ޚަބަރު / މަޖިލިސް އިންތިހާބު 2024

މަޖިލިސް އިންތިހާބަށް މާލޭގެ ދެ ސަރަހައްދެއްގައި ވޯޓުލާ މަރުކަޒުތައް ހަދަން 40 ޓެންޓު ޖަހަނީ

މާލެ: އޭޕްރިލް 10، 2021: ލޯކަލް ކައުންސިލް އިންތިހާބަށް މާފަންނު ސްޓޭޑިއަމްގައި ޖަހައިފައި ހުރި ބޮޑު ޓެންޓެއްގައި ވޯޓުލުން ކުރިއަށް ދަނީ: މަޖިލިސް އިންތިހާބަށް ވެސް މާލޭގައި ޓެންޓު ޖަހަން ވަނީ ނިންމައިފައި.-- ފޮޓޯ: ނިޝާން އަލީ | މިހާރު

އިފްރާޒް އަލީ، މިހާރު

25 ޖެނުއަރީ 2024 - 10:21

9 comments

އަންނަ މާޗު މަހު 17 ގައި ބާއްވާ ރައްޔިތުންގެ މަޖިލީހުގެ އިންތިހާބަށް މާލޭގެ ދެ ސަރަހައްދެއްގައި ޓެންޓު ޖަހައިގެން 40 ވޯޓުލާ މަރުކަޒު ތައްޔާރު ކޮށްދޭނެ ފަރާތެއް ހޯދަން އިލެކްޝަންސް ކޮމިޝަން (އީސީ) އިން އިއްޔެ އިއުލާންކޮށްފި އެވެ.

އީސީގެ އިއުލާނުގައި ބުނީ މި ފުރުސަތު ދޭނީ ބީލަން އުސޫލުން ކަމަށެވެ. އެކަމަށް ޝައުގުވެރިވާ ފަރާތްތަކަށް ބިޑް ހުށަހެޅުމުގެ ފުރުސަތު އަންނަ މަހުގެ ހަތަރަކާ ހަމައަށް އޮންނާނެ ކަމަށާއި ބީލަން ހުޅުވުން ވެސް އޮންނާނީ އެ ދުވަހު ކަމަށް އެ އިއުލާނުގައި ވެ އެވެ.

މި ފަހަރު މަޖިލިސް އިންތިހާބު ބާއްވަނީ ރޯދަ މަހުގެ ފުރަތަމަ ހަފުތާގަ އެވެ. އެއީ ސްކޫލްތަކުގެ އިމްތިހާނުތަކާ ދިމާވާ ދުވަސްވަރަށް ވާތީ، އިންތިހާބީ މަރުކަޒުތައް ހެދުމަށް ސްކޫލްތަކުގެ ހޯލުތައް ލިބުން ދަތިވާ ކަމަށް އީސީން ކުރިން ވެސް ބުނެފައި ވެ އެވެ.

މާލޭގައި ކުރިން ވެސް ޓެންޓު ޖަހައިގެން ވޯޓުލާ މަރުކަޒުތައް ހެދި އެވެ. އެއީ ކޮވިޑް-19 އާ ގުޅިގެން 2021 ވަނަ އަހަރު ލޯކަލް ކައުންސިލް އިންތިހާބަށެވެ. އެ ފަހަރު ގަލޮޅު ދަނޑާއި ދަރުމަވަންތަ ސްކޫލްގެ ބާ އިމާރާތާއި މާފަންނު ސްޓޭޑިއަމްގައި ވެސް ޓެންޓު ޖަހައިގެން ވޯޓުލުން ކުރިއަށް ގެންދިޔަ އެވެ.

މަޖިލިސް އިންތިހާބު ރޯދަ މަހާ ދިމާވާތީ، ބައެއް ޕާޓީތަކުން ވަނީ ރޯދަ މަހުގެ ފަހުން އެ އިންތިހާބު ބާއްވަން ބޭނުންވާ ކަމަށް ބުނެފަ އެވެ. އިންތިހާބު އެގޮތަށް ފަސްކުރެވޭނީ އިންތިހާބުތަކާ ބެހޭ ގާނޫނަށް އިސްލާހު ގެނެސްގެން ކަމަށް ވާތީ، އެމްޑީޕީން މިހާރު ވަނީ އެކަން ކުރަން މަޖިލީހަށް ހުށަހަޅައިފަ އެވެ.

މާލެ ރައްޔިތުންގެ މަޖިލިސް އިލެކްޝަންސް ކޮމިޝަން މަޖިލިސް އިންތިހާބު 2024

9 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހައްމަދޫ

25 January 2024

މީކޮން ބޭކާރު ޚަރަދެއް ރޯދަ މަހުކުރާކައް. ތިޔައްވުރެ މާރަނގަޅުވާނޭ ނުފޯރާ އާއިލާތަކައް ރޯދަވީއްލުން ފޯރުކޮއްދިނިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިސްއޮނަރަބަލް ޑީޑީ

25 January 2024

ޓެންޓަށް ކިޔާ ދިވެހި ލަފްޒެއް އޮންނާނެ. އެއީ ފޭލިގެ...... ނަސީރާ ރަދީފު ރުޅިއަރުވާންނޫޅޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

25 January 2024

ޤާނޫނުއަސާސީ އިސްލާޙްކޮށް މިހާރު ހުރި ދާއިރާތަކުގެ ބަދަލުގައި ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާންރީޖަން ކަމުގައިކަޑައަޅާ ކޮންމެ ރީޖަނެއްގައި "ރީޖަންގެ ރަށްވެހިންގެ ތެރެއިން" އިންތިޙާބުކުރާ 30 މެންބަރުންތިބެފައި މަޖިލިސް ގޮނޑީގެ ޖުމްލަ އަދަދު 90 ކަމަށް ހަދާބަލަ. # މީގެސަބަބުން ވޯޓްލުމުގެ އިންތިޒާމް ފަސޭހަވެ ދައުލަތުން އުފުލާންޖެހޭ މާލީ ބުރައަށްވެސް ލުއި ލިބިގެން ދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރެސްޕޮންސިބްލް

25 January 2024

ސަރުކާރުގެ/ރައީސް އޮފީހުގެ ރެސްޕޮންސިބްލް ކަމާ ހަވާލުވާންވީނޫންތޯ؟. ގުރައިދޫ ގްރެޖުއޭޓް ލެވެލްގަ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާމީހާ

25 January 2024

ތިޔަ ގޮތަށް ހެދީމާ، ވޯޓު ލުމުގެ އިންތިޒާމު ފަސޭހަވެ، ދައުލަތުން އުފުލަންޖެހޭ މާލީ ބުރައަށް ލުއިވާނެގޮތް ތަފުސީލުކޮށް ކިޔައިދީބަލަ. އޭރުންތާ އެކަން ކުރަން ތިބި ބަޔަކަށް އެކަން ކުރަންވީގޮތް އެނގޭނީ. ތިމާއަކީ، ދުނިޔޭގެ ހުރިހާ ކަމެއް އެނގޭކަމަށް ހެދިގެން، ހުރިހާ ކަމަކަށް އަނގަ ބޭނިޔަސް، ތިޔައީ ތަނެއްދޮރެއް އެނގޭ މީހެއް ހެނެއް ހިޔެއް ނުވޭ.