އިމިގްރޭޝަނުން މިއަދު ކުރިއަށް ގެންދިޔަ ނޫސްވެރިންގެ ބައްދަލުވުމުގެ ތެރެއިން -- ފޮޓޯ: ނިޝާން އަލީ/ މިހާރު
17 ޖުލައި 2024 - 17:09
16 comments
ރާއްޖޭގައި ގަވާއިދާ ހިލާފަށް އުޅެމުންދާ ބިދޭސީން ހުއްޓުވުމަށް އިމިގްރޭޝަނުން އިސްނަގައިގެން ހިންގަމުން އަންނަ އޮޕަރޭޝަންތަކުގައި އަތުލައިގަންނަ ބިދޭސީން ލީގަލައިޒްވުމުގެ ފުރުސަތެއް ނުދޭނެ ކަމަށް އިމިގްރޭޝަނުން ބުނެފި އެވެ.
އިމިގްރޭޝަނުން މިއަދު ބޭއްވި ނޫސްވެރިންގެ ބައްދަލުވުމުގައި އިމިގްރޭޝަން ކޮންޓްރޯލަރު މުހައްމަދު ޝައްމާން ވަހީދު ވިދާޅުވީ ގަވައިދާ ހިލާފަށް އުޅޭ ބިދޭސީންގެ ރެޖިސްޓްރީ އެއް ހެދުމަށް ކުރިއަށް ގެންދާ "ކުރަނގި" ޕްރޮގްރާމްގެ ތެރެއިން ގަވައިދުގެ ތެރެއަށް ބިދޭސީން ފެތުމުގެ ފުރުސަތު އެބައޮތް ކަމަށެވެ.
ނަމަވެސް، އިމިގްރޭޝަނުން މިހާރު ކުރިއަށް ގެންދާ ރެއިޑުތަކުގައި ހައްޔަރުކުރެވޭ ފަރާތްތަކަށް އެ ފުރުސަތެއް ނޯންނާނެ ކަމަށް ޝައްމާން ވިދާޅުވި އެވެ.
"މީގައި އެންމެ ބުއްދިވެރި ގޮތަކީ އަވަހަށް ލީގަލައިޒްވުން. އެކަމަކު އަޅުގަނޑުމެންގެ ބެލުމުގެ ދަށަށް އައުމަށް ފަހު ދެން އެ ފުރުސަތެއް ނެތޭ. އެ ފަރާތްތަކުން ފޮނުވާލާނީ ހަމަ ޑީޕޯޓު ކުރެވިގެން،" އޭނާ ވިދާޅުވި އެވެ.
ގަވާއިދާ ހިލާފަށް ވިޔަފާރި ހިންގާ ބިދޭސީން އަތުލައިގަންނަން ހިންގި ރެއިޑް އޮޕަރޭޝަންގައި އިމިގްރޭޝަން އޮފިސަރަކު، ބިދޭސީއަކު ހިންގާ ހަޓެއް ކައިރީގައި މަޑުކޮށްލައިގެން.---ފޮޓޯ: އިމިގްރޭޝަން
ގަވާއިދާ ޚިލާފަށް ރާއްޖޭގައި އުޅެމުންދާ ބިދޭސީންގެ ތެރެއިން 2013 ބިދޭސީއަކު ވޭތުވެދިޔަ ހަތް މަސް ތެރޭގައި ފޮނުވާލާފައިވާ ކަމަށް އިމިގްރޭޝަނުން ވަނީ ބުނެފަ އެވެ.
އިމިގްރޭޝަނުން މިހާރު އަންނަނީ، ގާނޫނުން މަނާކޮށްފައި ވަނިކޮށް ވެސް ފުޅާ ދާއިރާއެއްގައި ރާއްޖޭގައި ވިޔަފާރި ހިންގާ ބިދޭސީން ހުއްޓުވައި އެތަންތަން ބަންދު ކުރަމުންނެވެ. އެގޮތުން، މި ފަހުން ފެށި އޮޕަރޭޝަންގައި މިހާތަނަށް ވަނީ 120 މީހަކު ވަނީ އަތުލައިގެންފަ އެވެ.
އެ އޮޕަރޭޝަންގައި މިހާތަނަށް ވަނީ މާލެތެރޭގައި ހިންގާ ދެ މާރުކޭޓެއް ވެސް ދެ ފަހަރެއްގެ މަތިން ރެއިޑްކޮށް، އެ ތަނުގެ ގޮޅިތަކުގައި ވިޔަފާރި ހިންގާ ބިދޭސީން އަތުލައިގަނެފަ އެވެ. އަދި ބިދޭސީން ހިންގާ ކުދި ރީޓެއިލް ފިހާރަ އަދި ޓޭކްއަވޭ ކޮފީ ޝޮޕްތަކުންނާއި މާލޭގައި ހިންގާ ހަށި ވިއްކާ ތަންތަނުން ވެސް ބިދޭސީން ވަނީ ހައްޔަރު ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހީހީ ސުލީހް
18 July 2024
މި ސަރުކާރަށް ތާއީދެއް ނުކުރަން. ނަމަވެސް ސައްމާނުގެ މިމަސައްކަތް ބަލާގަންނަންޖެހޭ
ނިމުނީތަ
18 July 2024
މިހާރު އަތުލަންވާ އެންމެން އަތުލައި ނިމުނީތަ؟ ހީވާގޮތުން ބޭރުމީހުން ކުރިއަށްވުރެ ހަރަކާތްތެރި އަދި އިތުރުތަންތަން ހުޅުވައިފި. ވިޔަފާރިތައް ފާޅުކަންބޮޑުގޮތެއްގައި ކުރިއަށްދަނީ.
ބަރުުމުއްލާ
18 July 2024
އއ މާމިގިލި ރެއިޑް ކޮއްބަލަ އެތިބީ ބަންގާޅީން ޒުވާނުން ހަލާކުކޮއްލައިގެން މުޅި ރަށް މުށުތެރެއަށް ލައިގެން
ދެނޯ
18 July 2024
މިއަދު ގުޅިން ތިކިޔާ ކުރަނގި ޕޮރޮގްރާމްގަ ރަޖިސްޓަރީ ކުރެވޭތޯ ބުނީ މިވަތު ރަޖިސްޓަރީ ކުރުން ކުރިއަށް ނުދާކަމަށް
އޮނަރަބްލް އަފީފު ދީދީ
17 July 2024
އިމިޤްރޭޝަން ޤާނޫނާއި ޙިލާފަށް އުޅެމުންދާ ބިދޭސީއަކު އަތުވެއްޖެނަމަ "އޭނާއަށް ލީޤަލައިޒް ވެގެން އަލުން ރާއްޖޭގައި އުޅެން ފުރުސަތު ނުދޭނެ ކަމަށް" ބުނުމަކުން ނުފުދޭ. # އެކަން އޮތީ އެގޮތަށް ނަމަ އަދި އިމިޤްރޭޝަނުން އެކަން އެގޮތަށް ތަންފީޒު ކުރާނަމަ ކީއްވެގެންތޯ އެފަދަ ބިދޭސިން (ޑީޕޯޓް ކުރާ މީހުން) ގެ މައުލޫމާތު އިގޭގޮތަށް ޑީޕޯޓް ކުރި ކިތައް އަހަރަށް ކަމާއި، އޭނާގެ ފުރިހަމަ ނަމާއި ފޮޓޯ އާންމުކޮށް ފެންނާނެގޮތަށް ނޯޓިސް ބޯޑަށް ނުލަނީ!؟
ސައީދުބެ
17 July 2024
ލީގަލައިޒް ކުރެވިގެން ނުވާނެ. ޚުށަށް އަރައިގަތީމަ ލީގަލައިޒް ވާނަމަ ބޭރުމީހުން އުޅޭނީ ހިތަކަށް. ތިމީހުން މަދު ކުރަން އެބަޖެހޭ. އެއްވެސް ގޮތަކަށް ވިޔަފާރި ކުރެވިގެން ނުވާނެ.
ތަކުރޭ
17 July 2024
ނިކުމެގެން އައިސް ފޮނިކަނޑާފަ އެބަ ކިޔާ 150،000 ދީފައޭ ނިކުމެގެން އައިސް މިތިބީ. ތަންކޮޅެއް އާދައިގެ މީހުން ކިޔާ 35،000 ނެގިޔޭ
އިންބާ
17 July 2024
2018-2023 އާ ހަމައަށް ރާއްޖެއަށް ޤަވާއިދާ ޚިލާފަށް އުޅެން ބަނގާޅީން ވިސާއެއް ދޫނުކުރޭ. ތިވާހަކަދައްކާ ބޭފުޅުން ބޮޑެތިވިޔަފާރިތައް ހިންގާ ހެދީ މިމީހުން މިތަނަށް ދޫކުރަން ނެގި ފައިސާއިން. އެއީ 2018-2013 އާދެމެދު. ތިބޭފުޅުންނަށް ރަނގަޅަށް އެނގޭނެ މިކަންތައް. މިއަދު މާސޯލިހް ބަޔަކަށް ވެގެން އުޅުނަސް.
ބާބް
18 July 2024
ބަންގާޅީންނަށް ވިސާ ދޫނުކުރެޔޭ ތިބުނަނީ ކޮންގޮތަކަށް؟ ވިސާ ދޫނުކުރަން ފެށީ ތިކިޔާ ބަނގުރޫޓް ވެެރިކަމުގެ ފަހުކޮޅު. ވިސާ ދޫނުކުރިޔަސް ބަންގާޅީން އެތެރެވާ ވަރަކަށް އެތެރެވޭ. މާފަސޭހަކޮށް އޮންނަނީ. އޮފިސަރަށް ކަޓެއް ދެނިކޮށް ކޮންމެ ކަމެއްވެސް ވޭ. ވަކިން ޚާއްސަކޮށް ބުރޯ އާ ހަމައިން ހުރިހާ ކަމެއްވެސް ފައިސާޔަށް ނިމޭ. މުޅި ގައުމު ބަނގުރޫޓްކޮށްލި 5 އަހަަރު އެއީ.
ފަހީމު
17 July 2024
ބަލަ ތި ކުރަނގި ހިންގަނީ ވަކި ރައްރަށުގެ ދެން ކިހިނެއް ލީގަލައިޒް ވަނީ .. ދިއުޅިއެއްނެތް
ނެވަރާ
17 July 2024
25،000ރ ދިނުމަށްފަހު ލީގަލައިޒްކޮށްދޭ ދިވެހި އެކްސްޕެޓު އެކައުންޓުތަކާއި އެމީހުންނާމެދު އޮތީ ކޮންހުކުމެއް؟ އެމީހުންގެ ވިޔަފާރި ހައްތަހާ ބޮޑުވާގޮތެއްނު ތިޔަވަނީ؟ ބައެއް މީހުންގެ އެކައުންޓަކީ 50އަށްވުރެ ގިނަމީހުން ލިގަލައިޒްކޮށްދީފައިވަ އެކައުންޓުތައް. މިކަން އެކްޕެޓުގެ ސިސްޓަމުން ފެންނާނެ. ޝުކުރިއްޔާ