ވިޔަފާރި / ރިސޯޓްތައް

ފްރާންސްގެ މަޝްހޫރު ބަކަރާ ބްރޭންޑްގެ ރިސޯޓެއް ރާއްޖެއަށް

ބަކަރާ ބްރޭންޑްގެ ހޮޓަލެއް -- ފޮޓޯ: ބުކިންސް.ކޮމް

ފާތިމަތު ޝަނާ މުހައްމަދު، މިހާރު

25 އެޕްރީލް 2024 - 13:16

8 comments

ފްރާންސްގެ މަޝްހޫރު ހޮޓެލް ބްރޭންޑް "ބަކަރާ"ގެ ރިސޯޓެއް ރާއްޖޭގައި ހަދަން ފަށައިފި އެވެ.

މި ރިސޯޓު ހަދަނީ މާލެ އަތޮޅުގައި ފަޅެއް ހިއްކައިގެންނެވެ. ގާތްގަނޑަކަށް 100 ހެކްޓަރުގެ އެ ރަށުގައި ހަދާ ރިސޯޓުގައި 100 އަށް ވުރެ ލަގްޒަރީ ވިލާ އަޅާނެ އެވެ.

ބަކަރާ ބްރޭންޑަކީ 260 އަހަރުވެފައިވާ ޔޫރަޕްގެ މަޝްހޫރު ބްރޭންޑެކެވެ. އެ ބްރޭންޑްގެ ރިސޯޓުތައް ޔޫރަޕްގެ އިތުރުން އެމެރިކާ އާއި މެދުއިރުމަތީގެ ގައުމުގައި ވެސް ހިންގަ އެވެ.

އެ ރިސޯޓު ހަދާ، އެޗްއެސް ހޮޓެލްސް އެންޑް ރިސޯޓުގެ ސީއީއޯ ރައުލް ލީލް ވިދާޅުވީ، ރާއްޖެ އަށް ބަކަރާ ބްރޭންޑް އައުމަކީ ވަރަށް ބޮޑު އުފަލެއް ކަމަށާއި އެ ރިސޯޓުގެ ސަބަބުން ރާއްޖޭގެ ލަގްޒަރީ ޓޫރިޒަމް އިތުރަށް ޕްރޮމޯޓުވެގެންދާނެ ކަަމަށެވެ.

ބަކަރާ ރިސޯޓުގައި 100 އަށް ވުރެ ގިނަ ވިލާ ހަދާނެ. -- ފޮޓޯ: ބުކިންސް.ކޮމް

ވެލާނާ އިންޓަނޭޝަނަލް އެއާޕޯޓުން ލޯންޗުގައި 30 މިނެޓުގައި ދެވޭ އެ ރިސޯޓުގައި 50 ވޯޓަ ވިލާ އާއި 53 ޕްރައިވެޓް ރެޒިޑެންސް ވިލާ ހިމެނޭނެ އެވެ. އެ ރިސޯޓުން ދައްކުވައިދޭނީ ޓްރޮޕިކަލް ރީތިކަމެވެ. އެ ރިސޯޓުގެ އިންޓީރިއާ ޑިޒައިންކޮށްފައި ވަނީ އިނގިރޭސިވިލާތުގެ އެޗްކޭއެސް އެވެ.

އެ ރިސޯޓުގައި އެއް ކޮޓަރިން ފެށިގެން ތިން ކޮޓަރީގެ ވިލާތައް ހުންނާނެ އެވެ. އަދި ކޮންމެ ވިލާއެއްގައި ޕްރައިވެޓް ޕޫލް ހުންނާނެ އެވެ.

ބަކަރާ ހޮޓެލްސް އެންޑް ރެޒިޑެންސް މޯލްޑިވްސްގެ ނަމުގައި ހަދާ މި ރިސޯޓު ހުޅުވުމަށް ހަމަޖެހިފައި ވަނީ 2027 ވަނަ އަހަރު އެވެ.

ރާއްޖޭގައި މިހާރު ވެސް 180 ރިސޯޓު ހުޅުވާފައިވާ އިރު 100 އެއްހާ ރިސޯޓު އަންނަނީ ތަރައްގީ ކުރަމުންނެވެ.

ޓޫރިސްޓުން ލަގްޒަރީ ޓޫރިޒަމް ރިސޯޓްތައް

8 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޒުކީ

27 April 2024

ބަކަރާ ނޫން، ގެރި ބްރޭންޑްގެ ރިސޯޓެއް ހެދިޔަސް ދިވެހި ގައުމަކަށް އަދި ދިވެހި ރައްޔިތަކަށް ހުރި މޮޅެއް ނެތް. ދިވެއްސަކަށް ތީގެ ތަނަކުން ވަޒީފާގަޑެއް ލިބޭނީ، އިންޑިއާ، ޕިލިޕީންސް، ލަންކާ އަދި އިނޑޮނޭޝިއާ މީހުންނަށް ވަޒީފާދީފަ ވަޒީފާގަޑެއް އޮތީޔާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަމްޒް

27 April 2024

މަޝްހޫރު ބޯރޭނޑް ތަކުގެ ރިސޯޓްސް މިހާރުވެސް ރާއްޖޭގައި ހިންގަމުންދޭ ލިބޭ އާމްދަނީ އެތަށް ގުނަޔަށް ބޮޑު ނަމަވެސް ޑޮލަރު ހުރީ ބްލެކް މާކެޓްގައި 17 އިން މަތީގައި މިވާގޮތެއް ހަމަ ނުވިސްނޭ ބޭނުން ވަރަކަށް ލިބޭ ގޮތަށް ހަދާބަލަ އޭރުން ބެލެކް މާކެޓް ނޮއޮންނާނެ ބޭންކުން ހިފަހަށްޓަނީ ކޮންމެވެސް ގޯހެއްެ އުޅޭތީކަމަށް ފެންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

101010

25 April 2024

ފަޅު ރަށް ރަށުގައި ރިސޯޓް ހަދަންވީ އެކަމަކު ފަޅު ހިއްކައިގެން ރިސޯޓް ހެދުމަކީ ކުރަން ހެޔޮވާ ވަރު ކަމެއް ނޫން. ރާއްޖޭގެ ގުދުރަތީ ރީތިކަން ގެއްލި އޭގެ އަސަރު ވަރަށް ހިތިކޮށް ކުރާތަން ފެންނާނެ. ބައެއް ބިދޭސީން ރާއްޖެ އަށް ގެއްލުން ދިނުމުގެ މަގްސަދުގައި މިޒާތުގެ ކަންކަން ކުރަން ބާރު އަޅާނެ!!! އަދި ފައިސާގެ ދަހިވެތި ކަމުގައި ތިބޭ ދިވެހިން އެކަމުގައި ބައިވެރިވާނެ!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައިސް

25 April 2024

ވަރަށް ރީތި ރިސޯޓެއް. ރާއްޖޭގަ ބޮޑެތި މަޝްހޫރު ބްރޭންޑް ތަކުގެ ރިސޯޓުތައް ގިނަ އެބަވޭ އެކަމަކު މީހުން އެތެރެވާ ވައިގެ ބަނދަަރުތައް އަަންނަ މީހުނަށް ފުދޭވަރަށް ޖާގައެއް ނޯވޭ. މިކަމައް ހައްލެއް ގެންނާނީ ކޮން އިރަކުން؟