށް ތޯ؟
ޑެންދި
06 January 2024
ޙުޅުމާލެ ސައިމާ ހިގުމުގައިވެސް ވަރައް ވެހިކަލް ތައް އޮވޭ.
އޮނަރަބްލް އަފީފު ދީދީ
06 January 2024
ބިންބޮޑު އެތައްރަށެއް (ހަނިމާދޫ، ލ.ގުަލިފައިވާ ރަށްތައް، އައްޑޫސިޓީ ފަދަ) ހުރިއިރު އެއިންރަށެއް ތަރައްޤީކުރަން އެއްވެސް މަސައްކަތެއްކުރުމެއްނެތި އަދި ކުޑަކުޑަ މަސައްކަތަކުން ބައިނަލްއަޤުވާމީ ދަތުރުތަކަށް ހުޅުވާލެވެންއޮތް ހަނިމާދުއާއި GAN International Airport ގައި ދާއިމަށް "މަރުގެތަޅު އަޅުވައިގެން" ކ.އަތޮޅު މާލެނޫންސަރަޙައްދަކަށް އިޤްތިސޯދީޙަރަކާތެއް ނުފޮނުވާ އެއްރަށްދައުލަތް ސިޔާސަތެއް ގެންގުޅޭބަޔަކު ލަކްޝަޑިވްސް ހެދީމަ ކޮންރުޅިއެއް އަންނާކަށް.؟
އަލީ2778
06 January 2024
ސްކޫލް ހުޅުވިފައި ހުންނަ ދުވަސްވަރު އެބަ ޖެހޭ މެންދުރު 12:00 އިން 13:00 އަށް އެއްވެސް ކަހަލަ މުދާއުފުލާ އުޅަނދެއް މާލެ ތެރޭގަ ދުއްވުން މަނާކުރަންވެސް
އަލިހދހދ
06 January 2024
ސްކޫލު އެކްންޏެއް ނޫން މުދާ އުފުލާ ޕިކަޕު ތަކާ ހެދި އެއްވެސް ގޮތަކަށް މަގުތަކުގައި ދުއްވެނީކީ ނޫން. މުދާ އުފުލާ ގަޑި ރޭގަނޑު 10 ގެ ފަހަށް ބަދަލު ކުރަން އެބަޖެހޭ.
ހިނޑެ
07 January 2024
ވަކިން ހާއްސަކޮއް އަމީނީމަގުގަ އެހުންނަ ހާޑުގުދަން ކުރިމަތި، ކީކޭ؟
ޕެލެޓް
06 January 2024
ކަސްޓަމްސް ސަރަހައްދުގައި ދުއްވާ އުޅަދުތައް ޕާކް ކުރުމަށް ޑްރައިވަރުން ހަވީރީ ހިގުމުގައި ޕެލެޓް އަޅާ ޖާގަ ހިފަހައްޓާ މައްސަލަ ހައްލު ކޮށްދީބަލަ ހީވަނީ އެމީހުންގެ އަމިއްތަނެއްހެން އެތަނުގައި ސައިކަލް ވެސް ނުބެހެއްޓޭ ޕެލެޓް އަޅާތީ! އެލިޢާ ކައިރި އެލްބިއަން ފުރަގަސް އޮންނާނީ ޕެލެޓް އަޅާ ބައްދާފަ
ނިކަމެތި ރައްޔިތާ
05 January 2024
ކޮންމެ އިންތިޚާބަކާ ދިމާކޮށް ޕާކިން ވަޔަލޭޝަން ސްޓިކާ ޖޫރިމަނާ މައާފުކޮށްދޭކަން އެނގޭ ވިއްޔާ! ވީމާ، ވަރިހަމައެއްނުން ހާހުން ޖޫރިމަނާވެފައި ހުއްޓަސް! އެކަމަކު ޓެކްސީގަނޑެއް މާލެ، ހުޅުލެ، ހުޅުމާލެއަށް ނޫނީ ދަތުރުނުކުރަން އެއޮތް ކަހާފުލެއްދޯ؟ އަނެއްކާ ގިނަ މީހުންކިޔާނީ ހިތަށް އެރިއަގެއް! މާލެ ތެރެ، ހުޅުމާލެ ތެރޭގައި ޓެކްސީ ބަދަލުވާނެ ބަހަކަށް! ކޮންމެ މީހެއް އަތުން 25ރ! ޕިކަޕްވެސް ހަމަ އެހެން އެހާބޮޑު އަގު ކިޔާލާނީ! އަދިކޮބާ ގޮނޑަށް ދާންޖެހިއްޖިއްޔާ 400-600ރ އާ ދޭތެރޭގައި! މިކަންކަމުން ޕަބްލިކު ސަލާމަތްކޮށްދޭނީ ކޮންޓްރާންސްޕޯޓް މިނިސްޓަރަކާ ކައުންސިލެއްބާ؟
ފޮނު
05 January 2024
ދެމެހެއްޓެނިވިގޮތަކަށްތަންފީޒުކުރެވޭނެބާ'؟ ވައިރޯޅިއްއްދާހެންދުވަސްކޮޅެއްގެކަމަކަށްވާނޭކެމަށްބެލެވެނީ' މިހާތަނަށްކަންހިނގާފަވަނީއެމަގުން
ހަތަރުއަނާ
06 January 2024
ރަނގަޅު ވާހަކައެއް. ފުލުހުންކުރާ ހުރިހާކަމެއްދަނީ ފޮއްބެދަނޑަށް. ޔާމީނުސަރުކާރުގައި މަޖީދީމަގު މަރާމާތުކޮށް ހުލުވާލިއިރު މުޅިމަގު ފުރިފައި ފުލުހުން. މަގުގެ ތަނެއްގާ މަޑުކޮށްލިއަސް ފުލުހަކު އައިސް އެތަނުންފޮނުވާލާ. މިހާރު މަގުގެ ދެފަރާތުގައި އެއޮންނަނީ ޕާކުކޮށްފާ ސައިކަލްތައް. ފުލުހުންވެސް ޓްރެފިކް ބަލަހައްޓަން ބައެއްދުވަހު ނުކުމޭ. އަޅައެއްނުލާ. މަޖީދީމަގުގައި ފުލުހުންނުކުމެ ޓްރެފިކް ބަލަހައްޓަންފެށީމާ މާބާރު ބޮޑުވޭ. އެމީހުންނެތީމާ މާފަސޭހަ.