ފެނަކައިގެ މެނޭޖިން ޑިރެކްޓަރު މުއާޒް މުހައްމަދު ރަޝީދު: އޭނާ ވިދާޅުވީ ވަރަށް އަވަހައް އައްޑޫ ކަރަންޓު މައްސަލަ ހައްލުވާނެ ކަމަށް.- ފޮޓޯ: ފަޔާޒު މޫސާ| މިހާރު
27 މާޗް 2024 - 12:33
18 comments
އައްޑޫގެ ގުޅިފައިވާ ރަށްތަކުން ވަކި ގަޑިތަކެއްގައި ކަރަންޓު ކަނޑަންޖެހޭ މައްސަލަ ހައްލު ކުރެވެން އޮތީ 1.6 މެގަވޮޓްގެ ޖަނަރޭޓަރެއް ގަނެގެން ކަމަށާއި އެ މަސައްކަތް ފަށާފައިވާ ކަމަށް ފެނަކަ އިން މިއަދު ބުނެފި އެވެ.
އެ ކުންފުނީގެ މެނޭޖިން ޑިރެކްޓަރު މުއާޒް މުހައްމަދު ރަޝީދު "މިހާރު" އަށް ވިދާޅުވީ، އައްޑޫގެ ގުޅިފައިވާ ރަށްތަކަށް ކަރަންޓު ދިނުމަށް މިހާރު ވެސް 17 ޖަނަރޭޓަރު ބަހައްޓާފައިވާ ކަމަށާއި އެކަމަކު ލޯޑު ބޮޑުވާތީ އިތުރު 1.6 މެގަވޮޓުގެ ޖަނަރޭޓަރެއް ބޭނުންވާ ކަމަށެވެ. އެހެންވެ، އެ ޖަނަރޭޓަރު ގަތުމުގެ ކަންކަން ފަށާފައިވާ ކަމަށް އޭނާ ވިދާޅުވި އެވެ.
އައްޑޫގައި ގުޅިފައިވާ ރަށްރަށުގެ ހުރިހާ ގެތަކަށް ބޭނުންވާ ވަރަށް ކަރަންޓު ނުއުފެއްދޭތީ މި ރޯދަމަހުގެ ކޮންމެ ދުވަހަކު ވެސް ދަނީ އެކި ގަޑިތަކުގައި ކަރަންޓު ކަނޑަމުންނެވެ. އެކަމާ ކަންބޮޑުވުން ފާޅުކޮށް، އައްޑޫގެ މޭޔަރު އަލީ ނިޒާރު ވިދާޅުވީ އެއީ ރައްޔިތުން އުފުލަން ޖެހިފައިވާ ތަކުލީފެއް ކަމަށެވެ.
"ރޯދަ މަހު ކޮންމެ ދުވަހަކު ހަވީރު ދަޅައިގައި ކަރަންޓު ކެނޑުމަކީ އެއީ އެހާ ފަސޭހަ ކަމެއް ނޫން. ގަޑި، ދެ ގަޑިއިރު އެބަވޭ ކަރަންޓު ނުލިބި،" ނިޒާރު ވިދާޅުވި އެވެ.
"ކަރަންޓު ކެނޑޭއިރަށް ފެން އެބަ ކެނޑޭ. ދޭތި އެއްކޮށް މި ދަނީ. ކަރަންޓު އެގޮތަށް ކަނޑާތީ ފެނުގެ ރިޒާވް ވެސް، 24 ގަޑިއިރަށް ބޭނުންވާ ފެނެއް މިހާރު ނުބެހެއްޓޭ."
އައްޑޫގެ ކަރަންޓު މައްސަލަ ހައްލު ކުރުމަށް ކުރާ ކަންކަމާ ގުޅޭގޮތުން "މިހާރު" އިން ސުވާލު ކުރުމުން މުއާޒް ވިދާޅުވީ އައްޑުއަށް ބޭނުންވާ 1.6 މެގަވޮޓުގެ ޖަނަރޭޓަރެއް ގަތުމަށް މިހާރު ހަވާލުކޮށްފައިވާ ކަމަށެވެ.
އެ ޖަނަރޭޓަރު ވަރަށް އަވަހަށް ލިބޭނެ ކަމަށާއި އެ ލިބުމުން އައްޑޫ ކަރަންޓުގެ މައްސަލަ ހައްލު ވާނެ ކަމަށް އޭނާ ވިދާޅުވި އެވެ.
"ސަރުކާރާ ވާހަކަ ދައްކައިގެން މި ދަނީ އެކަން ކުރުމުގެ މަސައްކަތް ކުރަމުން. އޭރުން އައްޑޫ ކަރަންޓު މައްސަލައަށް ހައްލު ލިބިގެންދާނެ،" މުއާޒް ވިދާޅުވި އެވެ.
ހިތަދޫ މަގެއް.-- ފޮޓޯ: މިހާރު
ދެ މިލިއަން ރުފިޔާގެ ޖަނަރޭޓަރުތަކެއް ހަލާކުވާން ދޫކޮށްލާފައި!
އައްޑޫގައި މިހާރު 17 ޖަނަރޭޓަރު ބޭނުންކޮށްގެން ކަރަންޓު ދޫކުރަމުން އައި ނަމަވެސް އޭގެ ތެރެއިން ބައެއް ޖަނަރޭޓަރު ބޭނުންކުރަނީ މަރާމާރު ކޮށްގެން ކަމަށް މުއާޒު ވިދާޅުވި އެވެ. ދެން ހުރީ ވަރަށް ގިނަ ދުވަސް ވެފައިވާ ޖަނަރޭޓަރުތަކެއް ކަމަށް މުއާޒު ވިދާޅުވި އެވެ.
މިހާރު ދިމާވެގެން އުޅޭ ކަރަންޓުގެ މައްސަލަ ޖެހުނީ އައްޑު އަށް ގެންދިޔަ ދެ މެގަވޮޓްގެ ދެ ޖެންސެޓު ބޭނުން ނުކޮށް ގިނަދުވަސް ވުމުން ކަމަށް އޭނާ ވިދާޅުވި އެވެ.
"ދެ މެގަވޮޓްގެ ދެ ޖެންސެޓު ކުރިން ހުންނަނީ ބޭނުން ނުކޮށް. އަވީގައި ބަހައްޓާފައި ހުރީ. އަޅުގަނޑުމެން އައިސް އެ މެއިންޓަނެންސް ކޮށްގެން އޮޕަރޭޝަނަށް ގެނައުމަށް މަސައްކަތް ކުރިން. ނަމަވެސް އެ ދޭތި އޮޕަރޭޝަނަށް ގެނެވޭ ގޮތެއް ނުވި، ތަންތަނުން ލީކުވާތީ ލޯޑެއް ނުނަގާ،" މުއާޒު ވިދާޅުވި އެވެ.
"އެ ދޭތި ހަލާކުވީމާ މިހެން މި ވީ. އެހެންވެ ރޯދަމަހު ކަރަންޓު ކަނޑަން ޖެހުނީ."
ފެނަކަ އެމްޑީ މުއާޒު.--
އެއީ ގާތްގަނޑަކަށް ދެ މިލިއަން ރުފިޔާގެ ޖަނަރޭޓަރުތަކެއް ކަމަށް ވެސް އޭނާ ވިދާޅުވި އެވެ.
ޖަނަރޭޓަރުތައް ގެނައުން ލަސްވާ ސަބަބެއް ކަމަށް މުއާޒް ވިދާޅުވީ އެކަމަށް ބޭނުންވާ ފައިސާ ހަމަނުޖެހި ހުރުމުންނެވެ. އެކަމަކު، މިހާރު އެ ފައިސާ ހަމަޖެހިފައިވާ ކަމަށާއި ގަތުމުގެ މަސައްކަތް މިހާރު ކުރިއަށްދާ ކަމަށް އޭނާ ވިދާޅުވި އެވެ.
"މިހާ ބޮޑެތި އެއްޗެހި ވީމާ މިއީ މެނުފެކްޗާ ކޮށްފައި ހުންނަ އެއްޗެއް ނޫން. އެކަމަކު އެ ޕްރޮސެސް އެބަދޭ ވަރަށް ބާރަށް ކުރިއަށް ހަމަ. އެ ގެނެވިގެން މިކަމަށް ހައްލެއް ވާނީ،" މުއާޒް ވިދާޅުވި އެވެ.
ޖަނަރޭޓަރުތައް ގެނައުމުގެ ކުރިން ރާއްޖޭގެ އެކި ރަށްރަށުގައި ހުރި ޖަނަރޭޓަރުތަކުގެ ތެރެއިން އެއް މެގަވޮޓުގެ ޖަނަރޭޓަރެއް ގެންދިއުމުގެ މަސައްކަތް ވެސް ކުރަމުންދާ ކަމަށް މުއާޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
28 March 2024
އައްޑޫސިޓީއަށް ބޭނުންވާ ކަރަންޓް އުފެއްދޭވަރަށް ސެންޓްރަލް ޕަވަރ ހައުސްގައި ޖަނަރޭޓަރ ބަހައްޓައި އައްޑޫގައި ވަކިންއޮތް 2 އަވަށާއި އައްޑޫގައިހުރި ރިސޯޓް ތަކަށް ސެންޓްރަލް ޕަވަރ ހައުސްއިން ކަރަންޓް ދެވޭގޮތް ހެދުމަށްޓަކާ މެރިންކޭބަލް އަޅައިގެން މުޅި އައްޑޫ ކަރަންޓްވިއުގަ ގުޅާލައިގެންމެނުވީ ތިކަން ހަމައަކަށް ނޭޅުވޭނެ. # ވައްކަމުގެ ޙިޔާނާތުގެ ހާއްޔަކަށްވެފައިވާ ފެނަކައަކަށް މިކަމެއްނުވާނެ. ސްޓެލްކޯގެދަށަށް އައްޑޫ ކަރަންޓްގެ ހިދުމަތް ބަދަލު ކުރާންޖެހޭ.
ލާހޫރެނީ
28 March 2024
ނޫސްވެރިން ދޭބަލަ އައްޑޫސިޓީގެ ހިތަދޫގައި ހުންނަ ފެނަކަ މައި އިންޖީނުގެއަށް ގޮސް ތެދު މަޢްލޫމާތު ހޯދަބަލަ. ބޭރުގައި ސަތަރި އަޅާފައި ހުރި ޔަންމާ 2 އިންޖީނަކީ ޖަޕާނު ސަރުކާރުން އިންޖީނުގެ އިމާރާތްކޮށް ބެހެއްޓި އެއްޗެހި. އެ އިންޖީނުތައް ބޭނުން ނުކުރާތާ އެތައް އަހަރެއް ވެއްޖެ. ދެން މިހާރު ތިޔަ ކިޔާ 1 މެގަވޮޓްގެ 2 އިންޖީނު އަދި އިންޖީނުގެއިން ބޭރަކަށް ނުނެރޭ. އެހެންވީމަ އެމްޑީ އަށް ހީވީ ތޯއްޗެއް ގޯތިތެރޭ ސަތަރި އަޅާފަހުރީ އެބުނާ އިންޖީނުކަމަށް.
އޮނަރަބްލް އަފީފު ދީދީ
27 March 2024
ރާއްޖޭގެ ހުރިހާ ސިޓީތަކެއްގެ ކަރަންޓްގެ ހިދުމަތް ޤައުމީ ކަރަންޓް ކުންފުނި STELCO ގެ ދަށަށް ގެނެސްގެން މެނުވީ މިކަންކަން ހައްލު ނުކުރެވޭނެ. # މިސިޓީގައި ހުރި ކުދި ޖެނަރޭޓަރުތައް ފެނަކައިން ހިދުމަތްދެމުންގެންދާ ކުދިކުދި ރަށްތަކަށް ބަދަލު ކުރުމަށްފަހު އައްޑޫސިޓީގައި 2 މެގަވޮޓްގެ 2 ގަނޑެތި ބަހަައްޓައި މެރިންކޭބަލް މެދުވެރިކޮށް ހުޅުމީދޫ އަވަށާއި، ހެރެތެރެ، ޕާމްބީޗް އަދި ޝަންދްރިލާޒް އަށް ސެންޓްރަލް ޕަވަރހައުސް އިން ކަރަންޓް ދެވޭގޮތް ހަދާންޖެހޭ.
ބަލިމީހާ
28 March 2024
އައްޑޫ ސިޓީ އަށް 2 މެގަވޮޓް ގެ 2 އިންޖީނަކުން މިހާރު ވެސް ނުފުދޭނެ. ދެން ތިބުނާ ރިސޯޓްތަކާިއ ހުޅުމީދޫ އަދި ހަންކެޑެ އިތުރަށް ތަރައްގީ ކުރާ ރިސޯޓު ހޮޓާ ތަކާއި ފްލެޓް ތަކާއި ކޮބާ؟ އޮނަރަބްލް އަށް އަދި ހަމަ ނޭނގޭ.
ފެނަކާ
27 March 2024
ކޮރަޕްޓް ކޮށް ހިންގާ ތަނެއްގައި ކަންތައްތައް ދާނީ މިބީދައިން. ތިމީހުން ސޯލާ ޖަހާ ވާހަކަ ބުނެގެން އެކަމުގެ އިންތިޒާރުގައި ތިބޭތާ ޒަމާން ތަކެއް ވެއްޖެ. މުއާޒަށް ކަމެއްވިއްޔާ އައްޑޫގެ ހުރިހާ ގޭބިސީ އެއްގައި ޗައިނާ މީހުން ލައްވާ ސޯލާ ޖައްސަބަލަ. ހިއެއް ނުވޭ ކެރޭނެހެނެއް. ތެލަކީ ވަރަށް ލާރިވިއްޔާ. މާލޭ މަގު ހިލޭ ހެދުމަށް ވުރެ ސޯލާ ލިއްޔާ ބަޖެޓަށް އެނގެންވާނެ.
ދޯޕައްޓާ
27 March 2024
އިންތިހާއަށް ދަރާފައޭ ކިޔައިގެން އާވިއަރުވައަރުވާފަ މިހާރު ތިކަހަލަ އަގުބޮޑެތި އެއްޗެހި ތިހަރަ ގަންނަނީ ކިހިނެއްތަ، އިތުރަށް ފައިސާ ލިބެނީތަ މިހާރު
އަލިދީ
27 March 2024
މިދިޔަ 5 އަހަރު ތި 2 ޖަނެރޭޓަރ ބޭނުން ނުކޮށް އަވީގައި ބަހައްޓާފައި ހުރި އިރުވެސް އައްޑޫ އިން ކަރަންޓް ނުކެޑޭ. ފެނެއް ނުކެޑޭ. އެކަމަކު ފެބްރުއަރީ މަސް ފެށުނު ފަހުން ކަރަންޓް އަދި ފެން ނުކެނޑޭ ދުވަހެއް މަދު. އެހެން ވީމަ ތިހެން ދައްކާ ސިޔާސީ ވާހަކަ އައްޑޫ މީހުންނަށް ގަބޫލުކުރަން އުދަގޫވެގެން އެމްޑީޕީ އަށް ވޯޓް ދެވެނީ.
ޖާބިރު
27 March 2024
ކޮއެފުޅާ އައްޑޫގެ މަގުތަކުގައި ގާއިމުުރަމުންދާ ޑްރެއިނޭޖް ސިސްޓަމްތަކަށްވެސް 1.6 މެގަވޮޓް އެބަ ބޭނުންވޭ އަދި ތިޔަވަރަކުން މިކަމެއްނުވާނެ. މިހުރިހާކަމަކަށް ބަލާފަ ތަކެއްޗަށް އޯޑަރުކުރޭ.
އާދަނު
27 March 2024
އިންތިހާބަށް ދަރާފަ އޮތް ކުންފުންޏަށް ހެސް ކިޔާ މުއަށްޒަފުން ނުނަގަ އައްޑޫ ކަރަށްޓް މަންސަލަ ހައްލު ކޮށްބަލަ
ކިހިނެއްދޭނީ
27 March 2024
މިސަރުކާރުން އެއްވެސް ރައްޔިތެއް ބާކީ ނުކުރާނެ ވީހާވެސް އަވަހައް ފޮނުވާ ހައްލުކުރާނެ. އެބުނީ ކުރިންކަންތައް ކޮއްފަވާގޮތް އަގުބޮޑު އެއްޗެއް ހަލާކު ކޮއްލަން ދޫކޮއްލާފަވަނީ.
ޙުސެއިން އަލީ
27 March 2024
އެމްޑީ ކަރަންޓުގެ ހާލަތާއި ގުޅޭގޮތުން ކަނޑައެޅިގެން ދޮގުތަކެއް ހަދައިގެން ވާހަކަ ތިދައްކަނީ
އިބްރާހިމްބެ
27 March 2024
އަޅުގަނޑުމީ އެރަށު މީހެއް އެމްޑީ އެބުނީ ތެދައް އެ ދެ ޖަނާރޭޓަރ ބޭރުގަ ބަހައްޓާހަ ހުންނަތާ އަހަރެއް ވެދާނެ
ޙުސެއިން އަލީ
27 March 2024
އެއްވެސް އިންޖީނެއް އަވީ ލާފައެއް ނެތް އައްޑޫ އަަށް ކުރި ދަތުރުގަ އެކޮޅުން ލަފާ ދިނީ 2މވ ގެ 2 އިންޖީނު ގަޑި ހަމަވެފައި ވުމާއި އެކު އޮވަރހޯލް ކުރުމަަށް އެކަމަކު އެމްޑީ މެން ނިންމީ އެ ލަފާ ބޮލާލާޖެހުމަށް ފަހު ލަންކާ ކުންފުންޏެއްގެ ޓެކްނީޝަނުން ގެނެސް އިންޖީނު ހިންގަން އެކަމަކު އެމީހުން އައިސްކުރިމަސައްކަތުން އެކަން ކާމިޔާބު ނުވި އެމީހުންގެ ވެސް ނިންމުމަކަށްވީ އޮވަރހޯލް ނުކޮށް ނުހިންގޭނެކަމަށް
ޙުސެއިން އަލީ
27 March 2024
އިބްރާހިމްބެ ބުނެދީބަލަ ކޮންތާކު ބޭރުގަ އަވީ ލާފަ 2 އިންޖީނު އިނީ؟
ޖާބިރު
27 March 2024
ހަމަ ވަގްތުން ވަގްތަށް ދާމިއީ ސޮލިއުޝަނަކަށްދޭބަލަ. އައްޑޫގެ ތި ހުރިހާ އިންޖިސް 5 މެގަވޯޓްގެ 5 އިންޖީނުން ރިޕްލޭސްކޮށްލަންވީ. އޭރުން ތި 17 އިންޖީނު ރާއްޖޭގެ 5000 ވަރުގެ އާބާދީ އޮތް ރަށްތަކަށް އުނދަގުލެއްނެތި ބޭނުންކުރެވޭނެ. އައްޑޫ މިހާރު ކެޕޭސިޓީއަކީ ބޭނުންވާ ލޯޑަކީ 17 ވަރަކަށް މެގަވޯޓް. މިއަންނަ އަހަރު ސްކޫލުތައް އޭސީ ކުރަން ރައީސް އެއިލާންކުރެއްވި، އައްޑޫގައި 163 ކުލާސް ހުރޭ. އެއީ 326 އޭސީ. މިވަރު ބަލާފަ އިންވެސްޓްކުރޭ.
ހަމަދު
27 March 2024
ބަޔަކުވަނީ 5 އަހަރު ކަމެއް ނުކޮއް ބޭކާރު ކޮއްލާފަ ރަށްރަށުގެ ޖަނަރޭޓަރުތައް ވެސް ސާވިސްނުކޮއް 1 އަހަރު ހިންގާފަ އަދި ތަކެތި އަޅާނުލާ ހަލާކުވާން ދޫކޮއްލާފަ. އެކަން އެފެންނަނީ. ތިޔަބުނާ އޭސީތައް ހަރުކުރަންވާއިރައް ޖަނެރޭޓަރުތައް ރަނގަޅުކޮއްފަ ގެންނާނީ