ޔޫކޭގެ ސިފައިންގެ އުޅަނދަށް ހޫތީން ދޭން އުޅުނު ހަމަލާއެއް ނާކާމިޔާބުކޮށްލައިފި

ހޫތީންގެ ހަމަލާތައް އިތުރުވުމުން ރަތްކަނޑުގައި އިޒްރޭލުގެ މަނަވަރެއް ހަރަކާތްތެރިވާއިރު މީހަކު ބަލަހައްޓައިގެން. -- ފޮޓޯ: އޭއެފްޕީ

29 ޖެނުއަރީ 2024 - 06:19

2 comments

ރަތްކަނޑުގައި އުޅަނދުތަކަށް ހަމަލާދެމުން ގެންދާ، ޔަމަންގެ ހޫތީން އިނގިރޭސި ވިލާތުގެ ކަނޑުގެ ސިފައިންގެ އުޅަނދަކަށް ދޭން އުޅުނު ހަމަލާއެއް ނާކާމިޔާބުކޮށްލާފައިވާ ކަމަށް އިނގިރޭސި ވިލާތުގެ ޑިފެންސް މިނިސްޓަރު ގްރޭންޓް ޝެޕްސް އިއްޔެ ވިދާޅުވެއްޖެ އެވެ.

އޭނާ އެކްސްގައި ކުރެއްވި ޕޯސްޓެއްގައި ވިދާޅުވީ ސިފައިންގެ އުޅަނދު އެމްއެމްއެސް ޑަޔަމަންޓަށް ހަމަލާދޭން އުޅުނީ ހޮނިހިރު ދުވަހު ކަމަށެވެ. މި ހަމަލާ ދޭން އުޅުނީ ޑްރޯންއެއް ބޭނުންކޮށްގެން ކަމަށާއި އެކަމަކު އުޅަނދުގައި ހުރި ދިފާއީ ނިޒާމުން ޑްރޯން ގޮއްވާލީ ކަމަށް ވިދާޅުވި އެވެ.

"އުޅަނދުގެ މިސައިލް ޑިފެންސް ސިސްޓަމް 'ސީ ވައިޕަ' އިން ވަނީ އުޅަނދަށް ހަމަލާދޭން އުޅުނު ޑްރޯން ނައްތާލާފައި،" ޝެޕްސް ވިދާޅުވެފައިވެ އެވެ.

އޭނާ ވިދާޅުވީ އުޅަނދަށް ވެސް އަދި މީހަކަށް ވެސް މި ހާދިސާގައި އެއްވެސް ގެއްލުމެއް ނުވާ ކަމަށެވެ.

އިޒްރޭލުން ފަލަސްތީނުގެ ޣައްޒާއަށް ދޭ ހަމަލާތަކުގެ ބަދަލު ހިފަން ކަމަށް ބުނެ ހޫތީން އުޅަނދުތަކަށް ދޭ ހަމަލާތައް މަދުކޮށް، ހޫތީންގެ ބާރު ކުޑަކުރުމަށް މި މަހުގެ 12 ވަނަ ދުވަހު އެމެރިކާ އާއި އިނގިރޭސި ވިލާތުން ވަނީ ޔަމަންގައި ހޫތީންގެ ބާރު އޮންނަ ސަރަހައްދަށް ވައިގެ މަގުން ހަމަލާ ދީފަ އެވެ. އަދި އޭގެ ފަހުން ވެސް އެކި ފަހަރުމަތިން ހަމަލާ ދީފައިވެ އެވެ. -- އޭއެފްޕީ

ހޫތީ ޔަމަން އިގިރޭސިވިލާތް

2 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އީމަން

30 January 2024

ޔަމަންގެ އަންސަރު“ﷲ”(ހޫތީން) ގެ އަމަލު ތަށް ހުރީ ބައިނައްލަޢްވާމީ ގާނޫނު ތަކާ އެއްގޮތަށް . އެޔާ ހިލާފަށް އިނގިރޭސި ވިލާތާއި އަދި އެމެރިކާގެ ކަނޑު ސިފައިންގެ ކަނޑު އުޅަނދު ތަކާއި ވައި ސިފައިންގެ ވައިގެ އުޅަދުތަކުގެ އަމަލު ތަށް ހުރީ ބައިނައްލަޢްވާމީ ގާނޫނު ތަކާ އެއްގޮތް ވާ ގޮތަކަށް ނޫން !