ޚަބަރު / ފެނަކަ ކޯޕަރޭޝަން

ކުޅުދުއްފުށީ ކަރަންޓުގެ މައްސަލަ މިއަދު ހައްލުކުރާނެ: ފެނަކަ

ކުޅުދުއްފުށީ މަގެއް: އެ ރަށުން ކަރަންޓު ކެންޑުނީ މިއަދު ހެނދުނު 9:00 ހާއިރު.-- ފޮޓޯ: ކޭއޯ

ފާތިމަތު އަޖްފާން، މިހާރު

15 އެޕްރީލް 2024 - 14:06

8 comments

ކަރަންޓު ކެނޑިފައިވާ ހދ. ކުޅުދުއްފުއްޓަށް ކަރަންޓު ލިބޭނީ މިރޭ އިރުއޮއްސޭއިރު ކަމަށް ފެނަކައިން ބުނެފި އެވެ.

ކަރަންޓުގެ ކެނޑުމުގެ މައްސަލަ ކުޅުދުއްފުއްޓަށް ދިމާވާތާ ގިނަ ދުވަސްތަކެއްވެ، މައްސަލަ ހައްލުނުވެ ދިގުލައިގެން ގޮސް މުޅި ރަށުން ކަރަންޓު ކެނޑުނީ މިއަދު ހެނދުނު 9:25ގަ އެވެ.

ފެނަކައިން އެކްސްގައި ކުރި ޕޯސްޓެއްގައި ބުނީ މިއަދު އެ ރަށުން ކަރަންޓު ކެނޑުނީ ރަށަށް ކަރަންޓު ދޫކުރަމުންދާ ޓްރާންސްފޯމަރަކަށް ދިމާވި މައްސަލައަކާ ގުޅިގެން ތިން ޖަނަރޭޓަރެއްގެ ކޮންޓްރޯލް މޮޑިއުލް އަނދައިގެން ކަމަށެވެ.

އެ މައްސަލަ ހައްލުކުރުމުގެ މަސައްކަތް ކުރިއަށްދާ ކަމަށް ވެސް ފެނަކައިން ބުންޏެވެ.

ހދ.ކުޅުދުއްފުށި ޓްރާންސްފޯމަރަކަށް ދިމާވި މައްސަލައަކާއި ގުޅިގެން ތިން ޖަނަރޭޓަރެއްގެ ކޮންޓްރޯލް މޮޑިއުލް އަނދައި 9:15 ގައި މުޅި ރަށުންވަނީ ކަރަންޓު ކެނޑިފައެވެ. ދިމާވި މައްސަލަ ހައްލުކުރުމުގެ މަސައްކަތް ކުރިއަށްދާ ކަމުގައި ދަންނަވަމެވެ. އަދި މިމައްސަލަ…
— Fenaka Corporation Ltd (@TeamFenaka) April 15, 2024

"މި މައްސަލަ ހައްލުކޮށް މުޅި ރަށަށް ކަރަންޓު ދެވޭނެކަމަށް ލަފާކުރެވެނީ މިއަދު (އިރުއޮއްސި) 6:00 ގައެވެ. ވީމާ މި ދަނޑިވަޅުގައި ރައްޔިތުންނަށް ދިމާވާ ދަތިތަކަށް ނިހާޔަތަށް މާފަށް އެދެމެވެ،" ފެނަކައިން ކުރި ޕޯސްޓުގައި ބުނެފައިވެ އެވެ.

ކުޅުދުއްފުށިން ކަރަންޓު ކެނޑޭ މައްސަލަ ހައްލުކުރަން ޖަނަރޭޓަރެއް އެ ރަށަށް ފޮނުވީ މިދިޔަ މަހު 27ގަ އެވެ. ކަރަންޓު މައްސަލައަށް ހައްލެއް ނުލިބެނީ އެ ޖަނަރޭޓަރު އިންސްޓޯލްކޮށް އަދިވެސް ނުނިމޭތީ ކަމަށް އެ ރަށުން ވާހަކަ ދެއްކި މީހަކު ބުންޏެވެ.

Karantu massala hallukuran Kulhudhuhfuttah 800 kW generator eh maadhamaa fonuvanee

The most trusted news source in the Maldives

Mihaaru

ކަރަންޓުގެ މައްސަލަ ހައްލު ނުވެ މަހަކަށްވުރެ ގިނަ ދުވަސްވެފައި ވާތީ މިދިޔަ ހަފްތާގައި އެ ރަށުގައި ވަނީ މުޒާހަރާ ވެސް ކޮށްފަ އެވެ.

ކަރަންޓު ހދ. ކުޅުދުއްފުށި ފެނަކަ ކޯޕަރޭޝަން

8 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖޯރޖް އޯރވެލް

15 April 2024

ކުޅުދުއްފުށީ އިންޖީނުގޭގައި ތިބޭ މީހުން މަގާމަށް ކުފޫ ހަމަ ނުވަނީ އިންކޮމްޕިޓެންޓީ އެހެންވެ މަހަކަށް ވުރެ ގިނަ ދުވަސްވީ އިރުވެސް މި މައްސަލަ ހައްލު ނުވަނީ މީހުން ހުރިހާ ރުޅިއެއް މި ބާލަނީ މުއިއްޒަށް ، މުއިއްޒު ކުރަންވީ ކަމަކީ އިންޖީނުގޭގައި ތިބި މީހުން ވަޒީފާއިން ކަނޑާލާފައި ގެޔަށް ފޮނުވާލަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނީ

15 April 2024

ތަނާ ހަވާލު ވިއިރު ތަން އޮތީ ދޮވެލާ މާލިއްޔަތު ބައެއްގެ އަމިއްލަ އެކައުންޓް ތަކަށް ކަހާލާފަ،އެކަމުން އަރައިގަންނަން ނަގާނެ ލައްކަ ދުވަސް،އޮޑިޓް ކޮށްލީމަ ފެނަކަގެ އާމްދަނީ ވަންނަ ކަމަށް ފެނިފަވަނީ ސޯލިހް ގެންގުޅުނު ޕަޕެޓުންގެ އެކައުންޓް ތަކަށް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނބޫ

15 April 2024

މުޅުދުއްފުށީ ކަރަންޓުގެ މައްސަލަ ހައްލުވާނީ އަލީ ވަހީދު ހޮވައިގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 April 2024

ރައީސް މުއިއްޒުގެ "ޤައުމީ ތަރައްޤީގެ 20 އަހަރުގެ ޕްލޭނަށް މަސައްކަތް ކުރުމަށްޓަކާ" ރާއްޖޭގެ ހުރިހާ ސިޓީތަކެއްގެ (މާލެ، ކުޅުދުއްފުށި، ތިނަދޫ، ފުވައްމުލައް އަދި އައްޑޫސިޓީ) ޔޫޓުލިޓީޒް ހޮދުމަތްތައް ދައުލަތުގެ ކުންފުނިތައް ކަމަށްވާ STELCO، ވެމްކޯ އަދި MWSC އާއި ޙަވާލުކުރާންޖެހޭ. # މިހާރުވެސް ސިޓީތަކުގައި ދަތުރު ފަތުރުގެ ހިދުމަތް އެމްޓީސީސީ އިން ވަރަށް ރަނގަޅަށް ދެމުންދާއިރު WAMCO ވަރަށް ފުރިހަމައަށް ކުނި އުކާލުމުގެ ކަންކަން ކުރަމުން އެބަދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރުސޮރު

15 April 2024

ބޯދާޚިޔާލު ދޫކޮށް މިޒަމާނަށް ބަދަލުވާންވީ. ދޭންވީ ސަރުކާރު ކުންފުންޏަކަށް ނޫން. މުޅި ސިސްޓަމް ބަދަލުކޮށް އަމިއްލަ ކުންފުނިތަކަކަށް ދޭންވީ. ސަރުކާރުންނަގާނީ ލައިސެންސްފީއާ ފައިދާއިން ޓެކްސް. އެ ނިމުނީ. ފުރަތަމަކަމަކަށް ނެޝަނަލްގްރިޑެއް ހަދާ އެއަށް ކަރަންޓް ގުޅާ ވިއްކަން ބޭނުންވާ ފަރާތްތަކަށް ހުޅުވާލާ. ސަރުކާރުން ރެގިއުލޭޓް ކުރީމާ އޮންނާނީ ރަގަޅަށް. ސަރުކާރު ސަރުކާރު ރައީސް ރައީސް ގޮވުމުން ސަލާމަތްވާން އެބަޖެހޭ ނޫންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 April 2024

ނަރުސޮރު އަށް: ދައުލަތުން ވިޔަފާރިކުރުމަކަށް ތާއީދެއްނުކުރަން. ނަމަވެސް ރައްޔިތުންނަށް ދޭންޖެހޭ "އަސާސީ ހިދުމަތްތައް" މުޅިން ޕްރައިވަޓައިޒްކުރުމަކީ އެންމެރަނގަޅުގޮތްތޯ ވިސްނާލަބަލަ. # މަތީގައިދެންނެވި ކުންފުނިތަކަކީ ދައުލަތާއި ރައްޔަތް ޙިއްސާވާ ޕަބްލިކް ކުންފުނިތަކަކަށް ހަދައިގެންވެސް "ދައުލަތުގެ ބަސް އޮންނަ ކުންފުނިތަކަކުން ނޫނީ" ޔޫޓިލިޓީޒް ހިދުމަތް އާންމުކޮށް ދިނުމަކަށް ތާއީދެއް ނުކުރަން. އެކަމަކު އެސްޓީއޯއިން އާންމު ވިޔަފާރި ހުއްޓާލަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަމްމާ

15 April 2024

ރަގަޅު ވާހަކައެއް. މިހާރުވެސް މުވާސަލާތީ ޚިދުމަތްތައް ދެމުންއެދަނީ ތިހެން. އެހެން ޔުޓިލިޓީ ޚިދުމަތްތަކާ އަޅާބަލާއިރު މާބޮޑަށްވެސް ފުޅާވެ ފެންވަރު ރަނގަޅު. އަގުގެވާހަކަ ބާއްވާފަ މިބުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދުރު.

15 April 2024

މިކަމުގައި މަވެސް އަފީފު ދީދީއަށް ތާއީދު. ކަރަންޓާއި ބޯފެނުގެ މައްސަލަ އަށް ހައްލު ބޭނުން ނަމަ އަފީފު ވިދާޅުވިފަދަ ބަދަލުތައް އެބަ ބޭނުންވޭ. ޕަބްލިކް ކުންފުނިތަކަކަށް ކުންފުނި ހެދުމުން ހިންގުން ރަނގަޅުވެ ވައްކަންވެސް މަދުވާނެ.