ސިޑްސް ކޮންފަރެންސްގައި ބައިވެރިވެ ވަޑައިގަތުމަށް ރައީސް ކުރެއްވި ދަތުރުފުޅަށް 3.8 މިލިއަން ހަރަދުވި: ރައީސް އޮފީސް

ސިޑްސް ގްލޯބަލް ބިޒްނަސް ނެޓްވާކް ފޯރަމް 2024ގެ މަތީ ފަންތީގެ ނިންމުމުގެ ރަސްމިއްޔާތުގައި ރައީސް މުއިއްޒު ބައިވެރިވެވަޑައިގަންނަވަނީ.

މުއިއްޒު އިބްރާހިމް، މިހާރު

14 ޖޫން 2024 - 23:39

29 comments

ސްމޯލް އައިލެންޑް ޑިވެލޮޕިން ސްޓޭޓްސް (ސިޑްސް) ގެ ކޮންފަރެންސްގައި ބައިވެރިވެވަޑައިގަތުމަށް ރައީސް ޑރ. މުހައްމަދު މުއިއްޒާއި ސަރުކާރުގެ އިސް ވަފުދެއް ކުރެއްވި ދަތުރުފުޅަށް 3.8 މިލިއަން ރުފިޔާ ހަރަދުވި ކަމަށް ރައީސް އޮފީހުން މިރޭ ބުނެފި އެވެ.

ކޮންމެ 10 އަހަރުން އެއް ފަހަރު ބާއްވާ ސިޑްސް ކޮންފަރެންސްގައި ބައިވެރިވެ ވަޑައިގަތުމަށް ކެރީބިއަންގެ ގައުމެއް ކަމަށްވާ އެންޓީގާ އެންޑް ބާބިއުޑާ އަށް ރައީސް މުއިއްޒު ވަޑައިގަތީ މިދިޔަ މަހުގެ 24 ވަނަ ދުވަހު އެވެ. ހަތް ދުވަހުގެ އެ ދަތުރުފުޅުގައި ރައީސާ އެކު 16 ބޭފުޅުންގެ ވަފުދެއް ބައިވެރިވި އެވެ.

ރައީސް އޮފީހުން އާންމުކުރި އެ ދަތުރުފުޅުގެ ތަފްސީލުގައިވާ ގޮތުން 16 ބޭފުޅުންގެ ޓިކެޓަށް 2.6 މިލިއަން ރުފިޔާ ހަރަދުވިއިރު، އެކޮމޮޑޭޝަނަށް ހަ ލައްކަ ރުފިޔާ އަދި ދަތުރުފަތުރުގެ ހަރަދަށް 271،000ރ. ހަރަދުވި އެވެ. ޕޮކެޓް މަނީގެ ގޮތުގައި 141،000ރ. ހަރަދުވި އެވެ. ވަފުދުގެ ހުރިހާ ބޭފުޅުންގެ ފަރިއްކޮޅަށް 164،000ރ. ހަރަދުވި ކަމަށް ވެސް ރައީސް އޮފީހުން ބުންޏެވެ. އަދި ސްޓޮޕް އޯވާ އާއި އިންސިޑެންޝަލްގެ ގޮތުގައި ހަރަދުވި 23،000ރ. މިލިއަން ރުފިޔާއާ އެކު، ޖުމްލަ 3.6 މިލިއަން އެ ދަތުރުފުޅަށް ހަރަދުވި ކަމަށް ރައީސް އޮފީހުން ބުންޏެވެ.

ރައީސް އޮފީހުން ބުނިގޮތުގައި ރައީސްގެ އެ ދަތުރުފުޅުގެ ތެރެއިން ދުނިޔޭގެ ޖަމާއަތްތަކާއި މާލީ އިދާރާތަކުގެ އިސްވެރިންނާ ބައްދަލު ކުރައްވައި، އެ އިދާރާތަކުގެ އެހީތެރިކަން ރާއްޖެއަށް ލިބޭނެކަމުގެ ޔަގީންކަން ހޯއްދެވި އެވެ. އޭގެ ތެރޭގައި ޔޫރަޕިއަން އިންވެސްޓްމަންޓް ބޭންކްގެ ނައިބު ރައީސާއި އދ. ގެ ސެކެޓްރީ ޖެނެރަލްގެ އިތުރުން ކޮމަންވެލްތުގެ ސެކެޓްރީ ޖެނެރަލް ވެސް ހިމެނިވަޑައިގަންނަވަ އެވެ. އަދި އެ ދަތުރުފުޅުގެ ސަބަބުން ރާއްޖޭގެ ތަރައްގީ އާއި ތިމާވެށްޓަށް އިންވެސްޓަރުންގެ އެހީ ލިބޭނެކަމުގެ ޔަގީންކަން ލިބުނު ކަމަށް ވެސް ރައީސް އޮފީހުން ބުންޏެވެ.

މި ފަހަރުގެ ކޮންފަރެންސްގެ ވައިސް ޗެއާއެއްގެ ގޮތުން ހަމަޖައްސާފައި އޮތީ ރާއްޖެ އެވެ. އެ ކޮންފަރެންސްގައި ރައީސް މުއިއްޒު ވަނީ ރާއްޖޭގެ ތިމާވެށި ރައްކާތެރި ކުރެއްވުމަށް ކުރާނެ ބައެއް މުހިންމު ކަންކަން ވެސް އިއުލާން ކުރައްވައިފަ އެވެ.

ދައުލަތުގެ އާމްދަނީ ރައީސް އޮފީސް ޑިޕްލޮމެޓިކް ގުޅުން ރައީސް ޑރ. މުހައްމަދު މުއިއްޒު ސިޑްސް ކޮންފަރެންސް

29 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނުފޯރާފޮތިން ފޫގެޅުން

17 June 2024

ތީ ރާއްޖެއިން ކޮންމެހެންވެސް ބައިވެރިވާންޖެހޭ ސަމިޓެއް. އެކަމަކު ރަސްމީކޮށް އެތާ ކުރަންޖެހޭ ކަންކަމަށް ކޮންމެހެން ބައިވެރިވާންޖެހޭ ވަރަށްވުރެ އިތުރަށް މީހުން ވަފުދުގައި ހިމެނުމަކީ ބޭކާރު ކަމެއް. ހީއެއްނުވެ އެހެން އެއްވެސް ޤައުމްކުން 16 މެންބަރުންގެ ވަފުދެއް ސަމިޓަށް ދިޔަހެނެއް. ތި އެންމެންގެ ޓިކެޓަށް ތިއޮތީ ބޮޑު ހޭދައެއްވެފަ. ތި 16 މީހުންގެ ދައުރަކީ ކޮބައިބާ ސަމިޓްގަ. ހަމަ ރާއްޖޭގެ ހައިބަތު ދައްކާލުންބާ. ޢަދަދު މާގިނައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު.

15 June 2024

ގައުމު ފަރައް އަރުވާލާނެ މިފަހަރު. ދެން އަތްޖަހާ. ބާރަށް އަތްޖަހާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިކޮނޮމިސްޓް

15 June 2024

ކާން ދީފަ އެކަމޮޑޭޝަން ދީފަ ފަސްޓް ކްލާސްޓިކެޓް ދީފަ ދަތުރުގައި ތިބޭ ދުވަސްތަކަށް އޮފީހުން މުސާރަ ދީފަ ދެން ކޮން ޕޮކެޓް މަނީއެއް ދޭކަށް.. ކީއްކުރަން ދޭ ޕޮކެޓް މަނީއެއްހޭ؟؟؟؟ ނޫސް ވެރިން ވެސް މިކަހަލަ ސުވާލެއް ނުކުރާނެ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރުޖާނު

15 June 2024

އެވެސް ޕޮކެޓްމަނީ ކެއިންބުއިމުގެ ހަރަދާ ގާތްގަޑަކަށް އެއްވަރު???

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޮކެޓް މަނީ

16 June 2024

ބްރޯ، ޕްކެޓް މަނީ އަކީ ވެސް މާލިއްޔަތު ގަވާއިދުގަ އިންނަ އެއްޗެއް. އެ ދީފަ އެހެރީ ގަވާއިދާ އެއްގޮތަށް ތޯ ބަލަންޏާ ބަލަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަންގާޅީ

15 June 2024

އަދި ސްޓޮޕް އޯވާ އާއި އިންސިޑެންޝަލްގެ ގޮތުގައި ހަރަދުވި 23،000ރ. މިލިއަން ރުފިޔާއާ އެކު، ޖުމްލަ 3.6 މިލިއަން އެ ދަތުރުފުޅަށް ހަރަދުވި ކަމަށް ރައީސް އޮފީހުން ބުންޏެވެ. 23،000ރ. މިލިއަން ރުފިޔާއާ އެކު، ޖުމްލަ 3.6 މިލިއަން އެ ދަތުރުފުޅަށް މީކޮންވައްތަރު ހިސާބު. މުއިއްޒު އިބްރާހީމް ބޯސަކަރާތް ހުންނަނީދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންޓޯ

15 June 2024

ކީނކުރާނީ, ރުހުމުގެ ލޮލަށް އައިބެއް ނުފެންނާނާ,

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޑަބޮއް ސައީދު

15 June 2024

ކީއްކުރަން އެންމެނަށް ފަސްޓް ކުލާހުގަ ޓިކެޓު ދޭންވީ ކީ އެއް؟ ހަމަ އެކަނި ރައީސަށާއި މިނިސްޓަރަށް މޮޅު ޓިކެޓު ދީފައި ދެންތިބި ބޭކާރު ޓުރިޕު އަޅަން ދިޔަ އައުވާނުންނަށް އިކޮނޮމީ އިން ނެގިނަމަ ދަތުރުގެ ހަރަދުގެ ދެބައި ކޮށްފަ އެއްބައި ސަލާމަތް ވާނެ. ގައުމު ދިފާއު ކުރަން ރައްޔިތުން ނިމުމޭ.