އެމްޕީއެލްއިން ކޮންޓެއިނާތައް ބަހައްޓާފައި ހުންނަ އޭރިއާ -- ފޮޓޯ: ފަޔާޒް މޫސާ / މިހާރު
03 އެޕްރީލް 2024 - 11:47
14 comments
އެމްޕީއެލް އިން ބޯޓުފަހަރުން ނަގާ ސްޓީވްޑޯރިން ފީ ޑޮލަރުން ނަގަން ފަށައިފި އެވެ.
ސްޓީވްޑޯރިން ފީ އަކީ ޕޯޓުތަކުން ބޯޓުފަހަރުން، ކޮންޓެއިނާތައް އެރުވުމަށާއި ބޭލުމަށް ބޯޓުތަކުގެ އޭޖެންޓުންގެ އަތުން ނަގާ ފީ އެކެވެ.
މި މަހުގެ އެއް ވަނަ ދުވަހުން ފެށިގެން އެ ފީ ނަގަން ފެށި އިރު 20 ފޫޓުގެ ކޮންޓެއިނާއަކުން ސްޓީވްޑޯރިން ފީގެ ގޮތުގައި ނަގަނީ 195 ޑޮލަރެވެ. އަދި 40 ފޫޓުގެ ކޮންޓެއިނަރަކުން ނަގަނީ 211 ޑޮލަރެވެ. މިއީ މީގެ 12 އަހަރު ކުރިން ވެސް އެމްޕީއެލް އިން ނަމުން އަންނަ ފީ އެކެވެ.
އެމްޕީއެލް އިން 2011 ވަނަ އަހަރާ ހަމައަށް އެޖެންޓުންގެ އަތުން ފީ ނަގަމުން ދިޔައީ ޑޮލަރުންނެވެ. ނަމަވެސް، އޭރު ސަރުކާރުގެ ސިޔާސަތުތަކަށް ގެނައި ބަދަތުތަކާ ގުޅިގެން އެ އަހަރުގެ ފަހުން ބޯޓުތަކުން ފީ ނަގަން ފެށީ ރުފިޔާއިންނެވެ.
އެމްޕީއެލްގެ ޗީފް ފައިނޭންޝަލް އޮފިސަރު މުހައްމަދު މުއިއްޒު ވިދާޅުވީ، އަނެއްކާ ވެސް ޑޮލަރުން ފީ ނަގަން ނިންމީ، އެ ކުންފުނިން ބޮޑެތި އިންވެސްޓްމެންޓްތަކެއް ކުރަމުން އަންނަ އިރު ބޭރުން ބައެއް ތަކެތި ހޯދަން ޖެހޭ ހާލަތްތަކުގައި ޑޮލަރު ހޯދަން ދަތިތަކާ ކުރިމަތިވާތީ ކަމަށެވެ. މީގެ ކުރިން ޑޮލަރު ހޯދަނީ، ސަރުކާރު މެދުވެރިކޮށް ކަމަށާއި، އެހެން ނަމަވެސް އެއީ އެހާ ފަސޭހަކަމަކަށް ނުވާ ކަމަށެވެ. އޭނާ ވިދާޅުވީ، އެމްޕީއެލް އިން ޑޮލަރުން އެ ފީ ނަގަން ފެށުމުން، އެ ކުންފުނީގެ ބޭނުންތަކަށް ބޭނުންވާ ޑޮލަރުގެ އިތުރުން ސަރުކާރަށް ވެސް ޑޮލަރު ފޯރުކޮށްދެވޭނެ ކަމަށެވެ.
އޭނާ ވިދާޅުވީ، މި ފީ ނަގަން ފެށުމުން އެ ކުންފުންޏަށް ގާތްގަނޑަކަށް 25 މިލިއަން ޑޮލަރު ޑޮލަރު ލިބޭނެ ކަމަށެވެ.
މުއިއްޒު ވިދާޅުވީ، މިހާރު ވެސް ޝިޕް އޭޖެންޓުން ވިޔަފާރިވެރިންގެ އަތުން ކޮންޓެއިނާ އުފުލުމަށް ނަގާ ފީ ނަގަނީ ޑޮލަރުން ކަމަށާއި، އެހެންވެ، ކަޅު ބާޒާރަށް ނުގޮސް، ޑޮލަރުން އެ ފައިސާ ދައްކަން ޖެހުމުން ޝިޕް އޭޖެންޓުންނަށް ވާނެ ގެއްލުމެއް ނެތް ކަމަށެވެ.
ރާއްޖޭގައި ކޮންޓެއިންނާ އުފުލާ އުޅެނީ މައިގަނޑު ދެ ޝިޕް އޭޖެންޓުންނެވެ. އެއީ އެމްއެސްއެސް އާއި ލަންކާގެ ޓޯޓަލް ޓްރާންސްޕޯޓް ސޮލިއުޝަން (ޓީޓީއެސް) ކުންފުންޏެވެ.
"މީގެ ނަތީޖާއަކީ ސަރުކާރުން ވެސް ޑޮލަރު މައްސަލަ ހައްލު ކުރުމަށް އެހީވާނެ. އެއީ އަޅުގަނޑުމެންނަށް [އެމްޕީއެލް] އަށް ވަންނަ ޑޮލަރަކީ ބޭންކިން ނިޒާމަށް ވަންނާނެ ޑޮލަރެއް 15.42ރ. ގެ ރޭޓުން. އާންމު ބަޔަކަށް އެ ޑޮލަރު އަރާފައި ރުފިޔާ އަށް ބަދަލުވާ އިރު ބޭންކިން ނިޒާމަކަށް ނުވަދޭ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސް
03 April 2024
2011 ވަނަ އަހަރު ރުފިޔާ އަށް ބަދަލް ކުރީ ވެސް ހަމަ ޖެހޭ އުސޫލަކަށް ނުވަތަ ޤާނޫނީ ގޮތުން ފިޓްވާނެ އުސޫލަކަށް ސިންގަލް ކަރަންސީ ސިސްޓަމަކަށް ހަދަން. މިހާރު އަނެއްކާ ތި ފެށީ، ފަހަތަށްނު ތި ދަނީ. %100 ދިވެހި މުވައްޒަފުންނަށް 2011 ގަ ހެދި، މިހާރު ބައިވަރު ބޭރު މީހުން މޕލ ގަ. ކިހިނެއް ތޯ ތިހަދަނީ؟
ފޮރެކްސް ވިޔަފާރި
03 April 2024
ދިވެހީންގެ ރާއްޖޭގައި ދިވެހި ރުފިޔާނޫން އެހެން ރުފިޔާ ބޭނުންކުރުމާ މެދު މަރުކަޒީ ބޭންކުން ބުނަނީ ކީކޭބާ
ކޮރަލް
03 April 2024
ރާއްޖޭގެ ވިޔަފާރި ތަކުގެ ކޮންޓްރޯލް އޮތީ ބިދޭސީން އަތުގަ އެވެ. ކުދި ވިޔަފާރި ތައް ބަންގްލަދޭޝް މީހުން އަތުގަ އެވެ. މެދު ވިޔަފާރި ތައް ލަންކާ އިންޑިޔާ މީހުން އަތުގަ އެވެ. ބޮޑެތި ވިޔަފާރި ތައް ގަލްފް އަދި ޔޫރަޕް އެމެރިކާ މީހުން އަތުގަ އެވެ. ދިވެހީންނަށް ވިޔަފާރި ކުރަން ފަސޭހައިން ފައިސާ ލިބޭނެ ގޮތެއް ނެތެވެ. ދިވެހީން ބާކީވެ ގިނަ ބަޔަކު ކުނި ކަހަނީ އެވެ. ކުނި އުކަނީ އެވެ. ޕެޓްރޯލް އަޅާ ދެނީ އެވެ. ޓެކްސީ ކުރަނީ އެވެ. ސަރުކާރު އޮތީ ކޯމާގަ އެވެ.
ޙުސެންދީ
03 April 2024
ރާއްޖޭގެ ބަނދަރު ލަންކާގެ ޓޯޓަލް ޓްރާންސްޕޯޓް ސޮލިއުޝަން (ޓީޓީއެސް) ކިހިނެއް ކޮންޓްރޯލް ކުރަނީ!! ބޭރުކުރޭ!
މިކަންހުއްޓުވާ
03 April 2024
މިއީ ރާއްޖޭގެ ގާނޫނާއި ގަވާއިދާއި ޚިލާފަށް ކުރާކަމެއް. މިކަން ހުއްޓުވަން ކަމާއިބެހޭ އިދާރާތަކައް ގޮވާލަން. މީގެކުރިން މިމީހުން ކުރި ވެރިކަމުގައި ގާނޫނުތަކައް ތަބާނުވި. މިހާރުވެސް ކަންކަން މިގެންދަނީ އެމަގުން.
އެދުރު1
03 April 2024
ރާއްޖޭގެ ވިޔަފާރިވެރިންގެ އަތުން ތިބުނާ ލަންކާ އިންޑިޔާ އެޖެންޓުން މި ޗާޖު ނަގަނީ ޑޮލަރުން ދެން ޑޮލަރު ބޮޑުއަގުގައި މާރުކޮށްލާފަ މޕލ އަށް ދެނީ ރުފިޔާ . އެހެންވީމަ މިއީ ހަމަ ވަރަށް ރަގަޅު ބަދަލެއް
ހިތަދޫ 2
03 April 2024
ނޫން އެމީހުން ނަގަނީ ރުފިޔާއިން، ރުފިޔާއިން ޕޭ ކުރަންޔާ ޗީއޭއެފް ޗާގް ނަގާ އެކަމަކު އެއާ އެކީވެސް މާކެޓް ރޭޓަށް ވުރެ ދަށް. މިހާރު ތިހެދީ ގޯހެއް
ކަކުނިބޯ
03 April 2024
ޑޮލަރުން ނަގަންވީ ޓީޖީއެސްޓީ، އެމްޕީއެލްއިން ޑޮލަރ ފައިސާނަގަންފެށީމާ ޑޮލަރަށްބާރުބޮޑުވެ ޑޮލަރއަގުއަރާނެ. އަދި ފްރައިޓްފޯވަޑުން ދެން ބޭނުންވާނީ ޑޮލަރ ރުފިޔާއިން ކަފް ޗާޖްލައިގެންވެސް ޤަބޫލުނުކުރާނެ. ޑޮލަރ ބާރުވެކުރުމުގެ ފުރަތަމަ މަރުހަލާމިސަރުކާރުން ފަށަނީ. ޢޭމިހިރަދިދަޔާ މިޤައުމުގެފައިސާ އަކީ ފްރޭމްކުރަންހުންނައެއްޗެކެވެ.
ވާވާ
03 April 2024
ޑޮރަލުގެ އަގު ރޮކެޓް ސްޕީޑްގައި ދެންދާނީ މައްޗަށް.
ޜަދުން
03 April 2024
0 ފޫޓުގެ ކޮންޓެއިނާއަކުން ސްޓީވްޑޯރިން ފީގެ ގޮތުގައި ނަގަނީ 195 ޑޮލަރެވެ. ޑުބާއީ އިން އިންޑިޔާ އަށް 20 ފޫޓުގެ ކޮންޓައިނަރ އެއް ގެނެސްދޭ އަގު 150.00 ޑޮލަރު؟؟؟؟
ދިވެހި
03 April 2024
ރާއްޖޭގެ މަރްކަޒީ ބެންކުގެ ގަވާއިދު އޮންނަ ގޮތުން ފީ ނެގެނީ ރުފިޔާއިން. އެއީ ރާއްޖޭގެ ލީގަލް ކަރަންސީ
ފޫނު
03 April 2024
އެޔާޕޯޓް ޓެސްވެސްނަގާ ފަތުރު ވެރިންގެ އަތުން އެއީ ވެސް ޑޮލަރުން. އަދި ރިޒޯޓްތަކުން ވެސް ބެޑްޓެކްސް ވެސް
ދިވެހިންގެ
03 April 2024
ރާއްޖެއިން ބޭރުން އަންނަ ބޭރު މީހުންނާއި ބޭރު ކުންފުނިތަކާއި ތަފާތު ދިވެހިންނާއި ރާއްޖޭގައި އުޅޭ ބޭރު މީހުން އަދި ރާއްޖޭގައި ރަޖިސްޓްރީވެފައިވާ ކުންފުނިތައް.
ހައްސަ
03 April 2024
ޤަވާއިދު އޮންނަ ގޮތުން މުސާރަވެސް ދޭންޖެހެނީ ރުފިޔާއިން އެކަމަކު ރިޒޯޓްތަކުން މުސާރަ ދެނީ ޑޮލަރުން. ޑޮލަރުން މުސާރަ ދިނީމަ އެ ޑޮލަރު ބޭންކިންގ ނީޒާމްތެރެއަށް މާރު ނުވެ ބުލެކް މާކެޓަށްގޮސް މާރުކޮށްލަނީ.