13 ޖޫން 2024 - 10:51
34 comments
މަސްވެރިކަމުގެ ދާއިރާއާ ގުޅޭ ގޮތުން މި ސަރުކާރުން ވެފައިވާ ވައުދުތައް ފުއްދޭނީ ދައުލަތުގެ މާލީ ހާލަތު ރަނގަޅުވުމުން ކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެ އެވެ.
ބޮޑު ކަންނެލި މަސްވެރިން މާލޭގެ ރަސްމީ ފާލަމާ ދިމާލުން ބޭރުގައި އިއްޔެ ހަވީރު މުޒާހަރާކުރީ މިފްކޯ އަށް ބޮޑުކަންނެލި ގަތުމަށާއި ލޭނު އަޅައިގެން މަސްވެރިކަން ކުރަން ހުއްދަ ދިނުމުގެ ވިސްނުން ސަރުކާރުން ދޫކޮށްލުމަށް ގޮވާލަ އެވެ.
އެ މުޒާހަރާ ތެރޭގައި ވާހަކަ ދައްކަވަމުން ޝިޔާމް ވިދާޅުވީ، މަސްވެރިންނަށް ވައުދުތައް ވުމަށް ފަހު، މި ސަރުކާރު އައިތާ ހަތް މަސްވެފައިވާ ކަން ގަބޫލު ކުރައްވާ ކަމަށާއި ނަމަވެސް ގައުމުގެ މާލީ ހާލަތު ހުރި ގޮތުން އެ ވައުދުތަކުގެ މަސައްކަތް މިއަދުން މިއަދަށް ފެށެން ނެތް ކަމަށެވެ.
މި ސަރުކާރު ހަވާލުވި އިރު ގައުމުގެ ހާލަތު އޮތީ އެ އަށް ވުރެ ގޯސްކޮށް ކަމަށާއި ރައީސް ޑރ. މުހައްމަދު މުއިއްޒު މަސްވެރިންނަށް ވެވަޑައިގަތް ވައުދުތައް ފުއްދޭނީ ފުރަތަމަ ގައުމުގެ މާލީ ހާލާތު ރަނގަޅު ކޮށްގެން ކަމަށް ޝިޔާމް ވިދާޅުވި އެވެ.
"އަޅުގަނޑުމެން ކުރިން ބުނެފައިވާ ގޮތަށް މި ސަރުކާރުން މި ވައުދުތައް ފުއްދާނީ ދައުރުގެ ކުރީކޮޅު،"--- ޝިޔާމް
"... ދެން ހުރީ މާލީ ހާލަތު ރަނގަޅު ކުރުމަށްޓަކައި އަޅުގަނޑުމެން ހުރިހާ ސިނާއަތްތަކުން ރާވައިގެން ކުރަން ޖެހޭ ކަންތައްތަކެއްގެ ވާހަކަ،" ޝިޔާމް ވިދާޅުވި އެވެ.
ލޭނު މަސްވެރިކަމުގެ މަޝްވަރާތަކަކީ ވެސް އާމްދަނީ ހޯދުމުގެ ބޭނުމުގައި ވިސްނާ ކަމެއް ކަމަށާއި ދައުލަތަށް އާމްދަނީ ހޯދަން ކުރަން ޖެހޭ ކަންކަން ސަރުކާރުން އެކްސްޕްލޯ ކުރާނެ ކަމަށް ޝިޔާމް ވިދާޅުވި އެވެ. އެކަމަކު، މަސްވެރިންނާ ގުޅުން ހުރި ކަމެއްގައި އެ ފަރާތްތަކާ މަޝްވަރާ ކޮށްގެން ނޫން ގޮތަކަށް އެއްވެސް ކަމެއް ނުނިންމަވާނެ ކަމަށް މިނިސްޓަރު ވިދާޅުވި އެވެ.
މިފްކޯ އިން ކެންނެލި ގަންނަން މަސްވެރިން ޑިމާންޑު ކުރި ނަމަވެސް މި އަހަރު އެކަން ނުކުރެވޭނެ ކަމަށް ޝިޔާމް ވިދާޅުވި އެވެ.
އޭނާ ވިދާޅުވި ގޮތުގައި، މިފްކޯ އޮތީ މަސްވެރިންގެ އަތުން ކަންނެލި ގަނެވޭ ހާލަތުގައެއް ނޫނެވެ. އެހެންވެ، މިފްކޯގެ ހާލަތު ވެސް ރަނގަޅު ކުރުމަށް މަސައްކަތް ކުރަމުން އަންނަ ކަމަށް ވެސް މިނިސްޓަރު ވިދާޅުވި އެވެ.
"އަޅުގަނޑުމެން ކުރިން ބުނެފައިވާ ގޮތަށް މި ސަރުކާރުން މި ވައުދުތައް ފުއްދާނީ ދައުރުގެ ކުރީކޮޅު،" އޭނާ ވިދާލުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓިކުޓޮކު ރާއްޖޭ
14 June 2024
އެކަމަކު ފަލަސްތީނަށް ޑޮލަރު ދީފަ ދިވެހިން ނުކާ މަރުވާންވީ. ވަރަށް މަޖާ މިމީހުންގެ ވިސްނުން.
މިނިސްޓަ
14 June 2024
ފިނޭންސް މިނިސްޓަ ވިދާޅުވާ އެއްޗެއް މި މިނިސްޓަ އަށް އަޑުނީވެނީބާ؟
އަލީ!!
14 June 2024
އިންތިހާބުތަށްނިމުނީމަ ރާގުބަދަލްވާންފަށައިފި!
ފާލަން
13 June 2024
މީހަކު މިއިން ޒަމާނެއްގަވެސް ބޭނުންކުރަން ނެތް ފާލަމެއް އިހުޒަމާނުގެ ގޮތަށް ބަދަލުކުރަންވީމަ އެތައް މިލިއަނުން ޚަރަދުކުރެވޭހާ މާލީ ހާލަތު ރަގަޅު. ހިއްކަން ބޭނުންވާ ތަންތަން ހިއްކަން ބަޖެޓް ނެތަސް މާލީ ހާލަތު ރަގަޅު. ކުރަން ބޭނުންވާ ކަންކަން ކުރަންވީމަ ކިތަންމެ ބޭކާރު ކަމެއްވިއަސް މާލީ ހާލަތު ރަގަޅު.
ހށނ
13 June 2024
ސިޔާސީ މީހުން ދައްކާނީ ސިޔާސީވާހަކަ. އެމީހުން އަމިއްލައަށް ބުނެ އުޅޭ އަޑުވެސް އިވޭނެ. ތިމަން އެހެން ބުނީ ސިޔާސީގޮތުންނޭ. ވީމަ ސިޔާސީ ގޮތުން ދައްކާ ވާހަކަތަކަކީ އެބަޔަކު އެވަގުތަކަށް ބޭނުންވާ މަންފާ ނުވަތަ އެދުމެއް ހާސިލުވަންދެން ސައްޚަވާ ވާހަކަތަކެއް. މުރާދު ފުދުމުން އެވާހަކަ މަންސޫޚްވޭ.
ޑްރައި
13 June 2024
މާ ފައިސާ ލިބޭ ބަޔަކަށް ހެދިގެން އައީ ވެރިކަމަށް އައި އިރު. ބޭރު މީހަކު އައިސް ބިލިއަނުން އަނގަ ތަޅާލީމާ އެއަށް ހެއްލިގެން، އެއީ ވަރަށް ފައިސާ ކަމަށް ހިތާ އޭގެ ފަހަތުން ސަރުކާރު އަދިވެސް ދުވަނީ. އެމެރިކާގެ ޓްރެޝަރީއަށް އިންވެސްޓް ކުރިއަސް 5.5 ޕަސެންޓް އިންޓަރެސްޓް ލިބޭ. ސައީދު އާއި މުއްތަލިބުމެން ގެންނަ ފައިސާ ސަރުކާރަށް ލިބޭ ދެތިން ޕަސެންޓްގައި. ހޭހުރި މީހަކު މި ގަބޫލުކުރާނެތަ؟ މިކަހަލަ އަވައިގަ ޖެހި 7 މަސް ވޭސްޓްވަނީ މި. ކޭޝްފްލޯ ޑްރައި.
ޓިކުޓޮކު ރާއްޖެ
13 June 2024
ފަލަސްތީނަށް ލާރި ދީފަ ބަހައްޓާ، އަހަރެމެން ބަނޑަށް ޖެހުނީމަ ސައުދީ އަރަބިއްޔާ އެހީވާނެ، ސަބަބަކީ ފަލަސްތީނަށް ވުރެ ކާރިގަ ތިބި އަރަބި ގައުމަކީ ދިވެހިރާއްޖެ. ދިވެހިންނަކީ ދުނިޔޭގެ ނިސްބަތުން އެއްމެ ކުރިއަރާފައިވާ ގައުމެއް ކަން ހަނދާން ނައްތާ ނުލާތި.
ޒަވިޔަނި
13 June 2024
މާލީ ހާލަތު ރަނގަޅު ވާނެބާ މި 5 އަހަރު ނިމޭއިރުވެސް. ޔަޤީން ކަމެއްނެތް. ނުކަތާވަރަން އެކި އެކި ވުޒާރާތަކައް ޕާޓީ ކުދިން، ތިމާގެ މީހުން، ރައްޓެހިން ވައްދާފަ މުސާރަ ކަނޑަައަޅަން ޖެހޭ ވިއްޔަ.
ހޯރަބޭ
13 June 2024
ކޮބާތަ އަރަބިގައުމުތަކުގެ ތެޔޮހޮޅިތައް ކާށިދޫ ކަނޑުން ނެރެން ބުނި ވަޒީރު
އަފްރާސިޔާބު
13 June 2024
ވައުދުވި އިރު ތިވާހަކަ ބުނިނަމަ ރަނގަޅުތާ؟ އޭރަކު ވިދާޅެއްނުވޭ ތިމަންނަ ވެރިކަމަށް ހޮވައިފިއްޔާ ރާއްޖޭގެ އިގްތިސާދު ރަނގަޅުވީމާ އެންމެންނަށްވެސް އެބަޔަކު ކުރާ މަސައްކަތަކަށް އެކަށީގެންވާ އަގެއް ކަނޑައަޅާނަމެކޭ. އެހެންވީމާ މީހުން އެކިޔަނީ ވައުދެއްވާނީވެސް ފުއްދޭނެ ކަމަށްވާނަމައޭ.