ލުބުނާނުގެ ގްރޭންޑް މުފްތީއާ ބައްދަލު ކުރާ އިރު ބުރުގާ އަޅަން ޖެހޭ ކަމަށް ބުނެ ބުރުގާ ދިނުމުން ފްރާންސްގެ ރިޔާސީ ކެންޑިޑޭޓް އެކަމަށް އިންކާރު ކުރަނީ. --ފޮޓޯ:އޭއެފްޕީ
22 ފެބުރުއަރީ 2017 - 09:48
15 comments
ބޭރޫތު (ފެބްރުއަރީ 22) - ލުބާނުގެ ގްރޭންޑް މުފްތީއާ އެކު ބާއްވަން ހަމަޖެހުނު ބައްދަލުވުމުގައި ބުރުގާ އަޅަން ޖެހޭތީ ފްރާންސްގެ ރިޔާސީ ކެންޑިޑޭޓް މަރިން ލެ ޕެން އެ ބައްދަލުވުން ކެންސަލް ކުރައްވައިފި އެވެ.
ކަނާތު ފިޔައިގެ ނޭޝަނަލް ފްރަންޓުގެ ފަރާތުން އޭޕްރީލް، 23 ގައި އޮންނަ އިންތިޚާބުގައި ވާދަކުރައްވާ ކެންޑިޑޭޓް ދެ ދުވަހުގެ ދަތުރެއްގައި ލުބުނާނަށް ވަޑައިގެންނެވީ ފްރާންސް-ލުބުނާން ދަރިކޮޅުގެ މީހުންގެ ވޯޓު ހޯދުމަށެވެ.
ނޫސްވެރިންނާ ވާހަކަ ދައްކަވަމުން ލެ ޕެން ވިދާޅުވީ މުފްތީއާ އެކު ބާއްވާ ބައްދަލުވުމުގައި އޭނާ ބުރުގާ އަޅަން ޖެހޭކަން އެނގުމުން ހައިރާންވި ކަމަށެވެ. މުފްތީ އަބްދުލް ލަތީފް ދަރިއަންގެ ތަރުޖަމާނަކު ވިދާޅުވީ ބައްދަލުވުގައި ބައިވެރިވެވޭނީ ބޯ ނިވާކޮށްގެން ކަމަށް ލެ ޕެން އަށް މާކުރިން އަންގާފައިވާ ކަމަށެވެ.
ފްރާންސްގެ ރިޔާސީ ކެންޑިޑޭޓަށް މަރުހަބާ ނުކިޔާނެ ކަމަށް ބުނެ ލުބުނާނުގެ އަންހެނަކު ބޭރޫތުގައި ބޯޑެއް ހިފައިގެން. --ފޮޓޯ:އޭއެފްޕީ
"އަޅުގަނޑު އަމިއްލަ އަށް މުފްތީގެ އޮފީހުން ލެ ޕެން އަށް މަރުހާބީ ކީން، އަދި ހުދު ކުލައިގެ ބުރުގާއެއް ހަވާލު ކުރަން ބޭނުންވި. އެކަމަކު ލެ ޕެން އެ ގޮތަކަށް ބޭނުމެއް ނުވި. ބުރުގާ އަޅަން އެދުނީމަ ވެސް ލެ ޕެން އެކަމާ ދެކޮޅު ހެއްދެވުމަށް ފަހު އަނބުރާ ވަޑައިގެންނެވީ،" މުފްތީގެ ތަރުޖަމާން ވިދާޅުވި އެވެ.
ލެ ޕެން ވިދާޅުވީ މިސްރުގެ އަޒުހަރުގެ މުފްތީއާ ވެސް 2015 ވަނަ އަހަރު އޭނާ ބައްދަލުކުރި ކަމަށާއި އެ ފަހަރު ވެސް ބޯ ނިވާ ކުރަން ނުޖެހުނު ކަމަށެވެ.
"ސުންނީ މުސްލިމް އެންމެ އިސް އެއް މުފްތީ ކަމަށްވާ އަޒުހަރުގެ މުފްތީއާ ބައްދަލުކުރި އިރު ވެސް ބުރުގާ އަޅާކަށް ނުޖެހޭ. ލުބުނާނުގެ މުފްތީ އަށް އަޅުގަނޑުގެ ހުރިހާ އިހުތިރާމެއް އެބައޮތް. އެކަމަކު އަޅުގަނޑު ބުރުގާއެއް ނާޅާނަން،" ލެ ޕެން ވިދާޅުވި އެވެ.
މި ހާދިސާ އަށް ފަހު ލެ ޕެންގެ ނޭޝަނަލް ފްރަންޓް ޕާޓީގެ ނައިބް ރައީސް ފްލޮރިއަން ފިލިޕޮޓް ވިދާޅުވެފައި ވަނީ ލުބުނާނުގައި ލެ ޕެން ބުރުގާ އަށް ދެކޮޅު ހެއްދެވުމަކީ ފްރާންސާއި ދުނިޔޭގެ އެހެން އަންހެނުންނަށް ދެއްވި މިނިވަންކަމުގެ ރީތި މެސެޖެއް ކަމަށެވެ.
ފްރާންސަކީ ބުރުގާ އެޅުމާ ދެކޮޅަށް އެންމެ ބޮޑަށް މަސައްކަތް ކުރާ އެއް ގައުމެވެ. ލެ ޕެން ވެސް ވިދާޅުވެފައި ވަނީ އޭނާ އަށް ވެރިކަމަށް އާދެވިއްޖެ ނަމަ އާއްމު ތަންތަނުގައި ދީނީ ގޮތުން ތަފާތުވާ ހުރިހާ ނިޝާނެއް ހުއްޓުވާނެ ކަމަށެވެ. އޭގެ ތެރޭގައި މުސްލިމުން ބުރުގާ އެޅުން ވެސް ހިމެނެ އެވެ.
ފްރާންސްގައި އާއްމު ތަންތަނުގައި ބުރުގާ އެޅުން ވަނީ 2011 ވަނަ އަހަރު މަނާކޮށްފަ އެވެ. އަދި ފްރާންސްގެ ސްކޫލްތަކުގައި ބުރުގާ އެޅުން ވަނީ 2004 ވަނަ އަހަރު މަނާކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކީއްވެ
22 February 2017
މި އަންހެނާއަކީ މުސްލިމަކަށްނުވާއިރު ކީއްވެބާ ބުރުގާ އަޅަންޖެހެނީ؟ ގްރޭންޑް މުފްތީ އުޅުއްވަނީ އެއްގޮތަކަށްވެސް ޓީވީންވެސް މަގުމަތިންވެސް ފިހާރައަކުންވެސް ބުރުގާ ނާޅާ އަންހެނަކާ ދިމާނުވެބާ؟
މަޒް
22 February 2017
ކަލޭމެން ބުރުގާ އަޅަން ދޮކޮޅު ހަދާހެން ބުރުގާ އަޅައިގެން އުޅޭ މީހުންވެސް ބުރުގާ ބާލަން ދޮކޮޅު ހަދާނެކަން ދަންނަން ޖެހޭ.. މި އަންހެން މީހާ ގަދަކަމުން ބުރުގާ އެޅުވިނަމަ ރަނގަޅުވީސް.. އެމީހުންވެސް އަހަރުމެންގެ އުޙްތުންގެ ބުރުގާ ގަދަކަމުން ބާލުވާއިރު އެއްވެސް އެއްވެސް އެއްޗެއް ހިތަކަށް ނާރާ
ކެމެރާ
23 February 2017
100
ނީރޯ
22 February 2017
މުފްތީއާއި ބައްދަލުކުރަން އުޅޭނީވެސް މިހެން ވާނެކަން އެނގިގެން. ކެމްޕެއިނުގަ ބޭނުންކުރަން މި ހެޑްލައިންތައް ހޯދަން. ކަނޑައެޅިގެން ސްޓަންޓެއް. މުފްތީވެސް މި މަޅީގައި ނުޖެހި ބޮލުގެ ބޭނުންކުރިނަމަދޯ. ކޮމެންޓްކުރާ ބައެއްމީހުންނަށް ބުނެލަން އޮތީ ލެ ޕެން އަކީ ކާކުކަން ކުޑަކޮށް ސާޗްކޮށްލާށޭ. ޔޫރަޕްގަ ހުރި މުސްލިމުންނާ އެންމެ އިދިކޮޅު އެއް ލީޑަރު. ޓްރަމްޕް ކިޔާ އެއްޗިހީގެ ދިހަ ގުނަ ނުބައި އެއްޗިހި މުސްލިމުންނާދިމާލަށް ކިޔާ މީހެއް މިއީ.
ފްރާންސް ބުރުގާ
22 February 2017
ފްރާންސްގަ އާއްމު ތަންތާ ބުރުގާ ނޭޅެގޮތް ހަދާފަ ވާއިރު މިމީހުން ގަބޫލެއް ނުކުރޭ އެހެން ބަޔެއްގެ ހައްގަކަށް އަރައިގަނެވޭ ކަމެއް. އެކަމަކު މުސްލިމުންގެ އެއްމެ އިސް އެއްދަންނަބޭކަލަކާ ބައްދަލުކުރަން މީނައެދުމުން ބުރުގާ ބޯނިވާކޮށްގެން އަންނަން އެދުމުން މީނަގެ ހައްގަށް އަރައި ގަނެވުނީއޯ. ބޯހަލާކު
މުފްތީ
22 February 2017
ބައްދަލު ކުރަންއެދުނީ ކާކާ ކާކުގެ އެދުމެއްގައި! މުފްތީ އާ ބައްދަލު ކުރަން އެދުނީ އެއަންހެނާއެއް ނޫންތަ! މުފްތީ ބޭނުންވެގެން އެއަންހެނާއާ ބައްދަލު ކުރަން އުޅުނީކީ ނޫން.. ވީމާ މުފްތީއާ ބައްދަލުކުރެވެނީ މުފްތީ ބުނާގޮތެއްގެ މަތިންތާ! އެހެންނޫނީ ހަމަ އެބުރި ދާންޖެހޭނީ!
ފާތޭ
23 February 2017
ސަޅި
ހަސަނު
22 February 2017
މުފްތީއަށް އެނގޭނީ މުފްތީ އުޅޭނެ ގޮތް... އެ މީހަކު ހެދުން އާޅާނެ ގޮތް ކަނޑައަޅާނީ އެމީހަކު އަމިއްލައަށް..
ހުސޭނު
22 February 2017
ހުރިހާ ކަމެއްވެސް މޮޅަށް ދެނެވޮޑިގެން ވަނީ މާތްﷲ. ހުރިހާ އެންމެން ވެސް އުޅެންޖެހޭނީ އެކަލާނގެ އަމުރުފުޅާއި އެއްގޮތަށް.
ތަމް
22 February 2017
ބަލަ އޭނަ ބުރުގާ އެޅިޔަސް ނޭޅިޔަސް މުފްތީ ބެލުން ތިރިކޮށްލީމަ ނިމުނީނު.
ކީއްވެތޭ
22 February 2017
ލުބުނާންގެ މުފްތީ އާއި ބައްދަލު ކުރަން ދާއިރު ކޮންމެހެން ބުރުގާ އަޅަން ޖެހޭތޭ. ނުދެނެހުރިން މަމެން ތިކަމެއް ދޯ. މުފްތީ މެންނަށް އުޅެވޭ ގޮތް އެއީ ބެސްޓް އޮފް ދަ ބެސްޓް ތޯ އެއީ ވެސް ބަލަން ޖެހޭނެ ކަންކަން ދޯ.
ނިރު
22 February 2017
މުސްލިމެއްގެ ގޮތުގަހުރެ ތިކަހަލަ ވާހަކަ ދެއްކުމަކީ ލަތުވެތި ކަމެއް. އަންހެނާގެ މޫނާ ދެއްފިޔަވާ ހުރިހާ ތަނަކީ އައުރައެއްގެ ގޮތުގާ ވަނީ ކަޑައަޅުއްވާފަ، މިޔަށް އިންކާރު ކުރާމީހަކީ ދީނުންބޭރުވެގެންދާނެފަދަ ނުރައްކާތެރި ކަމެއް
ކީއްތަވީ
22 February 2017
ކީއްވެތޭ އަށް ތެދުމަގު ދައްކަވާށި!
އެހެންތޭ
22 February 2017
އޭއި "ނިރު" އެހެންވެ ދޯ ތަމެން މަމެން ވަށައިގެން އެނބުރޭ ބިއުޓީ ކްއީން ތަކުން ކިހިލި ފަތް ދަށުގައި ހުންނަ ބަބުރު އިސްތައްޓަށް ދަންދެން ފެންނަ އަތް ކުރު އެއްޗެހި ލައިގެން ތިޔާ އުޅެނީ ބޮލުގެ އިސްތަށިގަނޑުގައި ގުރާ އިސްތަށިގަނޑުގައި ހުންނަ ގޮތަށް ކުލަ ކުލަ ޖައްސައިގެން ދޯ.
ގައުމު
22 February 2017
ކީއްވެތޭ މޮޔަވަގެންތަ ތި އުޅެނީ. ޤާރޫނާއި ފިރުޢައުނުވެސް މި ދުނިޔޭގައި އުޅުނު. ދެއްކުނުހާ ބޮޑާކަމަކާއި އަނިޔާވެރިކަމެއް ދެއްކި. އެކަމަކު ނިމިގެން ދިޔައީ ނިކަމެތި ކަމުގައި، ﷲ ގެ އެއްކައުވަންތަކަމަށް ހެކިވަމުން. ތިބާޔަށް ހެޔޮވިސްނުމާއި ތެދުމަގު ދައްކަވާށި. އާމީން