އެފްއޭއެމް އިންތިހާބުގައި ވާދަ ކުރަން ކެންޑިޑެސީ ހުށަހެޅި ދުވަހު ތޯރިގު، މައްސަލަ ފީފާ އަށް ދިޔައީ އޭނާގެ ކެންޑިޑެސީ ބާތިލުކުރި ހިސާބުން.-- ފޮޓޯ: ފަޔާޒް މޫސާ/ މިހާރު
22 ޖެނުއަރީ 2024 - 17:02
14 comments
މި މަހުގެ 31 ވަނަ ދުވަހު ބާއްވަން ތާވަލްކުރި ފުޓްބޯޅަ އެސޯސިއޭޝަން (އެފްއޭއެމް) ގެ އިންތިހާބުގެ ކަންކަން ހުއްޓާލަން ފީފާ އަދި އޭއެފްސީ އިން އެފްއޭއެމަށް އަންގައިފި އެވެ.
ކްލަބް ވެލެންސިއާގެ ތާއީދު ސިޓީތަކާ ގުޅިގެން އެފްއޭއެމްގެ އިންތިހާބުގެ ކަންކަން ގަޑުބަޑު ވެފައި ވާއިރު، އިންތިހާބުގައި ވާދަކުރާ އެ އެސޯސިއޭޝަންގެ ކުރީގެ ރައީސް އަދި ރައްޔިތުންގެ މަޖިލީހުގެ މަހިބަދޫ ދާއިރާގެ މެމްބަރު އަހުމަދު ތޯރިގް (ޓޮމް) ގެ ކެންޑިޑެސީ ވަނީ ބާތިލް ވެފަ އެވެ.
ތޯރިގުގެ ކެންޑިޑެސީ ބާތިލްކުރި މައްސަލައިގައި އޭނާ އެޕީލް ކޮށްފައި ވެ އެވެ. ނަމަވެސް އެފްއޭއެމްގައި އިލެކްޓޯރަލް އެޕީލް ކޮމިޓީއެއް ނެތުމުން އެ މައްސަލައަށް އޮތީ ގޮތެއް ނުނިންމިފަ އެވެ.
އެހެންވެ، އެފްއޭއެމުން ފީފާ އާއި އޭއެފްސީގެ ލަފަޔަކަށް އެދުނީ އެވެ. އޭގެ ޖަވާބުގައި ފީފާ/ އޭއެފްސީ އިން ވަނީ އެފްއޭއެމްގެ ވަގުތީ ޖެނެރަލް ސެކްރެޓަރީ މުހައްމަދު ޖައުޝަން ޝަރީފަށް އެޑްރެސްކޮށް ޖަވާބެއް ފޮނުވައިފަ އެވެ.
ފީފާ އާއި އޭއެފްސީން އެފްއޭއެމަށް ދިން ލަފާ:
• އެފްއޭއެމްގެ އިންތިހާބީ ކަންކަން ސައްހަ ނޫން ކަމާއި އިންތިހާބުގެ ކަންކަން ހުއްޓާލުން.
• އިލެކްޓޯރަލް ކޮމިޓީ އާއި އެޕީލް ކޮމިޓީއަށް މެމްބަރުން އަލުން އިންތިހާބުކުރަން ކޮންގްރެސްއެއް ބޭއްވުން.
• އިލެކްޓޯރަލް ކޮމިޓީ އާއި އެޕީލް ކޮމިޓީއަށް މެމްބަރުން އައްޔަނު ކުރުމުގައި އެފްއޭއެމްގެ އިލެކްޓޯރަލް ކޯޑުގައި ވާ ގޮތުގެ މަތިން އަމަލު ކުރުން.
• އިންތިހާބުގެ ކަންކަން އަލުން ފަށައިގެން، އެފްއޭއެމްގެ އާ އެގްޒެކެޓިވް ކޮމިޓީއެއް އިންތިހާބު ކުރުން.
ފީފާ އާއި އޭއެފްސީން ވަނީ އެފްއޭއެމް އިންތިހާބުގެ ކަންކަން ގާތުން ބަލަމުން ގެންދާނެ ކަމަށް ވެސް އެ އެސޯސިއޭޝަނަށް އަންގައިފަ އެވެ.
އެފްއޭއެމްގެ މިހާރުގެ ރައީސަކީ ބައްސާމް އަދީލް ޖަލީލެވެ. ފީފާ އާއި އޭއެފްސީ އިން އެފްއޭއެމަށް ދޭ އެހީގެ ފައިސާ ނަހަމަ ގޮތުގައި ބޭނުންކުރަމުން ގެންދާކަމުގެ ތުހުމަތުގައި ބައްސާމުގެ މައްސަލަ ފުލުހުން ދަނީ ތަހުގީގު ކުރަމުންނެވެ.
ބައްސާމް ވަނީ މި އިންތިހާބުގައި، ތިންވަނަ ދައުރަކަށް ކުރިމަތި ނުލާން ނިންމައިފަ އެވެ. ތޯރިގުގެ އިތުރުން އިންތިހާބުގައި ވާދަ ކުރަނީ ބައްސާމްގެ އެކްސްކޯގައި ހިމެނޭ މުފާވިޒް ހާޝިމް (މުފާ) އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަވީދު ބައްސާމު
23 January 2024
މޭން އެކޭ ޓޮމް މީ
ޕޮޓޭ
22 January 2024
އޭރުވެސް އަހަރެން ބުނީމެންނު ސަރުކާރު ބަލި ނުކުރެވޭނެ ޔޭ ! ދެން ކުލަބް ތަކަށް ވިސްނެން ވެއްޖޭނު! ކަމެއް ކޮއްދިނަސް ކޮއްދޭނީ އޭރެއްގަ އޮންނަ ސަރުކާރަކާ ވާހަކަ ދައްކައިގެން ހަމަ ޖެހޭ އުސޫލެއްގެ ތެރޭން.. ކިންގު ހެދިގެން ސައިކަލު ތަކަށް އަރިގެން ރަށު ތެރޭ ބާރު ބާރަށް ދުއްވިޔަސް ވާނެ ކަމެއް ނޯނާނެ!
ނިއްތޭ
22 January 2024
ސައިޒައް ކަނޑާލީ. ހަހަހަހާ
އޮނަރަބްލް އަފީފު ދީދީ
22 January 2024
ދައުލަތް ދަރަނިކޮށް ނަގާ ލޯނު ފައިސާ އަޅައިގެން ހިއްކާ ކ.އަތޮޅު ކަނޑު ފަޅު ތަކަށާއި ދައުލަތުން އަޅާ ސޯޝަލް ހައުސިންގ ފްލެޓްސް ތަކަށް ޤަބީލާ ވަންތަ ގޮތަކަށް ވެެރިވެގަނެ އެކަން ބެލޭނެ ގޮތެއް ނެތް ކަމުގައިވިޔަސް FIFA އާއި އޭއެފްސީގެ މެންބަރެއްގެ ގޮތުގައި އޮވެގެން ރޭސިސްޓް އަމަލުތައް ހިންގާ އެފަދަ ކަންކަމަށް ހިއްވަރު ދޭނަމަ އެކަން ހުއްޓުވާން ކުރެވޭނެ އެތައް ކަމެއް އެބަހުރި. އިސްލާޙީ ބަދަލަށް ނުރުހޭނަމަ ދެން އޮތީ އެގޮތް. މިކަން ބަދަލު ކުރާންޖެހޭ.
ދިވެހިންގެރާއްޖެ
22 January 2024
ބައްސާމުއަށް ފީފާގެ ބާރުވެސް ގެއްލިއްޖެ. އަލްހަމްދުލިﷲ. ޓޮމްއަށް ހައްގުގެ މަގުގައި ސާބިތުކަން ދެއްވާށި.
ެްޝެއިޚާ ހަސީނާ
22 January 2024
ބަޅެއްގެ ނަގޫ ސަންފާއޮނަކަށް ލިޔަސް އޮންނާނީ ބަޅަށެވެ.
އޮނަރަބްލް އަފީފު ދީދީ
22 January 2024
ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާން ރީޖަންކަމުގައި ކަޑައަޅާ ކޮންމެރީޖަނެއްގައި އެސޯސިއޭޝަނެއް ޤާއިމްކޮށް މިދެންނެވި 3 ރީޖަންގެ އެސޯސިއޭޝަނާއި ގަދަ ކްލަބްތައް ޙިއްސާވާ National Football Federation ހަދައި ކ.އަތޮޅު މާލޭމީހުން ފްޓުބޯލް ޙިސޯރުކޮށްފައިއޮތް އޮތުމަށް ނިމުންގެނެސް "ހަމަހަމަ ކަމާއިއެކު ވާދަކުރަން ފުރުސަތުނުދޭނަމަ" ކައުންސިލްތަކުން FA އާއިމެދު ފިޔަވަޅުއަޅާންޖެހޭ.
އޮނަރަބްލް އަފީފު ދީދީ
22 January 2024
މައްސަލައިގެ ތެރެއަށް ރާއްޖޭގެ އެހެން ރަށްރަށުގެ ފުޓްބޯޅަ ކުލަބުތަކާއި ސިޓީތަކާއި ރަށު ކައުންސިލްތަކުން ވަންނާންޖެހޭ. ފީފާއާއި އޭއެފްސީގެ ބައިވެރިވުން އޮތްކަމަށްވިޔަސް ވަކިރަށެއްގެ ކަންމަތީ ޤްރޫޕްތަކަށް ހަމައެކަނި ފުރުސަތު އޮންނަގޮތަށް ޤައުމީ މުބާރާތާއި އެފްއޭކަޕް ބާއްވަން ރުހިގެން ތިބޭކަށް ނުޖެހޭނެ. # މުޤައްދަސް ރަށްކޮޅުގެ ޓީމްތަކަށް އެކަނި ވޯޓްދެވޭނަމަ އެހެންރަށްރަށުގައި އެފްއޭގެ ޙަރަކާތް ނުހިންގޭނެކަމަށް އެރަށްތަކުން އެފްއޭއަށް އަންގާންޖެހޭ.
ނުވި ސިޓީ މޭޔަރު.
22 January 2024
ދީދީގެ ވާހަކަ ހަވަރު ތިނަދޫން ޤަބޫލުކޮށް ތިގޮތަށް އަމަލު ކުރާނެ ވާހަކަ ދަންނަވަން. އެފްއޭއެމް އަކީ މާލޭ ފުޓްބޯޅަ އެސޯސިއޭޝަން. މޯލްޑިވްސް އެއްނޫން.
ޢިހްސާސް
24 January 2024
އަފީފުބެ ނިކަން މަޤާމަކަށް ކުރިމަތިލާންވީނު.
އޮނަރަބަލް އަފީފު ދީދީ އަށް
24 January 2024
މިހާ ތިއޮއްގެން ޙަސަދައިން ރޯވެ އަނދާ ހުލިވަނީއެވެ! އެހެންނޫންނަމަ ފުނަ އޮށެއްގެ ވާހަކަ ދެއްކިޔަސް މާލެ އޭ ކިޔާފައި އެތިވަރެއް ނުގޮވީހެވެ! މާލެ، ހުމާލެ އަދި ވިލނގިލީ ތޮއްޖެހިފައި ވަނީ ރަށްރަށުން ހިޖުރަ ކޮށްފައިވާ މީހުންކަން ޤަބޫލު ކުރީހެވެ! މާލޭގައި ގިނައީ ރާއްޖެތެރޭ މީހުންކަން ޤަބޫލު ކުރީހެވެ! ގިނަ މީހުން ތިބޭ ތަނަކަށް ގިނަ ޚިދުމަތް ދޭންޖެހޭނެ ކަން ވެސް ޤަބޫލު ކުރީހެވެ!
ބައްސާމު، ސަވީދު ދިވެހި ފުޓްބޯޅައިގެ ހަލާކު
22 January 2024
الحمد لله الله أكبر
ސާބަސް ދަރިފުޅު
22 January 2024
ޓޮމްއަށް އަކީ މޮޅުމީހެއްކަމަށް ބަލައިގެންފިން. މަހްލޫފް ވިކުނީ، ޓޮމް އަކީ ބުއްދިވެރިއެއް މޮޅު ފޯވާޑެއް