ހައްޖު އޮޕަރޭޝަން ވަރަށް ކާމިޔާބު، ކަންކަން ރަނގަޅު ކުރާނަން: ޑރ. ޝަހީމް

ދިވެހި ހައްޖުވެރިން ޖަމްރާތަކަށް ހިލަ އުކަން އިއްޔެ ދަނީ.

20 ޖޫން 2024 - 08:15

ރާއްޖެ އިން މި އަހަރު ހައްޖަށް މީހުން ގެންދިއުމުގެ ކަންކަން ނިމުނީ ވަރަށް ކާމިޔާބުކަމާ އެކު ކަމަށާއި އެކަމަކު ރަނގަޅު ކުރަންޖެހޭ ކަންކަން އަދިވެސް އެބަހުރި ކަމަށް އިސްލާމިކް އެފެއާޒް މިނިސްޓަރު ޑރ. މުހައްމަދު ޝަހީމް އަލީ ސައީދު އިއްޔެ ވިދާޅުވެއްޖެ އެވެ.

ރާއްޖެ އިން މި އަހަރު ހައްޖަށް ދިޔަ 1،150 އަށް ވުރެ ގިނަ މީހުންނާ އެކު ވަޑައިގެންނެވި ޝަހީމް ހައްޖުވެރިންނަށް ދެއްވި މެސެޖެއްގައި ވިދާޅުވީ، ރަނގަޅު ކުރަންޖެހޭ ކަންތަށްތަކެއް ފާހަގަކުރެވިފައިވާ ކަމަށެވެ.

"އިންޝާ ﷲ އަންނަ އަހަރަށް އެ ކަންކަން ރަނގަޅު ކުރާނެ،" މިނިސްޓަރު ވިދާޅުވި އެވެ.

މިއީ ރާއްޖޭގެ ހައްޖު ކޯޕަރޭޝަންގެ ތާރީހުގައި ވެސް އެންމެ ގިނަ އަދަދަކަށް ހައްޖަށް މީހުން ގެންދިޔަ ދެ ވަނަ ފަހަރު ކަން ފާހަގަކުރައްވަމުން ޝަހީމް ވިދާޅުވީ، އެތައް މިލިއަން މީހުންގެ ތެރޭގައި ހިނގާ އެހާ ބޮޑު ކަމެއްގައި ކިތަންމެ ބޮޑަށް ކަންކަން ފުރިހަމަ ކުރަން އުޅުނަސް އަމިއްލަ ކޮންޓްރޯލުން ބޭރުން އުނިކަން ހުންނާނެ ކަމަށެވެ.

"އިންސާނުންނަކީ އުނިބައެއް. އެންމެ ބޮޑު އިސްކަމެއް ދިނީ ހޫނު ގަދަ މާހައުލެއްގައި ހާޖީންގެ ސަލާމަތާއި ސިއްހަތާއި ރައްކާތެރިކަމަށް،" މިނިސްޓަރު ވިދާޅުވި އެވެ.

މިނިސްޓަރު ޝަހީމް މީޑިއާއާ ވާހަކަ ދައްކަވަނީ: ހައްޖުގެ ކަންކަން މި އަހަރު ގެންދިޔަ ގޮތާ މެދު ހިތްހަމަޖެހިވަޑައިގަންނަވާ.---ފޮޓޯ: ނިޝާން އަލީ| މިހާރު

ޝަހީމް ފާހަގަކުރެއްވި ކާމިޔާބީތައް:

- ފެންވަރު ރަނގަޅު ދިވެހި ރަހަތަކާ އެކު ކެއުން ފޯރުކޮށްދިން.

- ބަލި މީހުންނަށް އެންމެ މަތީ ދަރަޖައިގައި އެހީތެރިކަން ފޯރުކޮށްދިން. ޑައިލިސް ހަދާ މީހުންނާއި ކެންސަރު ފަރުވާ އާއި ހިތުގެ ބަލި ހުންނަ ބައެއް މީހުން ތިބި. އެ އެންމެންނަށް އޯގާތެރިކަން ފޯރުކޮށްދިން.

- އެޑްމިޓްކުރި މީހުންނަށް މަތީ ދަރަޖައިގައި އެހީ ފޯރުކޮށްދިން.

- މަގު އޮޅުނު ސަތޭކައެއްހާ މީހުން ޑިވައިސްގެ އެހީގައި ހޯދި.

- އަރަފާތަށް ނުވަދެވޭ އެކަކު ވެސް ނެތް. ބަލި މީހުން ވެސް އަރަފަރާތަށް ގެންދިޔަ.

- ވީލްޗެއާގައި ގިނަ ބަޔަކު އުޅުނު އިރު އެ އެންމެންނަށް އެހީތެރިކަން ދިން.

- އަރަފާތުގެ ފޭލިގޭގެ އިންތިޒާމުތައް ފުރިހަމަ.

- ނަމަވެސް މިނާގެ ފޭލިގޭގެ ތާށިކަމެއް ހުރި. އެކަން މެދުވެރިވި ސަބަބުތައް ބަލައި ކުރިމަގުގައި ރަނގަޅުކުރަން އަޅަންޖެހޭ ފިޔަވަޅުތައް އަޅާނެ.

މިނިސްޓަރު ވަނީ ހައްޖު ކޯޕަރޭޝަންގެ މެނޭޖްމަންޓާއި އެ ކުންފުނީގެ މުވައްޒަފުންނާއި އެހީތެރިން އަދި ހައްޖު މިޝަނަށް ޝުކުރު އަދާކުރައްވައިފަ އެވެ. އަދި ދިވެހި ހައްޖުވެރިންނަށް އެހީވި މަދީނާގައި ކިޔަވާ ދިވެހި ދަރިވަރުންނަށް ވެސް ޝުކުރު އަދާކުރެއްވި އެވެ.

"އަދި ހާއްސަކޮށް ބޮޑު ކައްކާ ވަހީދުބެ އަށް ޝުކުރު ދަންނަވަން. ޑރ އާދަމް ޝަމީމާއި އިލްމުވެރި އެންމެހައި މުރުޝިދުންނަށް ޝުކުރު ދަންނަވަން،" ޝަހީމް ވިދާޅުވި އެވެ.

ހައްޖު ޑރ. މުހައްމަދު ޝަހީމް އަލީ ސައީދު (މިނިސްޓަރު) އިސްލާމިކް މިނިސްޓްރީ މޯލްޑިވްސް ހައްޖު ކޯޕަރޭޝަން

40 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އީދު ސައީދު

22 June 2024

ކާމިޔާބު ނަމަ އެވާހަކަ ދައްކާނީ ޚިދުމަތް ލިބިގަތް މީހުން. ކާމިޔާބު ނުވީމާ އެކަން ހަވާލުވެ ހުރި މީހާ ކާމިޔާބޭ ބުނާނީ. މި ސަރުކާރުގެ ހުރިހާކަމެއްވެސް އެއީ ޕީއާރު ކަމަކަށް ހަދައިގެން މި އުޅެނީ. މާނަވީ ގޮތެއްގައި ކަމެއް ކުރެވޭތޯ ބެލިއްޔާ މާ ރަނގަޅުވާނެ. ބައެއް ފަހަރު ނާކާމިޔާބުވެސް ވާނެ، ނަމަވެސް ކޮންމެވެސް ހިސާބަކުން ކާމިޔާބުވާނެ. ތެދުވެރިކަމާ އިޚްލާސްތެރިކަމާއެކު ދެއްކުންތެރިކަމެއް ނެތި މަސައްކަތްކޮށްދެއްވުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުމޯ ނާ

21 June 2024

މިހާރު މޮޅެތި ވާހަކަ ދައްކާއިން އުތައަންނަ އަހަރަށް މީހުން ބޯކެވޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

21 June 2024

މީގަ ހުރިހާ ޖަރީމާއެއް ހިންގީ މިނިސްޓްރީން ހައްޖު ކޯޓާގެ ބައެއް ނަގައިގެން. މިއީ ކޯޕަރޭޝަންގެ މައްސަލައެއް ނޫން. ހައްޖުވެރިންގެ ހާލެއް ޝަހީމަކަށް އެޑިއުކޭޝަން މިނިސްޓަރަކަށް ނޭނގޭނެ. އެމީހުން ކުރީ ވީއައިޕީ ހައްޖެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުއްތަމަ އުސްތާޛް

21 June 2024

ޝަހީމޫ ނަސޭހަތެއްދެންތަ... 48 ލޯސް އޮފް ޕަވާގެ ރޫލް ނަންބަރ ވަން އަކީ... ނެވަރ އައުޓްޝައިން ދަ މާސްޓަރ... ތިޔަހެން ޕީއާރު ޖައްސަން ހަދައިގެން ޖެހޭނީ ނޫރައިންއަށް ޖެހުނު ދަތުރު...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުޑުކުރާފުށް

20 June 2024

އަހަރެން މިއުޅެނީ ޝަހީމުގެ ޕީއާރު މެނޭޖަރާ ބައްދަލު ނުވެގެން. އަބަދުވެސް ޝުރުހީތަކުން ޖާގަ ހޯދާނެ ގޮތްތަކެއް ރާވަން ބޭނުންވާތީ، 2028ގެ މަންޒަރު ފެންނަކަހަލައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަތްކައްކާ

20 June 2024

ބޮޑުން 3،4 ފަހަރު ހައްޖަށް ދިއުން ހުއްޓާލަންޖެހޭ. އެހެޔޮ ކޮންމެކުލައެއްގެ ސަރުކާރެއްއޮތަސް. އަހަރުމެން ފައިސާދައްކާފަ މިތިބެނީ ކިޔޫގަ. މުސްކުޅިވެ ގައިގެބާރުދޫވެ އެނދުމަތިކުރެވުނީމައެއްނޫން ދެވެންވީ. ހައްޖު ކޯޓާއިން ވައްކަންކުރުން ހުއްޓުވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހަރެން1444

20 June 2024

ޙައްޖުވެރިންގެ އަދު ކޯރޕަރޭޝަން ގެ މުވައްޒަފުން އަޑު އަހައިގެން ކަންކަން ރަގަޅު ނަމަ ޢެއްޗެއް ބުނެލާއިރައް "މިތަނައް އައި މަޖާކޮއް ކުޅިވަރު ކުޅެ އޭސީ ކޮޓަރީ ގައި ކިންގް ސައިޒަ ގެ ެދުގައި އޮންނާކައް ނޫން" މިފަދަ ޖަވާބެއް ހައްޖާޖީން ނަކައް ނުދޭނެ. ޢެހީތެރިނައް ދާމީހުން ޖެހޭ ސްލޫކީ ގޮތުން ރަގަޅު ބަޔަކައްވާން