ކެބިނެޓް ބައްދަލުވުމެއްގައި އެޓާނީ ޖެނެރަލް އުޝާމް ބައިވެރިވެވަޑައިގަންނަވަނީ:--- ފޮޓޯ: ރައީސް އޮފީސް
14 ފެބުރުއަރީ 2024 - 23:44
15 comments
ކ. ގުޅިފަޅު ހިއްކުމުގެ މަޝްރޫއު ހުއްޓުވާލުމުން ދައުލަތަށް ކޮންމެ ދުވަހަކު އެތައް މިލިއަން ރުފިޔާގެ ގެއްލުމެއް ލިބޭނެތީ، އެކަން ހުއްޓާލަން ހައި ކޯޓުން ނެރުނު ވަގުތީ އަމުރު ސުޕްރީމް ކޯޓުގައި އިސްތިއުނާފުކުރަން ބަންޑާރަ ނައިބުގެ އޮފީހުން ނިންމައިފި އެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ދުވަސްވަރު އަމިއްލަ ފަރާތަކުން ހުށަހެޅި މައްސަލައިގައި ހައި ކޯޓުން ބުނީ، އެ މައްސަލާގައި ވަގުތީ އަމުރެއް ނުނެރެފި ނަމަ ތިމާވެށި ހަލާކުވުމުގެ ސަބަބުން މައްސަލަ ހުށަހެޅި ފަރާތާއި އާންމުންނާއި އަންނަން އޮތް ޖީލުތަކަށް އިއާދަ ނުކުރެވޭނެ ގެއްލުންތަކެއް ލިބިދާނެ ކަމަށެވެ. އެ މަޝްރޫއު ހުއްޓާލުމުގެ ސަބަބުން ދައުލަތަށް ލިބޭނެ ކަމަށް ބެލެވޭ މާލީ ގެއްލުންތަކަށް ވުރެ މަޝްރޫއު ކުރިއަށް ގެންގޮސްފި ނަމަ ތިމާވެށްޓަށް ލިބިދާނެ ކަމަށް ބެލެވޭ ގެއްލުންތައް މާ ބޮޑު ކަމަށް ވެސް އެ ހުކުމުގައިވެ އެވެ.
އެހެންވެ، ފަނޑިޔާރު މުހައްމަދު ޝަނީޒް އަބްދުﷲ އާއި ފަނޑިޔާރު ހުޒައިފާ މުހައްމަދުގެ އަޣުލަބިއްޔަތުން ކުރެއްވި ހުކުމުގައި އަންގާފައިވަނީ ސިވިލް ކޯޓުގައި އޮތް މައްސަލަ ނިމެންދެން ގުޅިފަޅު ހިއްކުމުގެ ހުރިހާ މަސައްކަތެއް މަޑުޖައްސާލަން އަންގާ ކަމަށެވެ.
ގުޅިފަޅު ޕްރޮޖެކްޓަކީ އެތައް ބިލިއަން ރުފިޔާގެ އަގުހުރި ޕްރޮޖެކްޓެއް. އަދި ގުޅިފަޅު ބިން ހިއްކުމުގެ %80 ވަރު މިހާރު ނިމިފައިވާއިރު، މިމަސައްކަތް ހުއްޓިފައި އޮންނަ ކޮންމެ ދުވަހަކު ދައުލަތަށް އެތައް މިލިއަން ރުފިޔާގެ ގެއްލުން ވާނެ. ދައުލަތުގެ ފަރާތުން މިނިންމުން ސްޕްރީމް ކޯޓުގައި… https://t.co/0tpF4b1Y3n
— Ahmed Usham (@a_usham) February 14, 2024
އެ މައްސަލާގައި ބަންޑާރަ ނައިބު އަހުމަދު އުޝާމް "އެކްސް"ގަ އި މިރޭ ކުރެއްވި ޕޯސްޓެއްގައި ވިދާޅުވީ ގުޅިފަޅު ތަރައްގީ ކުރުމަކީ އެތައް ބިލިއަން ރުފިޔާގެ ޕްރޮޖެކްޓެއް ކަމަށެވެ. އެ ތަނުން ހިއްކަން ހަމަޖައްސާފައިވާ ބިމުގެ 80 ޕަސެންޓް މިހާރު ނިމިފައިވާއިރު، ވަކި ހިސާބަކުން އެ މަސައްކަތް ހުއްޓާލުމަކީ ދައުލަތަށް ބޮޑު ގެއްލުމެއް ލިބޭ ކަމެއް ކަމަށް އޭނާ ވިދާޅުވި އެވެ.
"މި މަސައްކަތް ހުއްޓިފައި އޮންނަ ކޮންމެ ދުވަހަކު ދައުލަތަށް އެތައް މިލިއަން ރުފިޔާގެ ގެއްލުން ވާނެ. ދައުލަތުގެ ފަރާތުން މި ނިންމުން ސުޕްރީމް ކޯޓުގައި އިސްތިއުނާފުކުރުމަށް މިހާރު ވާނީ ނިންމާފައި،" އުޝާމްގެ ޕޯސްޓުގައިވެ އެވެ.
އެ މަސައްކަތް ނެދަލެންޑްސްގެ ބޮސްކާލިސް ކުންފުންޏާ ހަވާލުކުރީ ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި އޮކްޓޯބަރު 17، 2019 ގަ އެވެ. އެއީ ދެ ބިލިއަން ރުފިޔާއަށް 65 ހެކްޓަރު ހިއްކާށެވެ. ނަމަވެސް، ރައީސް ޑރ. މުހައްމަދު މުއިއްޒު ވަނީ ގުޅިފަޅަށް އިތުރު 85 ހެކްޓަރު އިތުރުކޮށް، ދެ ވަނަ ފިޔަވަހިން 150 ހެކްޓަރު ހިއްކަން ނިންމަވައިފަ އެވެ. އެ ތަން ހިއްކުމުގެ މަސައްކަތް މިހާރު ވެސް ކުރިއަށް ގެންދެ އެވެ.
އެ ވެރިކަމުގައި ފެށި ގުޅިފަޅު ހިއްކުމުގެ މަޝްރޫއު ކުރިއަށް ގެންދިއުމުގައި އިސްކޮށް އުޅުއްވި އޭރުގެ ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވީ އެ މަސައްކަތް ހުއްޓާލާފައި އޮންނަ ކޮންމެ ދުވަހަކަށް ދައުލަތުން ބޮސްކާލިސް ކުންފުންޏަށް ތިން ލައްކައެއްހާ ޑޮލަރު ދައްކަންޖެހޭނެ ކަމަށެވެ.
ގުޅިފަޅު ހިއްކަން ފެށީ ސަރުކާރުން އެތަނުގައި ހަދާ ސަރަހައްދީ ބަނދަރު ނުވަތަ ޕޯޓްގެ މަސައްކަތަށެވެ. އޭގެ އިތުރުން، ކުރީގެ ސަރުކާރުން ވަނީ މާލޭ މީހުންނަށް އެ ތަނުން ގޯތި ވެސް ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ސަމީރްް
18 February 2024
މިސަރުކާރުން ކުރީ ސަރުކާރުގެ ޕްރޮޖެކްޓްތަށް ހިންގަން މަސައްކަތް ކުރާވަރު މި ފެންނަނީ. އަދިވެސް މީހުން ކިޔާނެ މިކަންތަށް ނުކޮށްދޭނޭ.
ބިމްސް
15 February 2024
ކޮއްމެ ސަރކާރަސް ބިމްސް ތައް ހިއްކާ ވަރާ ގާތައްވެސް އާބާދީ ބޮޑެއްނުވޭ. ތިހުރިހާ ބިމްސް ތަކުގަ އުޅޭނީ ބިދޭސީން ކައްނޭހެ؟؟
16 މިލިއަން ހިލޭ
15 February 2024
ޙުޅުމާލެ އިން ގޯތި ވިއްކި ހިސާބުން ދީފައިވަ ގޯތި ތަކުގެ ބަދަލުގަ އެހެން ތަނަކުން ދިނުމައް ފަހު އެތަން ތަން ގަނެވޭ ގޮތައް އޮތުން ރަނގަޅެވެ. ޢެހެން ނޫން ނަމަ ވަކި ބަޔަކައް އެ ދެވެނީ 15 ވަރަކަށް މިލިޔަން ޜުފިޔާ ހަމަ ހިލެއެވެ. ޅޭ
ވަހީދުބެ
15 February 2024
2000 މިލިޔަން ހަރަދުކޮށް 65 ހެކްޓަރު ހިއްކާފަ 200 ގޯތި ލާރިނެތް މީހުނަށް ހިލޭދީފަ ސަރުކާރުން ގެ އަޅާދީފަ ދެންހުރި ކަމެއް ކޮށްދޭނެ ލާރި ހުރޭ. އެހެން ރަށްރަށަށް އަރާފަ ބުނަނީ ކެތްތެރިވާށޭ
ބިންދާސް
15 February 2024
މަ ހިތަށް އަރާ މި ފަޑިޔާރުން ވިސްނަނީ ސިކުޑީގެ ކޮންފަޅުއަކުން ބާއޭ.. މަސައްކަތް ހުއްޓުވައިގެން ދައުލަތުން ކޮންޓްރެކްޓަރަށް ދައްކަންޖެހޭ އެތައް މިލިއަން ރުފިޔާގެ ގެއްލުން ވަނީ އާއްމު ރައްޔިތުން ނޫން ކޮންބަޔަކަށްބާ.. ކޯޓު އަމުރުން ހުއްޓުވަނީ ލިބިދާނެހެން ހީވާ ގެއްލުން. ކަނޑައެޅިގެން އެގިގެން ކިތައްމެ ގެއްލުމެއް ވިޔަސް އޯކޭ..
މޫސާކުއްދާ
15 February 2024
ބަންޑާރަ ނައިބުގެ ޒިއްމާތައް އުޝާމަކަށް ނުނެންގެވޭނެ. މަޖްލިސްއިން ރުހުން ނުދޭ މީހުން ޖެހޭނީ އެއްފަރާތް ވާން.
ތިމާވެށި
15 February 2024
ތިމާވެށި އެއީ ބޮޑު ދުއްޕާނެއް. އެބުނާ ތިމާވެއްޓަކަށް މިރާއްޖޭގައި ކުރެވޭނެ ކަމެއް ނޯންނާނެ. ބޮޑެތި ގައުމުތަކުން ދުވާލަކު އެތައް ކޮޑިމީޓަރެއްގެ ދުމާއި އެތައް ކެމިކަލަކެއް ދޫކުރޭ. އެތައް ތަނެއް އެބަހިއްކާ. ޖަޕާނާއި ސައޫދީއާއި ޔޫއޭއީގައިވެސް ކަން އޮތީ މިހެން. މިރާއްޖޭގައި 200 ވަރަކަށް ހެކްޓަރު ހިއްކުން މާބޮޑުކަމަކަށްވެފައި މާބޮޑަށް ތިމާވެއްޓަން ގެއްލުންވާންޖެހޭ އެއްވެސް ސަބަބެއް ނޯންނާނެ. ޓްރަމްޕް ބުނި ގޮތަށް ތިމާވެށި އެއީ ބޮޑު ޖޯކެއް.
ހޮޓްކިންގ
15 February 2024
ގައުމުގެ ކުރިމަގަށާއި ރައްޔިތުންގެ ލާބައާއި މަންފާއަށް ހިންގާ މިފަދަ މެގަ ޕްރޮޖެކްޓްތައް މިހެން އަމިއްލަ ފަރުދަކު ހުށަހަޅާ މައްސަލައަކުން ހުއްޓުވާލުމަކީ ކުރިވިގެން ވާނެކަމެއްނޫން. މިގޮތަށްޓުވުމަށް އަމުރު ނެރޭ ފަނޑިޔާރުންގެވެސް ތެތްކަމެއް ހުންނަންވާނެ މީ ކިހާވަަރެއްގެ ޚަރަދެއް ކޮންމެ ދުވަހަކު ހިނގާނެ ކަމެއްކަން އަދި ހުއްޓުވާލުމުން ދައުލަތަށާއި ކޮންޓްރެކްޓަރަށްވެސް ލިބޭނެ ގެއްލުން.
ސަނައްޓޭ
15 February 2024
ރަނގަޅު، 15 މާރިޗް 2023 ގަ ހައިކޯޓަށް ހުށަހެޅި މައްސަލައެއް ބަރާބަރު އެއް އަހަރު ފަހުން ވަގުތީ އަމުރެއް ނެރުނީމަ އެނގިއްޖެ ހައިކޯޓުގައި މައްސަލަ ބެލި ފަނޑިޔާރުންނަށް ތިމާވެށި ކިހާ މުހިއްމުކަން، ވާ ސަރީ، ވަރަށް ސަލާން
ހަސަން ފޭދޫ
15 February 2024
މިކަން ހުއްޓުވަން ކޯޓަށް ދިޔަމީހާ އާއި ކޯޓާ ދެކޮޅަށްވެސް ދައުވާކުރަން ފެނޭ!!