ފެނަކައިގެ މުވައްޒަފުންތަކެއް، ޖެން ސެޓެއް އެސެމްބަލް ކުރަނީ.--
27 ޖެނުއަރީ 2024 - 22:35
37 comments
ފުވައްމުލަކަށް ދިމާވެފައިވާ ކަރަންޓުގެ މައްސަލަ ހައްލު ކުރުމަށްޓަކައި، ގދ. ގައްދޫގައި ބޭނުން ނުކުރާ ޖަނެރޭޓަރެއް ގެންދަން އުޅުމުން އެ ޖަނެރޭޓަރު ބޭލިޔަ ނުދީ ގައްދޫގެ ބަޔަކު މިރޭ އިހުތިޖާޖު ކޮށްފި އެވެ.
ފުވައްމުލަކުގައި ހިންގަމުން އައި ޖަނެރޭޓަރަކަށް ގެއްލުން ލިބި ލޯޑު މަތިވާ ގަޑިތަކުގައި ކަރަންޓު ކެނޑެން ފެށީ މިދިޔަ މަހުގެ ކުރީކޮޅު އެވެ. އޭރުއްސުރެ ފެނަކައިން އައީ ގައްދޫގައި ހުރި ޖެނެރޭޓަރު ފުވައްމުލަކަށް ގެންދަން މަސައްކަތް ކުރަމުންނެވެ.
މައްސަލަ ހައްލު ނުވެ، ފެނަކަ އިން ދަނީ ކޮންމެ ދުވަހަކު ވަކި ވަގުތުތަކެއްގައި ފުވައްމުލަކުގެ އެކި ސަރަހައްދުތަކުން ކަރަންޓު ކަނޑަމުންނެވެ.
ގައްދު އަށް ފެނަކައިން ގެންގޮސްފައި ހުރި ޖެނެރޭޓަރު (ޖެންސެޓް) އެހެން ރަށަކަށް ގެންދަން އެ ކުންފުނިން މަސައްކަތް ކުރުމުން ގައްދޫގެ މީހުން އިހުތިޖާޖަށް ނުކުތީ މިރޭ އިރާކޮޅު އެވެ. އެހެންވެ، ގައްދޫގެ މީހުންނާ ދެކޮޅަށް ޖަނެރޭޓަރު ގެންދަން ބޭނުން ނުވާތީ އެ މަސައްކަތް ފެނަކައިން މިހާރު ވަނީ މަޑުޖައްސާލައިފަ އެވެ.
ފެނަކައިގެ މެނޭޖިން ޑިރެކްޓަރު މުއާޒު މުހައްމަދު ރަޝީދު "މިހާރު" އަށް ވިދާޅުވީ ގައްދޫގައި ހުރި ޖެނެރޭޓަރަކީ އެ ރަށުގައި އިމާރާތް ކުރަމުން އަންނަ އާ އިންޖީނުގެ އަށް ގެންގޮސްފައި ހުރި އެއްޗެއް ކަމަށެވެ.
"އެތަން އަޅާ ނިމުނީމާ އެ ބޭނުން ކުރެވޭނީ. މިހާރު އެ ހުރީ ބަނދަރުމަތީގައި ބަހައްޓާފައި،" މުއާޒު ވިދާޅުވި އެވެ.
ފުވައްމުލަކަށް އެ ޖެންސެޓް ގެންދަން މަސައްކަތްކުރީ އެ ރަށުގެ ކަރަންޓަށް މި ވަގުތަށް ދިމާވެފައިވާ މައްސަލަ އަށް ވަގުތީ ހައްލެއް ހޯދަން ކަމަށް އޭނާ ވިދާޅުވި އެވެ.
"ފުވައްމުލަކަށް ބޭނުންވަނީ 800 ކޭވީއޭ ޖެންސެޓެއް. ރާއްޖޭގައި މި ވަގުތު ނެތުމުން އެ ގަންނަން ދުވަސް ނަގާނެތީ، އެ ރަށަށް ދިމާވެފައިވާ ކަރަންޓުގެ މައްސަލަ ހައްލު ކުރަން 800 ގެ އެއްޗެއް ހުރީ ހަމައެކަނި އެ ގައްދޫގައި ކަމަށް ވުމުން އެ ރަށުން ފުވައްމުލަކަށް ގެންދަން އުޅުނީ،" އެމްޑީ ވިދާޅުވި އެވެ.
މުއާޒު ވިދާޅުވި ގޮތުގައި ގައްދޫގެ ޖަނެރޭޓަރު ފުވައްމުލަކަށް ގެންދަން އުޅުނީ ފުވައްމުލަކަށް ބޭނުންވާ 800 ކޭވީގެ ޖަނެރޭޓަރު ލިބުމުން އަނބުރާ ގެންދާ ގޮތަށެވެ.
މިއަދު އެ ޖެންސެޓް ބަލައި ފެނަކައިން ދޯންޏެއް ގައްދު އަށް ފޮނުވުމުން އެ ރަށު ބަޔަކު އެގޮތަށް ގަބޫލު ނުވެ، ހިތްހަމަ ނުޖެހުނީ ކަމަށް ވެސް މުއާޒު ވިދާޅުވި އެވެ.
އެއީ ފެނަކައިން އެ ރަށަށް ގެންގޮސްފައިވާ އެއްޗެއް ކަމަށާއި ބޭނުން ނުކުރާ ނަމަ ނުވަތަ އެ ބޭނުން ކުރަން ޖެހޭ ހާލަތެއް މެދުވެރިވެއްޖެ ނަމަ ގެންދިއުމުގެ ބާރު ފެނަކައަށް އޮވެ އެވެ.
މުއާޒު ވިދާޅުވީ ގައްދޫގައި އިން ޖެންސެޓް ފުވައްމުލަކަށް ނުގެންދެވިގެން އުޅެނީ އެ ރަށު ބަޔަކު އެކަމާ ހިތްހަމަ ނުޖެހިގެން އުޅޭތީ ކަމަށާއި ނަމަވެސް ރައްޔިތުންނާ ދެކޮޅަށް، ގަދަކަމުން ނުގެންދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައްދ
28 January 2024
ކޮންފަދަ ނުބައި ބައެއް. ކޮބާތަ އެއްބައިވަންތަކަން؟
ބަރުބާދު
28 January 2024
ސަރުކާރެއްހިންގޭނީ ކޮންމެސްވަރަކައް ތެޅިމިރުހާ ، ގިތެޔޮމިރުހާވެސް ބޭނުންކޮއްގެން.!!!
ސޯސްފުޅު
28 January 2024
ފެނަކަ ސައީދުއަށް ވަގަށް ގޮވިދާނެއެވެ. ފަހަރުގައި ވައްކަންވެސް ކޮށްފައި އޮވެދާނެއެވެ. ނަމަވެސް ފެނަކައިގެ ރަށްތަކުން ސައީދުގެ ދައުރުގައި ކަރަންޓް ކެނޑި މިހާލަތަށް ނުދެއެވެ. އަދި ސައީދުއޭ ކިޔައިގެން ފެނަކައަށް ސަރުކާރުން ލެއްވި އެމްޑީއަކު ސިޔާސީ ގޮތުން ދައްކާ ވާހަކައަކީ އިތުބާރުހިފޭނެ ވާހަކައެއް ނޫނެވެ. ސައީދުވެސް ތިޔަހެން ނިމާލުގެ ވާހަކަ ދެއްކިއެވެ. ހަގީގަތަކީ މިކަހަލަ ވާހަކައަކީ ސިޔާސީވާހަކަ ކަމެވެ. މިހާރުގެ ފެނަކަ އެމްޑީ އަތަށް ގޮވީ ނޭގޭތީއެވެ.
ތެފައާސާ.
28 January 2024
ގައުމިއްޔަތުގެ ކުރިން ފުރަތަމަ އިހަށް ކިޔަވައިދީބަލަ ހިއުމެނިޓީއާ އެމްޕަތީއާ ޝެއަރިންގ އިޒް ކެއަރިންގއާ މި ޒާތުގެ އެއްޗެހި...!!
ހަސަންސިން
28 January 2024
ކުންފުނިތަކުން ކުރަން ޖެހޭ ކަމަކީ އަޚްވަންތަކަމާއި ދިނާއި އެއްބައިވަންތަކަމާއި ގުޅިގެން ކުރަންޖެހޭ ކަމެއް ނޫނެވެެ. އެހެން ނޫންނަމަ ފެނަކަ އެމްޑީއަކަށް މިސަރުކާރުން ވެއްދިމީހާ ތިމަންނާ ކުންފުނި ހިންގާނީ ވިޔަފާރި އުސޫލުން ކަމަށް ބުނެ ފެނަކައިން މިވީ ހުރިހާ ސަރުކާރުތަކުން ހިންގަމުންދިޔަ ކޮމިއުނިޓި އޮރިއެންޓެޑް މޮޑެލްއާއި ދެކޮޅުހަދައި ގަދަބަސް ނުބުނާނެއެވެ. ދެން ޖެނެރޭޓަރެއް ވިޔަފާރި އުސޫލުން ބައްލަވައިގެނެގެން ކަރަންޓް ދޭންވީ ނޫންތޯއެވެ.
ރަންނަ
28 January 2024
އެރަށު މީހުންނަށް އެ ކުރެވެނީ ގާނޫނީ ކުށެއް. ކުންފުންޏެއްގެ މުދާ ހިސޯރެއް ނުކުރެވޭނެ
ސައިނީސް
28 January 2024
ރަގަޅު ތި ގެންސެޓް ގެންގޮސް ފިއްޔާމު އަބުރާ ނުގެނެވޭނެ ދޯ!
އަސްމާ
28 January 2024
ޒަމާނުއްސުރެން ދިވެހިންނަކީ އެއްބަޔަކު އަނެއްޔަކަށް އެހީތެރިވުމުގެ ސަގާފަތެއް އޮތްބައެއް، މިއަދުގެ ޙާލަތަކީ ތިޔައީ ކަމަށްވާނަމަ، މާދަމާ ގައްދޫ އަށް ތިޔަފަދަ ބޭނުންތެރި އެހެން ޙާލަތެއް ދިމާވެއްޖެނަމަ އެހީތެރި ވުމުގެ އަތެއް ދޭނީ ކޮން ރަށަކުންބާ؟؟ގައްދޫ ރައްޔިތުންނަށް ސަލާމް?
ކަހެރުވައް
28 January 2024
ދިވެހީންގެ އެކުވެރިކަމާ، އެއް ބައެއް ވަންތަކަމާ، އެކަކު އަނެކަކަށް އަޅާލުމާ، މުސްލިމު އަޚުވަންތަކަން އިވި، ފެނި، މި ހުންނަނީ ނިޔަފަތީގައި ކޮޅުގައި ދަތް އެޅުނުގޮތަށް ނަގާންވެސް ނޭނގިފަ...
މައްލި.
28 January 2024
ދިވެހިން ކެތްތެރިވީމާ އެމީހުންގެ ފައިސާއާއި އެމީހުންގެ ޤައުމު ވިއްކާލައިގެން ހޯދާ ފައިސާއިން ކ.އަތޮޅު މާލެ ސިންގަޕޫރު ފެންވަރަށް ތަރައްޤީކޮށްފައި އެމީހުން ނަޖިސްފެނުން ފެންވަރައި ގުއިވަޅުން ފެންބޯން ޖެހި ބަލިވީމާ ޕެނަޑޯލް ގުޅައަކުން ފުއްދާލައިގެން މާތްވެގެންވާ މާލޭ މީހުން އުފަލުގައި ވުމަށް އެދިގެން ތިބެނީވެސް.
އަފީފު ހ އ ދިއްދޫ
28 January 2024
މުޅިއަކުން ގޯހެއްނޫން ހއ ދިއްދޫގައި އިމާރާތްކުރާ އިންޖީނުގެ މަސައްކަތްތަކުގައި ބޭނުންކުރާ އެއްމެހާ އެއްޗެހި ވޭތުވެދިޔަ ހަތަރު އަހަރު އެހެންރަށްތަކަށް ބޭރު ކުރުމުގެ ސަބަބުން ދިއްދޫ އިންޖީނުގެ މަސައްކަތް އެއޮތީ ހުއްޓިފައި އެކަން ކުރި ބޮޑެތި ބޭކަލުން ވަނީ ތަންދޫކޮށްލައި ވިމޮޅައިގެން ދުރަށް ގޮސްފައެވެ
ބޓ އަދުރޭ
28 January 2024
ޤައުމުގެ ރައްޔިތުންގެ ދޭދޭ ފަރުދުން ލޯބިވާވަރު މިއެނގެނީ، ފަލަސްޠީން އާޖެހުނީމަ ފޮށީގަ ފޮރުވާފަ އޮންނަ ފައިސާފޮތި ވެސްދެވޭނެ ެކަމަކު ދިވެހި އެހެން އުޅުތަކަށް އެހީވުމަކީ ހަރާމްކެއް. ޤައުމު އިތުރަށްވާނީ ފަސާދަ އަދިދާނީ ގޯހުން ބާރުތައް އެއްކުރުމާ ނާޖާއިޒުފައިދާ ހޯދުން. ސަރުކާރު ކުންފުނިތަކުގެ މުދާ ބޭނުން ޖެހޭ ކޮންމެތަނަކަށް ގެންދެވެންވާނެ ރުއްސަން ޖެހޭކަމެއް އޮވެގެން ނުވާނެ.
ރޫހުނެތުން
28 January 2024
ދިވެހިންގެ ތެރޭގައި އެއްބަޔަކު އަނެއް ބަޔަކަށް ހަމްދަރުދީ ނުވުމާއި އަމިއްލަ އެދުން ބޮޑުވުމުން ދިމާވަމުންދާ ކަންކަން. ޖެހިގެން އޮންނަ ރަށުގެ ރައްޔިތުން ކަނު އަދިރީގައި ތިބެން އޯކޭވޭ. އެކަމަކު ރަށުގައި ހުންނަ ޖަނަރޭޓަރު އަނެއް ރަށަށް ގެންދިއުން އޯކޭ ނުވޭ. ބައެއްގެ އަމިއްލަ އެދުން ބޮޑުވެފައި ގޮތްފާޑުގަނޑު ބޮޑުވާނީ މިހާކަށްހާވަރަށް.