އިނގިރޭސި ވިލާތުގެ ފޮރިން މިނިސްޓަރު ޑޭވިޑް ކަމަރަން
15 ޖެނުއަރީ 2024 - 05:59
6 comments
ޔަމަންގެ ހޫތީ ހަނގުރާމަވެރިން ރަތްކަނޑުގައި އާގުބޯޓުތަކަށް ނުރައްކާކޮށް އިތުރު ހަމަލާއެއް ދީފި ނަމަ އަނެއްކާވެސް ރައްދުގައި ހަމަލާ ދޭނެ ކަމަށާއި ކަނޑުމަތީގެ ސަލާމަތީ ރައްކާތެރިކަން ކަށަވަރުކުރުމުގައި ދެމިތިބޭނެ ކަމަށް އިނގިރޭސި ވިލާތުގެ ފޮރިން މިނިސްޓަރު ޑޭވިޑް ކަމަރަން އިއްޔެ ވިދާޅުވެއްޖެ އެވެ.
"ދައްކާ ވާހަކަޔާ އެއްގޮތަށް، އަމަލުކޮށް ފިޔަވަޅު އެޅުމަށް އިނގިރޭސި ވިލާތް އޮތީ ތައްޔާރަށްކަން ވާނީ ސާބިތުކޮށްދީފައި،" ޔަމަންގައި ހޫތީންގެ ބާރު އޮންނަ ސަރަހައްދަށް އެމެރިކާ އާއި އިނގިރޭސި ވިލާތުން ދިން ހަމަލާތަކަށް ފަހު ސްކައި ނިއުސް އަށް ދެއްވި އިންޓަވިއުއެއްގައި ކެމަރަން ވިދާޅުވި އެވެ.
އިޒްރޭލުން ފަލަސްތީނުގެ ޣައްޒާއަށް ދޭ ހަމަލާތަކުގެ ބަދަލު ހިފުމުގެ ގޮތުން ކަމަށް ބުނެ ހޫތީން ރަތްކަނޑުގައި ހަމަލާ ދެމުން ގެންދާއިރު ކެމަރަން ވިދާޅުވީ ދެން އިތުރު ހަމަލާއެއް ދީފި ނަމަ އަނެއްކާވެސް ހޫތީންނަށް ރައްދު ހަމަލާތަކެއް ދޭން ޖެހިދާނެ ކަމަށެވެ.
"އަހަރެމެންނަށް ޖެހޭނީ ފިޔަވަޅު އަޅަން. ފިޔަވަޅެއް ނޭޅުމަކީ ވެސް ސިޔާސަތެއް. އެކަމަކު އެއީ ނަތީޖާއެއް ނެތް ސިޔާސަތެއް،" އޭނާ ވިދާޅުވި އެވެ.
ކެމަރަން ވިދާޅުވީ ހަމަލާ ދެނީ ހަމައެކަނި އިނގިރޭސި ވިލާތަށް ގެންނަ މުދާ އުފުލާ އުޅަނދުތަކަށް ނޫން ކަމަށާއި އެންމެ ފަގީރު އިތިއޯޕިއާ އާއި ސޫދާން ފަދަ ގައުމުތަކަށް ގެންދާ މުދާ ހުންނަ އުޅަނދުތަކަށް ވެސް ނުރައްކާ ވެއްޖެ ކަމަށެވެ.
ކެމަރަން ތުހުމަތުކުރެއްވި ގޮތުގައި މި "ވިޔާނުދާ" އަމަލުތައް ހިންގުވަނީ އީރާން ފަހަތުގައި އޮވެގެންނެވެ.
ޔަމަނަށް ދިން ހަމަލާތަކުގެ މައުލޫމާތު ހިއްސާ ނުކުރާތީ، އިނގިރޭސި ވިލާތުގެ ގާނޫނު ހަދާ މަޖިލީހުގެ މެންބަރުން ވަނީ ޝަކުވާކޮށްފަ އެވެ. ކެމަރަން ވަނީ އެ ކަންކަން އަދި ސާފުކޮށްދެއްވާނެ ކަމަށް ވިދާޅުވެފަ އެވެ.
ބައިނަލްއަގުވާމީ ވިޔަފާރީގެ 12 ޕަސެންޓް މުދާ ރަތްކަނޑުގައި އުފުލާއިރު ހޫތީން ހަމަލާ ދޭތީ އުޅަނދުތަކަށް މިހާރު ވަނީ ދުރު މަގުތައް އިހްތިޔާރުކުރަން ޖެހިފަ އެވެ. މިހެން ވުމުން މުދާ އުފުލުމުގެ އަގު ބޮޑުވެ މުދަލުގެ އަގު އުފުލިގެންދެ އެވެ. -- އޭއެފްޕީ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލީމު އިދުރީސް
16 January 2024
ތިހުތީން މުދާއުފުއްލާ ބޯޓުތަކައް ހަމަލާދޭތި ބޮޑު ބަލާޔަކައް ވެއްޖެ ދުވަހަކު ނުތެދުވެވޭވަރައް ކަކޫމައްޗައް ތިރިކޮއްލާ ތިބައިގަނޑު!
ފޫހި
15 January 2024
ބަލަ ތިޔަ އިނގެރޭސީންގެ ސިކުޑީގައި އެހެންގައުމުތައް ފަނާކުރުމާ އަޅުވެތިކުރުމުގެ ސިޔާސަތު ފޮހެވިގެންނެއްނުދޭ. ކަނޑުމަތީގެ ރައްކާތެރިކަމޭބުނާއިރު އެއްފަހަރުވެސް އިޒްރާއީލުގެ ނުބައިނުލަފާ ޖާހިލު ގަތުލު އާއްމުކުއްވެރިކުރިންތަ؟ އަދި ތިޔަ އިނގިރޭސީން ތާއަބަދަށް ފަލަސްތީނަށް ޖައްސާފައިވާ ހާލަތު ބަލާބަލަ. އިޒްރާއީލް އެބިމުގައި އުފަންކުރުވާފައި ފަލަސްތީން ނެތިކޮށްލުން ފެއްޓިގޮތަށް އަދިވެސް އެދަނީ ކުރިއަށް. އިނގިރޭސީންނަށް ހަލާކުހުރި
މުޙައްމަދު 24
15 January 2024
އިނގިރޭސިވިލާތަކީ ދުނިޔޭގެ ހުރިހާ ފިތުނައެއް އުފައްދާ، ޤައުމުތައް ލޫޓުވާ ހަލާކުކުރިމީހުން. ކަޝްމީރާއި ފަލަސްޠީނުގެ ތަންތަނުގައި ފިތުނައިގެ ހުޅުގަނޑު ރޯކުރިމީހުން ތީ. އަފްޣާނިސްތާނާއި ޢިރާޤުގެ ކުށެއްނެތް އެތައްބައެއްގެ ލެއި އޮހޮރުވާފައި ތިބި މީހުން ތީ. އަދި ހިތިގޮތަކަށް ކަލޭމެނަށް ތިކަންކަން ފެންނާނެ. އެމެރިކާ ބުނާގޮތެއް ހެދުން ނޫންގޮތެއް އިނގިރޭސިވިލާތަކަށް ނެތް.
ޕޮލިސް.
15 January 2024
މިތާ ޑިސްލައިކު މިތަޅަނީ ޔަހޫދީއެއްތަ. ނޫނީ ފަރަންސޭސިއެއްތަ. ނޫނީ ސަލަފީއެއްތަ. މި ގައުމުގަ ވެސް މުސްލިމުން ދެކެ ރުޅިއަރާ މީހުން ހާދަ ގިނަވެއްޖޭ.
ނަޖުދު
15 January 2024
ޔަމަނުގެ.މީހުން އެންމެ ރަނގަޅީ އިޒްރޭލެއް ކުރިންނޯވެ އެއީ. ފަލަސް ޠީނުގެ ބިމެެއް އިޒްރޭލް ހިމާޔަތް ކުރަން އުޅެނީ މޮޔަމީހިން
ޖުހާ.
15 January 2024
ނިކަމެތި ފަލަސްތީނު މީހުން ރޮލާ ކާއިރު ކެމަރަންގެ ދެ ލޯ ކަނުތަ. ހޫސީން ކަލޯމެނަށް އަމާނެއް ނުދޭނެ. އެމީހުންނަކީ ގޮދަން ރޮއްޓެއް އަންބޮނޑިއަށް ލައިގެން ޔަމަނުގެ ފަރުބަދައިގެ ވާދީގައި ދިރިއުޅެން ދަންނަ ބައެއް. އަހުލު ބައިތުންގެ ލޭ ހިނގާބައެއް.