މީގެ ކުރީ އަހަރެއްގައި ބޭއްވި ގައުމީ އިނާމު ދިނުމުގެ ޖަލްސާއެއްގައި މީހަކު އިނާމާ އެކު ހިފައިގެން.-- ފޮޓޯ: މިހާރު
23 ޖުލައި 2024 - 12:13
8 comments
ދައުލަތަށް ދިގު މުއްދަތަކަށް ހިދުމަތް ކުރެއްވުމުގެ އިނާމު މި އަހަރު 138 ބޭފުޅަކަށް ދޭން ސަރުކާރުން ނިންމައިފި އެވެ.
ރައީސް އޮފީހުން މިއަދު ބުނީ ދިވެހި ދައުލަތަށް ހިދުމަތްކުރުމުގެ އިނާމު މި އަހަރު 138 ބޭފުޅަކަށް ދިނުމަށް ނިންމާފައިވާ ކަމަށެވެ. އެ އިނާމަށް ނަން ހުށަހެޅި މީހުންގެ ތެރެއިން، އިނާމު ލިބޭ ބޭފުޅުން ކަނޑައެޅީ އެކަމަށްޓަކައި ރައީސް ޑރ. މުހައްމަދު މުއިއްޒު އެކުލަވާލައްވާފައިވާ ގައުމީ އިނާމާ ބެހޭ ކޮމިޓީން ކަމަށް ވެސް އެ އޮފީހުން ބުންޏެވެ.
"މި ދެންނެވި 138 ބޭފުޅުންގެ ތެރޭގައި ދައުލަތަށް ހިދުމަތް ކުރައްވާފައިވާ ބޭފުޅުންގެ ތެރެއިން ރައީސުލްޖުމްހޫރިއްޔާ، ގައުމީ އިނާމާބެހޭ ކޮމިޓީއަށް ފޮނުއްވި 43 އަހަރަށް ވުރެ ދިގު މުއްދަތެއްގައި ހިދުމަތް ކުރައްވާފައިވާ 70 ބޭފުޅުން ހިމެނިވަޑައިގަންނަވަ އެވެ،" ރައީސް އޮފީހުން ބުންޏެވެ.
ދައުލަށް ހިދުމަތްކުރުމުގެ އިނާމު ދިނުން އޮންނާނީ މިނިވަން ދުވަހުގެ މުނާސަބަތުގައި އަންނަ ހުކުރު ދުވަހުގެ ރޭ ސޯޝަލް ސެންޓަރުގައި ބާއްވާ ރަސްމީ ޖަލްސާގަ އެވެ.
މިއީ، ދައުލަތަށް 35 އަހަރަށް ވުރެ ދިގު މުއްދަތަކަށް ހިދުމަތްކޮށްފައިވާ މުވައްޒަފުންގެ ތެރެއިން، މަގާމުގެ މަސްއޫލިއްޔަތު އަދާކުރުމުގައި ގާބިލުކަމާއި އިހުލާސްތެރިކަމާ އެކު ކޮށްފައިވާ ހިދުމަތްތަކަށާއި އަަދި އެ މުއައްސަސާއެއްގެ ކުރިއެރުމަށް ކޮށްދީފައިވާ ހިދުމަތްތަކުގެ އަގުވަޒަންކުރެއްވުމުގެ ގޮތުން ދޭން ފެށި އިނާމެކެވެ.
ދައުލަތަށް ދިގު މުއްދަތަކަށް ހިދުމަތް ކުރެއްވި ބޭފުޅުންނަށް އިނާމު ދީ، އަގުވަޒަން ކުރަން ފެށީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި 2021 ވަނަ އަހަރުން ފެށިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކިމް
24 July 2024
ޢަމިއްލަޔަށް އެދެންޖެހޭތީ ކަޑަ
ސުހާނާ
24 July 2024
ތިޔައީ ހަމަ ނަމެއްގައި ދޭ އެއްޗެއް. ތިޔަ އިނާމެއް ލިބުނަސް، ސަރުކާރުން އެމީހުންނަކަށް އިޙުތިރާމެއް ނުކުރޭ. އެންމެ ކުޑަމިނުން ޤައުމީ މުހިންމު މުނާސަބަތުތަކުގައި ސަރުކާރުން ބާއްވާ ޖަލްސާއަކަށް ނުވަތަ ޙަފްލާއަކަށްވެސް އެމީހުންނަށް ދަޢުވަތެއް ނުދޭ. ދަޢުވަތު ދެނީ މަގުމަތީގައި ދުވެއުޅޭ ޕާޓީ ކުދިންނަށް. އަދި ތިޔަ އިނާމޭ ކިޔާ އެއްޗެއް ދިނުމަށްފަހު އެމީހުން އުޅޭ ނޫޅޭ ގޮތެއްވެސް ބަލައެއް ނުލާ.
އާބިދާ
23 July 2024
ސިވިލް ސާވިސް ވަޒީފަގަ ހުރެގެން ހައްދަވައިގެން ކަމެއް ނުކޮށް ޅެން ހަދާތީވެސް އިނާމު އެބަ ލިބެ.
ޖަމީ
23 July 2024
ސިވިލް ސަރވިސް އެކަންޏެއް ނޫން. ދައުލަތުގެ ހުރިހާ މުއައްސަސާއެއް ހިމެނޭ. ކުންފުނިތައްވެސް، ރައްޔިތުންގެ މަޖިލިސްގެ މެންބަރުންވެސް.. މަޢުލޫމާތު އޮޅުން ނުފިލުވައި ހިތަށް އެރި އެއްޗެއް ލިޔާތީ މައްސަލައަކީ.
ލައުރާ ޖާސިމް.
23 July 2024
މިވެސް ހާދަފާޑަކަށް އޮންނަ ކަމެކެ. ކޮންމެތާކު މަސައްކަތްކުރިޔަސް ހިދުމަތްއެކުރެވެނީ ގައުމަށް، ދައުލަތަށް. ނަމަވެސް އަގުވަޒަން މިކުރަނީ ހަމައެކަނި ސިވިލް ސާރވަންޓުންގެ.
ސުހާނާ
24 July 2024
ކަލެއަށް ތިޔަ ހުރީ މާބޮޑަށް އެނގިފައި. ސިވިލް ސަރވިސްގައި މަސައްކަތްކުރި މީހުންނަށް އެކަންޏެއް ނޫން އެ އިނާމު ދެނީ. ދައުލަތުގެ ކޮންމެ ތަނެއްގައި (އެއީ ކުންފުންޏެއްގައި ކަމަށްވިޔަސް، މިނިވަން މުއައްސަސާއެއްގައި ކަމަށްވިޔަސް، ޖުޑީޝަރީގައި ކަމަށްވިޔަސް، ނުވަތަ ދައުލަތުގެ އެހެން ތަނެއްގައި ކަމަށްވިޔަސް 35 އަހަރު ދައުލަތަށް ޚިދުމަތް ކޮށްފައިވާނަމަ (އެމީހެއްގެ ކުށުގެ ރިކޯޑެއް ނުވަތަ ދަރަންޏެއް ނެތްނަމަ) އެ އިނާމު ލިބޭ.
މިހާލު
23 July 2024
އަސްލު މިކަމަކީ މިހާރު ބޮޑުވިޔަފާރިއެއް.
އައިޝަތް ޒާހިރު
23 July 2024
އިޚްލާޞްތެރި ޚިދުމަތުގެ ތެރެއިން މުއައްސަސާތައް ތަރައްޤީވުމުގެ އަގުވަޒަންކުރުމުގެ ތެރެއިން، ސަރުކާރުން ކުރިއަރާފައިވާ އަދި ޤާބިލު ދައުލަތުގެ ދާއިރާއެއް އުފެއްދުމަށް މަގުފަހި ވާނެ