އަނަސްގެ މަރު: ކުށް ސާބިތު ނުވެ އެންމެން ސަލާމަތްވެއްޖެ

އަނަސް: ހަތް މީހުންގެ މައްޗަށް ވެސް ކުށް ސާބިތެއް ނުވި

ނާޒިމް ހަސަން، މިހާރު

26 ފެބުރުއަރީ 2024 - 06:40

މާލޭގައި ގްރޫޕަކުން ގޮސް ހަމަލާދީ މަރާލި މުހައްމަދު އަނަސްގެ މަރުގެ މައްސަލައިގައި ދައުލަތުން ދައުވާ އުފުލި އެންމެންގެ މައްޗަށް ވެސް ކުށް ސާބިތު ނުވާ ކަމަށް ކްރިމިނަލް ކޯޓުން އިއްޔެ ހުކުމްކޮށްފި އެވެ.

އެ ހުކުމް މި އިއްވީ އަޑުއެހުންތައް ނިންމާލިތާ ވެސް 10 މަސް ފާއިތުވި ފަހުންނެވެ.

ލިޓަސް ސާވިސް ސެންޓަރު ތެރޭގައި ޖުލައި 2017 ގައި ގްރޫޕަކުން ގޮސް ހަމަލާދީ އަނަސް މަރާލި މައްސަލައިގައި ހަތް މީހަކަށް ދައުލަތުން ކްރިމިނަލް ކޯޓުގައި ދައުވާކުރި އެވެ.

ގަސްދުގައި މީހަކު މަރާލުމުގެ ދައުވާކުރީ ޅ. ކުރެންދޫ އަސުރުމާގޭ އަހުމަދު ޒަޔާނާއި މ. ލޮނުމިދިލިގޭ އަފްރާހު އަބްދުއްރައްޒާ އަދި މ. ދިމިޝްގު އުސްމާން ޝަރީފްގެ މައްޗަށެވެ.

ގަސްދުގައި މީހަކު މަރާލުމުގައި ބައިވެރިވުމުގެ ދައުވާ އުފުލީ ލ. ގަން ތުނޑި ނަންނާރިގޭ ޖުނައިހް އަބްދުﷲ އާއި ދަފްތަރު ނަމްބަރު 1746 ސިމާހް މޫސާ އާއި ސ. ފޭދޫ ވެސްޓަންވިލާ ހަސަން މަހްފޫޒްގެ އިތުރުން ތ. ކިނބިދޫ ގުލްފާމްގޭ މުހައްމަދު ޝާޒްގެ މައްޗަށެވެ.

އަނަސް މަރާލިތާ ހަތް އަހަރު ފަހުން ކޯޓުން އިއްޔެ އިއްވި ހުކުމްގައި ބުނީ މައްސަލައިގައި ދައުލަތުން ހުށަހަޅާފައިވާ ހެއްކާއި ގަރީނާތަކަށް ރިއާޔަތްކޮށް، އެ ހަތް މީހުން ކުށުގައި ބައިވެރިވާ ކަމަށް އެކަށީގެންވާ ޝައްކެތް ނެތް މިންވަރަށް ސާބިތުވާ ކަމަށް ކަނޑައެޅެން ނެތް ކަމަށެވެ.

Anas ge maru: 6 aharu fahun hukumaa hama ah

The most trusted news source in the Maldives

Mihaaru

މައްސަލާގައި ހުށަހަޅާފައިވާ ސީސީޓީވީ ފުޓޭޖްތަކާއި ފުލުހުންގެ އިންޓެލިޖެންސް ރިޕޯޓުން ވެސް ކުށް ސާބިތު ކުރެވޭ ވަރަށް ހެކި ލިބިފައި ނުވާ ކަމަށް ކޯޓުގެ ގާޒީ އަލީ ނަދީމް އިއްވެވި ހުކުމްގައި ވެ އެވެ. ފުޓޭޖްތަކުގެ ޗެއިން އޮފް ކަސްޓަޑީ ފުރިހަމަ ނުވާ ކަމަށް ވެސް ހުކުމްގައި ބުންޏެވެ.

ހުށަހަޅާފައިވާ ފޮޓޯތަކާއި ވީޑިއޯތަކުން ފެންނަނީ ދައުވާ ލިބޭ ހަތް މީހުން ކަށަވަރު ކުރަން އިތުރު އެހެން އެއްވެސް ހެއްކެއް، ބާރު ދޭނެ ހެއްކެއް ވެސް ނެތް ކަމަށް ފާހަގަކޮށްފައި ވެ އެވެ.

ހެކިންނާއި ސިއްރު ހެކިވެރިންނާއި ހަބީރުންގެ ހެކިބަހުން ވެސް ކުށުގެ އަމަލު ހިންގާފައިވަނީ އެ ހަތް މީހުން ކަން ޝަރީއަތަށް ސާބިތުނުވާ ކަމަށް ހުކުމްގައިވެ އެވެ.

ހުކުމުގައި ބުނީ، ހެކީގެ ގޮތުގައި ހުށަހަޅާފައިވާ ކޯލް ރެކޯޑާއި ތަހުގީގީ ރިޕޯޓާއި އިންޓެލިޖެންސް ރިޕޯޓަށް ބުރަދަނެއް ދެވެން ނެތް ކަމަށެވެ. އެއީ އެ ރިޕޯޓްތަކަކީ ކުށް ސާބިތު ކުރަން ރިއާޔަތް ކުރެވޭނެ އެއްޗަކަށް ނުވުމާއި ކޯލް ރެކޯޑަކީ ފުލުހުން އަމިއްލަ އަށް ތައްުޔާރު ކޮށްފައިވާ އެއްޗެއްކަށް ވާތީ، އެއީ ހެއްކެއް ކަމަށް ބަލައިގަނެވެން ނެތުމުން ކަމަށް ހުކުމްގައި ބުންޏެވެ.

އަނަސްގެ މަރާ ގުޅިގެން ހަތް މީހުންގެ އިތުރުން ކުޑަކުއްޖަކަށް ވެސް ދައުވާ ކުރި އެވެ. ލޯންޗް ކެޕްޓަން އަނަސްގެ މަރާ ގުޅިގެން ކުޑަކުއްޖާގެ މައްޗަށް 18 އަހަރުގެ ޖަލު ހުކުމެއް މިދިޔަ އަހަރު ހައި ކޯޓުން ވަނީ އިއްވައިފަ އެވެ.

ކްރިމިނަލް ކޯޓް މީހުން މެރުން ޕީޖީ އޮފީސް ކުށްކުރުން ކުށްވެރިން

73 ކޮމެންޓް, 63 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަސްއޮޑި

27 February 2024

އެ ކުޑަ ކުއްޖާ އެކަނި ކުރިކަމަކަށްތާ މިވީ އެހެންވީމަ.. އެ ކުއްޖާއަށް ސާބިތުވެފަ ދެން އެހެން އެންމެން މާލެ ތެރެއަށް އަނެއްކާވެސް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނަގޮތް

27 February 2024

އިންސާފު ހޯދަން އައި މީހުނަށް އިންސާފެއް ނުދެވުނު.. ދަމުން ދިޔައީ ބޮޑެތި ކުށްވެރިން ދޫކޮށްލާފައި.. އެމެރިކާގަ އެކަނިވެސް 2023 ވަނަ އަހަރު 21 މީހަކަށް މަރުގެ އަދަބު ދިން.. ކީއްކުރާނީ، ކުރީ ސަރުކާރަކީ ގަޓު ހުރި ސަރުކާރެއް ނުން.. ފައިސާ ދޭމީހާ ބުނި ގޮތަކަށް ދިވެހި ގައުމާއި، ކަނޑާއި، އެތެރޭގެ ހިންގުމާއި، އދ.ގެ ވޯޓާއި ހުރިހާ އެއްޗެއް ދެމުން ދިޔައީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

26 February 2024

މިވަރު ތަނެއްގަ މިކިއަނީ މަރުގެ އަދަބުދޭވާހަކަ ދުވާލު މެއްދުރު މީހުން ކުރިމަތީގަ ކުރި ކަމެއް ސާބިތު ކޮއް އަދަބެއްނުދެވޭ ބަޔަކައް މަރުގެ އަދަބެއް ދެވޭވަރައް ކަމެއް ސާބިތު ކުރެވޭނެތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކްސްް

26 February 2024

މިވެސް ދެން ބޮޑުވެއްޖެ ކަމެއް. ކީއްވެގެންވާ ފޮރެންސިކު ހެކި ދައުވާ ސާބިތުކުރަން ބޭނުން ނުކުރެވެންވީ؟ އެމީހުންނަށް މަރުގެ އަދަބު ނުދެވުނަސް، ފޮރެންސިކު ހެކީގެ އަލީގައި ކުށް ސާބިތުވާނަމަ އުމުރު ދުވަހަށް ޖަލުގައި ނުބޭތިއްބެންވީ ސަބަބެއްނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުބަތި

26 February 2024

ރާއްޖޭގަ އަދުލް އިންސާފުގާއިމު ކުރުމުގެ ބާރުގެ ސޯބުތައްވަނީ ދުވަސްވެ ދަބަރުޖަހާ ގައުމަށް ހުރި ބޮޑު ނުރައްކަލަކަ ވެފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުލިންބީ

26 February 2024

އާދައިގެ އިންސާނަކަށް މި ރާއްޖޭގަ ނެތް އިންސާފެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

MySuperGreenDOTcom

26 February 2024

އިސްތިއުނާފުމަރުހަލާ އާ ސުޕުރީމްކޯޓުވެސް އެބަހުރި، ދައުލަތުން މިކަމުގައި ދޫދީގެންނުވާނެ! އަޅުގަނޑަށް ވިސްނޭގޮތުން ރައްޔިތުންގެ މަޖިލީހުގަހެން، ފަނޑިޔާރުންގެ ތެރޭގައިވެސް ގާބިލުނޫން، ތަޢުލީމީފެންވަރު ވަރަށްދަށް ފަނޑިޔާރުން އެބައުޅޭ، މިކަމުގެ ހެއްކަކީ ދަށުކޯޓުތަގެ ގިނަނިންމުންތައް މަތީކޯޓުގެ އިސްތިއުނާފުމަރުހަލާގައި ބާތިލުކުރާކަން ނުވަތަ މައްސަލަ އަލުންބަލަން އަމުރުކުރާކަން، މިއީ ދަށުކޯޓުތަކުގެ "ބައެއް" ފަނޑިޔާރުންނަށް ވާނުވާނޭންގޭކަން ހާމަވާކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަރާމް ހުކުމް

26 February 2024

ފުޓޭޖްތަކުގެ ޗެއިން އޮފް ކަސްޓަޑީ ފުރިހަމަ ނުވާ ކަމަށް ބުނުމަކީ ކަނޑައެޅިގެން ދޮގެއް، ދައުވާކޮށްދިނުމަށް އެދި ފުލުހުން ފޮނުވާ ކުށުގެ ވެށިން ނަގާ ހެކީގެ ޗެއިން އޮފް ކަސްޓަޑީ ފުރިހަމަ ނުވާ ނަމަ ޕީޖީ އިން އެ ހެއްކެއް ބަލައިވެސް ނުގަންނާނެ. ޕީޖީ އިން މައްސަލަ ސަރީއަތައް ފޮނުވާނީ ސާބިތު ކުރެވޭ ވަރަށް ހެކި ހުރެގެން. ރާއްޖޭގެ ކޯޓުތަކުގެ ޣާޒީން ﷲ އަށް ބިރުވެތިވުމަށް ގޮވާލަން