ބީއެމްއެލް އިސްލާމިކް ބޭންކުން ބަޔަކު ހިދުމަތް ހޯދަނީ. އެ ބޭންކުން ވަނީ ގެދޮރު އިމާރާތް ކުރަން ބޭނުންވާ މީހުންނަށް މާލީ އެހީތެރިކަން ފޯރުކޮށްދޭން ހާއްސަ ސްކީމެއް ތައާރަފްކޮށްފައި. - ފޮޓޯ: ނިޝާން އަލީ/ މިހާރު
22 ފެބުރުއަރީ 2017 - 11:46
32 comments
ގެދޮރު އިމާރާތް ކުރުމާއި މަރާމާތުކުރަން ބޭނުންވާ ފަރާތްތަކަށް އިސްލާމީ އުސޫލުތަކުގެ މަތިން މާލީ އެހީތެރިކަން ފޯރުކޮށްދޭ ސްކީމެއް ބޭންކް އޮފް މޯލްޑިވްސް (ބީއެމްއެލް) އިން ތައާރަފްކޮށްފި އެވެ.
ބީއެމްއެލްގެ އިސްލާމިކްގެ ޑައިރެކްޓަރު ޒުލްގަރްނައިން ތަމަން ނޫސްވެރިންނާ ވާހަކަދައްކަވަމުން ވިދާޅުވި ގޮތުގައި އިސްލާމިކް ހޯމް ކޮންސްޓްރަކްޝަން ފައިނޭންސިންއަކީ ގެދޮރު ހަދަން ނުވަތަ މަރާމާތު ކުރަން ފައިސާ ނެތް މީހުންނަށް ލިބޭނެ ހައްލެކެވެ. އެގޮތުން މި ސްކީމްގެ ދަށުން ޕްރޮޖެކްޓްގެ 80 ޕަސެންޓާ ހަމަޔަށް އެ ބޭންކުން ފައިސާ ހަރަދު ކޮށްދޭން ނިންމާފައިވާ ކަމަށް ބީއެމްއެލް އިން ބުންޏެވެ.
"މިއީ ބިން ގަތުމާއި އަލަށް ގެ އިމާރާތް ކުރުމާއި އާބާތުރަ ފިލުވަން ބޭނުންވާ މީހުންނަށް ހާއްސަ ޕްރޮޑަކްޓެއް،" އޭނާ ވިދާޅުވި އެވެ.
ބީއެމްއެލް އިސްލާމިކް ބޭންކްގެ ޑައިރެކްޓަރު އައިޝަތު މަނިކެ ވާހަކަ ދައްކަވަނީ: ހޯމް ކޮންސްޓްރަކްޝަން ފައިނޭންސްގައި ބައިވެރިވާން ބޭނުންވާ މީހުންނަށް އެ ފުރުސަތު ވަނީ ހުޅުވާލާފައި. - ފޮޓޯ: ނިޝާން އަލީ/ މިހާރު
އޭނާ ވިދާޅުވި ގޮތުގައި 20 އަހަރަށް ބަހާލައިގެން އަނބުރާ ދައްކަން ޖެހެނީ އަހަރަކު 9.5 ޕަސެންޓް ނުވަތަ 10.5 ޕަސެންޓް ޕްރޮފިޓް ރޭޓުގަ އެވެ. އަދި ކުރިމަގުގައި މާލީ ދާއިރާގެ އިތުރު ޕްރޮޑަކްޓްތަކެއް ތައާރަފް ކުރާނެ ކަމުގެ ޔަގީންކަން އޭނާ ދެއްވި އެވެ.
ބީއެމްއެލް އިސްލާމިކްގެ ޑައިރެކްޓަރު އައިޝަތު މަނިކެ ވިދާޅުވީ އެ ބޭންކަކީ މިހާރު އެންމެ ފުޅާ ދާއިރާގައި އިސްލާމިކް ބޭންކްގެ ހިދުމަތް ދޭ ބޭންކް ކަމަށެވެ. އެ ގޮތުން ރާއްޖޭގެ އެކި ކަންކޮޅުތަކުގައި ހުރި ބީއެމްއެލްގެ 31 ބްރާންޗަކުން އިސްލާމިކް ބޭންކިންގެ ހިދުމަތް ލިބޭނެ ކަމަށް ވެސް އޭނާ ވިދާޅުވި އެވެ.
ގެދޮރު އިމާރާތްކުރަން ބޭނުންވާ މީހުންނަށް މާލީ އެހީތެރިކަން ފޯރުކޮށްދިނުމަށް ތައާރަފް ކުރި ސްކީމަށް ހުށަހެޅުމަށް ބީއެމްއެލް އިސްލާމިކް މާލޭ ބްރާންޗުންނާއި ބީއެމްއެލްގެ އެހެން ހުރިހާ ބްރާންޗްތަކަށް ހުށަހެޅޭނެ ކަމަށް ވެސް އޭނާ ވިދާޅުވި އެވެ.
ބީއެމްއެލް އިސްލާމިކްގެ ދަށުން، އެ ބޭންކުގެ ހުރިހާ ބްރާންޗްތަކުގައި މިހާރު ވެސް "ވަދީއާ"ގެ ނަމުގައި އަމިއްލަ މީހުންނަށް އަދި ވިޔަފާރިތަކަށް ވެސް އެކައުންޓް ހުޅުވައިދެ އެވެ. އަދި "ބީއެމްއެލް އިސްލާމިކް ވިސާ ޑެބިޓް ކާޑު"ގެ ނަމުގައި ކޭޝް ކާޑެއް ވެސް ދޫކުރެ އެވެ.
ބީއެމްއެލްގެ އިތުރުން އިސްލާމިކް ފައިނޭންސްގެ ހިދުމަތް ދޭ ތަންތަނުގެ ތެެރޭގައި މޯލްޑިވްސް އިސްލާމިކް ބޭންކު (އެމްއައިބީ) އާއި ހައުސިން ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުރަބޯ
03 December 2021
ވަރަށް ރަގަޅު ކޮމެންޓް ތަކެއް.
އިސްލާމިކް
23 February 2017
އިސްލާމިކް ވަނީ ކިހިނެއްކަން ބުނެދޭން ޖެހޭ. އިސްލާމީ ބޭންކުން ނަގާ ލޯނުގައި އިންޓްރެސްޓް އޮންނަ އަދަދަށްވުރެ އިތުރެއް ނުވޭ. ޕޭމަންޓް ލަސްވެގެން ޖުރުމާނާވަމުން ވަމުން ގޮސް މީހާ މިންޖު ނުވާ ހިސާބަކަށް ނުދޭ. އެކަމަކު އެހެންތަންތަން ވެސް އެހެންބާ؟ "އިސްލާމިކް" އަކީ މާކެޓިން ޓޫލްއަކަށް ހަދައި އޮޅުވައި ނުލައި ހަގީގީ އިސްލާމިކް ފައިނޭންސްގެ ހިދުމަތް ދެއްވުން އެދެވެނީ
ހަވާލާ
23 February 2017
ބޭންކުން އެވަރުގެ ޕްރޮފިޓު ނެގުމީ ހަމަ އިންޓަރަސްޓު އެކަމަކު އިސްލާމިކު އެކަައުނޓަށް އިންޓަރަސްޓު ނުލާދޭނެ. އެވަރުގެ ނެރޯމައިންޑަޑް މީހުން މި ގިނަވަނީ. ދުވަސްކޮާޅަކުން ބީއްމްއެލްގެ އާމު ކަސްޓަމަރުން އިސްލާމިކު އެކައުންޓައް ވައްދަން ލާޒުމުކޮށްފަ އިންޓަރަސްޓު ކަނޑާޅާފަ ހަމަ އެކަނި ތި ބޭނުކު ފޮރޮފިޓު ނަގާނި. މީ ރާައްޖެގެނާ ކޮންފަދަ ބޭކާރު ސިސްޓަމެއް...
ޒައްން
23 February 2017
"ބީއެމްއެލްގެ އިސްލާމިކްގެ ޑައިރެކްޓަރު ޒުލްގަރްނައިން ތަމަން ނޫސްވެރިންނާ ވާހަކަދައްކަވަމުން ވިދާޅުވި ގޮތުގައި އިސްލާމިކް ހޯމް ކޮންސްޓްރަކްޝަން ފައިނޭންސިންއަކީ ގެދޮރު ހަދަން ނުވަތަ މަރާމާތު ކުރަން ފައިސާ ނެތް މީހުންނަށް ލިބޭނެ ހައްލެކެވެ." އެހެންވެގެންތޯ ތިކަމަށް އެދޭފޯމުގައި އެއޮތީ %20 ޚަރަދުކުރަން ޖެހެނީ އަމިއްލައަށޭ؟ ދޮގު ނުހެދިޔަސް ރަގަޅުވާނެ
ސޮލާޙް
23 February 2017
ރަނގަޅަށް ތިޔަ ބުނީ. ދިވެހީންގެ ފައިސާ އަހަރެންގެ ފައިދާ.
ހުސެންބެއްޔާ
22 February 2017
ޝަރީޢާ ކިޔަވާފައި ހުރި މީހެއްގެ ހައިސިއްޔަތުން މި ބުނަނީ، ތިއީ އެއްވެސް އިސްލާމިކް ލޯނެއް ނޫން. އިސްލާމްދީނުގައި ލޯނަކީ ސަވާބަށް އެދިގެން ދެވޭ އެއްޗެއް. އަބުރާ އަތުލަން ޖެހޭނީ ދިންވަރެއް. އެންމެ ލާރިއެއްވެސް އިތުރު ވެއްޖެއްޔާ އެއީ ރިބާ. ލޯނު ދީގެން އިންޓްރެސްޓް އަތުލުން އެއީ އިސްލާމީ އިޤްތިސާދީ ފަލްސަފާއާ މުޅިން އިދިކޮޅު ކަމެއް. އިސްލާމީ ފަލްސަފާއަކީ ވިޔަފާރިން 'އިންޓްޜެސްޓް' (ޕްރޮފިޓް) ހޯދުން
އިބޫ ހުޅުމާލެ
22 February 2017
ނޫން ތީގެ ސުރުޙީގައި ޖަހަންވީ "ވިޔަފާރި އުސޫލުން ގެދޮރު އަޅާ ފަރާތްތަކާއި އިމާރާތް މަރާމާތް ކުރާ ފަރާތްތަކަށް ބީއެމްއެލް އިސްލާމިކުން ޙާއްސަ ސްކީމެއް ތައާރަފްކޮށްފި" ސަބަބެއް ނެތިއެއްނޫން ތިބޭފުޅުން މިއަށް އެދި ހުށަހަޅާ ފޯމު ބައްލަވާލެއްވީމައި އިގޭނެ.......
މަ
22 February 2017
މާނައަކީ ތިމަންމެނަށް ވެސް އެނގެޔޭ މި ކަންކަން ކުރަނީ އިސްލާމީ ޝަރީއަތާ ޚިލާފަށްކަން.. އެކަމަކު ކޮންމެހެންވެސް ތި ގެންގުޅޭ ޙަރާމް ސިސްޓަމް ހުއްޓާލައިގެން ވާކަށް ނޯވޭ.. ޙަރާމް އެއްޗެހި ކާން ބޭނުން މީހުން ޙަރާމް އެއްޗެހި ކާންވީ. ހުއްދަ ގޮތުގަ ބޭނުން މީހުން ހުއްދަ ގޮތް ހޯދަންވީ... ހާދަހާވާ ސަޅި ގޮތެކޭ.. އެކަމަކު ހައްތަހާވެސް މުސްލިމުން...
ޢިސްކަންދަރު
22 February 2017
މަމެންއަތު މިއޮތީ އެހެންވިއްޔާ "ކާފަރު ޑެބިޓް ކާޑް" ބާ؟
މުނާ
22 February 2017
ނަމުން އިސްލާމިކް ކިޔާފަ ހެޔޮދޯ ދެން ފޭރުނަސް؟ އަހަރަކު %10.5 ރޭޓުގަ އިންޓަރެސްޓް ދައްކަން ޖެހޭއިރު މިއީ 20 އަހަރަށް ބަލައިފިނަމަ %210. މާނައަކީ 1 މިލިޔަނުގެ ލޯނެއް ނަގައިފިއްޔާ 20 އަހަރު ތެރޭ 3.1 މިލިޔަން ބެންކަށް ދައްކަން ޖެހެއޭ. މިއީ ނިކަމެތި ރައްޔިތުން އިތުރަށް ނިކަމެތިކުރުން ނޫން އެހެން ކޮން ކަމެއްތޯ؟
ސެލިއުޓް
22 February 2017
މި ފޮޓޯއިން ފެންނަންތިބި ބޭންކުގެ ދެ މުވައްޒަފުންނަކީވެސް އާންމުކޮށް އޮފީސްތަކުގައިތިބޭ މުވައްޒަފުންނާ ޚިލާފަށް، ކަސްޓަމަރުންނާ ހިނިތުންވުމާއެކު ރިވެތިކޮށް މުއާމަލާތުކުރާ އަދި އާދަޔާޚިލާފަށް ހިތްހެޔޮ ދެ ބޭފުޅުންކަން އަޅުގަޑަށް ފާހަގަކުރެވިފައިވޭ..
ޢެދުރު
23 February 2017
ތިޔަކަމެއް ލޯނަކުން ނުފެންނާނެ ! 10.5% ގެ އިންޓްރެސްޓް ނުދައްކައިފިއްޔާ ކަލޭވެސް ވިއްކާލާނެ .. ޔަގީން.