ހަމައެކަނި އިގުތިސާދު ކުރިއަރައިގެން ހާލަތެއް ބަދަލެއް ނުވާނެ:އާޑަމް

ވޯލްޑް ބޭންކްގެ ކަންޓްރީ އިކޮނޮމިސްޓް އާޑަމް އޭޓަސް ރާއްޖޭގެ އިގްތިސާދީ ހާލަތާ ގުޅޭ ގޮތުން ޕްރެޒެންޓޭޝަނެއް ދެއްވަނީ -- ފޮޓޯ: ނިޝާން އަލީ / މިހާރު

ފާތިމަތު ޝަނާ މުހައްމަދު، މިހާރު

27 ޖޫން 2024 - 12:13

20 comments

ހަމައެކަނި އިގްތިސާދު ކުރިއަރުވައިގެން ނުވަތަ އިތުރު ފައިނޭންސިން ހޯދައިގެން ރާއްޖޭގެ އިގުތިސާދު ރަނގަޅު ނުކުރެވޭނެ ކަމަށް ވޯލްޑް ބޭންކްގެ ކަންޓްރީ އިކޮނޮމިސްޓް އާޑަމް އޭޓަސް ވިދާޅުވެއްޖެ އެވެ.

އޭނާ އިއްޔެ ކުރެއްވި ޓްވީޓުގައި ވިދާޅުވީ، ހާލަތު ބަދަލު ކުރުމަށްޓަކައި ހަރަދުތައް ވަރަށް ބޮޑަށް ކުޑަކުރަން ޖެހޭނެ ކަމަށެވެ. އަދި ބަޖެޓް ޑެފިސިޓާއި ކަރަންޓް އެކައުންޓް ޑެފިސިޓް ކުޑަ ކުރުމަށް ފިޔަވަޅުތައް އަވަސް ކުރުމަށް އޭނާ ގޮވާލެއްވި އެވެ.

ރާއްޖޭގެ ދަރަނި އެހާ ބޮޑަށް އިތުރުވީ، ވޭތުވެދިޔަ 10 އަހަރުގެ އިހުމާލުން ކަމަށާއި އެ މުއްދަތުގެ ތެރޭގައި ބަޖެޓު ޑެފިސިޓާއި ކަރަންޓް އެކައުންޓް ޑެފިސިޓް ވެސް ބޮޑުވެފައި އޮތް ކަމަށް އޭނާ ވިދާޅުވި އެވެ.

The economic vulnerabilities that Maldives face now is a combination of debt stock accumulation in the last 10 years, as well as continuously high fiscal & current account deficits over the same period. Economic growth or additional financing cannot resolve this issue.
— Erdem Ataş (@ataserd) June 26, 2024

އާޑަމް އޭޓަސްގެ ޓްވީޓް

މިދިޔަ މަހު ވޯލްޑް ބޭންކް އިކޮނޮމިކް އަޕްޑޭޓު ރިޕޯޓާ ގުޅޭ ޕްރެޒެންޓޭޝަން ހުށަހަޅައިދެއްވަމުން ވެސް އޭނާ ވިދާޅުވީ، މިއީ ފަހަތަށް ފިޔަވަޅެއް އަޅައި، ހަރަދުތައް ކުޑަ ކުރަން ޖެހޭ ވަގުތު ކަމަށެވެ.

އޭނާ ވިދާޅުވި ގޮތުގައި ސަރުކާރުން އެކުލަވާލައިފައިވާ ރިޕޯމްތަކަށް އަމަލުކުރަން ފެށި ނަމަވެސް، މެދު ރާސްތާގައި ރާއްޖޭގެ ބަޖެޓު ޑެފިސިޓް ބޮޑު ވާނެ ކަމަށް ވޯލްޑް ބޭންކުން ލަފާކުރެ އެވެ. ބަޖެޓު ޑެފިސިޓް ގާތްގަނޑަކަށް 11 ޕަސެންޓަށް އުފުލޭނެ ކަމަށް ލަފާ ކުރާ އިރު މި އަހަރު ސަބްސިޑީ ދޭ ގޮތްތައް ބަދަލު ކޮށްފި ނަމަ، އަނެއްކާ ވެސް ބަޖެޓް ޑެފިސިޓް އިތުރަށް ބޮޑުވުމުގެ ފުރުސަތު އެބައޮތް ކަމަށް އޭނާ ވިދާޅުވި އެވެ.

އޭގެން ދައްކުވައިދެނީ ހަރަދުތައް ހަމަޖައްސަން އިތުރު ރިފޯމްތައް ބޭނުންވާ ކަން ކަމަށް އޭނާ ވިދާޅުވި އެވެ.

އޭނާ ވިދާޅުވި ގޮތުގައި ރާއްޖޭގެ ކަރަންޓް އެކައުންޓް ޑެފިސިޓް ވެސް އިތުރަށް މައްޗަށް ދާނެ ކަމަށް ލަފާ ކުރެވެ އެވެ. ބަޖެޓަށް ބޭނުންވާ ފައިސާ ހޯދުމަށް ގައުމަށް ކުރިމަތިވެފައިވާ ގޮންޖެހުންތަކުން ވެސް އިގްތިސާދީ ހާލަތު ބަދަލު ކުރުމަށް އިތުރަށް ރިފޯމް ބޭނުންވާކަން އެނގޭ ކަމަށް އާޑަމް ވިދާޅުވި އެވެ.

އާޑަމް ވިދާޅުވީ، ދަރަނި އަދާ ކުރަން އެހާ ބޮޑު އަދަދުތަކެއް ހުރި އިރު، އިތުރު ކާރިސާއެއް ކުރިމަތިވެއްޖެ ހާލަތެއްގައި ގައުމަށް އިތުރު އުނދަގޫތަކާ ކުރިމަތިވާނެ ކަމަށެވެ. ސަރުކާރު ހިއްސާވާ ކުންފުނިތަކުގެ ހަރަދުތައް ބޮޑުވެ، ސަރުކާރުން އެ ކުންފުނިތަކަށް ކުރާ ހޭދަ ބޮޑުވުމާއި، ޕްރޮޖެކްޓްތައް ހިންގާވަރު އިތުރުވުމަކީ ވެސް މާލީ ގޮތުން ގައުމަށް އޮތް އިތުރު ދަތިތަކެއް ކަމަށް ވިދާޅުވި އެވެ.

އިގްތިސާދު ފިނޭންސް މިނިސްޓްރީ ވޯލްޑް ބޭންކް ރާއްޖޭގެ އިގްތިސާދު

20 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔައްޓޭ

27 June 2024

ޓެކްސް ބޮޑު ކުރާކަށް ނުޖެހޭ ރަށްޔިތުން ފެލާކަށް ނުޖެހޭ ޕާޓީ ކުދިންނަށް އެކަނި ތިޔަދޭ ވަޒީފާތައް ދިނުދިނަސް އިގުތިސޯދު ހަމަ މަގައް އެޅުވޭނެ ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ123

27 June 2024

ރާއްޖޭގެ ހަރު މުދާ މޯގޭޖު ކޮއްފަ ލޯނު ނަގަަފަ ބޮންޑު ވިއްކަަފަ ލިބުނު ލާރިން ހެދި ގޮތެއް ބަލަން ޖެހޭ.. އެމްޑީޕީ ހިންގިޖަރީމާތަ ބަލަން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްގުބަސް.

27 June 2024

އެމްޑިޕީ ސަރުކާރުން މީހުންގެ މުސާރަ ބޮޑުކޮއްދީފަ ލޯނު ނަގައިގެން މުސަަރަދޭން ފެށީ. ގައުމަ ވާނެ ގެއްލުމަކަ ނުމަލަަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަގޭ

27 June 2024

ހުރިހާ ސަރުކާރަކުންވެސް މަސައްކަތް ކުރަނީ އާންމު ރަށްޔިތުމީހާ ބުރަމަސްކަތުން ދާހިއްލައިގެން ހޯދައިސާ ފައިސާ ކޮޅު ގާނޫނެއްގެ އެހީ ހޯދައި ފޭރި ގަނެގެން ސަރުކާރު ލިބުމާއެކު އެތައްހާސް ބަޔަކަށް ބޮޑެތި މުސާރަލިބޭ މަގާމްތައްދީ ހިތުހުރި ގޮތަކައް ބަހާ ހުސް ކުރަން މިކަމަށް ރަށްޔިތުން ވަރަށް ބޮަޑައް ވިސްނަން ވެއްޖެ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަލީމު އިދުރީސް

27 June 2024

ކަނޑު ހުރަސްކޮއް 19 ކިލޯމީޓަރު ބުރިޖަކާ ކަނޑު އަޑިން 20 ކިލޯމީޓަރު ވަރުދިގު ބިއްލޫރި ޓަނަލެއް އަޅަން އުޅޭނީ ހާދަ މާލީހާލަތު ރަނގަޅު ގައުމަ ކުންނޭ! މަމެއް ހާސްނުވޭ އަރަބިން ކެއްޔާ ދިވެހިން ތިބޭނީ ކައިހެންކަމުގަ ގެރެންޓީ ވަނީލިބިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޅު ވާހަކަ

27 June 2024

ތި ވޯލްޑް ބޭންކުން ތިއުޅެނީ ރާއްޖެއަށް ހެޔޮ އެދިގެން ކަމަކަށް ނުފެނޭ. މިތާ އިސްލާމީ ވެރިކަމެއް އޮތަތީ ވެރިކަމުގަ ހުރި މީހާގެ ތާއީދު ގެއްލުވާލާ ކަމެއް ވިޔަނުދޭން އެމީހުން ބިރުދައްކަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރުސައި

27 June 2024

އަރަބިން ތިބިއްޔާ އަހަރުމެން ތިބޭނީ ކައިގެން. ދެން ލަލަލާ އިގިއްޖެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިބުރުވެރި ސަޙީމު

27 June 2024

ދޯ ސަހީމު! ސަހީމު އަދިވެސް މަމޮޅުހެދިގެން މަތިހަށި ނަގާފަ ނުކުމެ އަނގަ ފުޅާކުރާތި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައީސް ޔާމިން

27 June 2024

ރައީސް ޔާމިން ވެރިކަމުގަ ނެގިި ލޯންތަކުން އެފެއްދި އެސެޓް ތަކާއި، ކޮށްފަ ހުރި މަސައްކަތް ފެންނަން އެބަހުރި. އިބުރާހިމް ދިވެހި ތާރީހުގަ އެންމެ ގިނަ ލޯން ނެގާގެންވެސް އުފައްދާފަ ހުރި ހަރުމުދަލެއް، ހޯދި ކުރި އެރުމެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައިނޭންސް

27 June 2024

ވޯލްޑުބެންކުން އެ ހަދަނީ ހުސް ދޮގު! ހިނގާ އަދި 20 ބިލިޔަނުގެ ލޯނު ނަގައިގެން އެއާޕޯޓު އަޅާފަ ނިކަން ބައިވަރު ބިން ހިއްކާ ހިލޭ ގޯތި ބަހަމާ! އޭރުން ނިކަން ރަގަޅަށް ރާކަނިމަސް ކެވޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިހް

27 June 2024

މުޢިއްޒު ފަކީރުގެ ތަރައްޤީގެއް ޕްރޮޖެކްޓްތައް ކުރިއަށް ނުގެންދެވި ވެރިކަން ނިމޭނީ. އެއްގޮތަކީ އިޤްތިސާދު ކޮޅަށް ޖަހަން ހަރުދާނާ ފިޔަވަޅުތައް އެޅުން، އަނެއް ގޮތަކީ އިބޫ ސޯލިހު ހެދިހެން ދަރަނި ނަގައިގެން ޕްރޮޖެކްޓްތައް ހިންގައި ޤައުމު ބަގުރޫޓްކޮށްލުން. ހިކުމަތްތެރި ނިންމުމެއް ނިންމަންޖެހޭ ދަނޑިވަޅެއް.