މި އަހަރުގެ ބަޖެޓުގައި ބޮޑެތި އަދަދުތަކެއް ޖަހާފައި ހުއްޓަސް މިހާރު މިސްރާބު ޖަހާފައި ވަނީ އެ ހަރަދުތައް ކުޑަކުރުމާ ދިމާއަށް.
27 ޖޫން 2024 - 08:41
23 comments
އުދަރެސް ބަނަވެ، ވިލާ ބޯވަމުން އަންނަތަން އެންމެން ވެސް ދުށީމު އެވެ. ގަދަ ވަޔާ އެކު ދަތުރުކުރާ ކެރިގަނޑެއް ނޫން ކަމުން ހަނދު އަރައި، ދިޔަވަރު ފޫދެން ޖަހަންދެން ވިލާގަނޑު ހިފަހައްޓާފައި ހުރީ އެވެ. ނަމަވެސް ވަޔާއި ކެރި ބޯމަތިވެ، ގައުމީ އޮޑި މިއަދު މި ވަނީ ކޮޅިގަނޑުގައި ޖެހިފަ އެވެ.
މިއަދަށް މުހިންމީ ރައްކާތެރި ބަނދަރެއް އަތުޖެއްސުމަށް ހުރިހާ ފަޅުވެރިން އެކުގައި މަސައްކަތް ކުޅައުމެވެ. މިއީ ތިމަންނާގެ ވެސް އޮޑި ކަމުގައި ދަނެ ދިޔަ ހިފެހެއްޓެމަށް އުނގުރިތައް ވަރުގަދަ ކުރުމަށާއި ދަންމާނަށް ދަމައި، ހަންޖާ ހިފެހެއްޓުމުގެ މަސައްކަތުގައި އޮޑީގައި ތިބި އެންމެން ބައިވެރިވުމެވެ.
ބަރުމަރުކާ އަށް ވުރެ މައްޗަށް ބަރާކޮށްގެން، މައިކަނޑުގައި ދުއްވަން ނުކުތް އޮޑި، މި ވަނީ ލުއިކުރަން މަޖޫބޫރު ވެފަ އެވެ. ހަރަދުތައް މަދުކޮށް، އާމްދަނީ އިތުރު ކޮށްގެން ނޫނީ އިގުތިސާދުގެ ހުޅުތަކަށް ކެތެއް ނުކުރެވޭނެ އެވެ. އޮޑި ލުއި ކުރުމުގެ މަސައްކަތް ފަށަން ވާނީ ވިސްނުންތެރިކަމާ އެކުގަ އެވެ. އިހުސާންތެރި ކަމާ އެކުގަ އެވެ.
އޮޑީގައި ތިބީ ކަށި ނޫ ފުރައިގެ ފަޅުވެރިން އެކަންޏެއް ވެސް ނޫނެވެ. މުސްކުޅިންނާއި ކުޑަކުދިންނާއި އެކި ހާލަތުގެ ނުކުޅެދުންތެރިންނާއި ފަގީރުން ވެސް ތިބީ ހަމަ މި އޮޑީގަ އެވެ. ވައިގައި އޮޑި ހިފެހެއްޓުމަށް 'މަޑުމައިތިރިވެ މަތިކިބަ އަށް އަރަން' ގޮވިޔަސް އެކި ފަރުދުންނަށް ހެލި ގަނެވޭނީ އެކި ހަލުއި މިނުގައި ކަން ކައްޕި ދަންނަން ވާނެ އެވެ.
ފުނޯސް ނަކަތް ފަދަ ހުޅަނގުގެ ގަދަ ނަކަތެއް ކުރިމަތީގައި އޮތް އިރު ވެސް އަޅުގަނޑުމެންގެ އޮޑީގެ 'ހުންގާނުގައި ހުރީ މޮޅު ލަކުޑި' އެވެ. އަޅުގަނޑުމެންގެ ޕްރައިމަރީ އިންޑަސްޓްރީޒް؛ މަސްވެރިކަމާއި ދަނޑުވެރިކަމުގައި ދިރުން އެބަހުއްޓެވެ. ފަތުރުވެރިކަމުގެ ސިނާއަތުގެ ބިންގާ ވަރުގަދަ އެވެ. ދުނިޔެ ވަނީ ކޮވިޑު ފަދަ ކާރިސާއެއްގެ ތެރެއަކު ވެސް ނޫނެވެ. އެހެންކަމުން، އަތު އޮތް ފުރޯ އިން ކަނދުރާގައި އަމިއްލަ އަށް ނުޖަހާ ހިނދަކު، އަވައްޓެރި ސްރީ ލަންކާ ދަތުރު ކުޅަ ކަނޑު އޮޅިން ދަތުރުކުރަން ޖެހޭނޭ ކަމަކަށް އަޅުގަނޑަކަށް ގަބޫލެއް ނުކުރެވެ އެވެ.
މާހައުލު ހަލަބޮލި ކުރުމަކީ މި ވަގުތަށް ރަނގަޅު ގޮތެއް ނޫނެވެ. މި ވަގުތަށް ރަނގަޅީ ސިޔާސީ ކުޅިފަސް ހޯދުމުގެ މަސައްކަތް ފަސްކުޅައުމެވެ. އަމިއްލަ އަށް އަތް އުފުލައި، ހުރިހާ ކުލައެއްގެ ޓައިީ އަޅައިގެން ތިބި އެންމެން އެކުގައި މަސައްކަތް ކުޅައުމެވެ. ނަތީޖާ މާ ބޮޑުތަނުން ރަނގަޅު ވާނީ އޭރުންނެވެ.
މުގުރި ރާޅުގެ ފުއްޓަރު ފަރާތޭ،
ގުގުރާ ވިދުންތައް ގިނަވެސް ވަނިއްޔޭ،
ނުގުޑާނެހެން ކަނޑުގެ ހިތްވަރު ކުދިންނޭ،
މުގުލަށްވެ ތައްޔާރު ހަންޖާ ތިބޭށޭ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިނާ
28 June 2024
މީ ތަނެއް ދޮރެއް ނުބަލާ ވައުދު ވީމަ ވާގޮތް. އާސަންދަ، ހިލޭ ޑިގްރީ، މުސާރަތަށް ގިތް ކިޔާފަ ބޮޑުކޮށް، ސީޔާސީ މުސާރަތަކާއި އިނާޔަތްތަށް، ކިޔަވަން އެނއމެންނަށް ލޯނު، އެއަރޕޯޓް އެޅުން ކޮންމެ ރަށެއްގަ ބަނދަރު އެޅުން…. ގައުމަށް ފައިސާ ވައްދާނެ ގޮތެއް ނޭނގޭ އިރު ހަރަދު ކުރީމަ ވާ ހަ އެތި
ހަސަންޓޭ
27 June 2024
މި ރާއްޖޭގައި 1000 މީހުން ހަމަނުވާ 122 ރަށް އެބައޮތް. 500 މީހުން ހަމަ ނުވާ 57 ރަށް އެބައޮތް. މަޑުމަޑުން އެއްފަސް ކޮށްގެން ނޫނީ ތަރައްޤީ ވާކަށް ނެތް
އެދުރު1
28 June 2024
މި ކުދި ކުދި ރަށްތަކުގައިވެސް ކުދިރަށެއް ބޮޑުރަށެއް ނުބަލާނަމޭ ކިޔާފައި 100 އެއްހާ ވޯޓުގެ ބޭނުމުގައު މިލިޔަން ޑޮލަރުގެ ފަޅުތަކާއު މިލިޔަން ޑޮލަރު ގެ އިންޖީނުތަކާއި މަހަކު އެތަށް ހާސް ރުފިޔާ ދީފައި އެތަށް ކައުނސިލަރުން ލާފައި ކިޔަވަން ދާނެ ކުދިން ނެތަސް މިލިޔަން ޑޮލަރުގެ ސްކޫލް އަޅާފައި މުޅި ޤައުމު ބަގުރޫޓް ކޮއްލައިފި
ހޫރައިން
27 June 2024
ހުރިހާ ރައްޔިތުން އެކައްޗެއް ކިޔައިގެން މަޖިލީސް މެމްބަރުންގެ މުސާރަ ކުޑަ ކުރަން ޕެޓިޝަނެއް ހުށައަޅަންވީއެވެ. ގައިމު ރައްޔިތުންގެ ޓެކްސް އިން ބޮޑު މުސާރަ ނަގައިގެން މި މީހުން ކުރާހާވެސް ކަމަކީ މި މީހުންގެ ވިޔަފާރި ކުރިއެރުވުމެވެ.
ދިވެހި ބަހަށް ވެސް ޢާޠިފް ހާދަ މޮޅޭ!
27 June 2024
ވާއު، ސަޅި ލިޔުމެއް! ޢާތިފް ޝަކޫރު މޮޅީ ހަމައެކަނި އިނގިރޭސި ބަހަކަށް ނޫންކަން މިފަދަ ލިޔުންތަކުން ހެކިދެއެވެ.
ސަމަރޭ
27 June 2024
ސިޔާސީ މީހުން މަގާމުތަކަށް ލައިގެން ހޭވި ހުރިހާ ހަޑިއެއްގެ ހިތި ބޭސް ބޯން ޖެހެނީ ކޮންމެ ފަހަރަކު ރައްޔިތުން.. ރައްޔިތުން ތިބި ހާލު ކަމުނުދާތީ ހެޔޮ ގޮތެއްވޭތޯ ކޮންމެ ފަހަރަކު ސަރުކާރު ބަދަލުކުރީމަ ވާ ގޮތަކީ އިހު ތިބި ހާލަށްވުރެ ނިކަމެތި ހާލެއް ޖެހެނީ.. މި އާރޓިކަލް މިހެން ނުލިޔެ ވެރިކަމަށް އަރާ މީހުން ހިންގާ ޖަރީމާގެ ވާހަކަ ގެނައިއްޔާ ދަރުމަވާނެ. އަދި އަންނަން އޮތް 5 އަހަރުގެ ހާލެއް ނުވެސް އިނގޭ..
ޣުލާބީ
27 June 2024
އަތިރިމަތީ ދޮށިއުކަން ހުރި ބައިސާކަނޑާ ސޮރަކަށް ޖަޒުބާތުގައިޖެހިގެން އޮޑީގެ ހުންގާނު ދިނުމަށްފަހު މާކަނޏޑަށް އޮޑިނިކުމެ މާވަސްތަކުގެ ތެރޭގައި ދުއްވަންނޭނގުމުން މިހިރަ އޮޑިޔާއޭ ..... ކިޔާއަޑު މިދަނީ ގަދަވަމުން
ބަތްކައްކާ
27 June 2024
އެންމެން އެކުވެގެން އެއްމަގާމަކަށް ދެމީހުން ނަގާފަ ހުރިހުރުން ރަނގަޅުކުރޭ. ޢެއްވެސް ކަމެއްނެތްތާކަށް ނަގާފަތޮބި ސިޔާސީ މަގާމުތައް އުވާލާ. މަޖިލިސް މެމްބަރުންގެ މުސާރަޔާ އިނާޔަތް ކުޑަކުރޭ. އެހެންނ ދިވެހިންނަށް އެމީހުންގެ އާއިލާއަށް ބަލަދުއަރާގޮތް ބަދަލު ކުރޭ. އުމުރުދުވަހަށް އެމީހުންނަށް ދޭން އެއޮންނަ އެއްޗެއް ކަނޑާލާ. ދައުރުހަމަކޮށްފަ ދާއިރު ކޮންމެމީހަކީ މުއްސަނޖެއް. އެހެންމީހުން ނުޖެހޭ އެމީހުން ބަލަހައްޓާކަށް. ރައްޔިތުން އިތުރަށް ބިކަނުކުރޭ
ހުރިހައި ވަގުތެއްގައި ވެސް.....
27 June 2024
ހުރިހައި ވަގުތެއްގައި ވެސް އެކުގައި މަސައްކަތް ކުރަންވީ އެވެ. މައްސަލަތަށް އުފަންވަނީ ބޮޑުބޮނޑި ކާންވެގެން ފުރަގަސް ދެވޭތީއެވެ. ޤަބޫލު ކުރަންޖެހޭ ޙަޤީޤަތަކީ 5 އަހަރުގެ ދިގު ދަތުރެއްގައި މޫސުމާއި އޮއިވަރު ބަދަލުވާނެ ކަމެވެ. ގަޑިއަކު އެތަކެއް މޭލަށް ވައިޖެހޭ ކޮޅިގަނޑުތަކާއި ލައިގަންނާނެ ކަމެވެ.
ކައިލީ (ބެކް ޓު ކޮމެންޓިންގ)
27 June 2024
ވަރަށް ރީތި ލިޔުމެއް! ސުކޫލް ދަރިވަރުންނަށް ދޭހަ ދޭ ކަހަލަ މި ލިޔުމުން
ފިރާގު
27 June 2024
އާތިފު ވެސް ދެން ތިހެން ފަށުވި އިބާރަތުން ފާޑުފާދު އެއްޗިހި ނުލިޔެ މިތިބަ މަށް ދިވެހިންނަށް އިގޭ ގޮތައް ބުނެބަލަ ނިކަން އާސަންދަ އެއްކޮށް ކަނޑާލަން. ސަރުކާރު ކުންފުނިތަކުގަ ތިބި 33000 މީހުނާ ޕޮލިޓިކަލް އެޕޮއިންޓީޒް ވަކިކުރަން. ބިލިޔަނުން ލޯނު ނަގައިގެން ކަނޑުފަޅު ހިއްކާފަ ހިލޭ ގޯތި ނުދޭން. އެއާޕޯޓު ނާޅަން. ހިޔާފުލެޓު ލާރި ދައްކާ ބަޔަކަށް ދޭން. ތިހެން ދެން ޅެންބަހުން ތިކިޔަނީ ކޯޗެކޭތަ؟
އަފްރާސިޔާބު
27 June 2024
މަ ހަމަ އަންތަރީސް! 33000 ޕޮލިޓިލް މީހުންނޭ. މީތާ ދައުލަތް ބަނގުރޫޓް ވެދާން މިޖެހުނު ކަމަކީ. އަޅެ މަޖިލީހުގެ މެންބަރެއްގެ މަސްދުވަހުގެ މުސާރައެކޭ ސިވިލް ސާވިސްގެ އެޑްމިނިސްޓްރޭޓިވް އޮފިސަރަކަށް 17 މަސްދުވަހުން ލިބޭ މުސާރަ އާ އެއްވަރޭ. މީގެ މާނައަކީ 17 މުވައްޒަފުންގެ މަސްދުވަހުގެ މުސާރަ އާ އެއްވަރުގެ އަދަދެއް މެންބަރު އެބަނަގަޔޭ މަސްދުވަހުން. އެހެންވީމާ އެބަ ހިސާބު ދިމާވޭ.