ކުދި ރަށްރަށުގެ ސިއްހީ ހިދުމަތް ފުޅާކުރަން ކުވައިތުން 9.8 މިލިއަން ޑޮލަރުގެ ލޯނެއް!

ކުވެއިތުގެ ލޯނު އެއްބަސްވުމުގައި ފިނޭންސް މިނިސްޓަރު ޑރ. ޝަފީގު އަދި ކުވެއިތު ފަންޑު ފޯ އަރަބް އިކޮނޮމިކް ޑިވެލޮޕްމަންޓުގެ އެކްޓިން ޑިރެކްޓާ ޖެނެރަލް ވަލީދު އަލް ބަހަރް ސޮއިކުރައްވަނީ.-- ފޮޓޯ: ފިނޭންސް މިނިސްޓްރީ

އާސިމާ ނިޒާރު، މިހާރު

29 ޖުލައި 2024 - 20:41

27 comments

ރާއްޖޭގެ ކުދި ރަށްރަށުގެ ސިއްހީ ހިދުމަތްތައް ފުޅާކުރަން ކުވައިތު ފަންޑާ އެކު، ތިން މިލިއަން ދީނާރު (9.8 މިލިއަން ޑޮލަރު) ލޯނުގެ އެއްބަސްވުމެއްގައި މިއަދު ސޮއިކޮށްފި އެވެ.

ފިނޭންސް މިނިސްޓްރީން ބުނީ ރާއްޖޭގެ ސިއްހީ ނިޒާމު އިތުރަށް ހަރުދަނާ ކުރުމުގެ މަގުސަދުގައި އުފައްދާފައިވާ "ސްމޯލް އައިލޭންޑްސް ހޮސްޕިޓަލް ޕްރޮޖެކްޓް"ގެ ލޯނު އެއްބަސްވުމުގައި ކުވައިތު ފަންޑު ފޯ އަރަބް އިކޮނޮމިކް ޑިވެލޮޕްމަންޓުގެ އެކްޓިން ޑިރެކްޓަ ޖެނެރަލް ވަލީދު އަލް ބަހަރް އަދި ރާއްޖޭގެ ފިނޭންސް މިނިސްޓަރު ޑރ. މުހައްމަދު ޝަފީގު ސޮއިކުރައްވާފައިވާ ކަމަށެވެ.

އެ ރަސްމިއްޔާތުގައި ހެލްތު މިނިސްޓަރު ޑރ. އަބްދުﷲ ހަލީލް ވެސް ބައިވެރިވެވަޑައިގަތެވެ.

މިނިސްޓްރީން ބުނީ އެ މަޝްރޫއުގެ ދަށުން ރާއްޖޭގެ އުތުރާއި ދެކުނުގެ ކުދި ރަށްރަށަށް ބޭނުންވާ ސިއްހީ ހިދުމަތްތައް ފޯރުކޮށްދިނުމާއި އެ ހިދުމަތްތަކުގެ ފެންވަރު ރަނގަޅު ކުރުމަކީ ބޭނުމެއް ކަމަށެވެ.

ހިދުމަތްތައް ފޯރުކޮށްދޭ ރަށްރަށުގެ މެދުގައި ސިއްހީ ހިދުމަތް ހޯދަން ދަތުރުކުރުމުގެ ހަރަދު ކުޑަވެ، ރަށްރަށުގެ އާބާދީ އާއި ޓޫރިސްޓުންނަށް ލާމަރުކަޒީ އުސޫލުން ސިއްހީ ހިދުމަތް ފޯރުކޮށްދީ، ދެ ވަނަ ފަންތީގެ ސިއްހީ ފަރުވާ އެންމެ އެކަށީގެންވާ ވަގުތުގައި އެ ލޯނުގެ ދަށުން ކުރަން ޖެހޭ ކަންކަން ފުރިހަމަ ވުމުން ލިބޭނެ ކަމަށް ވެސް ބުންޏެވެ.

އެ ހޮސްޕިޓަލްތައް ތަރައްގީ ކުރުމުގެ ތެރޭގައި ހިމެނެނީ އެ ތަންތަން އިމާރާތްކުރުމާއި ހިދުމަތްތަކުގެ އިލެކްޓްރޯ-ޓެކްނިކަލް މަސައްކަތްތަކާއި ސިއްހީ އާލަތްތަކާއި ފަރުނީޗަރު ފޯރުކޮށްދިނުމާއި ކުރެހުންތަކާއި ބީލަން ލިޔެކިޔުންތައް ތައްޔާރު ކުރުމާއި އިމާރާތް ކުރުމުގެ މަސައްކަތް ބަލަހައްޓަން ބޭނުންވާ އިންޖީނިއަރިން ހިދުމަތްތައް އަދި މަޝްރޫއު ތަންފީޒުކުރާ ޔުނިޓުތައް ހެދުމެވެ.

ސިއްހަތު ފިނޭންސް މިނިސްޓްރީ ކުވެއިތު ސިއްހީ ޚިދުމަތް ރާއްޖެ-ކުވެއިތު ހެލްތު މިނިސްޓްރީ ޑރ. އަބްދުﷲ ހަލީލް (ފޮރިން މިނިސްޓަރު) ޑރ. މުހައްމަދު ޝަފީގް (ފިނޭންސް މިނިސްޓަރު) ކުވެއިތު ފަންޑު

27 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނިހާލު

30 July 2024

އަހަރެންނަކީ ގއ އަށް ނިސްބަތްވާ، ބ އަތޮޅު ރިސޯޓެއްގައި މަސައްކަތް ކުރަމުންދާ މީހެއް. ބ.އަތޮޅު ހޮސްޕިޓަލުގެ ހިދުމަތްތައް ފުރިހަމަ ކަމުގައި ފާހަގަކޮށްލަން. ޚާއްޞަ ގޮތެއްގައި އެ ހޮސްޕިޓަލުގައި މަސައްކަތް ކުރައްވާ ދިވެހި، އެތެރެހަށީގެ ޑަކުޓަރަކީ ވަރަށް މޮޅު ބޭފުޅެއް ކަމުގައި ދެކެން. މިގޮތަށް ދިވެހި ޑޮކްޓަރުން ރާއްޖެތެރޭގައި މަސައްކަތް ކުރުމަށް ސަރުކާރުން ބާރު އަޅުވާ މަގުފަހި ކޮށްދޭންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމްޒަތު

02 October 2024

ބ.އަތޮޅު ހޮސްޕިޓަލް މާބޮޑަށް ރަގަޅުވީމާތަ އިރުކޮޅަކާ އުނގޫފާރަށް ފުރައިގެން ދާން މިޖެހެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުހާދުބޭ

30 July 2024

ކުދިރަށްރަށޭ ނުކިޔާ ކޮންމެ އަތޮޅެއްގައި 1 ހޮސްޕިޓަލް ރަނގަޅު ފެންވަރަކަށް ހަދައިދީބަލަ. ދަތުރުފަތުރުގެ ނިޒާމް އޮތީ ރަނގަޅު ފެންވަރެއްގައި ހެދިފައި. އެހެންވީމާ އަތޮޅު ހޮސްޕިޓަލަށް ގޮސްގެން ރަނގަޅު ފަރުވާ ލިބޭގޮތަށް އޮތީވިއްޔާ މާލެއަށް ބަރޯސާނުވެ މިކަން ހައްލުކުރެވޭނެ. މާލެއަކީ މީހުން އައިސް އުޅެން މިހާރު ހެޔޮވާވަރުގެ ތަނެއް ނޫން. މާލެ ނޫންގޮތެއް ދިވެހިން ބޭނުންވަނީ. ސަރުކާރުތަކަށް މިކަން ނުވިސްނޭތީ ހިތާމަކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކްމަލްް

30 July 2024

ރާއްޖެއާއި ކުވައިތު ފަންޑުގެ އެއްބާރުލުން ދައްކުވައިދެނީ ދުނިޔޭގެ ސިއްހީ ގޮންޖެހުންތަކަށް ހެޔޮ އަދި ޕްރޮއެކްޓިވް ގޮތެއް ގެންގުޅޭ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމްދާދްް

30 July 2024

ލާމަރުކަޒީ ސިއްހީ ހިދުމަތްތަކަށް މި މަޝްރޫއުގެ ސަމާލުކަން ދިނުމުން ގިނަ ބަޔަކަށް ވަގުތުން ބޭސްފަރުވާ ލިބޭނެ ގޮތް ހަމަޖެއްސޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާނިފް އިމްތިޔާޒް

30 July 2024

ކުދި ރަށް ރަށުގެ ސިއްހީ ނިޒާމަށް އެއްވެސް އެހެން ސަރުކާރަކުން ނުކުރޭ. އަދިކިރިޔާ މިކަމަށް އިސްނަގާ ސަރުކާރަކުން މަސައްކަތް މިކުރަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންސާހް

30 July 2024

ކުވެއިތްއާއެކު ވެފައިވާ ލޯނު އެއްބަސްވުމަކީ ކުދި ރަށްރަށުގައި ސިއްހީ ހިދުމަތް ލިބޭނެ ގޮތް ރަނގަޅު ކުރުމަށް އެޅި ބޮޑު ފިޔަވަޅެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުނާދްް

30 July 2024

ރަށްރަށުގައި ސިއްހީ ހިދުމަތްތައް ފުޅާކުރުމަށް ރާއްޖެއަށް އެހީތެރިކަން ލިބޭތަން ފެނުމަކީ އުފާވެރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއެދުރު1

30 July 2024

“ ތަރައްގީ ކުރުމުގެ ތެރޭގައި ހިމެނެނީ އެ ތަންތަން އިމާރާތްކުރުމާއި ހިދުމަތްތަކުގެ އިލެކްޓްރޯ-ޓެކްނިކަލް މަސައްކަތްތަކާއި ސިއްހީ އާލަތްތަކާއި ފަރުނީޗަރު ފޯރުކޮށްދިނުމާއި ކުރެހުންތަކާއި ބީލަން ލިޔެކިޔުންތައް ތައްޔާރު ކުރުމާއި އިމާރާތް ކުރުމުގެ މަސައްކަތް ބަލަހައްޓަން ބޭނުންވާ އިންޖީނިއަރިން ހިދުމަތްތައް އަދި މަޝްރޫއު ތަންފީޒުކުރާ ޔުނިޓުތައް ހެދުމެވެ”މިހާރުވެސް ސެންޓަރުތަށް އެބަހުރި ނެތީ އާބާދީކުޑަވީމަ ކޭސް ނުލިބޭތި ތިތަނަށް ދާނެޑޮކްޓަރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާރިގް

30 July 2024

ލިބޭ އަނިޔާތަކަށް ބޭނުންވާ ހާއްސަ ސިއްހީ ފަރުވާ ވަގުތުން ވީހާވެސް ކައިރިން ލިބެން ހުރުން އެއީ މުހިންމު ކަމެއް. އެ ފެންވަރަށް ސިއްހީ ނިޒާމް ހުންނަން ވާނެ.