ވިޔަފާރި / ޓޫރިޒަމް މިނިސްޓްރީ

ހަތް ލައްކަ ޓޫރިސްޓުން ރާއްޖެ އަތުވެއްޖެ

ޓޫރިސްޓުންތަކަކަށް އެއާޕޯޓުގައި މަރުހަބާ ކިޔަނީ. ޓޫރިސްޓުންގެ އަދަދު ވަނީ ހަ ލައްކައަށް އިތުރުވެފައި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

24 އެޕްރީލް 2024 - 10:43

17 comments

މި އަހަރުގެ މިހާތަނަށް ރާއްޖެ އަށް އައި ޓޫރިސްޓުންގެ އަދަދު 728،000 އަށް އަރައިފި އެވެ.

ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މިއީ ގާތްގަނޑަކަށް 13 ޕަސެންޓުގެ ކުރިއެރުމެކެވެ. މިދިޔަ އަހަރުގެ މި މުއްދަތުގައި ރާއްޖެއަށް އައިސްފައިވަނީ 644،000 ޓޫރިސްޓުންނެވެ.

އެންމެ ގިނަ ޓޫރިސްޓުން ރާއްޖެ އައިސްފައިވާ ޗައިނާ އިން 77،000 ޓޫރިސްޓުން އަ އެވެ. އަދި އިނގިރޭސިވިލާތުން 72،600 ޓޫރިސްޓުން އައި އިރު ރަޝީޔާއިން ވަނީ 72،300 ޓޫރިސްޓުން އައިސްފަ އެވެ.

މިދިޔަ އަހަރު އެންމެ ގިނަ ޓޫރިސްޓުން އައީ އިންޑިއާއިންނެވެ. އެ ގައުމު މި ވަގުތު އޮތީ ރާއްޖެ އަށް އެންމެ ގިނަ ޓޫރިސްޓުން އަންނަ ލިސްޓުގެ ހަ ވަނައިގަ އެވެ. އެ ގައުމުން 40،000 ޓޫރިސްޓުން އައިސްފައިވެ އެވެ.

މި އަހަރުގެ މިހާތަނަށް ރާއްޖެ އަށް އެންމެ ގިނައިން ޓޫރިސްޓުން އައިސްފަ އިވަނީ ފެބްރުއަރީ މަހު އެވެ. އެ މަހު 217،392 ޓޫރިސްޓުން އައެވެ. އެވެ. ޖެނުއަރީ މަހު 192،000 ޓޫރިސްޓުން އައި އިރު މާޗް މަހު ވަނީ 194،000 ޓޫރިސްޓުން އައިސްފަ އެވެ. މި މަހުގެ މިހާތަނަށް 124،000 ޓޫރިސްޓުން އައިސްފަ އެވެ.

ރާއްޖެ އަށް މިދިޔަ އަހަރު 1.8 މިލިއަން ޓޫރިސްޓުން ޒިޔާރަތްކޮށްފައިވާ އިރު، މި އަހަރުގެ ނިޔަލަށް ދެ މިލިއަން ޓޫރިސްޓުން ގެންނަން ސަރުކާރުން ވަނީ އަމާޒު ހިފައިފަ އެވެ.

ޓޫރިސްޓުން އިތުރުވި އިރު ރާއްޖޭގައި ޓޫރިސްޓުން ހޭދަކުރާ މުއްދަތު ވަނީ މިދިޔަ މަހު ދަށަށް ގޮސްފަ އެވެ. މިހާރު އެވްރެޖުކޮށް ހަތް ދުވަހާއި ބައި ޓޫރިސްޓުން ރާއްޖޭގައި ހޭދަކުރެ އެވެ.

ޓޫރިސްޓުން ޓޫރިޒަމް ޓޫރިޒަމް މިނިސްޓްރީ ޓޫރިޒަމް ޕްރޮމޯޝަން

17 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

25 April 2024

ރާއްޖޭގެ ފަތުރުވެރިކަމުގެ "ޕައިނީއަރުންކަމަށް ހެދިގަނެގެން އުޅޭމީހުން" ޙަޤީގަތުގައި ރާއްޖެއަންނަ ފަތުރުވެރިންގެ އަދަދު އިތުރު ކުރާން މަސައްކަތް ކުރުމުގެ ބަދަލުގައި މާލޭގައި އުފެދުނު ސަރުކާރުތަކާއި ގުޅިގެން އެމީހުން މަސައްކަތް ކުރަމުން އަންނަނީ "ހައިއެންޑް ޓްއަރިޒަމް" އޭ ކިޔާފައި ކިރިޔާ އެމީހުން ހަދައިގެން އުޅޭ ކުލަބް "މަޓީ" ގެ ބޮޑުންގެ ރިސޯޓްތައް އެކަނި ފުރާލެވޭވަރަށް ހަމައެކަނި މުއްސަނދިން އަންނަ މަންޒިލެއްގެ ގޮތުގައި ރާއްޖެ ބާއްވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެ

24 April 2024

މިއަދު ޓުއަރިޒަމްގެ ހިސާބުކުރުންތަކުން މި ފެންނަ ކުރިއެރުމަކީ ޑޮކްޓަރ މައުސޫމްގެ މަސައްކަތުގެ ފޮނި މީރުކަން. މި ސަރުކާރުގެ މަސައްްކަތް ފެންނާނީ އަދި އަހަރެއްގެ ފަހުން. މިހާރުގެ މިނިސްޓަރ ޕްރޮމޯޓް ކުރަން އަދި މިހާތަނަށް ދައްކާފައިވާ ވާހަކަތަކުން ފެނިގެންދިޔައީ ކަމުގެ ފާދުވެރިކަން ނެއްކަން.ވާހަކަ ދެއްކުމުގައި ނާގާބިލްކަން, މޫނުމަތިން ނަފުސުގެ އިތުބާރުނެތްްކަން. ރާއްޖޭގެ ޓުއަރިޒަމަކީ ރާއްޖޭގެ މޫނުބަލާ ލޯގަނޑު. އެ ލޯގަނޑުން ފެންނަން ބޭނުންވަނީ ހިނިތުންވުމާއި ޔަގީންކަން. ކޮންމެ މީހަކަށްވެސް މޮޅަށް ކުރެވޭނެ ކަންތަކާއި ނުކުރެވޭނެ ކަންތަށް ހުންނާނެ.އެކަން ގަބޫލުކޮށް އެކަމަށް ގާބިލު މީހަކު ލުން ވަރަށް މުހިއްމު.މި ކަހަލަ ކަންތައްތަކަކީ ސަމާއެއްނޫން.