ހުޅުމާލޭގައި ކުޑަކުދިންނާއި އަންހެނުންނަށް ހާއްސަ ބޮޑު ހޮސްޕިޓަލެއް އަޅަނީ

ހެލްތު މިނިސްޓްރީން ކުރިން ބޭއްވި ރަސްމިއްޔާތެއްގައި ނައިބު ރައީސް ހުސެއިން (މ)، ހެލްތު މިނިސްޓަރު ޑރ. ހަލީލް (ވ-2) ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

11 މެއި 2024 - 18:22

40 comments

ކުޑަކުދިންނާއި އަންހެނުންނަށް ހާއްސަކޮށްގެން ހުޅުމާލޭގައި ބޮޑު ހޮސްޕިޓަލެއް އަޅަން ނިންމައިފި އެވެ.

ހެލްތު މިނިސްޓްރީގެ މީޑިއާ ޑިރެކްޓަރު ޝައުފާ ހުސެއިން "މިހާރު" އަށް މިއަދު ވިދާޅުވީ އެ ހޮސްޕިޓަލް އަޅަން ހުޅުމާލެ 2 އިން 46،000 އަކަފޫޓުގެ ބޮޑު ބިމެއް ހަމަޖައްސާފައިވާ ކަމަށެވެ. އެކަމަށް ޕްރޮޕޯޒަލްތަކެއް ވެސް ލިބިފައިވާ ކަމަށާއި އެންމެ ރަނގަޅު ޕްރޮޕޯޒަލެއް އިހުތިޔާރުކޮށް، އެ ޝަރުތުތަކަށް ޑިޒައިން ޕްލޭންކުރަމުން އަންނަ ކަމަށް އޭނާ ވިދާޅުވި އެވެ.

ދެ ބަޔަކަށް ޓާގެޓުކޮށް އަޅާ ހޮސްޕިޓަލުގައި ކުޑަކުދިންނާއި އަންހެނުންނަށް އެންމެ ފުރިހަމަ ފަރުވާ ލިބޭނެ އެވެ. އޭގެ ތެރޭގައި އައިޔޫއައި އަދި އައިވީއެފް ހިމެނެ އެވެ. އެކަންކަމުގެ އިތުރުން؛

- އަންހެނުންނާއި މާބަނޑު މީހުންނަށް: ފެމިލީ ޕްލޭނިން، މާބަނޑު މީހުންނަށް ދޭ ފަރުވާ، ވިހެއުމުގެ ހިދުމަތް، އަންހެނުން ހާއްސަ ސާޖަރީތައް ކުރުން

- ތުއްތުކުދިންނަށް: ކުޑަކުދިންނަށް އިންޓެންސިވް ކެއާ، ތުއްތުކުދިންގެ ސާޖަރީ، ޑިވެލޮޕްމަންޓް އެސެސްމަންޓް ހެދުން

- ކުޑަކުދިންނަށް: ކުޑަކުދިންގެ ޑޮކްޓަރަށް ދެއްކުން، ވެކްސިން ޖެހުން އަދި ހެދިބޮޑުވުން މޮނިޓާކުރުން، ކުޑައިރު ޖެހޭ ބަލިތައް މެނޭޖްކުރުން

- އަންހެނުންގެ ސިއްހަތާއި ދުޅަހެޔޮކަން: އުރަމަތި އަދި ރަހިމުގެ ދޮރަށް ޖެހޭ ކެންސަރަށް ސްކްރީން ކުރުން، ރިޕްރޮޑަކްޓިވް ހެލްތު ސާވިސަސް، މެނޮޕޯސް މެނޭޖްކުރުން

ހޮސްޕިޓަލްގެ މަސައްކަތްތައް ފެށޭނެ ދުވަހެއް ނޭނގުނަސް، ހެލްތު މިނިސްޓްރީން ބުނީ މި ވެރިކަމުގެ ތެރޭގައި އާ ހޮސްޕިޓަލް އަޅާނެ ކަމަށެވެ.

ސަރުކާރުން ވަނީ ތެލެސީމިއާއަށް ހާއްސަކޮށްގެން ވެސް ހުޅުމާލޭގައި ހޮސްޕިޓަލެއް އަޅަން ނިންމައިފަ އެވެ. އޭގެ އިތުރުން، އައިޖީއެމްއެޗް ހުރި ސަރަހައްދުގައި ކެންސަރަށް ހާއްސަ އިމާރާތެއް ހަދާނެ ކަމަށް ހެލްތު މިނިސްޓްރީން ބުންޏެވެ.

ހޮސްޕިޓަލް އަންހެނުންގެ ޑޮކްޓަރު ހެލްތު މިނިސްޓްރީ

40 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަބްޑޫޅް +

13 May 2024

ޅ. ހިންނަވަރުގަ ނާޅަނީ ކީއްވެގެން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

12 May 2024

ފަރުދާކޮށްލަނީ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދި ކިރިޔާ މިސްރާބު ހަމަ މަގަށް

12 May 2024

އުފާވެރިކަން. ޑރ. މުއިއްޒުއަށާއި ސަރުކާރަށް ޝުކުރިއްޔާ! މިކަން ހަޤީޤަތަކަށް ހައްދަވާ. ސްލޯ ސަރުކާރާ ޚިލާފަށް މިހާރު ފެންނަނީ ބަސްމަދު އަމަލު ގިނަ އަދި ރައްޔިތުންގެ އިޙްސާސްތައް ދަންނަ ވެރިކަމެއް. ރާއްޖެއަށް ކުރިމަތިވެފައިވާ ބޮޑެތި ވަބާތަކުން މި ގައުމު ސަލާމަތް ކޮށްދެއްވާ! މަސްތުވާތަކެއްޗަށާއި ކޮރަޕްޝަން ނިމުމަކަށް ގެނައުމަށް އިސްލާމްދީނުގެ އުސޫލުތައް އެއީ މިންގަނޑަކަށް ބައްލަވާ މި ވަބާތައް މި ލޮބުވެތި ގައުމުން ނައްތާލަދެއްވާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިފްް

12 May 2024

އެންމެ ބޮޑަށް ދެކެން ބޭނުންވަނީ ތެލެސީމިއާ ހޮސްޕިޓަލް ހުޅުމާލޭގައި އެޅޭނެ ދުވަހަށް. މުއިއްޒުގެ ވެރިކަމުގަ މި ދުވަސް ހަގީގަތަކަށް ހަދާ ދޭނެ ކަމާ މެދު ވަރަށް އުންމީދު އެބައިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫހްް

12 May 2024

މި ގައުމު ނުދެކޭހާ ގިނަ ހޮސްޕިޓަލްތައް އެކީ އެއްފަހަރަކާ މި ދައުރުގަ ފެނިގެން ދާނެ. އެކި ކަންކަމަށް ހާއްސަ ވެގެން ހުރިހާ ހޮސްޕިޓަލްތައްވެސް މި އަންނަނީ. ސަޅި ތީތި ޑޮކްޓަރ މުއިއްޒު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޫބެ

12 May 2024

އައިޖީއެމްއެޗް ހުރި ސަރަހައްދުގައި ކެންސަރަށް ހާއްސަ އިމާރާތެއް އެޅުން ވާނެ ރައްޔިތުންނަށް ކޮށްދެވޭ ވަރަށް ބޮޑު ކަމަކަށް. ކެންސަރުގެ ޕޭޝަންޓް އިން އިންތިހާއަށް ގިނަ މިހާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝައްމާހް ޔޫސުފް

12 May 2024

މިއީ އިގްތިސާދީ ގޮތުން ބެލިޔަސް ވަރަށް ރަނގަޅު ކަމަކަށް ވާނެ. ސަބަބަކީ މިޔާއެކު މީހުން ރާއްޖެއިން ބޭރަށް ގޮސް ޑޮލަރ ބޭރުކުރުން މަދުވާނެ. އޭރަށް ދިވެހި ރުފިޔާގެ އަގު ހިފަހެއްޓޭނެ. ނުވަތަ މަތިވުމުގެ ފުރުސަތު އޮންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްޗީން

12 May 2024

މިޔާއެކު ދެން ރާއްޖެއަން ބޭރަށް އެންސްޕާ އާސަންދައިން ކުރާ ހަރަދު ބޮޑުތަނުން ކުޑަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަލޭކާ

12 May 2024

މާލޭގައި ކެންސަރ ހޮސްޕިޓަލް ، ވިލިމާލޭގައި ޓާޝަރީ ހޮސްޕިޓަލް ، ހުޅުމާޅޭގައި ތެލެސީމިއާ ހޮސްޕިޓަލް އަދި އަންހެނުންނާއި ކުޑަކުދިންގެ ހޮސްޕިޓަލް .. އިމާރާތް ކިތަންމެ ގިނައިން ވެސް އެޅިދާނެ. ދަރުމަވަންތަ ހޮސްޕިޓަލް ގައި އެހެރީ 25 ބުރީގެ އިމާރާތެއް. ރައްޔިތުން ބޭނުން ވަނީ ހިދުމަތް އެކި ނަންނަން ކިޔާފައި ރީތި އިމާރާތެއް ނޫން.. ފުރަތަމަ ދަރުމަވަންތަ އިން ރަގަޅަށް ހިދުމަތް ދެވޭގޮތް ހަދާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

12 May 2024

މި ކޮމެންޓު ހަބޭސް، ކިތައްމެ ހޮސްޕިޓލް އިމާރާތެއް އެޅިޔަސް، ހެލްތު ހިންގުމުގެ ނިޒާމާ އެތާ ތިއްބަވާ ބޭފުޅުންގެ ވިސްނުން ބަދަލު ނުނޮށް ދެވޭނެ ޚިދުމެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްމާތަ

12 May 2024

ވަރަށް ބޮޑު ތެދެއް! ބަންދެއް އައިސްފިނަމަ ހޮސްޕިޓަލްގެ ގިނަ ހިދުމަތްތަށް ބަންދު! ދެން ހުޅުވޭދުވަހު 300 ވަރަކަށް މީހުން ކިއުގަ! ގިނަ ހިދުމަތް ހަލާކުވެ، މެދުކެނޑިފަ! ދެން ހޮސްޕިޓަލްގެ އިސް ޑޮކްޓަރުން، ވެރިން އަދި މަޖިލީސް މެންބަރުންގެ ކުލިނިކުން ބޮޑު އަގުގަ އެ ޒަރޫރީ ހިދުމަތް! ވިސްނިއްޖެ ވާގޮތް؟؟