ރައީސް ވިދާޅުވި ގޮތަށް ވިނަރެސް ފްލެޓްތަކުން 4،200ރ. ކަނޑާލައިފި

ވިނަރެސް ފްލެޓްތައް. އަނެއްކާ ވެސް އަގު ހެޔޮކޮށްދީފި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

01 ފެބުރުއަރީ 2024 - 16:47

ރައީސް ޑރ. މުހައްމަދު މުއިއްޒު މިދިޔަ ޑިސެމްބަރު މަހު ވައުދުވެވަޑައިގެންނެވި ގޮތަށް ހުޅުމާލެ 2 ގެ ވިނަރެސް ފްލެޓްތަކުގެ އަގުން 4،200ރ. އެޗްޑީސީ އިން މިއަދު ކަނޑައިދީފި އެވެ.

އެ ކުންފުނިން ނެރުނު ބަޔާނެއްގައި ބުނީ، އިންޓްރެސްޓް ރޭޓު ނުވަ ޕަސެންޓުން ހަ ޕަސެންޓަށް ކުޑަކުރުމަށް ފަހު، ދައްކަން ޖެހޭ އަދަދުން އިތުރު 4،200ރ. ކުލިން އުނި ކުރާނެ ކަމަށެވެ. އެ ބަދަލާ އެކު، ވިނަރެސް ފްލެޓްތަކުގެ ކުލީގެ ގޮތުގައި ދައްކަން ޖެހޭ އަދަދު 9،000ރ. އާއި 13،000ރ. އާ ދެމެދުގެ އަދަދުތަކަކަށް ކުޑަވާނެ އެވެ.

އެޗްޑީސީ އިން އެ ބަދަލު ގެނައީ ވިނަރެސް ފްލެޓްތަކުގެ ކުލިތައް 10،000ރ. އަށް ކުޑަކޮށްދޭން އެދި ފްލެޓު ލިބުނު ގިނަ އަދަދެއްގެ މީހުންގެ ޕެޓިޝަނެއް ރައީސް އޮފީހަށް ހުށަހަޅާފައި ވަނިކޮށެވެ.

އެ ކުންފުނިން ބުނިގޮތުގައި، ބޭންކު މެދުވެރިކޮށް ނުވަތަ އަމިއްލަ ފައިސާ އިން އެއްފަހަރާ އަގު އަދާކުރާ އުސޫލުން ވިނަރެސް ފްލެޓްތައް ގަނެފައިވާ މީހުންނަށް ވެސް މިއަދު އާންމުކުރި ލުއިތައް ލިބޭނެ އެވެ. ބޭންކު ލޯނަށް އެވްރެޖުކޮށް ދައްކަން ޖެހޭ އަދަދުން 4،200ރ. އެވްރެޖުކޮށް ކުޑަކުރާނެ ގޮތަށް ފްލެޓުގެ އަގުން ޑިސްކައުންޓް ދޭނެ ކަމަށް އެޗްޑީސީ އިން ބުންޏެވެ.

އަމިއްލަ ފައިސާ އިން އެއްފަހަރާ އަގު އަދާކުރާ މީހުންނަށް ފްލެޓުގެ އަގުން ވެސް އެ ވަރުގެ ޑިސްކައުންޓެއް ދޭނެ ކަމަށް އެޗްޑީސީން އިން ބުންޏެވެ.

އެ ކުންފުނިން ބުނީ، މިހާތަނަށް ކުލި އެއްކޮށް ދައްކާފައިވާ މީހުންނަށް ޑިސްކައުންޓަށް ފައިސާ އަނބުރާ ދެވޭނެ ގޮތްތަކެއް ހަމަޖެއްސުމުގެ މަސައްކަތް ވެސް ކުރަމުން އަންނަ ކަމަށެވެ. ޑައުންޕޭމެންޓަށް ވާ އަދަދުގެ 50 ޕަަސެންޓު އަގުން އުނިކުރި އިރު، އޭގެ ކުރިން އަގު އަދާކުރި މީހުންނަށް އެ ޑިސްކައުންޓަށް ވާ ފައިސާ އަނބުރާ ދެވޭނެ އިންތިޒާމު ހަމަޖައްސާނެ ކަމަށް އެޗްޑީސީން ބުންޏެވެ.

އަލަށް މި ގެނައި ބަދަލުގެ ސަބަބުން އެއްބަސްވުންތަކަށް ބަދަލު ގެނައުމުގެ މަސައްކަތްތައް އެ ކުންފުނިން މިހާރު އަންނަނީ ކުރަމުންނެވެ.

ވިރަނެސް ފްލެޓްތަކުގެ ގޮތުގައި 1،344 ފްލެޓް ހިމެނޭ 13 ބުރީގެ 10 ޓަވަރު ވަނީ އިމާރާތް ކޮށްފަ އެވެ. ވިނަރެސްގައި ހުރި ތިން ކޮޓަރީގެ އެޕާޓްމެންޓްތައް ވިއްކަނީ 2.5 މިލިއަން ރުފިޔާ އާއި 2.7 މިލިއަން ރުފިޔާއާ ދެމެދުގެ އަގުތަކެއްގަ އެވެ.

ހުޅުމާލެ ބޯހިޔާވަހިކަން ހުޅުމާލޭ ދެ ވަނަ ފިޔަވަހި ވިނަރެސް ފްލެޓްތައް ރައީސް ޑރ. މުހައްމަދު މުއިއްޒު ފްލެޓް އެޗްޑީސީ

43 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޮނިކް

03 February 2024

ކުރިން ފޯމަނުލެވުނީ ސޯސަލް ހައުސިން އަކަށްނުވީމަ. ވިޔަފާރިއުސޫލުން ވިއްކާތަނަކަށްވެފަ ލޯނުނަގައިގެން މަންތުލީ ދައްކަންޖެހޭވަރު ބޮޑުވީމަ. މިސަރުކާރުން ތިތަނުގެ ކުލިކުޑަކުރުމަކީ ވަކިބަޔަކަށް ނާޖާއިދު މަންފާހޯދާދިނުން. ނޫނީ އެބަޖެހޭ އެފުރުސަތު އެހެންމީހުނަށްވެސް ހުޅުވާލަދޭން. ހަމަހަމަވާން. ވިއްކަންނެރިނުއަގުގަނިމެންވާނީ. އެއަގަށްއެއްބަސްވެގެން އެގަތީ އެއީ ލަގުޒަރީ ދިރިއުޅުން ހޯދިބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޮރީގް

07 February 2024

ވިނަރެސް އަކީ ލަގްޒަރީ އެއް ނޫން... ވިނަރެސް އަކީ އާދައިގެ ތަނެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިނަރެސްގެ ފާނު

02 February 2024

ހިޔާޓަވަރުން ކުލި އެއްކޮށް ކެނޑިޔަސް ތިންވަނަ ފަރާތަކަށް ކުއްޔަށްދޭ އަގު 14ހާހަށްވުރެ ކުޑަނުވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޗުޑީސީ

02 February 2024

ތީ ހަމަ ބޮޑު އޮޅުވާލުމެއް. ކުލިން އުނި ކުރި ކަމަށް އެ ބުނާ ރުފިޔާ އަކީ އިބޫ ސަރުކާރުން 6 ޕަސެންޓަށް އިންޓްރެސްޓް ކުޑަކުރުމުން ކުލިން މަދުވި އަދަދު. މިހާރުވެސް ދައްކަން ޖެހޭނީ ހަމަ އެކައްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިނު

01 February 2024

ކަޑަންވީ ކުލިކުޑަކުރާވަރަކަށް ބޮޑުއަގުގަ ކުއްޔައްދީގެން އެމީހުންނަށް ރަގަޅުވާނެ . ކުއްޔަކާނުލާދޭނަމަ އަދި މާރަގަޅުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދި ނަށަ

01 February 2024

ގެދޮރު ނެތީމަ ފުލެޓް ހޯދަނީ ލިބޭއިރައް 25000 ހާހައް ކުއްޔަށް ކިހާމޮޅު ވިޔަފާރިއެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދޮރުވެރިޔާ

01 February 2024

ޑައުންޕޭމަންޓަށް 500000 ދެއްކީމަވެސް 13500 ދައްކަންޖެހޭ މިހާރުވެސް. އަސްލު ގިނަ މީހުންނަށް ސާފުވާގޮތަށް މި ގެނައި ބަދަލު ގެ ވާހަކަ ބުނެދޭކަށް ނޭނގޭ. އެހެންވީމާ އެކި ގޮތްގޮތަށް މީހުން ކޮމެންޓުކޮށް އެ ހަދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

01 February 2024

އޭރު ދައްކަން ޖެހުނު އަދަދު ބޮޑުވީމާ ދެއްކޭނެ ގޮތެއްނެތި ދެކޮޅަށް ދުވެދުވެ ތިއްބާ އަހަރެންގެ ބުކިން ކެންސަލް ކުރިކަަމަށް މެސެޖެއް ލިބުނު. އެކަމާ ގުޅިގެން އާބަންކޯ އަށް 3 ސިޓީ ލައިފިން. ޖަވާބެއް ނުދީ ތިބެފާ އަލުން އިއުލާންކޮށް ބަހާލީ. އޭގެފަހުން އެވަނީ ޑައުން ޕޭމަންޓާއި ކުލި އެތައް ގިނައެއް ކުޑަކޮށްފަ. އަހަރެންވަނީ މަހުރޫމް ކޮށްފަ. ކޮންފަދަ އަނިޔާއެއްތޯ އެދިނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޮރީގް

07 February 2024

އެމްޑީޕީގެ ވެރިކަމުގަ ކުރިކަންތައް... މާލޭ އެމްޑީޕީ ބޮޑުންނަށް ދިނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސީލު

01 February 2024

މުއިއްޒު ބުނީ 14 ހަފްތާ ތެރޭ މިކަން ކުރާނަމޭ އެއޮތީ މިކަން ކޮށްފަ. މިއަކީ ވެރިންނަކީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަންބަލު މޭން

01 February 2024

ދެން ތިޔަ ހުރިހާ ތަނެއް ހަދަން ނެގި ލޯނުތައް އަނބުރާ ދައްކަން، ރައްޔިތު އެންމެން އަތުން ނަގާ ޓެކްސް ލާރިން ހަމަޖައްސާލީމާ ވަރަށް ހެޕީ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލލލލ

01 February 2024

4000 ކެނޑީމަވެސް 15000 ދައްޖަން ޖެހޭ. ހިޔާ އަށް އެންމެ 3000 ދައްކަންޖެހެނީ. މިއީ ސަރުކާރުގެ އިންސާފު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގގގގ

01 February 2024

ތިތަނަށް އެންމެ ލާރިއެއްވެސް އަސްލު ކަނޑަން ނުޖެހޭ. ތީ ސޯޝަލް ހައުސިންގ ޕްރޮޖެކްޓެއް ނޫން. ވިނަރެސްއަކީ ވިއްކަންހެދި ތަނެއް. ތިތަން ގަތްއިރުވެސް އަގުތައް އިނގޭ. އަގުތައް ބޮޑުވީމައި ނުގަނެވުނު މީހުންގެ ހައްގު ކޮބައިތޯ؟. ހިޔާ ފްލެޓަކީ ޕްރޮޖެކްޓް ފެށިއިރުވެސް އަގު ކުޑަކޮށް ފަރުމާކޮށްފައިވާ ސޯޝަލް ހައުސިންގ އެއް. މިކަހަލަ ތާކުންތާކު ނެޖެހޭ ޑިމާންޑްތަކަށް ސަރުކާރުން ރިއެކްޓް ކުރަންޏާ ހަމަހަމަ ކަމާއި އިންސާފެއް ނޯންނާނެ.