ޚަބަރު / ގަވާއިދާ ހިލާފަށް އުޅޭ ބިދޭސީން

އަމިއްލަ އަށް ވިޔަފާރި ހިންގާ ބިދޭސީން ފެނުނު، އެންމެން ޑީޕޯޓްކޮށްލާނެ: އިމިގްރޭޝަން

ރާއްޖޭގައި މަސައްކަތްކުރާ ބިދޭސީންތަކެއް: ސޭޓުންގެ ގޮތުގައި ބިދޭސީން ތިބުމަކީ މަނާ ކަމަކަށް ވިޔަސް އެއީ ރާއްޖޭގައި އެންމެ އާންމު އެއް ކަންތައް.---ފޮޓޯ: މިހާރު

30 ޖޫން 2024 - 07:23

98 comments

ރާއްޖޭގައި ގަވާއިދާ ހިލާފަށް އުޅޭ ބިދޭސީން ހޯދަން ފުލުހުންނާ ގުޅިގެން މޯލްޑިވްސް އިމިގްރޭޝަނުން މާލޭގައި އިއްޔެ ހިންގި އޮޕަރޭޝަންގައި އެ އިދާރާގެ ބެލުމުގެ ދަށަށް ގެންދިޔަ ބިދޭސީން ރާއްޖެ އިން ޑީޕޯޓް ކޮށްލާނެ ކަމަށް އިމިގްރޭޝަން ކޮންޓްރޯލަރު މުހައްމަދު ޝަމްއާން ވިދާޅުވެއްޖެ އެވެ.

ފުލުހުން ބުނީ، ލޯކަލް މާރުކޭޓާއި މާލެތެރޭގައި ހިންގާ އެހެން މާރުކޭޓުތައް އަދި މާލޭގެ އެކި ސަރަހައްދުތަކުގައި ހިންގި އެ އޮޕަރޭޝަނުން ފާހަގަވި، ގަވާއިދާ ހިލާފަށް ފިޔަފާރިކުރާ 50 ބިދޭސީއަކު އިމިގްރޭޝަނާ ހަވާލުކުރި ކަމަށެވެ.

އެ ކަމާ ގުޅިގެން އިމިގްރޭޝަން ކޮންޓްރޯލަރު ރޭ ވިދާޅުވީ، އެ 50 މީހުންގެ ތެރޭގައި ސައްހަ ހުއްދައެއް ނެތި އަދި ހުއްދަ ދޫކޮށްފައިވާ މަސައްކަތުގެ ބޭރުން އަމިއްލަ އަށް ވިޔަފާރި ހިންގާ މީހުން ދެނެގަނެވިފައިވާ ކަމަށެވެ.

"އަދި އުސޫލުގެ ތެރެއިން މި ފަރާތްތައް ރާއްޖެ އިން ޑީޕޯޓްކޮށް ފޮނުވާލެވޭނެ،" ޝަމްއާން ވިދާޅުވި އެވެ.

އިއްޔެގެ އޮޕަރޭޝަންގައި، ގަވާއިދާ ހިލާފަށް އުޅުނު ބިދޭސީންތަކެއް އިމިގްރޭޝަންގެ ބެލުމުގެ ދަށަށް ގެންދިއުމާ އެކު، މާލެތެރޭގައި ހިންގާ ދެ މާރުކޭޓެއްގެ އެންމެ ގޮޅިއެއް ފިޔަވައި ހުރިހާ ގޮޅިއެއް ބަންދުކުރަން ޖެހުނެވެ. އެއީ އެ ގޮޅިތައް ހިންގަން މުޅިން ތިބީ ބިދޭސީންނަށް ވެފައި، އެ އެންމެން ރާއްޖޭގައި މަސައްކަތް ކުރަމުން ދިޔައީ އުސޫލުން ބޭރުން ކަމަށް ވާތީ އެވެ.

Male' gai hingaa 2 maarukeytheh raid kuri iru gina bidheyseen gavaaidhaa hilaafu, gina golhithah bandhu!

The most trusted news source in the Maldives

Mihaaru

އަމީނީ މަގުން ޓީވީއެމް ބިލްޑިންގް ކައިރީގައި ހިނގާ މާރުކޭޓަށް ވަންނަ ގޭޓު ކައިރީގައި ހުންނަ ގޮޅި "ސަލާމަތްވީ" އެ ތަނާ ހަވާލުވެ، ޒިންމާ ނަގާނެކަން ލިޔެކިޔުމުން އެނގޭނެ ދިވެއްސަކު ހުރުމުން ކަަމަށް އެނގިފައި ވެ އެވެ. ރޭގައި އެ ގޮޅި ހިންގަން ދިވެހި މީހާ ހުއްޓަސް މީގެ ކުރިން އެ ތަނުގައި ފައިސާ ބަލައިގަނެ، ހިންގަން ހުންނަނީ ބިދޭސީއެކެވެ.

ގަވާއިދާ ހިލާފަށް ރާއްޖޭގައި އުޅޭ ބިދޭސީން އުޅޭތީ ބަންދު ކުރަން ޖެހުނީ މަޖީދީ މަގުން ވިލާ މާޓު ކައިރީގައި ހިންގާ މާރުކޭޓެވެ. އެއީ ގަވާއިދަށް ފެތޭ އެންމެ ބިދޭސީއަކު ވެސް ނެތުމުންނެވެ.

އަމީނީ މަގުގައި ހިންގާ މާރުކޭޓުގެ ގޮޅިތަކުގައި ތިބޭ ބިދޭސީން ގަވާއިދާ ހިލާފަށް އުޅޭތީ، އެ މީހުން އިމިގްރޭޝަންގެ ބެލުމުގެ ދަށަށް ގެންދިއުމުން ގޮޅިތައް ރޭ ބަންދު ކޮށްފައި.---ފޮޓޯ: މިހާރު

ފިހާރަތަކުގެ ސޭޓުންގެ ގޮތުގައި ބިދޭސީން ތިބުމަކީ މަނާކަމަކަށް ވިޔަސް މާލޭގެ ކެފޭ/ރެސްޓޯރަންޓުތަކާއި ފިހާރަކުގައި ބިދޭސީން ވަރަށް ގިނަ އެވެ. މާލެތެރޭގައި އަމިއްލަ ފަރާތްތަކުން ހިންގާ މާރުކޭޓުތަކުގައި ފައިސާ ބަލައިގަނެ، އެ ތަންތަންތަނުގެ އޮޕަރޭޝަންގައި މުޅިން ކަހަލަ ގޮތަކަށް ތިބެނީ ބިދޭސީންނެވެ. އަދި ވިޔަފާރި ކުރުމަށް ފަހު ފައިސާ ޓްރާންސްފާ ކުރަނީ ވެސް ބިދޭސީންގެ ނަމުގައި ހުޅުވާފައިވާ އެކައުންޓުތަކަށެވެ. އެއީ ވެސް މަނާ ކަމެކެވެ.

އިއްޔެގެ އޮޕަރޭޝަނާ އެކު، އިމިގްރޭޝަން ކޮންޓްރޯލަރު ޝަމްއާން ވިދާޅުވީ، ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމަކީ ރައީސް ޑރ. މުހައްމަދު މުއިއްޒުގެ ވައުދަކަށް ވާތީ، އެ މަސައްކަތުގައި އިމިގްރޭޝަންގެ ފުރިހަމަ ޒިންމާ އަދާދކުރަމުން ދާނެ ކަމުގެ ޔަގީންކަން ދެއްވާ ކަމަށެވެ.

ފުލުހުން ގަވާއިދާ ހިލާފަށް އުޅޭ ބިދޭސީން ބިދޭސީން އިމިގްރޭޝަން މޯލްޑިވްސް އިމިގްރޭޝަން މުހައްމަދު ޝަމްއާން (އިމިގްރޭޝަން ކޮންޓްރޯލަރު)

98 ކޮމެންޓް, 36 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޔައުގޫބެ

30 June 2024

އަންހެނުން ހައްޔަރު ކުރުމުގެ އޮޕަރޭޝަނެއް ނިކަން ފަށާބަލަ ، ކިތައް އަންހެނުން ފޮނުވާ ލެވުނުތޯ، ހުރިހާ ކަންމަތީ ކޮޕީ ވިއްކާތަންތަނުގައި ހުސް ވަގު ނޭޕާލް އަންހެންކުދިން، އެކުދިން ރެކްރޫޓް ކުރަނީ ގަވާދާ ޚިލާފަށް އުޅޭ ބަންގާޅިން، ދެންބަލާ ގޭންގް ހަދާގެން އުޅޭ ބަންގާޅިން ހައްޔަރެއް ނުކުރެވޭނެ، އެމިހުން ގޭގް ހަދާގެން ނޭޕާލް އަންހެން ކުދިން ބޭނުންކޮށްގެން ހަށިވިއްކުމުގެ ފިޔަފާރި އެހާމެ ފުޅާ ދާއިރާގައި ކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޯކް

30 June 2024

ވަރަށް ރަނގަޅު. އަލަށް މިފެންނަނީ ސަރުކާރަކުން ހަރުކަށިކޮށް މިކަހަލަ ކަންކަމަށް އެޓޭކްކުރާތަން. މަމީ މުއިއްޒުއަށް ވޯޓުލީމީހެއްވެސްނޫން އަކަމު ރަނގަޅަށް ކަމެއްކުރާކަމަށް ވަންޔާ އެކަމަށް ޝުކުރުވެރިވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީބެ

30 June 2024

ދިވެހިންގެ އަތެއްފައެއްނެތްއިރު ޑިޕޯޓުކުރުމަކީ ހައްލެއްނޫން. ގަވާއިދު ތަންފީޒުކުރަންވީ. ބޭރުމީހުން މިރާއްޖެ ހިންގަނީ. ދިވެހިންތިބީ ކަމިޝަން ނަގަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީޔާސީ

30 June 2024

ބަންގާޅު މީިހުން ޖީއެސްޓީ އަދި ބީޕީޓީ ދައްކާކައް ނުގެހޭ، ނާމްކޯ ކިޔާފިހާރައިން ބަންގާޅު މީހުން ދިވެހިން ކުރިމަތީ ބައިތިއްބައިގެން މިގައުމުން ޑޮލަރު ގެ ވަގުވިޔަފާރި ކުރަނީ މިކަމެއް ނުހުއްތުވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާނެބާ

30 June 2024

ފިޔަވަޅު އަޅަންވީ ބިދޭސީންނަކަށް ނޫން. ބިދޭސީންނަށް އެކަން ކުރުމުގެ ފުރުޞަތު ތަނަވަސްކޮށްދޭ ދިވެހިންނަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮންނަރުމާ

30 June 2024

މިތިބީ ހުލުމާލެ ރަށު މާރުކޭޓްގަ ބައިވަރު ބަންގާޅީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަގަތްފާނު

30 June 2024

ބިދޭސިންނަށް އޮންލައިން ވިޔަފާރި ކުރެވޭތޯ. އެކަން ބަލަނީ ކާކުތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

30 June 2024

މިކަން ބެކްފަޔަރ ނުކޮއްފިއްޔާ ކިތަންމެހައިވެސް ރަނގަޅު، ގައުމުގެ އިގްތިސޯދު ހިފަހައްޓަމުން މިއައީ ވޭތުވެދިޔަ 25 އަހަރު ބިދޭސީންނާއެކީ ގަވައިއިދާ ނުގަވައިދުގެ ތެރެއިން، ގެއްލިގެން މިދާ އިގްތިސޯދުގެ ތެރެއަށް ދިވެހީން ނެރެވޭނެ ފޯމިއުލާއެއް ހޯދުން ބުއްދިވެރި ކުރިއާލައި، ގައުމުގެ ހާލަތު މިއަދު މިއޮތީ އިގްތިސޯދީގޮތުން ނުރައްކާތެރި ހާލަތެއްގައި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖިރު

30 June 2024

ހުޅުމާލެ މައްސޫރު ބުކްޝޮޕެއްގަ(ޕީ އަކުރަކުން ފެށޭ) ސޭޓަކަށް އިންނަ ބިދޭސީ ފިރިހެންމީހާ ދިވެއްސަކަށް 1000ރފ މަހަކު ދީފައި އޮންލައިން ވިޔަފާރިއެއް ކުރަން ވާހަކަ ދައްކައި ރޭވި އަޑު މަގޭ ދިވެހު ދެކަންފަތުން އެހިން. ދިވެހިންވެސް މިކަހަލަ ކަންކަން ކުރުމުގައި އެމީހުނާ ބައިވެރިވާނަމަ ހަރުކަށި އަދަބު ދޭންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫނެއްފާ

30 June 2024

ދެން މިކަހަލަ ހަބަރެއް ފެންނާނީ ދެ އަހަރު ފަހުން ތޯއްޗެ މިއީ ހަމަ ނުކުރާ ކަމެކޭ އެއްވަރު ވާނެ އޭރުން މިހާރު ދިވެހިން އުޅެނީ ކުނިއުކާ ފޮޅާ ސާފު ކުރަން ރަށުގަވެސް ރިސޯޓުގައިވެސް ބިދޭސީން ވިޔަފާރި ކުރަނީ އިންޑިއާ ފިރިހެނުންނާ ނޭޕާލު އަންހެނުންނާ ވޭޓަރުންނަށް މިއީ ފެންނަ މަންޒަރަކީ މިއީކީއެއް ނޫން ދިވެހި ޒުވާނުންގެ ފެންވަރަކީ