އިކޮނޮމިކް މިނިސްޓަރު މުހައްމަދު ސައީދު ސުވާލަކަށް ޖަވާބު ދެއްވަނީ -- ފޮޓޯ: ނިޝާން އަލީ / މިހާރު
25 ޖެނުއަރީ 2024 - 23:58
15 comments
މިއަހަރުގެ ތެރޭގައި ޑޮލަރުގެ މައްސަލަ ހައްލު ކުރުމުގެ މަސައްކަތް ކުރާނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
މި ރޭ ކެބިނެޓްގެ މެންބަރުންނާ އާންމުން ސުވާލުކުރުމަށް ބޭއްވި "އަހާ ފޯރަމް" ގައި ސައީދު ވިދާޅުވީ ވިޔަފާރިތަކަށް ދިމާވެފައިވާ އެންމެ ބޮޑު ގޮންޖެހުމަކީ ވިޔަފާރިތަކަށް ބޭނުންވާ ޑޮލަރު ރަސްމީ ރޭޓުގައި ނުލިބުން ކަމަށެވެ. ވިޔަފާރިތަކުން ޑޮލަރު ގަންނަން ޖެހެނީ ރަސްމީ ރޭޓަށް ވުރެ މާ ބޮޑު އަގެއްގައި ކަމަށް އޭނާ ވިދާޅުވި އެވެ.
"ރަސްމީ މާކެޓުގައި 15.42ރ. އަށް ހުއްޓަސް ވަރަށް އެކްޓިވް ޑޮލަރު މާކެޓެއް އެބައޮތް. މި ހަގީގަތާ އެބަޖެހޭ ކުރިމަތިލާން. ރައީސްގެ މަސައްކަތުގައި ވަރަށް ޓާގެޓެޑް މަސައްކަތްތަކެއް އެބަހުރި. އަޅުގަނޑު ޔަގީންކަން އަރުވަން މިއަހަރު ތެރޭގައި މި އެކްސްޗޭންޖު ރޭޓު ހަމަޔަކަށް އެޅުވުމުގެ މަސައްކަތް ކުރާނަން،" އޭނާ ވިދާޅުވި އެވެ.
"އަހާ ފޯރަމް" ގައި މީހަކު މިނިސްޓަރުންނާ ސުވާލު ކުރައްވަނީ -- ފޮޓޯ: ނިޝާން އަލީ / މިހާރު
ވޭތުވެދިޔަ އަހަރުގެ މެދާ ހަމައިން ކަޅު ބާޒާރުގައި ޑޮލަރުގެ އަގު ވަނީ 18ރ. އަށް ވުރެ މައްޗަށް އަރާފަ އެވެ. އޭގެ ކުރިން 2021 އަހަރާ ހަމައަށް ކަޅު ބާޒާރުގައި ޑޮލަރުގެ އަގު އުޅުނީ 17.20ރ.-17.50 އާ ދެމެދުގެ އަގެއްގަ އެވެ. ކޮވިޑުގެ ތެރޭގައި ޑޮލަރުގެ އަގު ކަޅު ބާޒާރުގައި 20ރ. އަށް ވެސް އަރާފައިވެ އެވެ.
ޑޮލަރު ތާށިކަން ބޮޑުވެފައިވާ އިރު ރާއްޖޭގެ ރިޒާވު ވެސް ފާއިތުވެދިޔަ ދުވަސްތަކުގައި ވަނީ ވަރަށް ބޮޑަށް ދަށަށް ގޮސްފަ އެވެ.
ސައީދު ވިދާޅުވީ ވިޔަފާރިތަކަށް ފަހި ފުރުސަތުތަކެއް ފަހިކޮށްދިނުމަށް ސަރުކާރުން ކުރިއަށް އޮތްތަނުގައި ވެސް އިތުރު މަސައްކަތްތައް ކުރާނެ ކަމަށެވެ. އޭނާ ވިދާޅުވީ، ވިޔަފާރިތަކަށް އެންމެ ފުރަތަމަ ދޫކުރާ 100 މިލިއަން ރުފިޔާ ނުވަތަ 50 މިލިއަން ރުފިޔާގެ ލޯނުގެ ތެރެއިން 25 ޕަސެންޓު ހާއްސަ ކުރާނީ ހާއްސަ އެހީއަށް ބޭނުންވާ ފަރާތްތަކަށް ކަމަށެވެ.
"އަޅުގަނޑުމެން މިހާލަތު ބަދަލު ކުރާނަން. އެއީ ވަރަށް ފަހަކަށް ވެސް ނޫން. ވަރަށް އަވަހަށް އިރާދަކުރެއްވިއްޔާ ނަތީޖާތައް ފެންނަމުންދާނެ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔޯޔޯ
26 January 2024
ވިޔަފާރި ތަކަށް އެކަނިތަ ޑޮލަރު ރޭޓު ހަމަޔަކަށް އަޅުވައިދެނީ؟ އާންމުން އަދިވެސް ބޮޑު އަގުގައި ކަޅު ބާޒާރުގައި ޑޮލަރު ގަންނަންވީ؟
އަލިފްް
26 January 2024
ތިޔަ ކަމަކީ ފެން މެޓާ ކަމެއް. އެކަމަކު ތިކަމެއް ނުވާނެ. ނެތް ގަޓެއް. ރިސޯޓްތަކުގެ އެކައުންޓް އޮންނަނީ ބޭރު ގައުމެއްގަ. ގާނޫނެއް ހަދާ ރިސޯޓްއަށް ވަންނަ ފައިސާ ވަންނަން ޖެހޭނީ ރާއްޖެގެ އެކައުންޓަކަށް ކަން. ޑޮލަރު ހުންނާނެ ރާއްޖޭގަ އޭރުން. އެމްއެމްއޭ އަށް ބާރު ފޯރާ ހިސާބުގެ ހުންނާނެ. މިހާރު ހުރީ ރިސޯޓް އޯނާސް އަތުގަ ކޭޝް ކޮށް. މަކަރެއް ނުހެދޭނެ މީރާއަށް ހުށައަޅާ ރިޕޯޓާ އެކައުންޓް އަޅާ ކިޔާލީމަ. އެކަމް މިކަން ނުވާނެ. އެވަރުގެ ގަޓު ހުރި މީހެއް ނެތް.
ހާއަލިފު
27 January 2024
ތިގޮތަކަށް އަދި ނުވާނެ. އެމީހެއްގެ ވިޔަފާރީގެ އެކައުންޓް ހުޅުވާނެ ބޭންކެއް އެގޭނީ އެމީހަކަށް. އެގޮތަށް ނުވަންޏާ ދެން ހެދިދާނެ ގޮތަކީ ބޭރުގައި ކުންފުންޏެއް ރަޖިސްޓްރީކޮށް ހުރިހާ ބުކިންގް އަދި އެހެނިހެން ފައިސާވެސް އެއެކައުންޓަކަށް ޖަމާކުރީމާ ދެންކިހިނެއްބާ ހަދަންވާނީ؟
މިޑްނައިޓް
26 January 2024
ސައީދު…. ނުކުރެވޭނެ އިގޭތޯ؟؟ މިބާވަތުގެ ކަންކަމަކީ ހެދުންއަޅާފަ ހުންނަ ގޮތަކުން ނުވަތަމީހާ ވާހަކަދައްކާ ރާގުން ކުރެވޭ ކަމެއްނޫން.. ނިންމާލަމުން މިދަންނަވަނީ ޑޮލަރު އަގޮހެޔޮނުކުރެވޭނެ..
އޯނަރު
26 January 2024
ރިޒޯޓް ތަކަށް ވަންނަ ޑޮލަރު ދިވެހިރާއްޖޭގެ ބޭންކްތަކަށް ވަންނަން ޖެހޭ ގޮތް ހަދާބަލަ. ދިވެހިރާއްޖޭގެ ޕޭމަންޓް ގޭޓްވޭއަކުން ނޫނީ ޕޭމަންޓް ނުހެދޭގޮތަށް ހަދާބަލަ އޭރުން ގައިމުވެސް ޑޮލަރު ތިޔާގިވާނެ. ހަމައެކަނި ރިޒޯޓް ޓެކްސް އިން ލިބޭ ޑޮލަރު މިހާރު މިހުންނަނީ. އެހެން ހުރިހާ ޑޮލަރެއް ރިޒޯޓް އޯނަރުން ހުންނަނީ ބޭރުގައުމު ތަކުގެ އެކައުންޓްތަކުގަ. ނޫނީ ތިޖޫރީ. ދެން ކަޅުބާޒާރަށް މިނެރެނީ.
ނަނަނަ
26 January 2024
ހެޑްލައިން ސަރުކާރު
ބަވސވަ
26 January 2024
އެއީ ކުރަންޖެހޭ މުހިއްމު މަކަމެއ. އަދިވެސް ވައުދުވާތަން މިފެންނަނީ. އިކޮނޮމިކު މިނިސްޓުރީން ބުނަނީ ޤާނޫނާއި ޤަވާޢިދަށޭ ކުންފުނުިތައް ހިންގަންވަނީ. އެކަން ކުރޭތޯ ބަލާ ނުކުރާމީހުން ޒިންމާދާރުކުރުވާބަލަ. ޑޮލަރު އެމީހުން ވިއްކަނީ 18 އިން މަތީގައިކަން ނޭނގެ ވެރިއެއް ދަރިއެއް ހިޔެއްނުވެ ހުރިހެނެއް. އެމީހުންނަށް ހުއްދަދީފައިވަނީ 15.42 އަކަށްވުރެ ބޮޑުކޮށް ނުވިއްކުމަށް . މިކަން ހައްލުކުރަން 10 އަހަރު ބޭނުންވޭތަ؟ އަޖާއިބު
ނުފެނޭ
26 January 2024
ކުރާނަން ކުރާނަން ކުރާނަން. ކުރާތަނެއް ނުފެނޭ
ފެނޭތަ
26 January 2024
އެއީ ކޮންކްރީޓްއަޅާހެއް ކުރާކަމެއްނަމަ ފެންނާނެ.
ނުފެނެޔޭ
26 January 2024
ދޮންކަލޯ އެއީ އަނގައިން ކުރާކަމެއްތޭ.
އެޗް އެމް
26 January 2024
ހަމަޔަކަށް އަޅުވަން މަސައްކަތް ކުރާނެ ވާހަކަ. އަޅުންނަތް އޮތީ މަސައްކަތް ކުރުން.
ކުރާށޭ
26 January 2024
ޑޮލަރުގެ އަގު ހަމަ ރޭޓުގައި ލިބޭނީ ޗައިނާ އާއި ރާއްޖެ އާއި ދެމެދު ކަރަންސީ ސްވެޕް ހަދައިގެން އެގޮތުން މަހަކު 500 މިލިއަން ޔުއާން ރާއްޖެ ގެނެސް އެއަށްވާ ވަރަށް ދިވެހި ފައިސާ ޗައިނާ އަށް ދިނުމުން ނިމުނީއޭ ދެން ޗައިނާ އިން ހިލޭ އެހީގެ ގޮތުގައި އެފައިސާ ދ3ނީ ރާއްޖެއަށް އެއިރުން ދެން އިންޑިއާ އަށް ނުފުއްޕޭނެ ކަން ޔަގީން ކަށަވަރު މިކަން ކުރާށޭ ކުރާށޭ ކުރާށޭ
ތަބަޅާއަލިބޭ
26 January 2024
ކާކުބާ މިހެންބުނީ. މަމިބުނީނުން ނުވާނެއޭ! ފުރަތަމަ ކަމަކަށް ދިވެހިރާއްޖެ އަށް އެތެރަވާ ބިދޭންސީ ވިޔަފާރިކުރަން ޖެހޭނީ ދިވެހި ރުފިޔާއިން ކަމަށް ކަޑައަޅާ ބޭރުފައިސާ މާރުކުރަން ލައިސަންދީގެން ނޫނީ ފައިސާ މާރުނުކުރެވޭ ގޮތަކަށް ހަދަންކެރޭނެބާ.
ބަކަމޫނުސް
26 January 2024
މިހާރުވެސް ލައިސަންސް ނަގައިގެން މަނީ އެކަސްޗޭންޖް ނުވަތަ މާރުކުރާ ބޯޑުޖަހައިގެން ކުރާތަންތަން ގިނައީ. އަމިއްލަމީހުން ކުރާ މާރުކުރުން ހުއްޓާނެގޮތެއް ނޯންނާނެ. އެއްޗެއްގެ އަގުކަނޑައަޅޭނީ ޑިމާންޑް އެންޑް ސަޕްލައިގެ މައްޗަށް. ބާޒާރުން ފިޔާހުސްވީމާ އަގުއަރާނެ 20ރ 30ރ އަށް.