ވިޔަފާރި / ރިޒާވް ފައިސާ

ޔޫޒަބަލް ރިޒާވްގެ އަދަދު 114 މިލިއަން ޑޮލަރަށް އަރައިފި

މަރުކަޒީ ބޭންކް އެމްއެމްއޭގެ އޮފީސް އިމާރާތް. އޭޕްރީލް މަހު ރިޒާވްގައި ހުރީ 114 މިލިއަން ޑޮލަރު -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

03 ޖޫން 2024 - 12:50

12 comments

މިދިޔަ އޭޕްރީލް މަހު ޔޫޒަބަލް ރިޒާވްގައި ހުރި އަދަދު 114 މިލިއަން ޑޮލަރަށް އަރައިފި އެވެ.

މަރުކަޒީ ބޭންކް، އެމްއެމްއޭއިން އާންމުކުރި ތަފާސްހިސާބުތަކުން ދައްކާ ގޮތުން، މިއީ މިދިޔަ އަހަރުގެ ޖެނުއަރީ މަހަށް ވުރެ ހަތަރު މިލިއަން ރުފިޔާ އިތުރު އަދަދެކެވެ. މިދިޔަ ޖެނުއަރީ މަހު ޔޫޒަބަލް ރިޒާވުގައި ހުރީ 110 މިލިއަން ޑޮލަރެވެ. ހަތަރު މިލިއަން ޑޮލަރު އިތުުރުވި ނަމަވެސް މިއީ މިދިޔަ އަހަރުގެ އޭޕްރީލް މަހާ އަޅާ ބަލާ އިރު 37 މިލިއަން ޑޮލަރު ދަށް އަދަދެކެވެ. މިދިޔަ އަހަރުގެ އޭޕްރީލް މަހު ޔޫޒަބަލް ރިޒާވުގައި ހުރީ 151 މިލިއަން ޑޮލަރެވެ.

ތަފާސްހިސާބުތައް ދައްކާ ގޮތުން އޭޕްރީލް މަހުގެ ރިޒާވް ވަނީ މިދިޔަ އަހަރުގެ ޑިސެމްބަރު މަހަށް ވުރެ 65 މިލިއަން ޑޮލަރު ދަށް އަދަދެކެވެ. ޑިސެމްބަރު މަހު މަހު ޔޫޒަބަލް ރިޒާވް ހުރީ 179 މިލިއަން ޑޮލަރުގަ އެވެ.

މި އަހަރުގެ ފުރަތަމަ ހަތަރު މަހު ޔޫޒަބަލް ރިޒާވްގައި އެވްރެޖުކޮށް ހުރީ 115 މިލިއަން ޑޮލަރެވެ.

އޭޕްރީލް މަހު ރަސްމީ ރިޒާވް ހުރީ 622 މިލިއަން ޑޮލަރެވެ. މިއީ މިދިޔަ އަހަރުގެ އޭޕްރީލް މަހަށް ވުރެ 135 މިލިއަން ޑޮލަރު ދަށް އަދަދެކެވެ. މިދިޔަ އަހަރުގެ އޭޕްރީލް މަހު ރަސްމީ ރިޒާވު ހުރީ 757 މިލިއަން ޑޮލަރުގަ އެވެ.

މިދިޔަ އަހަރަށް ވުރެ ރިޒާވް ދަށްވި ނަމަވެސް ރަސްމީ ރިޒާވް ވަނީ މި އަހަރު ޖެނުއަރީ މަހަށް ވުރެ 71 މިލިއަން ޑޮލަރު އިތުރުވެފަ އެވެ.

ޖުމްލަ ރިޒާވް އިތުރުވި އެންމެ ބޮޑު ސަބަބަކީ ކޮމާޝަލް ބޭންކްތަކުން އެމްއެމްއޭގައި ބަހައްޓާ ފައިސާ އިތުރުވުމެވެ. އެ މުއްދަތުގައި ކޮމާޝަލް ބޭންކްތަކުން ބެހެއްޓި ފައިސާ ވަނީ 67 މިލިއަން ޑޮލަރު އިތުރުވެފަ އެވެ. އެ ފައިސާ އިތުރުވި ނަމަވެސް އެއީ ސަރުކާރުގެ ބޭނުންތަކަށް އިމްޕޯޓަށާއި ދަރަނި ދެއްކުމަށް ބޭނުން ކުރެވޭނެ ފައިސާއެއް ނޫނެވެ. އެހެންވެ، ރަސްމީ ރިޒާވުގެ އަދަދު ބޮޑުވިޔަސް، އެކަމުން ދައުލަތުގެ ހަރަދުތައް ހަމަޖައްސަން ފައިދާއެއް ނުކުރާނެ އެވެ.

މިދިޔަ އަހަރު ނިމުނު އިރު ރަސްމީ ރިޒާވް ހުރީ 590 މިލިއަން ޑޮލަރުގަ އެވެ.

ރިޒާވް އިތުރު ކުރުމަށްޓަކައި ކުރާ އެއް ކަމަކީ އާމްދަނީ އިން ވަކި އަދަދެއް ރައްކާކުރުމެވެ. ރިޒާވް އިތުރު ކުރުމަށްޓަކައި ކަރެންސީ ސްވޮޕް ފެސިލިޓީ ވެސް ދޭތެރެ ދޭތެރެއިން ބޭނުންކުރެ އެވެ.

އެމްއެމްއޭ ރިޒާވް ފައިސާ ޑޮލަރު ރިޒާވް އިގްތިސާދު ރާއްޖޭގެ އިގްތިސާދު

12 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައިޝަތް އަޒްނާ

04 June 2024

ފައިސާ ޕްރިންޓްނުކޮށް ދިވެހި ފައިސާގެ އަގު މަތިކޮށް ޑޮލަރު ރިސާވް ބޮޑުކޮށް އެސްޑީއެފްސީ ފަންޑް ބޮޑުކުރަމުން އަދުގެ ސަރުކާރުން މިދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާނިމް ހަންނާން

04 June 2024

އެމްއެމްއޭގެ އުޅޭ ސްޓާފެއް ބުނީ މިހާރު ވަރަށް ޕޮސިޓިވް ޗޭންޖްތައް ފެންނަ ކަމަށް. ސަރުކާރުގެ ފިޔަވަޅުތައް ރަނގަޅު ކަމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ަފައްތާހް އަލީ

04 June 2024

ފައިސާ ޗާޕްނުކޮށް ގައުމު މި ހިންގަނީ. މިއީ މޮޅު ވެރިޔެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާފާގް ސައީދު

04 June 2024

މިދިޔަ އަހަރު މި ދުވަހަށްވުރެ އިތުރު މިވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހްމޫދު ނަސީރު

04 June 2024

ރައީސް މުއިއްޒްއާއެކު މިގައުމު އިގްތިސާދު މިދަނީ މަޑުމަޑުން ކުރިޔަށް. ޕޮސިޓިވް ޗޭންޖެއް މިއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެލިއުނެތް ކްރެޑިޓްކާޑު

03 June 2024

ބައްލަވާ، ތިޔަ ކަހަލަ ސްޓައިކިން ހެޑްލައިން ނުޖައްވާ! ޖެހެނީ ހިސްޓީރިޔާ! ވިޔަފާރިއަށް ބޭންކުން ޑޮލަރެއް ވިއްކަނީކީ ނޫން! ބީއެމްއެލް ގެ ރިޒާވުން (އެމްއެމްއޭ އިން ބީއެމްއެލްއަށް ވިއްކިވަރަށް ވުރެ އިތުރަށް) 330،000،000.00 ވުރެ ގިނަ ޑޮލަރު ވިއްކަންޖެހުނު ވާހަކަ ނޫހުގައި ޖެހި! ބީއެމްއެލް ޑިވިޑެންޑް ސަރުކާރަށް ދައްކަންޖެހޭތީ ދޫކޮށްފައި ހުރި ކާޑުތަކުގެ ލިމިޓް ކޮވިޑާހެދި ކުޑަކުރި ކުރުން އަދި ވެސް އެ ގޮތުގައި! މީ ހަގީގަތަކީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްއަސަދ

03 June 2024

ސޯލިހު ސަރުކާރުން ދިޔައީ ހަމަ ރަގަޅަށް ގައުމު ދަރުވާލާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ.އލ

03 June 2024

"މިދިޔަ އަހަރުގެ އޭޕްރީލް މަހަށް ވުރެ 135 މިލިއަން ޑޮލަރު ދަށް އަދަދެކެވެ " މިތަން ކޮޅު ނުދެކެން ދޯ؟ އޭރު ހުރީ ތިބުނާ ބޭފުޅާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަނަނަ

03 June 2024

ޔާމީން ވެރިކަމުން ފޭބިއިރު ތީގަ ކިތައް މިލިއަން ހުރިތަ؟ ނޫސްތަކުގަ އުޅޭ ކުދިން ހަނދާނުގަ ހުންނާނީ 30 މިލިއަން ރުފިއާއެއް އެކަނިހެން ހީވަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޔާސީ ހާސަރު

03 June 2024

ސިޔާސީ ވިޔަސް ތީ ބޮޑު ވަރު. ނޫހުން ބަލާބަލަ، އެވެރިކަން ނިމުނު އިރު ރިޒާވް 900 މިލިއަނަށް ވުރެ އިތުރުވާނެ. އަދި ދަޢުލަތުގެ ދަރަނި ފަންޑުގައި 200 މިލިއަނާ ގާތް ކުރާ އަދަދަކަށް ހުންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

03 June 2024

ތިޔަ އަދަދަށް ވުރެ ގިނަ ފައިސާ ބިދޭސީން ގަވާއިދާ އެއްގޮތަށް އަދި ގަވާއިދާ ހިލާފައް ބޭރު ކުރާނެ އެވެ. ބޭންކް މެދުވެރި ނުކޮށް ބިދޭސީން ބޭރު ކުރާ ފައިސާ ވ ގިނަ އެވެ. މާލޭގަ ކުޑަ ކެފޭ އެއް ހިންގާ ބިދޭސީ މީހާ ވެސް މަހަކު 50 ހަާހަށްވުރެ ގިނަ ފައިސާ ރާއްޖެ އިން ބޭރަށް ގަވާއިދާ ހިލާފަށް ފޮނުވާނެ އެވެ. އެސްބީއައި ކަންމަތީ ހުންނަ 10 ފޫޓު ހަމަ ނުވާ ކަޑަ އަށް ވެސް ދުވާލަކު 10 ހާސް ރުފިޔާ ލިބޭނެ އެވެ. ގިނައީ 100 ޕަސެންޓް ބިދޭސީން ހުންނަ ތަންތަނެވެ.