ނައީމާގެ މަރު: ދެ މީހުން ދައުވާއަށް އިންކާރު، އެކަކު އެދުނީ އިތުރު ފުރުސަތަކަށް

ނައީމާގެ މަރުގެ ދައުވާލިބޭ ތިން މީހުން: އޭގެ ތެރެއިން ދެ މީހަކު ވަނީ ދައުވާއަށް އިންކާރު ކޮށްފައި

މުއިއްޒު އިބްރާހިމް، މިހާރު

15 އޯގަސްޓް 2024 - 14:21

ނ. މަނަދޫގައި މިދިޔަ އަހަރު އަނިޔާވެރި ގޮތަކަށް މަރާލާފައި އޮއްވާ ފެނުނު ނައީމާ މޫސާގެ މަރުގެ މައްސަލާގައި ދައުލަތުން ދައުވާކުރާ ތިން މީހުންގެ ތެރެއިން ދެ މީހަކު ކްރިމިނަލް ކޯޓުގައި މިއަދު ދައުވާއަށް އިންކާރުކޮށްފި އެވެ.

ނައީމާ ދިރިއުޅުނު ގޭގައި މިދިޔަ އަހަރުގެ އޭޕްރީލް މަހު އޭނާއަށް ތޫނު އެއްޗެހިން ހަމަލާދީ މަރާލާފައި އޮއްވާ ފެނުނު މައްސަލާގައި ދައުލަތުން ދައުވާކުރަނީ އެރަށު ފިނިފެންމާގޭ އަބްދުލްވާހިދު ރިފާސް އާއި އެރަށު ފެހިވިލާގޭ އަހުޒަމް އަބްދުއްޝުކޫރާއި އެރަށު ވިނަރެސް ހުސައިން ފަވާޒުގެ މައްޗަށެވެ.

އެ މައްސަލާގައި، ތޫނު އެއްޗެއް ބޭނުންކޮށްގެން ގަސްދުގައި މީހަކު މެރުމުގެ ދައުވާ އާއި އަދުލު އިންސާފު ގާއިމްކުރަން ހުރަސް އެޅުމުގެ ދައުވާ އާއި މައްޔިތާގެ ބޭނުން ނަހަމަ ގޮތުގައި ހިފުމުގެ ދައުވާއެއް ވެސް ދައުލަތުން ދައުވާއެއް ކުރެ އެވެ.

ކްރިމިނަލް ކޯޓުގައި މިއަދު ބޭއްވި އަޑުއެހުމުގައި ދައުލަތުން ތިން މީހުންގެ މައްޗަށް ދައުވާ އިއްވިއިރު، ރިފާސް ފިޔަވައި ދެން ތިބި ދެ މީހުން ވަނީ ދައުވާއަށް އިންކާރުކޮށްފަ އެވެ. ރިފާސް ބުނީ ދައުވާއަށް ޖަވާބުދާރީވުމުގެ ކުރިން ވަކީލާ މަޝްވަރާކުރަން ބޭނުންވާ ކަމަށެވެ.

ނައީމާ.

އެ މައްސަލާގައި ޑީއެންއޭ ތަހުލީލު ރިޕޯޓާއި އެހެން ވެސް ބައެއް ފޮރެންސިކް ތަހުލީލުތައް މިއަދު ފުލުހުން ނިންމާނެ ކަމަށް ދައުލަތުން ބުންޏެވެ. އަދި އެ ރިޕޯޓް ކުރިއަށް އޮތް މަހެއްހާ ދުވަސް ތެރޭގައި ކޯޓަށް ފޮނުވާނެ ކަމަށް ވެސް ދައުލަތުން ބުންޏެވެ.

އެ މައްސަލާގައި ދެން އޮންނާނީ ދެ ފަރާތުން ހެކި ހާމަ ކުރުމެވެ.

ނައީމާ މަރާލީ އޭނާއަކީ ސިހުރު ހަދާ މީހެއް ކަމަށް ތުހުމަތުކޮށް ކަމަށް ފުލުހުން ބުނެފައިވެ އެވެ. ނަމަވެސް އޭނާއަކީ އެފަދަ ކަމެއް ކުރާ މީހެއް ކަމުގެ ހެއްކެއް ނެތް ކަމަށް ފުލުހުން ބުނެ އެވެ.

ކުށްކުރުން ކްރިމިނަލް ކޯޓް މީހުން މެރުން ނ. މަނަދޫ ނައީމާގެ މަރު

8 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަނަދޫ ބޮސް

16 August 2024

ތިޔަ މައްސަލައިގައި ބަޔަކު ހައްޔަރުކޮށް ތަޙްޤީޤެއް ހިންގަން ޖެހޭތީ ރަށުތެރެއިން 25 އަހަރަށް ޖަލަށް ހުކުމް ކުރަން ތައްޔާރުވެފައިވާ ހަކުރު ބޯ ކުއްޖަކާއި ރަށުގައި އެގޮތަށް އުޅޭ އިތުރު ދެ ކުއްޖަކު ހައްޔަރު ޖިނާއީ އަދުލުގެ ނިޒާމުގެ ތެރޭގައި ތަޅުވަނީ ހަމަ.ފުލުހުންނަށް ތިޔަ މައްސަލައިގައި އިތުބާރު ހުރި މީހަކަށް އެއާއި ދޭތެރޭ ސުވާލު ނުއުފެއްދޭ ވަރުގެ ހެއްކެއް ނުހޯދޭ ކަން މީގެ ކުރިން ޕްރެސްތަކުގައި ހާމަކޮށްފައިވާ މައުލޫމާތަށް ބަލާއިރު އެނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އމއމއ

16 August 2024

މިފަދަ ކުށްވެރިން ދޫ ނުކުރާތި ރައްޔިތުންނަށް ހުރި ނުރައްކަލެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރުގާ

15 August 2024

ތި 3 ކުދިންވެސް މިރާއްޖޭގެ ސަލާމަތްވާނެ. ދިވެހިންނައް އޯކޭ ވާނެ. ދިވެހިންނައް މުހިންމުވާނީ ބޭރު ގައުމުތަކުގަ ހިނގާ ދާހިލީ ހާޖާނުތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަހުމަދު މުހައްމަދު

15 August 2024

އަދި ތިޔަ ގްރޫޕުގަ އެކަކު އުޅެޔޯ ކިޔާ. އޭ ކާކުތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީރުބޮލް

15 August 2024

ވަކީލާއި ވާހަކަ ދައްކާފަ އެ ސޮރުވެސް ކުރާނީ އިންކާރު. ރާއްޖޭގެ ޑިފެންސް ލޯޔަރުން ދަންނަ ހަމަ އެކަނި ކަމަކީ އިންކާރު ކުރުވުމާއި މައްސަލަ ދިގު ދެންމުމާއި މައްސަަލަ އޮޅުވާލަން އެހެން މީހެއް އެދޭތެރެއަަކަށް ބޭނޭތޯ ބެލުން. އަދި ނެތް ހެކި އުފެއްދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

15 August 2024

މިފަދަ ޚަބަރުތަށް މިހެން ސުރުޙީގައި ގެނެސްދިނުމަކީ އަދުލުއިންސާފުގެ ސަލާމަތަށް ނުރައްކާ ބޮޑު ގާތިލުންނަށް އިތުރު ހިތްވަރެއް ދެވޭކަމެކެވެ. މިހެން ގޮސްފަހުމީހާ ޔާޖެހެންދެން އިންކާރު ކުރަމުން 10 - 12 އަހަރުވަންދެން މިފަދަ ކޭސްތަށް ތަޅުވަމުން މީރުކޮށް ކާންދީންގެ މިޖަހާ ސަކަރާތަކީ ސިޔާސީ މަންފާވަދެފަވާ ކޮރަޕްޓް ކޭސްތަކެއްގެ ގޮތުގަ ބެލެވިދާނެއެވެ.