24 ޖުލައި 2024 - 10:01
6 comments
އައްޑޫގެ ގުޅިފައިވާ ރަށްތަކުގައި ދިރިއުޅެން ދަތިވާ ވަރަށް ކަރަންޓު ކެނޑެމުންދާ ކަމަށް ބުނެ އެމްޑީޕީގެ ފަރާތުން ރައްޔިތުންގެ މަޖިލީހަށް ކުއްލި މައްސަލައެއް މިއަދު ހުށަހަޅައިފި އެވެ.
އެމްޑީޕީގެ ޕާލަމެންޓަރީ ގްރޫޕް ލީޑަރު އަދި ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް ހުށަހެޅުއްވި ކުއްލި މައްސަލާގައި ބުނީ، އައްޑޫގެ ގުޅިފައިވާ ރަށްތަކުގައި 30،000 އަށް ވުރެ ބޮޑު އާބާދީއެއް ދިރިއުޅޭއިރު، ކަރަންޓުގެ ހިދުމަތް ފޯރު ކޮށްދިނުމުގައި ސަރުކާރުން އިހުމާލު ވެފައިވާ ކަމަށެވެ.
އޭގެ ސަބަބުން އެ ރަށްތަކުގެ މީހުންގެ ދިރިއުޅުމުގެ ހާލަތަށް ބޮޑެތި ދަތިތަކެއް ކުރިމަތިވެފައިވާ ކަމަށާއި ސްކޫލްތަކާއި އޮފީސްތަކުންނާއި ފިހާރަތަކުން ހިދުމަތް ނުދެވުމާއި ގޭގައި ގެންގުޅޭ ސާމާނު ހަލާކުވާ ކަމުގެ ކަންބޮޑުވުން ރައްޔިތުންގެ އެބައޮތް ކަމަށް ނާޒިލް ވިދާޅުވި އެވެ.
ކަރަންޓުގެ ހައްގުތައް ކެނޑުމަކީ އެހެނިހެން އަސާސީ ހައްގުތަކަށް އަސަރު ކުރާނެ ކަމެއް ކަމަށް މި ފަހުން ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރްސީއެމް) އިން ވެސް ބުނެފައިވާ ކަމަށާއި އެއީ މި މަޖިލީހުގެ ކަންބޮޑުވުން އޮތް މައްސަލައެއް ކަމަށް ވެސް ނާޒިލް ވިދާޅުވި އެވެ.
ކަރަންޓު ކަނޑާލުމުގެ ކުރިން ރައްޔިތުންނަށް ނޯޓިސްއެއް ދޭން ޖެހޭނެ ކަމަށް ގާނޫނުގައި ބުނެފައިވީ ނަމަވެސް އެތައް ގަޑިއިރަކަށް ކޮންމެ ދުވަހަކު އެކި ފަހަރުގެ މަތިން ކަރަންޓު ކަނޑާލާ ކަމަށް އޭނާ ވިދާޅުވި އެވެ.
އެފަދަ ކަންކަމަށް ބޭނުންވާ ސިޔާސަތެއް ސަރުކާރުން ތަންފީޒު ކުރަމުން ނުގެންދާ ކަމަށާއި އައްޑޫގެ އިންޖީނުގެ މަރާމާތަށް ބޭނުންވާ ސާމާނު ވެސް ފޯރުކޮށް ނުދޭތާ ހަތް މަސް ދުވަސް ވެފައިވާ ކަމަށް ނާޒިލް ވިދާޅުވި އެވެ.
އެ ކުއްލި މައްސަލަ އަށް ބަހުސް ކުރަން މަޖިލީހުގައި މިއަދު ނެގި ވޯޓުގައި ބައިވެރިވި މެންބަރުންގެ 57 މެންބަރުންގެ އިއްތިފާގުން އެ މައްސަލަ ފާސްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާރޮށި
24 July 2024
މޑޕ އިން ސައިދީގެން އޮޅުކޮށްފަ ތިބޭ ދެމީހަކާ ފަޅި އުޅޭ ތަނެއް ތީ. ތިޔަ ފައިސާ މާ ރަނގަޅުވާނެ ހުވަދު އަތޮޅު މަސްވެރިން އަށް ދިނަސް.
ފޭދޫގެ ރައްވެއްސެއް
24 July 2024
ހަނދާނަށް އަންނަނީ ރައީސް ޔާމީންގެ ވެރިކަމުގައި އައްޑޫގައި ހުރި ޖެނެރޭޓް ސެޓް މާލެކޮޅަށް ބަދަލުކުރަން އުޅުނީމަ އެއިރު އޮތް މަޖިލީހުން ކުއްލި މައްސަލައެއްގަ ގޮތުގަ ބަހުސް ކުރަމުން ދިޔައިރު ފޭދޫ މެމްބަރ އިބުރާހިމް ދީދީ އެކަން ދިފާއުކޮށް އެއިރު އޭނަ ނިސްބަތްވާ ޕާޓީގެ ސަރުކާރު ދިފާއު ކޮށްފަ ދެގޭ ދޭތެރެ ކުރީޒަމާނުގަ އަންހެނުން ޒުވާބު ކުރާހެން އެއްވެސް އޮއްޓަރެ ހުރި ވާހަކައެއް ނުދައްކާ އުޅުނު ހަނދާން، މިހާރުވެސް އޭނަ އުޅެނީ ހަމަ އެހެން......
އޮނަރަބްލް އަފީފު ދީދީ
24 July 2024
ޑރ މުއިއްޒުގެ ސަރުކާރެކޭ އެއްފަދައިން ވޭރުވެދިޔަ 60 އަހަރު ދުވަހުގެ ތެރޭގައި "ކ.މާލޭގައި އުފެދުނު އެއްވެސް ސަރުކާރަކުން" ޙަޤީގީ މާނައިގައި އައްޑޫ ރައްޔިތުނަށް ބޭނުންވާ އަސާސީ ހިދުމަތްތައް އައްޑޫސިޓީގައި ޤާއިމްކޮށްދޭން މަސައްކަތް ކޮށްފައިނެތް. # މިފަދަ ބައެއް ހިދުމަތް ޙާއްސަކޮށް ކަރަންޓް އަޕްޤުރޭޓް ކުރަން އޮސްޓްރޭލިއާ، އިޤިރޭސިވިލާތް ޖެޕާން ފަދަ ދައުލަތް ތަކުން އައްޑުއަށް ދީފައިވާ ތަކެތިވެސް ބޭނުންކުރީ މަތިވެރި ރަށްކޮޅުގެ ކަންކަމަށްކަން ސާބިތުވޭ.
އޮނަރަބްލް އަފީފު ދީދީ
24 July 2024
މިދެންނެވިގޮތަށް މެރިންކޭބަލް މެދުވެރިކޮށް އައްޑޫގެ ކަރަންޓްވިއުގަ ގުޅުވާލައިފިނަމަ (މިއީ މީގެކުރިންވެސް އައްޑޫރައްޔިތުން ތަޖުރިބާކޮށްފައިވާ ކަމެއް) ގޭންއެއަރޕޯޓް، ޝަންގްރިލާޒް، ހެރެތެރެ އަދި ސައުތު ޕާމްއަށް ކަރަންޓްވިއްކައިގެން ކޭބަލްއެޅުމަށް ހިގި ޙަރަދުހޯދޭނެ. # އަދި މިތަންތަނަށް ވިޔަފާރިއުސޫލުން ކަރަންޓްވިއްކާފައި ޑޮމެސްޓިކް ހައުސް ހޯލްޑްތަކަށް "އަތްފޯރާ ފަށުގައި" އިތުބާރުހުރި ހިދުމަތެއްދިނުމަށް މަގުހުޅުވިގެންދާނެ. ކީއްވެ ތަޖުރިބާ ނުކުރާންވީ؟
ސައުދީ
24 July 2024
ސުވާލަކީ ރައްޔިތުންގެ މަޖިލީހަށް ކުއްލި މައްސަަލަ ހުށަހެޅީމާ، ޖަނަރޭޓަރަށް ދިމާވެފައިވާ ޓެކްނިކަލް މައްސަލަ ހައްލުވޭހޭ.
ތއތނ
24 July 2024
ސުވާލަކީ ޖަނަރޭޓަރަށް ޓެކްނިކަލް މައްސަލައެއް ޖެހިގެން ހައްލުކުރުމަށް އެތަކެއް މަސްދުވަސް ނުނަގާނެ....... ހުރި ޖަނަރޭޓަރ ތަކަށް ބޭނުންވާ ވަރަށް ކަރަންޓް ނުދެވޭ އިރު އެތަނުން ޖަނަރޭޓަރ އެއް ހަލާކުވެގެން އުޅެނީ.......