މާލެ ސިޓީގެ މޭޔަރު އާދަމް އާޒިމް މިއަދު މާވެޔޮ މަގުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަނީ.-- ފޮޓޯ: ފަޔާޒް މޫސާ / މިހާރު
10 މާޗް 2024 - 16:01
39 comments
މާލެ ސިޓީ ކައުންސިލްގެ ކެޕޭސިޓީ އިތުރުކޮށް، ކުރިއަށް އޮތް ހަތަރު ވަރަކަށް މަސް ތެރޭ މަގުތަކަށް ކުނިއަޅާ މައްސަލަ ހައްލު ވާނެ ކަމަށް މާލޭގެ މޭޔަރު އާދަމް އާޒިމް ވިދާޅުވެއްޖެ އެވެ.
މީގެ ތިން ހަފްތާ ކުރިން ފެށިގެން ރޯދަ މަހަށް ގެތައް ސާފުކޮށް ނެރެފައިހުރި ކުނިތަކުން މާލޭގެ މަގުތައް ވަރަށް ބޮޑަށް ވަނީ ގޮނޑުވެފަ އެވެ. މާލޭގެ ބޮޑެތި މަގުތަކާއި ގޯޅިތަކުގެ ކަންކަން މަތި ފުރިފައި ވަނީ ގޭގެއިން ނެރެފައިވާ ބާ ފަރުނީޗަރާއި ހިފާ ގެންގުޅޭ ސާމާނުތަކުންނެވެ.
އެންމެ ގިނައިން ކުނި އަޅާފައިވާ މާވެޔޮ މަގުގެ ފަތަހަ މޯލް ކުރިމަތީ މިއަދު ސިޓީ ކައުންސިލުން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އާޒިމް ވިދާޅުވީ މިދިޔަ ދެ ހަފްތާ ތެތޭ ސިޓީ ކައުންސިލުން މާލެ ތެރޭގެ ކުނި ނެގުމުގެ މަސައްކަތް ކޮށްފައިވާ ކަމަށެވެ.
"މާލެ ސިޓީ ކައުންސިލްގެ އެއްވެސް މުވައްޒަފަކު މަޑުންނެއް ނުތިބެން. މާލެ ތެރެއިން ކޮންމެ ދުވަހަކު 10 ވަރަކަށް ޓަނުގެ ކުނި ނަގަމުން އެބަ ދަން. އަދި ވެމްކޯ އިން ވެސް ހަމަ އެ އަދަދުގެ ކުނި ނަގަމުން އެބަދޭ. މާލޭގެ އެތަން މިތަނުން 20 ވަރަކަށް ޓަނުގެ ކުނި ކޮންމެ ދުވަހަކު މި ނަގަނީ،" އޭނާ ވިދާޅުވި އެވެ.
މަގުތަކަށް ކުނިތަކެއް ނެރެފައި.-- ފޮޓޯ: ފަޔާޒު މޫސާ/ މިހާރު
ކުނީގެ މައްސަލަ ހައްލު ކުރުމަށް ކުރަން ޖެހޭ ކަމަކީ ސިޓީ ކައުންސިލް އާއި ވެމްކޯ އަދި ޕޮލިހުންގެ ވެސް ކެޕޭސިޓީ އިތުރުކުރުން ކަމަށާއި އެކަމަށް ވަގުތު ބޭނުންވާނެ ކަމަށް މޭޔަރު ވިދާޅުވި އެވެ.
"މި މަސައްކަތް ކުރަނީ ކެޕޭސިޓީ ބިލްޑްކޮށް، އިތުރު ކުރުމުގެ މަސައްކަތް ކުރުމަށް. ކެޕޭސިޓީ އިތުރު ކުރުމަށް މީހުން ހޯދަން ޖެހޭ، ވެހިކަލް ހޯދަން ޖެހޭ. މިކޮޅަށް ބޭނުންވާ އެކިއެކި ސޮފްޓްވެއާ ހޯދަން އެބަ ޖެހޭ. މިއީ އެއް މަސްދުވަހުން ވާނެ ކަންކަމެއް ނޫން،" މޭޔަރު ވިދާޅުވި އެވެ.
"އަޅުގަނޑު އަބަދު ވެސް ބުނަމުން އައީ އަޅުގަނޑަށް ބޭނުންވާނޭ ވަގުތު، ކެޕޭސިޓީ ބިލްޑް ކުރަން. ތިން މަސް ނޫނީ ހަތަރު މަސް ނަގާނޭ ކެޕޭސިޓީ ބިލްޑް ކުރަން. އެއަށް ފަހު ތިބޭފުޅުންނަށް ފެނިވަޑައިގަންނަވާނެ މާލެ މަގުމަތިން ކުނި ނެތް މަންޒަރު ފެނިގެންދާނެ."
މަގުތަކަށް ހުސް ފޮށިތަކެއް ނެރެފައި: މިގޮތަށް މާލޭގެ އެކި ސަރަހައްދުތަކުގައި ކުނި ނެރެފައި އެބަ ހުރި-- ފޮޓޯ: ފަޔާޒު މޫސާ/ މިހާރު
އާޒިމް ވިދާޅުވީ މާލޭގެ ކުނީގެ މައްސަލައަށް އެއްވެސް އިދާރާއަކުން ތައްޔާރުވެފައި ނުވާ ކަން ފާހަގަވާ ކަމަށެވެ. ކުރިއަށް އޮތް ތަނުގައި މިފަހަދަ ކަމެއް ތަކުރާރު ނުވާނެ ގޮތަކަށް ތައްޔާރުވާން ޖެހޭ ކަމަށް ވެސް އޭނާ ވިދާޅުވި އެވެ.
"އަޅުގަނޑު މިއަދު ދޭ ޔަގީން ކަމަކޫ ކުރިއަށް އޮތް ދެތިން މަސް ތެރޭގައި ތިބޭފުޅުން [ރައްޔިތުމީހާ] ގުޅާލުމުން ކުނި ނެގުމާއި ވަކިން ޗާޖެއް ކޮށްފައި މިކަން ކުރެވޭނެ ރަނގަޅު އިންތިޒާމެއް ހަޖައްސަން ޖެހޭ،"
އާޒިމް ވިދާޅުވީ ކުނި އުކާލުމަށްދާ ޕިކަޕްތަކުން އާންމު މީހުންގެ ނާޖާއިޒް ފައިސާ ނަގަމުންދާ ކަމަށެވެ. އެގޮތުން އެކި މީހުން އެކި އަގު ނެގުމާއި އަގު ބޮޑުކޮަށް ކުނި އުކާދޭކަން އޭނާ ފާހަގަ ކުރެއްވި އެވެ.
ރައްޔިތުންނަށް ފަސޭހަ ވާނެ ގޮތަށް ކުނި އުކުމުގެ އިންތިޒާމު މާލެ ސިޓީ ކައުންސިލުން ހަޖައްސައިދޭނެ ކަމުގެ ޔަގީންކަން އާޒިމް ދެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާދަނު33
11 March 2024
މީހުން ޖެހުނުތާކަށް ކުނިއަޅާނީ ޤާނޫނުތަށް ތަންފީޒު ނުކުރެވޭތީ.
ޕެރޮޓްފިޝް
11 March 2024
އެމްޑީޕީން ސިޓީ ކައުންސިލާ ޙަވާލުވާ ހިސާބުން މާލެ ކުނިކޮށް ގޮނޑުކޮށްލާނެ. ކޮންމެ ފަހަރަކުވެސް. ޝިފާ ހުރިއިރުވެސް، އާދަމްމަނިކު ދުވަސްވަރުވެސް އެހެން ހަމަ އޮތީ. ޝިފާ ފޭބިއިރު މާލެތެރެއަށް މީހަކަށް ނިކުމެވޭވަރު ނުވޭ. މުޢިއްޒު އައިފަހުން މާލޭގެ ބޮޑުގޮނޑުގެ ކަންކަން ހައްލުވީ. ގޮނޑު ކުރުމުގަ އެންމެ މުހިންމު ބައެއް ކުޅެނީ މާލޭގަ އުޅޭ ބިދޭސީން. ވެމްކޯއަށްވެސް ވާނީ ވާވަރުން. ގިނަފަހަރަށް މަގަށް ކުނި އަޅަންޖެހެނީ ކުނި އުކާލުން އުނދަގޫ ކޮށްފަ އޮންނަވަރުން.
މަމެން1
11 March 2024
މޮޅު ވާހަކަ ނުދައްކާ، މާލެ ތެރެ ހަޑިކުރަނީ ކުނި އަޅާ މީހުން، މުއިއްޒު ހުރި އިރުވެސް އެ ކުނި އަޅާ މީހުން އަޅާ، ކެންގަރޫ ކިޑްސް ސްކޫލުކައިރިން ކޮންމެ ދުވަހަކުވެސް ހިނގާ މީހެއް މަމީ، މުއިއްޒު ހުރި އިރުވެސް އެތަން އޮންނަނީ ގޮޑެއްހެން.
އަބްޑޫޅް +
11 March 2024
ބޮޑުއަށީ ތަންދޮށަށް ލާ ކުންޏެއް ނުފެންނާނެ.
ބަހަބޯތަކުރު
11 March 2024
އާޒިމުވެސް ފޮނިވާހަކަތައް ނުދެއްކިއްޔާ ރަގަޅުވާނީ. މިވަގުތު މާލޭގެ އާބާދީއާއި ގޯތިގެދޮރާއި މަގުތަކާއި ކުނިމެނޭޖުކުރަން ހުރިވަސީލަތްތައް ހުރިގޮތުން ތިބުނާފެނވަރަށް ކުނިމެނޭޖު ނުކުރެވޭނެ ކަމުގެ ގެރެންޓީދެން. ކުނީގެ މައްސަލަ ދާނީ ހައްލުނުވެ ކުރިއަށް.
ބަނޑުހިންދާ
11 March 2024
ހާރުކާންތިބޭއިރު މަގުމަތި ސާފުކުރާކުރުމައް ބަދަލުގެންނަންޖެހޭ ހަމަ ކާންތިއްބާ ހިރަފުސް އަރުވަނީ ހުޅުމާލެއިން ކުނިކަހާމީހުން
އަސްލުގ
10 March 2024
މާލޭ ސިޓީ އެމްޑީޕީ މޭޔަރަށް ކެޕޭސިޓީ ބިލްޑްކުރަން 4 މަސް ބޭނުންވާއިރު، ރާއްޖޭގެ ރައީސުލްޖުމުހުރިއްޔާ އަށް ކަލޭމެން ތިއުޅެނީ 1 މަސްވެސް ނުދޭންވެގެން ކެޕޭސިޓީ ބިލްޑްކުރަން ވެގެން...
ޖެއްސު
11 March 2024
އަދި އެވެސް ބަގުރޫޓް ކޮއްލާފަ އޮތް ގައުމެެއް މުޅިގައުމު ވަނީ 5 އަހަރުތެރޭ ހުސްކޮއްލާފަ
ކުނި
10 March 2024
ކުނި އަޅާމީހުން ހަމަ ކުނި އަޅަން ދޫކޮށްލަނީތޯ؟ މަގުމަތީ ހަރުކޮށްފައިހުރި ކެމެރާތަކުން ބަލާ އެމީހުން ހޯދާ ބޮޑެތި އަދަދުތަކުން ޖޫރިމަނާ ނުކޮށް މި ނާތަހުޒީބު ދިވެހިން މައިތިރިނުކުރެވޭނެ.
އަކްނރަިމް
10 March 2024
ބޭކާރު އެއްޗެހި ގަތުން ހުއްޓާލީމައި ތިފަދަ އުނދަގޫތައް ދިމައެއްނުވާނެ. އަދި އެންމެ ބޭފުޅުންވެސް ފަރުދީ ޒިންމާ އަދާކުރީމަ ތަންތަން ތާހިރުކޮށް ހުންނާނީ. ދެރަވަރުކަމަކީ ފިހާރަޔަކުން ދަޅެއް ގަނެލައިގެން އެބޮއެފައި ލާނެ ޑަސްޓްބިނެއްވެސް ޕަބްލިކް އޭރިއާއެއްގައި ބެހެއްޓިފައި ނެތުން.
ޓެނަންޓް
10 March 2024
މާލެ ގޮނޑުވުމުގައި ވެމްކޯގެ މައްސަލަ ވަރަށް ބޮޑު! މިހާރު 900ރ އަށް ގަތް ސެމީ އޮޓޯ ދޮންނަ މެޝިނެއް 10 އަަހަރު ބޭނުންކޮށް ހަލާކުވީމާ އެއްލާލަން 250ރ! އަނެއްކާ ވެމްކޯގެ އެ ބުނާ ނަންބަރަށް ގުޅަން 2 ގަޑިއެއްހާ އިރު! ގުޅިއްޖިއްޔާ 3 ދުވަސް ފަހުން ވެސް އައިސްދާނެ! ގޭތެރެ ސާފުކޮށްފައި ހުންނައެއްޗެހި އުކާލަންވެއްޖިއްޔާ އެހާ ބުރައުފުލައިގެން އަންނަ ލޮރީއަށް އެއްޗިހި އަރުވަންޖެހެނީ އަމިއްލައަށް! ކުރިންގޮތަށް ބޮޑެތިކުނި އަމިއްލައަށް ގާކޮށިކަހަލަތާކަށް، ދުވަހުކުނި އަމިއްލައަށް ވެމްކޯ ސައިޓަށް ގެންދެވޭ ގޮތަށް ހަދަނިކޮށް މައްސަލަ ހައްލުވީ! މިހެންހެދުމަށްފަހު ހަމަ ޔަގީން ކޮންމެ ގޭބިސީ ކަރަންޓު މީޓަރަކަށް 80ރ އަށް ކުޑަކޮށްފައި ކުނިނަގާ މީހުން މަދުކޮށް ވެމްކޯއަށް މާ ފައިދާވާނެ!
ކިހިނެއް
11 March 2024
ނިމިދިޔަ ސަރުކާރުން ނެގީ 1200 ރުފިޔާ ކުނިއުކާލަން މިހާރުވަނީ 250 ކުޑަކުރެވިފަ
ޔޫތު ވޮެއިސް
10 March 2024
ހަތަރުމަސް ފަހުން ޓޮއިލެޓަށް ވަދެފަ ސީދާ ތައްޓަށް.