އިނގިރޭސި ވިލާތުގެ "އެންމެ ލަދުކުޑަ މަންމަ" ގެ ގޮތުގައި މަޝްހޫރުވެފައިވާ ޝެރީލް މިދިޔަ އަހަރު އޭނާގެ ހުރިހާ ދަރިންނާއި ފިރިމީހާއާ އެކު
19 ފެބުރުއަރީ 2017 - 06:11
12 comments
އިނގިރޭސި ވިލާތުގައި ހުރި އެންމެ ދަރިން ގިނަ މީހާގެ ގޮތުގައި މަޝްހޫރުވެފައިވާ، 12 ދަރިންގެ މަންމަ ޝެރީލް ޕްރުދަމް 13 ވަނަ ދަރިއަކަށް ބަލިވެ އިންކަން އެނގުމާ އެކު އެ ގައުމުގެ މީޑިއާގެ ސަމާލުކަން އޭނާއަށް އަނެއްކާވެސް އަމާޒުވެއްޖެ އެވެ.
އުމުރުން 34 އަހަރުގެ ޝެރީލް ބަލިވެ އިންނަނީ ދަރިންނަށް ދައުލަތުން ދޭ އިނާޔަތްތައް ހޯދަން ކަމަށް އޭނާ މީގެ ކުރިން ބުނެފައި ވާތީ މިއީ އެންމެ "ލަދު ކުޑަ މަންމަ"ގެ ގޮތުގައި މީޑިއާއިން ވަނީ ސިފަކޮށްފަ އެވެ. އެކި މީހުންނަށް ދަރިން ވިހަމުން ގޮސް މިހާރު 12 ހަމަވެފައި ވާއިރު އެ ހުރިހާ ކުދިންނަށް އަހަރެއްގެ މައްޗަށް ދައުލަތުން 40،000 ޕައުންޑު ލިބެ އެވެ. އެހެންވެ ޝެރީލް އަށް "ކްއީން އޮފް ބެނެފިޓްސް" އޭ ވެސް ކިޔަ އެވެ.
ޝެރީލް އަށް މި ލިބޭ ކުއްޖާއާ އެކު އޭނާގެ އިނާޔަތަށް 712 ޕައުންޑް އިތުރުވާނެ އެވެ. "ދަ ސަން" އިން ބުނީ ޝެރީލް އިނީ ބަލިވެ ކަމަށާއި މިހާރު ބަނޑަށް 12 ހަފުތާ ކަމަށް އޭނާ ވަނީ އެކުވެރިއެއްގެ ގާތު ބުނެފަ އެވެ.
ޝެރީލް ބުނެފައި ވަނީ އޭނާ މިހާރު ވަނީ ވިހެއުމަށް ދެވި ހިފާފައި ކަމަށެވެ. އެކަމަކު އޭނާ މާގިނައިން ދަރިން ހޯދާތީ އާއި އާއިލާއެއް ބިނާ ނުވެ އެކި މީހުންނަށް ދަރިން ހޯދަމުންދާ މައްސަލާގައި ވަނީ ވަރަށް ބޮޑަށް ފާޑުކިޔުންތައް އަމާޒުވެފަ އެވެ. އަދި ޝެރީލް އަކީ ވަޒީފާއެއް އަދާ ނުކުރާ މީހަކަށް ވެފައި މިގޮތަށް ދަރިން ހޯދައި، ޓެކްސް ފައިސާއިން ހުރިހާ ކަމެއް ހަމަޖައްސައިގެން އުޅުމަކީ ލަދުވެތި ކަމެއްގެ ގޮތުގައި ދެކޭ މީހުން ގިނަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުންކޮ
20 February 2017
މުސްލިމުންގެ ޙާލަތު ތިޔާގާތް ކުރާއިރު ދެން ކާފަރުން އުޅޭނެގޮތް ވިސްނާ
މީހާ
20 February 2017
ރާއްޖޭގައި މީހުންގެ ހްމދްރުދީއާއި ކުލުނާއި ލޯބި ގަދަކަމުން ހޯދައިގެން ފައިދާ ނަގަން އުޅޭ ބައެއްގެ އުޅުމަށް ބަލާއިރު ތިޔަ މަންމައަކީ އަދި ލަދު ރަކި މީހެއް !
އަބްދުއްލާ އަލީ
19 February 2017
މިއީ އެކަނިވެރި މައެއް. ނަސީދު ބުނާ ވައްތަރުގެ
ބީތާ
19 February 2017
ކުދިންތައް ގައިގަ ތަޅާ އަނިޔާނުކޮއްބެލީމަ ވެސް ލަދުކުޑަމަންމައޯ.. ކުދިންމަރާ މަންމައިންނަށް އޯގާތެރި އަމައޭތަ ކިޔަނީ..
ސަރުކާނު
19 February 2017
ޑިމޮކްރަސީގެ މަންމައިންނާއި ބައްޕައިންނާއި މީޑިއާގެ ހުރިހާ މިނިވަންކމަކާއި އިންސާނީ ޙައްޤު އޭގެ އެންމެ އުސްމިނަށް އޮންނަ ތަނެއްގައި އަންހެނަކާ ހާދަވަރަކަށް ތިތިބީ ޖައްސާލާފާ. ވިހެއުމަކީ އޭނަގެ ޙައްޤެއް ނޫންތަ؟ ދައުލަތުން އެއްޗެތި ދެނީ އޮންނަ އުސޫލަކުންނެއްނު؟ ދެންކޮބާ މައްސަލައަކީ؟
އަޒޫ
19 February 2017
ނިޒާމް ނުހަމަގޮތުގައި ބޭނުން ހިފަންޔާ ގޯސް ދޯ.
ތާރީޚު، ދިވެހި ރާއްޖެ.
19 February 2017
އެކަނިވެރި މައިންނަށް ދޭ އިނާޔަތުގެ ފައިދާ !
ގާހިރު
19 February 2017
ބަލަ ތީކީ މާގިނަ ދަރިންނެއް ނޫން.. ރާއްޖޭގައި އެބަތިބި 14 ދަރިން ވިހާފައި ތިބި އަންހެނުން...
މެގީ
19 February 2017
ލިޔުމުގަ ނެތެއްނުން ދުނިޔޭގެ ރެކޯޑޭ ބުނެފައެއް. އޮތީ އިނގިރޭސިވިލާތުގެ ވާހަކަ.
މުހައްމަދު
19 February 2017
ގޯހެއް ނޫން. ބަރާބަރު. ތާކުންތާކު ނުޖެހޭ ގޮތަށް ދޭތެރެ ދުރުކުރުމުގެ ނަމުގައި ހުޅަނގުގެ މީހުން އެހިންގާ ކަންކަމާ ދުރުވެފައި ހުރި ކަން ނަސީބު. ތިޔަ ދަރިންތައް ބޮޑެތިވެގެން ޚިދުމަތްކުރާނީ އިނގިރޭސިވިލާތަށް. ޓެކްސްއިން ކުރާ ޚަރަދަކީ ބޭކާރު ޚަރަދެއް ނޫން. އެއަށްވުރެ މާބޮޑެތި މާ ބޭކާރު މާ ނުބައި ކަންކަމަށް އިނގިރޭސިވިލާތުގެ ރައްޔިތުން ދައްކާ ޓެކްސް ހުރީ ޚަރަދުވެފައި. މިސާލަކަށް، ދޮގު ހަދައިގެން އިރާގު ސުންނާފަތިކުރަން ކުރި ޚަދަރު ފުދޭނެ. ރާނީގެ އާއިލާއަށް ކުރާ ބޭކާރު ޚަރަދު ފުދޭނެ.
ޕިންކް ޑާންސް ޑާންސް
19 February 2017
ރާނީގެ އާއިލާ ޓެކްސް ފައިސާ އިން ތަޅާ ބުރުއްސީމަ އޯކޭ!!! އެނުވޭ ލަދުވެތި ކަމަކަށް ކިތަށް މިލިޔަން އެ ހަރަދު ވަނީ އެ އާއިލާ ބެލެހެއްޓުމަށް....
zahid
19 February 2017
އެއީ އިނގިރޭސި ރައްޔިތުން ބޭނުންވާގޮތް. ޑަޔާނާ މަރުވެގެން ޝާހީއާއިލާ އުވާލަން ރައްޔިތުންގެ ފެންނަނުފެންނަ ވޯޓަކުންވެސް ދެއްކީ ރައްޔިތުން ޝާހީއާއިލާ ދެމިއޮންނަން ބޭނުންވާކަން. އެހެންވީމާ އެމީހުން ދައުލަތުން ލިބޭ ފައިސާއަކީ ރައްޔިތުން އެމީހުންނަށްދޭން އެއްބަސްވެފައިވާ ފައިސާއެއް. ނުހަމަ ގޮތުގައި ނިޒާމު ބޭނުންކުރުމެއް ނޫން. މިއަންހެންމީހާ ސީދާ އަތުންފައިން މަސައްކަތެއްނުކޮށް ނިޒާމުގެ ބޭނުން ނުހަމަގޮތުގައި ހިފައިގެން ލާރި ހޯދަނީ.