އަހަރަކު ދެ ފަހަރު ބައި އިލެކްޝަން ބާއްވާ ގޮތަށް ގެނައި އިސްލާހު ރައީސް ތަސްދީގު ކުރައްވައިފި

މީގެކުރިން ބޭއްވި ކައުންސިލް އިންތިހާބެއްގެ ތެރެއިން: ބައި-އިލެކްޝަން ދެން ބާއްވާނީ އަހަރަކު ދެ ފަހަރު - ފޮޓޯ: މިހާރު

18 އޯގަސްޓް 2024 - 15:23

ލޯކަލް ކައުންސިލްތަކާއި އަންހެނުންގެ ތަރައްގީ އަށް މަސައްކަތް ކުރާ ކޮމިޓީތަކުގެ ބައި-އިލެކްޝަންތައް އަހަރަކު ދެ ފަހަރު ބާއްވާ ގޮތަށް ގާނޫނު އިސްލާހުކޮށް، ރައްޔިތުންގެ މަޖިލީހުން ފާސްކުރި ބިލް ރައީސް ޑރ. މުހައްމަދު މުއިއްޒު ތަސްދީގު ކުރައްވައިފި އެވެ.

ގާނޫނުގައި ކުރިން އޮންނަ ގޮތުން ކައުންސިލް ނުވަތަ އަންހެނުންގެ ތަރައްގީ އަށް މަސައްކަތް ކުރާ ކޮމިޓީގެ ގޮނޑިއެއް ހުސްވާތާ 60 ދުވަހުގެ ތެރޭގައި ބައި އިލެކްޝަން ބާއްވަން ޖެހެ އެވެ.

ނަމަވެސް ލާމަރުކަޒީ އުސޫލުން އިދާރީ ދާއިރާތައް ހިންގުމުގެ ގާނޫނާއި ލޯކަލް ކައުންސިލް އިންތިހާބުގެ ގާނޫނަށް ސަރުކާރުގެ ފަރާތުން އިސްލާހު ހުށަހަޅައި ފާސްކުރީ ކޮންމެ ހަ މަހަކުން އެއް ފަހަރު ބައި އިލެކްޝަން ބޭއްވުމަށެވެ.

މި އިސްލާހުތަކާ އެކު ބައި އިލެކްޝަން ބާއްވަން ޖެހޭނީ 183 ދުވަހުގެ މުއްދަތެއްގެ ތެރޭގަ އެވެ.

ނަމަވެސް ކައުންސިލެއްގެ ރައީސް ނުވަތަ މޭޔަރުގެ މަގާމު ހުސްވެއްޖެ ނަމަ އެ މަގާމު ހުސްވާތާ ގިނަވެގެން 14 ދުވަހުގެ ތެރޭގައި އެ މަގާމަށް މެންބަރަކު އިންތިހާބު ކުރަން ޖެހޭނެ އެވެ. ކައުންސިލްގެ ނައިބު ރައީސް ނުވަތަ ޑެޕިއުޓީ މޭޔަރުގެ މަގާމު ހުސްވެއްޖެ ނަމަ 30 ދުވަސް ތެރޭގައި މެންބަރަކު އިންތިހާބު ކުރަން ޖެހޭނެ އެވެ.

ގާނޫނަށް މި ގެނައި ބަދަލާ އެކު ކައުންސިލްގެ ނައިބު ނުވަތަ ޑެޕިއުޓީ މޭޔަރުގެ މަގާމު ހުސްވާއިރު، ރައީސް ނުވަތަ މޭޔަރުގެ މަގާމު ވެސް ހުސްވެފައިވާ ނަމަ ހަތް ދުވަހުގެ ތެރޭގައި އިންތިހާބު ބާއްވަން ޖެހޭނެ އެވެ.

މެންބަރެއްގެ ގޮނޑި ހުސްވުމުގެ ސަބަބުން ޖަލްސާ ބޭއްވުމަށް ބޭނުންވާ ގާނޫނީ އަދަދު ހަމަ ނުވާ ނަމަ މިހާރު ވެސް ގާނޫނުގައި އޮންނަ ގޮތަށް 60 ދުވަހުގެ ތެރޭގައި ބައި އިލެކްޝަން ބާއްވަން ޖެހޭނެ ކަމަށް ވެސް ވަނީ ކަނޑައަޅައިފަ އެވެ.

ރައްޔިތުންގެ މަޖިލިސް ލޯކަލް އިންތިހާބު ލޯކަލް ކައުންސިލްތައް

14 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޑރ ވާންޗޯ

19 August 2024

މީއަނެއްކާ އަނެއްކަންތަށް ތިޔަވޯޓެއް ކޮންމެހެން ބައި ކޮށްގެން ދެފަހަރަށް ބާއްވަންޖެހޭތަ؟. ފުލްކޮން އެއްފަހަރުން ބާއްވާ ނިންމާލަބަލަ ހަރަދުވެސްކުޑަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާހިރު

19 August 2024

އަހަރަކު 2 ފަހަރު އިންތިޚާބު ބޭއްވިޔަސް ލައްކަ ލާރި ޚަރަދުވާނެއެވެ. ޚަރަދު ކުޑަކުރަން ތިފަދަ ފިވަޔަޅުތައް އެޅުމުގެ ބަދަލުގައި، އިތުރު އިލެކްޝަނެއް ނުބާއްވާ ކުރިން ބޭއްވި އިންތިޚާބުގައި ހޮވުނު މީހާއާ އެންމެ ކައިރިން ވާދަކުރި މީހާއަށް އެމަޤާމް ލިބޭގޮތް ހަމަޖައްސުން މާ ރަނގަޅުކަމަށް ފެނެއެވެ. އޭރުން ތި އިންތިޚާބުތަކަށް ކުރަންޖެހޭ ހޭދަތައް ނުކޮށް ފަރުޖެހޭނެނޫންތޯއެވެ.