17 މާޗް 2024 - 14:43
12 comments
މީހެއްގެ ފޯނުގެ ޕާސްވޯޑުތައް ހޯދައި 1.8 މިލިއަން ރުފިޔާ ފޭރުނު މައްސަލާގައި ތިން މީހަކަށް ދައުވާ ކުރަން ޕްރޮސެކިއުޓާ ޖެނަރަލް އޮފީހަށް ފޮނުވައިފި އެވެ.
މިދިޔަ ފެބްރުއަރީ މަހު ފެންމަތިވި މި މައްސަލާގައި އެ ފައިސާތައް ފޭރިގަނެފައި ވަނީ ފޯނާއި މޯލްޑިވްސް އިސްލާމިކް ބޭންކް (އެމްއައިބީ) ގެ އެޕްގެ ޕާސްވޯޑު އެނގޭ މީހެއް މެދުވެރިވެގެންނެވެ.
ފުލުހުން އެ މައްސަލަ ތަހުގީގު ކުރުމަށް ފަހު 16 އަހަރުގެ ކުޑަކުއްޖަކާއި 23 އަހަރުގެ ފިރިހެނަކާއި 24 އަހަރުގެ އަންހެނަކު ވަނީ ހައްޔަރު ކޮށްފަ އެވެ.
ފުލުހުން މިއަދު ބޭއްވި ނޫސްވެރިންގެ ބައްދަލުވުމުގައި ބުނި ގޮތުގައި އެ މައްސަލައިގެ ތަހުގީގު އެއްކޮށް ނިންމައި ކުޑަކުއްޖެއް ހިމެނޭހެން ތިން މީހަކަށް ދައުވާ ކޮށްދޭން އެދި ޕީޖީ އޮފީހަށް ވަނީ ފޮނުވައިފަ އެވެ.
އެނގިފައިވާ ގޮތުގައި އެ ކުޑަކުއްޖާއަކީ، މި ހާދިސާގައި ގެއްލުން ލިބުނު ފިރިހެންމީހާއާ އާއިލީ ގުޅުން އޮންނަ މީހެކެވެ.
އެ މައްސަލާގައި 1.8 މިލިއަން ރުފިޔާ ފޭރިގަނެފައިވާ އިރު އެ މައްސަލަ ފުލުހަށް ހުށަހެޅިތާ ދެ ދުވަސް ތެރޭ ފުލުހުން ވަނީ އެ ފައިސާއިން ވިޔަފާރި ކޮށްފައި ހުރި ތަންތަނާއި ތުހުމަތުކުރެވޭ އެކަކު ދިރިއުޅޭ ގެ ބަލައި ފާސްކޮށްގެން 1.6 މިލިއަން ރުފިޔާ ހޯދައިފަ އެވެ.
ފުލުހުން ބުނީ އެ ފައިސާ ބޭނުން ކޮށްފައި ވަނީ ފޯނާއި އިލެކްޓްރޯނިކްސް ސާމާނާއި ދޫނި އަދި އަތުކުރި ގަޑި ފަދަ ތަކެތި ގަތުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޫރާ ހަސީން
18 March 2024
ކީއްވެތަ އިސްލާމިކް މިނިސްޓްރީ ގެ ވާހަކަ ނުދައްކަނީ އެތަނުގެ މީހުންނަށް ވުރެ ބޮޑު އޮޅުވާލުމާ ސްކޭމް ޖައްސާ ބަޔަކު މި ދައުލަތުގަ ނުވޭ.
ހުރޭ
17 March 2024
އެންމެ އާދައިގެ ހީނުކުރާ މީހުންގެ އެކައުންޓުގަވެސް މިލިއަނުން އެބަ ހުރޭ..
އެނދިމަރިޔަނބު
18 March 2024
އާދައިގެ މީހެއް ނޫން، މާލޭގެ ބޮޑު މުއްސަނދި ވިޔަފާރިވެރިއެއް.
ލަތީފާ
17 March 2024
ކީއްކުރަން؟ ދައުލަތުގެ ނައިބު ރައީސް އެއީ މައްޝޫރު ގޭންގު “‘މަސްއޮޑި” ސިންބެ. ރައީސް ވަޒީރުކަން 5 އަހަރު ކޮށް ނިމުނުއިރު މ.ދިމްޔާތު ބުރިބުރިއަށް ހިއްލާލާ، މޭޔަރ އަދި ރައީސް ކަމުގެ ކޭންޕެއިނަށް މިލިއަނުން ހަރަދުކުރާނެ ފައިސާ ވަޒީރުކަމުގެ 60،000ރ އިން ހަމަޖެއްސިއްޖެ! އެޑްވައިސަރ ޖަނާގެ ތައާރަޕް މިރާއްޖޭ އެންމެން ދަންނަ ބޮޑު ސިއްރެއް! އަނދުރޭގެ ވާހަކަ ނުދެއްކުން ބުއްދިވެރި. ދެން އާދަނު ގޯތި އަލީ ވައްކަމުގެ ތުހުމަތުގަ ބެދޭނެތަ؟
ނަންރީރު
18 March 2024
ނާދޮގެއް. މިތާކު ނެތް ސަހަލު އެކަކުވެސް.
އެނދިމަރިޔަނބު
18 March 2024
ފުރަތަމަ ކަމަކަށް އެއީ "ސެމްބެ" މަސްއޮޑިއާ އެއްވެސް ގުޅުމެއއ އޮތް މީހެއް ނޫން. ތާކުން އިވޭ ވާހަކައާ އަމިއްލައަށް ހަދައިގެން ވާހަކަ ނުފަތުރާ.
އަފްރާސިޔާބު
17 March 2024
ދެން އިވޭނީ ސާބިތު ނުވެގެން ދޫކޮށްލި ވާހަކަ. ނޫނީ ލިއުމުގައިއޮތް ކުށެއްގެ ސަބަބުން އެމީހުން މިނިވަންވި ވާހަކަ. ނޫނީ ހައްޔަރު ކުރަން އޮންނަ ގޮތަށް ހައްޔަރު ނުކުރުމުގެ ސަބަބުން ގާޒީ ދޫކޮށްލި ވާހަކަ. ދެން އިވޭނީ ދޫކޮށްލި ގޮތް ގޯސްވެގެން އިސްތިއުނާފު ކުރިވާކަ. އިސްތިއުނާފުކުރީމާ ދަށު ކޯޓް ހުކުމަށް ތާއީދު ކޮށްފައި މައްސަލަ ނިންމި ވާހަ. ރާއްޖޭގައި މިހިންގަނީ "އަންދާ ގާނޫނު."
ޝަރީއާ އޮތީ ނިދިފަ
17 March 2024
ދިވެހި ރުފިޔާގެ ހާދަ އަގު ނެތީމައޭ މިލިއަނުން ވައްކަން ކުރީމަވެސް އިގިލީގެ ނިޔަފަތި ކަނޑާލަންވެސް ހުކުމެއް ނާންނަނީ! ޖަޕާނު އެންމެ ޔެނެއް ވަގައް ނަގާމީހުންނައްވެސް ޝަރީއާގެ ހުކުމުން ކުޑަހުޅުގަ ބެންޑޭޖް އަޅަން ޖެހޭނެ!
ސަމްތިންގ
17 March 2024
ދެންކޮބާ ކަލޭމެން . އަލްހާނު ފަހުމީގެ މަައްސަލަ. ގިނަ ދުވަސްވީ ހަނދާން ނެތުނީތޯ ނޫނީ ފިތުނީތޯ. މިހާރު ކަލޭމެން އެކަމާއި ގުޅިގެން އެއްޗެއްބުނާ އަޑެއް ބަޑެއް ނީވޭތީ އަހާލީ
ސައްލާ
17 March 2024
ނުކުރެވޭނެ ސާބިތެއް،އެހަމަ ޔަގީން،ކޮންމެ ބަަޔަކުވެސް މޮޅު ވާހަކަ ދަށްކަނީ އޭ، މިހާރު އޮންނާނީ ގާޒީ ޕޭމެންޓް ނިންމާފަ،
ބޯލް
17 March 2024
ބޮޑަށް ހީވަނީ މައްސަލަ ނިމޭނީ އެމައްސަލަ ސާބިތު ނުވެ އަސްލު ވަގުން އަބުރުގެ ދަޢުވާ ކޮށް އެ މުސްކުޅި މީހާގެ އަތުން އެންމެ ފަހުން ބަދަލު ދޭންޖެހިގެން ހެން. އެއީ މިރާއްޖޭގެ ޢާއްމުކޮށް މައްސަލަތައް ނިމޭ ގޮތް!
ބްރޯސް
17 March 2024
ކިހާވަރަކުން ދާނެބާ. ނިމޭއިރު ފުލުހުންގެ ކޮންމެވެސް އިޖުރާއަތެއް ފުރިހަމަ ނުކޮށްގެން ތިމީހާ ވަގުންނަށް 1.8 މިލިއަން ރުފިޔާ ދޭން ނުޖެހިއްޖިއްޔާ ރަނގަޅު.