ސޫފީން އަޅުކަން ކުރާ ތަނަށް ދިން ހަމަލާގައި ކުޑަ ކުދިން ވެސް ވަނީ ޒަޚަމްވެފައި. --ފޮޓޯ:އޭއެފްޕީ
17 ފެބުރުއަރީ 2017 - 12:38
6 comments
އިސްލާމްއާބާދު (ފެބްރުއަރީ 17) - ޕާކިސްތާނުގެ ދެކުނުގައި ސޫފީން އަޅުކަންކުރާ މިސްކިތަކަށް އިސްލާމިކް ސްޓޭޓް (އައިއެސް) އިން ދިން ޖާނުންފިދާވުމުގެ ބޮމުގެ ހަމަލާއެއްގައި 72 މީހުން މަރުވެފައިވާ ކަމަށް އޮފިޝަލުން ބުނެފި އެވެ.
ސިންދު ޕްރޮވިންސްގެ ސެހުވާން ޓައުނުގައި ސޫފީން އަޅުކަން ކުރާ ތަނުގައި އަމިއްލަ އަށް މަރުވެގެން ހަމަލާ ދިން އިރު އެ ތަނަށް އަޅުކަން ކުރަން ވަދެ ގިނަ ބަޔަކު ތިބި ކަމަށް ފުލުހުން ބުންޏެވެ. ބައެއް މީޑިއާތަކުން ބުނި ގޮތުގައި ގައިގައި ހަރުކޮށްފައިވާ ބޮން ގޮއްވާލުމުގެ ކުރިން އެ މީހާ ވަނީ އަތު ބޮމެއް ވެސް އެއްލައިފަ އެވެ.
ސޫފީން އަޅުކަން ކުރާ ތަނެއްގައި ޖާނުންފިދާވުމުގެ ހަމަލާ ދިން އިރު އެ ތަނުގައި ދީނީ ނެށުމެއް ކުރިއަށް ދިޔަ ކަމަށް މަންޒަރު ދުށް މީހުން ބުނި. --ފޮޓޯ:އީޕީއޭ
ޕާކިސްތާނުގައި އެމްބިއުލެންސްގެ ޚިދުމަތްދޭ އެދީ ވެލްފެއާ ޓްރަސްޓުން ބުނީ ބޮމުގެ ހަމަލާގައި 43 ފިރިހެނުންނާއި ނުވަ އަންހެނުންނާއި 20 ކުޑަ ކުދިން މަރުވެފައިވާ ކަމަށެވެ. ހަމަލާގައި ވަނީ 250 މީހުން ޒަޚަމްވެފަ އެވެ.
ޕާކިސްތާނުގައި ހަނގުރާމަވެރިން ދޭ ހަމަލާތަކާ ދެކޮޅަށް ޖޫން 2014 ގައި ސިފައިން ފެށި އޮޕަރޭޝަނާ ގުޅިގެން ހަމަލާތައް މަޑުޖެހިފައި އޮތުމަށް ފަހު އަނެއްކާ ވެސް މިވަނީ ހަނގުރާމަވެރިންގެ ހަމަލާތައް އިތުރު ކުރަން ފަށައިފަ އެވެ. އާދިއްތަ ދުވަހުގެ ފަހުން ޕާކިސްތާނުގެ އެކި ހިސާބުތަކުގައި ދިން ޖާނުންފިދާވުމުގެ ހަމަލާތަކުގައި 100 އަށް ވުރެ ގިނަ މީހުން ވަނީ މަރުވެފަ އެވެ.
ޕާކިސްތާން ސިފައިންގެ ވެރިޔާ ޖެނެރަލް ގަމަރު ޖާވިދު ބަޖްވާ ވަނީ ޕާކިސްތާނުގެ ބިމަށް ވެއްޓޭ ކޮންމެ ލޭތިއްކެއްގެ ބަދަލު ހިފާނެ ކަމުގެ އިންޒާރު އިއްޔެ ދެއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަޖަމް.
18 February 2017
ސޫފީންނަކީވެސް މުސްލިމުން. މަޒުހަބީ ހަނގުރާމައަކީ މުސްލިމުންނަށް އެއްވެސް ފައިދާއެއް އޮތް އެއްޗެއްނޫން.
ދޮންބެ
17 February 2017
ދިވެހި ބަސްފޮތުގައި "މިސްކިތް" މިބަހުގެ މާނަޔަކަށް އޮންނަނީ މުސްލިމުން އަޅުކަން ކުރަން ހަދާފައިވާ ތަންތަން. މިގޮތަށެވެ. އެހެންކަމުން، ސޫފީންނާ، މަސްމަހާ މެއްސާ ކުރިސްޓިއަނުންނާ އަދި މިނޫންވެސް ޣައިރު މުސްލިމުން އަޅުކަންކުރާތަންތަނަކީ މިސްކިތަކަށް ނުވާނެއެވެ.
ހަސަނު
18 February 2017
ސޫފީންނަކީ މުސްލިމުން..
ޖިހާދީ
18 February 2017
ސޫފިން ކަމަށް ވިޔަސް އަދި ޖަނަވާރުން ކަމަށް ކަމަށް ވިޔަސް ކުށެއްނެތް އިންސާނަކަށް ވީތީ މެރުން ހުއްދަ ނުވާނެކަން ތި "ސުންނީ އައިއެސް" އަކަށް ނޭގޭ ބާއެވެ.
ބަކުރު އެންޑް ޒުބޭރް
17 February 2017
ސުއްޕެއް އެހެން އެއްޗެއް ނޯންނާނެ. އެންމެންނަކީވެސް އިންސާނުން. އިންސާނުން ކުށަކާނުލައި މަރައިގެންނުވާނެ.
ސިޗުއޭޝަން
17 February 2017
އައިއެސްގެ ނުރައްކާތެރި ކަން މިހިރީ ހުންނަ މިންވަރު. މިމީހުންނަކީ އެއީ އެއްގޮތަކަށް ވެސް ދީނަށް ޓަކައި އުޅޭ ބަޔެއް ނޫނެވެ. މިމީހުންގެ ބޮޑުން ނައް މިތިބެނީ އެއީ ޑްރަގް ލޯރޑުންނާއި އަދި ޑްރަގް ކާރޓެލް އިން ނާއި ރޭޕް ލޯރޑުންނެވެ. ދެން ދީން ނިވާ ފަށް ގަނޑަކަށް ހަދައިގެން މީސް މީހުންގެ އެކައުންޓް ގައި ހުރި ފައިސާ ތައް ލޫޓް ވުން އަދި ބްލެކް މެއިލް ކުރުން ކަމަކަށް އޮންނަނީ. ކަން މިހެން ހުރުމުން ރާއްޖޭން ވެސް ސިއްރިއްޔާތުގައި އައިއެސް އަށް ވާގިވެރިވާ މީހުން އެކަން ހުއްޓާލަންވީއެވެ.