ރަސްމީ ފާލަން ރަނގަޅު ފެންވަރަކަށް ހެދުމަކީ މުހިންމު ކަމެއް: މުއްތަލިބު

ރަސްމީ ފާލަން، އިއްޒުއްދީން ފާލަން މަރާމާތުކުރުމަށް އެ ސަރަހައްދު ފިލާ ޖަހައިގެން ބަންދުކޮށްފައި.-- ފޮޓޯ: ނިޝާން އަލީ | މިހާރު

މާއިދާ މުހައްމަދު ރަޝާދު، މިހާރު

29 ޖޫން 2024 - 17:14

44 comments

ދައުލަތުގެ މާލީ ހާލަތު ވަރަށް ބޮޑަށް ގޯސްވެފައިވާ މި ދަނޑިވަޅުގައި ވެސް މާލޭގެ ރަސްމީ ފާލަން ނުވަތަ އިއްޒުއްދީން ފާލަން މަރާމާތު ކުރުމުގެ މަސައްކަތް ކުރިއަށް ގެންދާތީ ބައެއް މީހުންގެ ކިޔަމުންދާ ފާޑުކިޔުންތަކަށް އިންފްރާސްޓްރަކްޗަ މިނިސްޓަރު ޑރ. އަބްދުﷲ މުއްތަލިބު މިއަދު ރައްދު ދެެއްވައިފި އެވެ.

އިގުތިސާދީ ދަތި ދަނޑިވަޅުގައި ބޮޑު ހަރަދެއް ކޮށްގެން "ވަރަށް ވަރުގަދަ އަށް" ހަދާފައިވާ ތަނެއް އެހެން ޑިޒައިނަކަށް ބަދަލު ކުރުމުގެ ބޭނުމާ ގުޅޭ ގޮތުން އެކި ފަރާތްތަކުން އުފައްދާ ސުވާލުތަކަށް އެކްސްގައި ދެއްވި ޖަވާބުގައި މިނިސްޓަރު މުއްތަލިބު ވިދާޅުވީ، ރަސްމީ ފާލަން މަރާމާތު ނުކޮށް އެތައް އަހަރެއް ވުމުން، އެ ފާލަމުގެ މަތީބައި ހަލާކުވެ، ނުރައްކާތެރި ހާލަތަކަށް ގޮސްފައިވާ ކަމަށެވެ.

އެހެންވެ، އަލުން އެ ފާލަން ހަދަން ނިންމައި އެމްޓީސީސީއާ އެކު އެއްބަސްވުމެއްގައި ސޮއިކޮށްފައި ވަނީ މިދިޔަ އަހަރުގެ އޮގަސްޓް 14 ގައި ކަމަށް އޭނާ ވިދާޅުވި އެވެ.

އެއީ ކުރީގެ ރައީސް އިބްރާހިމް މުހައްމދު ސޯލިހުގެ ސަރުކާރުގެ ފަހު ދުވަސްކޮޅު ނުވަތަ އޭރުގެ ރިޔާސީ އިންތިހާބުގެ ދުވަސްވަރެވެ.

"ރަސްމީ ފާލަމަކީ ވަރަށް ގިނަ ޓޫރިސްޓު ރިސޯޓުތަކުން ފީ ދައްކައިގެން ދައުލަތަށް އާމްދަނީ ލިބޭ ގޮތަށް ބޭނުންކުރާ ފާލަމަކަށް ވުމާ އެކު މި ފާލަން ރަނގަޅު ފެންވަރަކަށް ހެދުމަކީ ވަރަށް މުހިއްމު ކަމެކެވެ،" މިނިސްޓަރު މުއްތަލިބުގެ ޕޯސްޓުގައި ވެ އެވެ.

ރަސްމީ ފާލަން މަރާމާތުނުކޮށް އެތައް އަހަރެއްވުމުގެ ސަބަބުން ފާލަމުގެ މަތީބައި ހަލާކުވެ ނުރައްކާތެރި ހާލަތަކަށް ދިއުމާ ގުޅިގެން ފާލަމުގެ މަތީ ބައި އަލުން ހެދުމަށް ނިންމައި އެމްޓީސީސީ އާ އެކު އެއްބަސްވުމުގައި ސޮއިކޮށްފައިވަނީ *14 އޮގަސްޓް 2023* ގައެވެ. ރަސްމީ ފާލަމަކީ ވަރަށް ގިނަ… pic.twitter.com/fFfyHd4XdL
— Abdulla Muththalib (@muththo) June 29, 2024

ރަސްމީ ފާލަން އަލުން މަރާމާތުކޮށް އަދި އާ ޑިޒައިނަކަށް އެ ތަން ހެދުމަށް ސަރުކާރުން އެމްޓީސީސީއާ ހަވާލުކުރީ އަގަކީ 11.7 މިލިއަން ރުފިޔާ އަށެވެ. އެ ކުންފުނިން އެ މަސައްކަތް ކޮށްދެނީ ޑިޒައިން އެންޑް ބިލްޑް އުސޫލުންނެވެ.

މި ފަހަރު ރަސްމީ ފާލަމަށް ގެންނަ ބަދަލުގެ ފަރުމާ އަށް ބަލާއިރު، ފާލަމުގެ މަތީގައި މިހާރު ރިޔަލެއް ގޮތަށް ހުރި ހުދު ކުލައިގެ ސަތަރިތައް ނަގައި ލަކުޑި ފުރާޅެއް ލާނެ އެވެ. އެ ލަކުޑި ފުރާޅު ފަރުމާކޮށްފައި ވަނީ ކުރީގެ ރައީސް މުހައްމަދު އަމީންގެ ދައުރުގައި މި ފާލަމުގެ ފުރާޅު ހުރި ގޮތަށެވެ.

ރަސްމީ ފާލަމަކީ ވަރަށް ގިނަ ޓޫރިސްޓު ރިސޯޓުތަކުން ފީ ދައްކައިގެން ދައުލަތަށް އާމްދަނީ ލިބޭ ގޮތަށް ބޭނުންކުރާ ފާލަމަކަށް ވުމާ އެކު މި ފާލަން ރަނގަޅު ފެންވަރަކަށް ހެދުމަކީ ވަރަށް މުހިއްމު ކަމެކެވެ،"--- މުއްތަލިބު

ރާއްޖޭގެ މިނިވަން ކަމަށް 50 އަހަރު ފުރުމުގެ މުނާސަބަތުގައި އިއްޒުއްދީން ފާލަން ރަސްމީކޮށް ހުޅުވީ ޖުލައި 26، 2015 ގަ އެވެ. އެ ފާލަން ހުޅުވުމަށް ފަހު ދެ ފަހަރެއްގެ މަތިން އެތަން މަރާމާތުކުރި އެވެ. އެންމެ ފަހުން މަރާމާތުކުރީ 2017 ވަނަ އަހަރުގެ ތެރޭގަ އެވެ.

މިނިސްޓަރު މުއްތަލިބު ވިދާޅުވީ، އެ ފާލަން މަރާމާތު ނުކޮށް ގިނަ ދުވަސްތަކެއް ވުމުން ވަރަށް ބޮޑަށް ހަލާކުވެފައިވާ ކަމަށެވެ.

Rasmee faalan dhen fennaanee 1950 ge style ah

The most trusted news source in the Maldives

Mihaaru

އިއްޒުއްދީން ފާލަމުގެ ނަމުގައި އެތަން ރަސްމީކޮށް ހުޅުވުމުގެ ކުރިން ވެސް އެކި ވެރިކަންތަކުގައި ވަނީ އެ ފާލަމަށް ބަދަލުތައް ގެނެސްފަ އެވެ. މިނިސްޓަރު ކުރިން ވިދާޅުވި ގޮތުގައި މިފަހަރު ބަދަލު ގެނެސް މަރާމާތު ކުރަނީ ފާލަމުގެ މަތީބައި އެކަންޏެވެ.

އެމްޓީސީސީ އިއްޒުއްދީން ފާލަން ޑރ. އަބްދުﷲ މުއްތޮލިބް (މިނިސްޓަރު)

44 ކޮމެންޓް, 20 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުނެދޭން އެނގޭނެބާ

30 June 2024

މަހެއްގެ މައްޗަށް ކިތައް މިލިއަން އާމްދަނީއަށް ލިބޭ ފާލަމެއްބާ ތިއީ؟ އިބޫ ސަރުކާރުން ސޮއިކޮށްފަ އޮތް ހުރިހާ ކަމެއް މިސަރުކާރުން އެބަ ކުރިއަށް ގެންދޭތަ؟ އެ ސަރުކާރުން ކުރަން ރާވާފަ ހުރި ބޭކާރު ޚަރަދުބޮޑު ކަންކަން ނުކުރުމުގެ ދުރުވިސްނުމާ ހެޔޮވިސްނުން މިސަރުކާރުގަ ހުރިހެން ހިއެއްނުވޭ. ޚަރަދުތައް ކުޑަކުރަންޖެހިފަ އޮތް ދުވަސްވަރެއްގަ ތި މަސައްކަތް އިހަށް ޕާކްކޮށްފަ ބާއްވައިގެން ދައުލަތަށް ވާނެ މާލީ ގެއްލުމަކީ ކޮބައިބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގޯސް2

30 June 2024

ރާއްޖޭގެ އިކޮނޮމިކް ހާލަތު ރަނގަޅަށް ފަހުމް ކުރެވޭ ވަރުގެ މީހުން ސަރުކާރުގައި ތިބެމެ، ނާޒުކު ފައްތަރެއްގައި ގައުމުގެ ހާލަތު ގޮސްފައި އޮތުމުންވެސް، ސަރުކާރުގެ ހަރަދުތަކަށް ބަދަލު ނުގެނެސް، 100 އިން ނާގާބިލު ޑެޕިއުޓީ މިނިސްޓަރުން ނެގުމާއި، ފާލަން މަރާމާތު ކުރުމަށާއި، މިނޫންވެސް ބޭކާރުކަމަށް ސަރުކާރު ހޭދަކުރަމުން ދާކަމީ ވަރަށް ދެރަވަރު ކަމެއް. ފާލަމެއް އެޅިދާނެ އެކަމަކު ގައުމުގެ އިކޮނޮމިކް ފާލަން މާ މުހިންމު. ބުއްދި އިސްކުރައްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އ އަހްމަދު

30 June 2024

މުއްތަލިބު އަމިއްލަޚަރަދުގަކުރާކަމެއްނަމަ އެހައިމުހިންމެއްނުވީސްކަންނޭގެ ރައްޔިތުންގެ ޓެކްސް ފައިސާގަ ކުރާމިބާވަތުގެކަންކަން ކުރަންވާނީ ކެރިފޯރުން ތެރިކަން ހުރިމިންވަރަކުން މިދަނޑިވަޅުގަ ބޮޑު ޚަރަދެއްކޮށްގެން ތިކަންކުރުން ރައްޔިތުންނައް މުހިންމެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަންފުޅު

30 June 2024

ތިޔަ ތަން އަންނަންވާނީ މުހިއްމު ކަންކަމުގެ ލިސްޓް ގެ އެންމެ ފުލަށް ، ތިޔަ ފައިސާ އަށް އައިޖީ އެމް އެޗް ގެ މެޑިކަލް ވާޑަށް ބެޑުޝީޓް ކޮޅޭއް ހޯދިއްޔާ މާތާހިރު ވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޭމަމްބޯ

30 June 2024

މައްސަލަ އަކީ މިހާލަތުގައި ވެސް މި ކަހަލަ ޚަރަދުތައ ކުރަން އުޅޭތީ. އެއްވެސް ޕްލޭނެއް ދުރުވިސްނުމެއް ނެތްކަން ދޭހަވަނީ. ބަޖެޓުގައި ނެތް ކަންކަން ނުކުރުން މުހިއްމު. އަދި މި އުޅެނީ ބަޖެޓަށް ފައިސާ ނުހޯދިގެން. މުހިއްމު ކަންތައް ބައިވަރު. އެންމެ މުހިއްމީ ބަނގުރޫޓު ނުވުން. ބަނގުރޫޓު މި ވަނީ ފުއްދުންތެރިކަމަށް ބެލުމެއް ނެތި ޚަރަދުކުރުމަށް ހިފާލާފައިހުރިވަރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަނީޣާ

30 June 2024

މި ފާލަން ހަދަން އޭރު އެއްބަސްވީ މިގޮތަކަށް ނޫން. މީހުންނަށް ކަންކަން އޮޅުވާނުލާ. މަރާމާތު ކުރުމަށް އޭރު އެމްޓީސީސީއާއި ހަވާލުކުރީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައިސަރް

30 June 2024

އެމްޑީޕީ ސަރުކާރު އައިސިއްޔާ އަބަދުވެސް ކުރާ ކަމަކީ ބަޔަކު ކިތަންމެ ރީޗަކަށް ތަނެއް ހަދާފަ ހުއްޓަސް އެތަނެއް މަރާމާތެއް ނުކުރާނެ، ވީރާނާވާން ދޫކޮށްލާނެ، ދެން ކުރާ ހަރަދު ބޮޑުތަނުން ބޮޑުވެގެންދަނީ