ރައީސް ޑޮނަލްޑް ޓްރަމްޕް: މުސްލިމުން އެމެރިކާ އަށް ވަނުން މަނާކުރާ އާ އަމުރު އަންނަ ހަފުތާގައި ނެރޭނެ.
23 ފެބުރުއަރީ 2017 - 15:12
3 comments
ވޮޝިންޓަން (ފެބްރުއަރީ 23) - ހަތް ގައުމެއްގެ މުސްލިމުން އެމެރިކާ އަށް ވަނުން މަނާކުރުމަށް ރައީސް ޑޮނަލްޑް ނެރުއްވި އަމުރު ކޯޓުން ހުއްޓުވާފައިވާތީ މި ހަފުތާގައި ނެރުއްވާނެ ކަމަށް ޓްރަމްޕް ވިދާޅުވި އާ އަމުރު އަންނަ ހަފުތާ އަށް ފަސްކޮށްފައިވާ ކަމަށް ވައިޓްހައުސް އިން ބުނެފި އެވެ.
އަލަށް ނެރޭ އަމުރުގައި، ކޯޓުން ފާހަގަކުރި ކަންކަމަށް ބަލާފައިވާނެ ކަމަށް ވައިޓްހައުސް އިން ބުނެފައިވެ އެވެ. ހޯމްލޭންޑް ސެކިއުރިޓީ ޑިޕާޓްމަންޓުން ބުނީ އަލަށް ނެރޭ އަމުރު "ހަރުކަށިވެފައި" މާ ފުރިހަމަވާނެ ކަމަށެވެ. އަލަށް ނެރޭ އަމުރާއި ކުރީގެ އަމުރު ތަފާތުވާނީ ކޮން ގޮތަކުން ކަމެއް އަދި ނޭނގެ އެވެ.
ޓްރަމްޕް ނެރުއްވި ފުރަތަމަ އަމުރުގެ ދަށުން އިރާން، އިރާގު، ސީރިއާ، ޔަމަން، ސޮމާލިއާ، ސޫދާން އަދި ލީބިއާ މީހުން އެމެރިކާ އަށް ވަނުން ވަނީ 90 ދުވަހަށް މަނާކޮށްފަ އެވެ. އަދި ރެފިއުޖީ ޕްރޮގްރާމް ވަނީ 120 ދުވަހަށް ހުއްޓާލައިފަ އެވެ.
ޓްރަމްޕުގެ އަމުރު ވޮޝިންޓަނުގެ ޑިސްޓްރިކްޓް ކޯޓުން ހުއްޓުވި މައްސަލަ ޖަސްޓިސް ޑިޕާޓްމަންޓުން އިސްތިއުނާފް ކުރުމުން ސެން ފްރެންސިސްކޯގެ ނައިންތު ސާކިޓް އިސްތިއުނާފް ކޯޓުން ވެސް ވަނީ ދަށު ކޯޓުގެ ނިންމުމަށް ތާއީދުކޮށްފަ އެވެ. ކޯޓުގެ ނިންމުމަށް ޓްރަމްޕް ވަނީ ފާޑު ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިސްނާ
23 February 2017
ޓްރަމްޕްވެސް މުސްލިމުންތަފާތު ކުރަނީ މުސްލިމުގައުމުތަކުގ ވެރިން މުސްލިމުންގެ ހިމާޔަތުގަ ނިނުކުންނާތީ. މިކަމުގަވެސް އަހަރުމެން މުސްލިމުންގެ ދިފާއުގަ ވާހަކަދައްކަނީ އައިރުމުސްލިމުން.
މެންޓަލިސްޓް
23 February 2017
މުސްލިމުން ކިތަންމެވަރަކަށް އެމެރިކާއަށް ވަނުން މަނާކުރިއަސް ވާނޭ އެއްކަމެށްވެސް ނޯންނާނެ ،، މުސްލިމް ހުރިހާ ގައުމަކުން އެމެރިކާގެ ކުންފުނިތަކުގެ ޕްރޮޑަކްޓްސް ވެސް ބޭންކުރެވިދާނެ ،، ޗައިނާގެ ފޯންތަކާއި ޗައިނާގެ ހުވާވޭގެ ސާމަނުތަކާ ޖުނިޕަރ ގެ ސާމާނުތަށް އެކަނި ގަންނަން ފެށިޔަސް އެމެރިކާގެ އިކޮނޮމީއަށް ބޮޑުގެއްލުމެއް ވެގެންދާނެ ،،، އެގޮތް ހަދާލީމައި ތިޔަޓްރަމްޕް ސައިޒަށް ކެނޑިގެންދާނެ ،،، ވަރަށްވެދުން
ނީރޯ
23 February 2017
"މުސްލިމް ހުރިހާ ގައުމަކުން އެމެރިކާގެ ކުންފުނިތަކުގެ ޕްރޮޑަކްޓްސް ވެސް ބޭންކުރެވިދާނެ". ތިކަން ކުރާނީ ކޮން މުސްލިމުންނެއް؟ ދިވެހިން އެހާވަރަށް އިޒްރާއީލްދެކެ ރުޅިއަންނައިރު އިޒްރާއީލްގެ އުފެއްދުމެއްކަމަށްވާ ވައިބާ ބޭނުންކުރުން ހުއްޓިތަ؟ ހަމަ މިމޭރުމުން މުސްލިމު ގައުމުތަކުގެވެސް އަމިއްލަ އެދުން ތިއަށްވުރެ މާ ބޮޑުވާނެ. މިހާރުވެސް ގަލްފުގެ އަރަބި ގައުމުތަކުން ޓްރަމްޕްއަށް ސަނާކިޔަނީ. އޭނަގެ ގޮލްފް ކޯސްތަކާއި ހޮޓާތައް އެގައުމުތަކުގަ އަޅަނީ. ޔޫއޭއީގެ ފޮރިން މިނިސްޓަރުވެސް މިފިޔަވަޅު ފުރަތަމަ އެޅީމަވެސް ސީދާ މިކަމަށް ތާއީދުކޮށް ވާހަކަވެސް ދެއްކި. ދުވަސް ކޮޅަކުން ރާއްޖޭގަވެސް އޮންނާނެ ޓްރަމްޕްގެ ރިސޯޓެއްވެސް. ކަންތައް މިދާ ރޭޓުން ފަހަރެއްގަ އެމީހުންގެ ދާއިމީ މިލްކަކަށްވެސް އެރަށް ވެދާނެ. ކިރިޔާވެސް އީރާނު އެކަނި ބަހެއްބުނެލާނެ ވަރުގެ ބަޔަކަށްވެސް އޮތީ. ޓްރަމްޕްއަށްވެސް މާ ބޮޑަަށްވެސް އިނގޭނެ މިހެންކަން މިކަން އޮތީ. އޭނަޔަށް ކެރޭނެތަ އެހެން އެއްވެސް ބޮޑު ދީނެއްގެ މީހުން އެމެރިކާޔަށް ވަނުންމާދެކޮޅަށް އެއްޗެއް ބުނަން؟ ބުނާއިރަށް ވެރިކަމުންވެސް ދުރުކުރާނެ. މިއީ މިއަދު މުސްލިމުންގެ ބާރު ހުރިވަރު.