މިސްކިތްތައް ސާފުކުރާ ވަޒީފާ އަށް މިފަހަރު އާދަޔާ ހިލާފު ބޮޑު ތަރުހީބެއް!

ބިދޭސީންތަކެއް މިސްކިތް ސާރުކުރަނީ: މިސްކިތް ސާފުކުރަން ދިވެހިން ހޯދަން އިއުލާން ކުރުމުން 200 އަށްވުރެ ގިނަ މީހުން ލާފައިވާ ކަމަށް ކައުންސިލުން ބުނޭ.--

ފާތިމަތު އަޖްފާން، މިހާރު

04 އެޕްރީލް 2024 - 11:42

12 comments

މާލޭގެ މިސްކިތްތައް ފޮޅައި ސާފުކޮށް، ބެލެހެއްޓުމުގެ މަސައްކަތަށް ދިވެހިން ހޯދަން ދެ ވަނަ ފަހަރަށް އިއުލާން ކުރުމުން 200 އަށް ވުރެ ގިނަ މީހުން އެ ވަޒީފާ އަށް ކުރިމަތިލާފައިވާ ކަމަށް މާލެ ސިޓީ ކައުންސިލުން މިއަދު ބުނެފި އެވެ.

މިސްކިތްތައް ސާފުކުރަން ދިވެހިން ހޯދަން އެންމެ ފުރަތަމަ އިއުލާންކުރީ މި އަހަރުގެ ފެބްރުއަރީ މަހު އެވެ. އެ ފަހަރު 114 ދިވެހިން ހޯދަން އިއުލާން ކުރުމުން އެޕްލިކޭޝަން ހުށަހެޅީ އެންމެ 14 މީހުންނެވެ.

އެހެންވެ، ކައުންސިލުން ނިންމީ އެ އިދާރާ އަށް ނަގާ ވަގުތީ މުވައްޒަފުންނަށް މަދުވެގެން ތިން އަހަރުގެ ކޮންޓްރެކްޓެއް ހާއްސަ ކުރުމަށެވެ. އެގޮތަށް ބަދަލުކޮށް މިސްކިތްތަކުގެ މަސައްކަތްތައް ކުރަން ދިވެހިން ނެގުމަށް މިދިޔަ މަހު އަލުން އިއުލާން ކުރި އެވެ.

މާލޭގެ މިސްކިތްތައް ސާފުކުރުން ފަހުން ހޯދަން ސިޓީ ކައުންސިލުން އިއުލާންކުރީ 110 މީހުންނެވެ.

އެ ކައުންސިލްގެ މީޑިއާ އޮފިޝަލް، އާމިނަތު ޝަތުފާ މިއަދު ވިދާޅުވީ، ފަހުން އިއުލާން ކުރުމުން ބޭނުންވާ އަދަށް ވުރެ އިތުރަށް ވަޒީފާ އަށް މީހުން ލާފައިވާ ކަމަށެވެ.

"މިސްކިތް ސާފުކުރަން އިއުލާން ކުރުމުން 230 ވަރަކަށް މީހުން އެޕްލައި ކުރި. މިހާރު ކުރިއަށް ގެންދަނީ އެ މީހުންގެ އިންޓަވިއުތައް ކުރުމުގެ މަސައްކަތް،" އޭނާ ވިދާޅުވި އެވެ.

މާލޭގެ މޭޔަރު އާދަމް އާޒިމް ވެސް ވަނީ ރާއްޖޭގެ މިސްކިތްތައް ދިވެހިންގެ އަތުން ސާފުކޮށް ބެލެހެއްޓުމަކީ ލިބޭ ފަހުރެއް އަދި އުފަލެއް ކަމުގައި ހެދުމަށް އެދިވަޑައިގެންފަ އެވެ.

Miskihthah saafukuran Dhivehin nulibunu, alun hulhuvaalanee

The most trusted news source in the Maldives

Mihaaru

މާލޭގެ މިސްކިތްތައް ކުރިން ސާފުކުރަމުން އައީ ކުންފުނިތަކާ ހަވާލުކޮށްގެންނެވެ. ނަމަވެސް އެ މަސައްކަތް ސިޓީ ކައުންސިލުން ކުރާ ގޮތަށް ބަދަލުކުރަން ކައުންސިލުން ނިންމި އެވެ. މިސްކިތްތައް ސާފުކޮށް ބެލެހެއްޓުމުގައި މިހާރު ގިނައީ ބިދޭސީންނެވެ.

މާލެ ސިޓީ ކައުންސިލް މިސްކިތްތައް މާލެ

12 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަގު ކުނިކަހާ މީހުން ހެން މަކަރު ނުހަދައްޗޭ!

04 April 2024

ކަލޭމެން މިސްކިތްތައް ރީތިކޮށް ސާފު ކުރައްޗޭ! ކާމްޗޯރު ނުވައްޗޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާބް

04 April 2024

އަހަރެން ކުޑައިރު މުދިންބެޔާ އެކީ މިސްކިތް ފޮޅާ ސާފުކުރަން ކޮންމެ ހުކުރަކު ދަން. މިސްކިތުގައި މަަސައްކަތު މީހަކު ނުހުންނާނެ. މިސްކިތްތަކުގައި ފާޚާނާވެސް އޭރު ނުހުރޭ. އަހަރެން ކަހަލަ ދެތިން ކުއްޖަކު ބައިވެރިވެ މިސްކިތުގެ ބިތްތަކާއި ފުރާޅުދަށުން ހުންނަ މަކުނުވާ ތަކެތި ފޮޅައި ހަދަން. އެއްވެސް އެއްޗެއް މުދިންބެ ނުދޭނެ. ބުނާނީ ގިޔާމަތް ދުވަހުން ސަވާބުލިބޭނެ ވާހަކަ. ސަވާބު ލިބޭނެތީ އެކަން އޭރުކުރަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއަފްރާސިޔާބު

04 April 2024

މިސްކިތްތަކާއި ޕާކުތައް އަދި ޕަބްލިކް ސްޕޭސް ތައް ބެލެހެއްޓުމުގެ މުސާރަ ރަނގަޅުވާން ޖެހޭ. އަދި މުދިމުންގެ މުސާރަ ކުޑަނަމަ އެވެސް ބޮޑުވާން ޖެހޭ. ދިވެހީން ވާނެ ހޯދަން އުޅުނީމާ. ކުޑަމުސާރަ އަކުން ދިވެހިންނަށް ފައިދާ އެއް ނުކުރާނެ. ހަމަ ޔަގީނުންވެސް ރިޓަޔަރ ކުރާމީހުން ވެސް ތިބޭނެ މިސްކިތް ސާފު ކުރެވޭ ވަރުގެ. ތަންކޮޅެއް ކުރީގާ މިސްކިތް ސާފުކޮށް ބެލެހެއްޓީ ހަމަ ދިވެހިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާހިދާޔ

04 April 2024

“ މާލޭގެ މޭޔަރު އާދަމް އާޒިމް ވެސް ވަނީ ރާއްޖޭގެ މިސްކިތްތައް ދިވެހިންގެ އަތުން ސާފުކޮށް ބެލެހެއްޓުމަކީ ލިބޭ ފަހުރެއް އަދި އުފަލެއް ކަމުގައި ހެދުމަށް އެދިވަޑައިގެންފަ އެވެ.” ވަރަށް ވަރަށް ވަރަށް އުފާވެއްޖެ. ވ ދެރަވޭ އަހަރުމެންގެ މިސްކިތް ސާފު ކުރަން ވެސް ބިދޭސީން ތިބޭތަން ފެނުނީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅޮސްބިސްގަނޑު

04 April 2024

މުދިމުނަށް ވުރެ ސާފުކުރާމީހުންގެ ސަލަރީ ރަގަނޅު އެހެންވީމަ ކުރިމަތިލާ މީހުން ގިނަވީ މިފަހަރު… ހާދަ ކުޑައޭ މުދިމުންގެ ސެލަރީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިހްސާސް

04 April 2024

މުދިމުގެ މަސައްކަތަކީ ބަންގި ގޮވާފަ އިމާމުވެ ނަމާދުކުރުން. މަސައްކަތުމީހާ މިސްކިތް ދޮވެ ކުނިކަހާ ސާފުކުރަނީ. ބުރަ މަސައްކަތެއްމީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސނަްބެ

04 April 2024

މުދިމުން ސެލަރީ ކުޑަވީމަ ބޮޑާ ހާކާފަ 2 އިރު ބަންގި ގޮވަނީ،،،ދެން ބަކީބައި އެމިސްކިތަކަށް އަވަލާފަ ހުންނަ މީހަކު ކުރަނީ<..މިއީ ވާގޮތަކީ...މުދިމު ހުންނަން ވަނީ ހަމަ އެކަނި ބަޑި އެދުރުގެ ހަދުން އަޅާފަ ނަމާދު ކޮއްލަން އެކަނި...ބަންކި ގޮވުމެއް މިސްކިތަށް ވާގޮތެއް ބަލާލުމެއްވެސް ނޯވޭ....ތިކަން ތި ގޮތަކަށް ނުދާނޭ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅޮހާ

04 April 2024

ކޮންމެ ކަމަކަށް މުސާރަ މުސާރަ އިނާޔަތް އިނާޔަތް ހޯދަން މާބޮޑަށް މިހާރުގެ މީހުން އާދަވެފަ ތިބެނީ. އިހުގައިވެސް އެ ލިބޭ އެއްޗަކުން ފުއްދައިގެން އުޅެން ދަސްކޮށްފަ ދިވެހިން ތިބީ. ލޮލަށް ފެންނަ ކޮންމެ އެއްޗެއް ބޭނުންނުވާނަމަ އަދި މުއްސަދިން ދިރިއުޅުން އުޅޭ ގޮތަށް އުޅެން ބޭނުންނުވާނަމަ ގިނަ ބަޔަކަށް ލިބޭ އެއްޗަކުން ފުދޭނެ. ދަރިންނާ އަނބިންނާ މުދާ ދެއްވި މީހުންނަށް އެތަކެތި ދެއްވީ އިމްތިހާނެއްގެ ގޮތުން. އެތަކެތި ހޯދަން ނުއުޅުމުން މާ ރަގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަހެރުވައް

04 April 2024

ޒަމާނާ ހާލަތާ އެކަށީގެންވާ ގޮތަށް މުސާރަޔާ އެހެނިހެން ކަންކަން ހަމަޖެހޭނަމަ ދިވެހިން ކިތަންމެ ވަރަކަށްވެސް ވަޒީފާއަށް އަންނާނެ. މިހާރު ތިއޮތް 3 އަހަރުވެސް އަސްލު މަދު. މަދުވެގެން 5 އަހަރަށް ހަދާނަމަ އަދި މާބޮޑަށްވެސް ރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުރުނބާ

04 April 2024

ދިވެހިން އަންނާނެ. އެކަމަކު މާ ގިނަ ދުވަހަކު ހަރުލައެއް ނުހުންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނަގޮތް

04 April 2024

ދިވެހީން މިކަންކަން ކުރުމުން ހިންހަމަ ޖެހޭ.. ފައިސާ ގައުމުން ބޭރަށް ނުގޮސް ، ދިވެހި އާއިލާތަކަށް ދިރިއުޅުމަށް ފަސޭހައާއި އާމްދަނީ ލިބުން.. ދިވެހިންނަށް ކުރެވޭ ހުރިހާ ވަޒީފާއަކަށް މީހުން ލިބޭ ވަރަކަށް ، ދިވެހިން އިތުރު ކުރުން މުހިންމު ކަމަށް ދެކެން.. 65 އަހަރުވިޔަސް މިފަދަ ވަޒީފާ އަދާ ކުރެޥޭހާ ސިއްހަތު ތަންދޭނަމަ ވެސް މިފަދަ ވަޒީފާ ލިބޭ ގޮތް ހެދުން މުހިންމު ކަމަށް ފެނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީތާ

04 April 2024

ހެޔޮނުވާނެ ދިވެހީންނަށް ތިޔަ ވަޒީފާގަނޑު ލިބޭނޭގޮތަށް ބައްޓަންކޮށްދެއްވާ. ވެމްކޯގެ ކުނިނަގަން ދިވެހި އަންހެނުންނާއި ފިރިހެނުން އުޅޭއިރު މިސްކިތްތައް ސާފުކޮށް ބަލަހައްޓަން ނުދާނޭކަމަކަށް ޤަބޫލެއްނުކުރެވޭ އެކަށީގެންވާ މުސާރައެއްދީފިނަމަ