އާ ގާނޫނުގެ ދަށުން ބޮޑެތި ބާރުތަކާ އެކު އެމްއެފްޑީއޭ އަލުން އުފައްދަވައިފި

ރައީސް އޮފީސް: އެންއައިސީގެ މެމްބަރުކަމަށް ކުރިމަތިލުމަށް ދެ ވަނަ ފަހަރަށް ވަނީ އިއުލާނުކޮށްފައި.-- ފޮޓޯ: ހުސެއިން ވަހީދު/ މިހާރު

މޫސާ ރަޝީދު، މިހާރު

23 އޯގަސްޓް 2024 - 18:59

23 comments

ކާބޯތަކެތީގެ ސަލާމަތާ ބެހޭ ގާނޫނުގެ ދަށުން ބޮޑެތި ބާރުތަކާ އެކު "މޯލްޑިވްސް ފުޑް އެންޑް ޑްރަގް އޮތޯރިޓީ" މިއަދު އަލުން އުފައްދަވައިފި އެވެ.

ރައީސް ޑރ. މުހައްމަދު މުއިއްޒު އެމްއެފްޑީއޭ އަލުން އުފެއްދެވިކަން އަންގަވައި ރައީސް އޮފީހުން ނެރުނު އިއުލާނުގައި ބުނެފައިވަނީ މިއަދު އާ ގާނޫނަށް އަމަލު ކުރަން ފެށުމާ އެކު ކުރީގެ އެފްއެފްޑީއޭ އުވުނީ ކަމަށެވެ.

މީގެ ކުރިން އެމްއެފްޑީއޭ އުފައްދާފައި އޮތީ އާއްމު ސިއްހަތު ރައްކާތެރިކުރުމުގެ ގާނޫނުގެ ދަށުންނެވެ.

މިއަދު އަމަލުކުރަން ފެށީ އާ ގާނޫނާ ބެހޭ މައުލޫމާތު ދިނުމަށް އިއްޔެ ބޭއްވި ނޫސްވެރިންގެ ބައްދަލުވުމެއްގައި ހެލްތު މިނިސްޓަރު އަބްދުﷲ ހަލީލް ވިދާޅުވީ އެމްއެފްޑީއޭ އިން މީގެ ކުރިން މަސައްކަތް ކުރަމުން ދިޔައީ ގާނޫނީ މާ ބޮޑު ބާރެއް އޮވެގެން ނޫން ކަމަށެވެ. ނަމަވެސް އާ ގާނޫނުގެ ދަށުން މޮނިޓާ ކުރުމާއި ގާނޫނާ ހިލާފުވާ ފަރާތްތަކަށް ފިޔަވަޅު އެޅުމަށް އެ އޮތޯރިޓީ އަސް ބޮޑެތި ބާރުތަކެއް ދީފައިވާ ކަމަށް އޭނާ ވިދާޅުވި އެވެ.

އެމްއެފްޑީއޭއަށް ހޮޓާތަކާއި ރެސްޓޯރަންޓުތައް އިންސްޕެކްޓްކުރުމުގެ ބާރު ދީފައި އޮތަސް، ގޭގައި ހަދައިގެން ފިހާރަތަކުގައި ވިއްކާ ކާބޯތަކެތީގެ ސާފުތާހިރުކަން ބެލުމުގެ ބާރެއް ނުލިބެ އެވެ. އާ ގާނޫނުގެ ދަށުން ހަދައި ގަވައިދުތަކާ އެކު ގެތަކުން ވެސް އަމިއްލަ އަށް ހަދައިގެން ތަކެތި ވިއްކޭނީ ހާއްސަ ހުއްދައެއް ނަގައިގެން ލޭބަލް ކޮށްގެންނެވެ. އެ ނޫން ގޮތަކަށް ތަކެތި ވިއްކަން ހުންނަ ފިހާރަތަކަށް ފިޔަވަޅު އެޅުމުގެ ބާރު މި ގާނޫނުން ލިބެ އެވެ.

ހަލީލް ވިދާޅުވި ގޮތުގައި މިހާރު ވެސް ރަޖިސްޓްރީކޮށްގެން ކާބޯތަކެތީގެ ހިދުމަތްދޭ ތަންތަން ހުންނަނީ ރަނގަޅަށެވެ. މައްސަލަ ދިމާވަނީ ރަޖިސްޓްރީނުކޮށް ނުވަތަ ސިއްރުން އެކަން ކުރާ މީހުން ހިންގާ ތަންތަނުގައި ކަމަށް އޭނާ ވިދާޅުވި އެވެ.

އަލަށް އަމަލުކުރަން ފަށާ ގާނޫނުގައި ކަނޑައަޅާފައިވާ ކަންކަމާ ހިލާފުވެއްޖެ ނަަމަ، ޖިނާއީ ދައުވާކުރުމާއި އެއް މިލިއަން ރުފިޔާއާ ހަމައަށް ޖޫރިމަނާކުރުމުގެ ބާރު އޮވެ އެވެ. މިހާރު އެ ކަންކަން ބަލަމުން އަންނަ އާންމު ސިއްހަތުގެ ގާނޫނުގައި އޮންނަނީ އެންމެ ބޮޑުވެގެން ވެސް 10،000ރ. ގެ ޖޫރިމަނާއެކެވެ.

ފުޑް އިންސްޕެކްޝަން އެމްއެފްޑީއޭ ރައީސް އޮފީސް ހެލްތު މިނިސްޓްރީ

23 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަދޫދު

25 August 2024

މިއުޅެނީ އަދަބު ކުޑަވެގެންތޯ؟؟ ކަންކުރަން މަތިކޮށްފަތިބޭމީހުން މުސާރަ ނަގައިގެން ޒިންމާއަދާނުކުރާތީ. 10،000ރ ޖޫރިމަނާ އޭރުވެސް އޮވޭ. ޤަވާއިދާއި ހިލާފުވި ކިތައްތަން ޖޫރިމަނާ ކުރެވުނުތޯ؟ ތިއުޅެނީ ކޮންމެސް އެއްޗެކޭ ކިޔައިގެން އަންހެންވެރިން ގޭގައި ތިބެގެން، ކިރިޔާ ދުވާލަކަށް 100ރ ފައިދާ ލިބޭ ކުދި ވިޔަފާރިތައް ފުނޑާލަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްތާ

24 August 2024

ޏޮޔަތް ރަނގަޅު ރަނގަޅު ހަރުދަނާ މީހުން ލާންވީ. ހިހޒުތަނުން މުސާރަ ކާލައިގެން އޡުޅޭ މީހުންލައިގެބް އެއކަނެއްވެސް ނުވާނެ. ޣިނަވާނި ކެންސަރު ބަލި…

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

24 August 2024

ކޮންމެ ކަމަކައް ފުލުހެއް ތަހުޒީބުވާކައް ނޫޅޭތޭ …

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަލީލީ

24 August 2024

ފާރަވެރި ބާރު މީޑިޔާއިން ބައްލަވާލަދެއްވައްޗޭ ދުވަސް ދުވަހުން މި ތަންތަނުގެ ބާރު އިތުރުކޮށްގެން ޕާރފޯމަންސަށް ރަނގަޅު ބަދަލެއް އައިތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރަމް

24 August 2024

10،000ރ ޖޫރިމަނާކުރެވެން އޮތް އިރުވެސް އެކަން ނުކޮށް ދެން 1 މިލިޔަނަށް ޖޫރިމަނާ ޖެެއްސިއަސް އެކަން ވާނީ ކުރިއްޔާ ދޯ. ތިހާ ބޮޑެތި އަދަދުތަކުން ޖޫރިމަނާ ގާނޫނުގައި ހިމަނާގެންވެސް ދެންވެސް ތި ޖޫރިމަނާއެއް ކުރާނީ ވަގަށާ މަކަރުން ކަންކަން ކުރާ މީހުންގެ ބަދަލުގައި ހަމަ އިހުލާސްތެރިކަމާއެކު ކަންކަން ކުރާމީހުންނަށް ހެދޭ ކުޑަ މިސްޓޭކަކުން އޭނަގެ ދުވަސް ދުއްވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

3445

24 August 2024

މަގަންނާނީ ދިވެހިން ހަދާ ކާއެއްޗެހި. މަވިޔަފާރިކުރާނީވެސް ދިވެހިމީހާ ކައުންޓަރުގަ އިންނަފިހާރައިން. ބޭރުމީހުންގެ އަތްދަށުން ވިޔަފާރިތައް ސަލާމަތްކުރަންވީ ވަގުތުއައިސް މިއޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

5443

24 August 2024

ކިހިނެއް މި ޒަމާނުގައި ދިވެހިން ހަދާ ތަކެތި އިނގެނީ؟ އަދި ހޯދަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިކް ޓޮކް ޒުލޭ

24 August 2024

ގާނޫނީ ބާރު ކިތަންމެ ވަރަކަށް ދިނަސް މީހުންނާއި ވަސީލަތް ނުދެންޔާ ތިކަމެއް ނުވާނެ. އެގިފައިވާ ގޮތުގައި މިހާރު ތިޔަތާގައި އިންސްޕެކްޓަރުންގެ ގޮތުގައި ތިބީ ދެ އަންހެނުންނާއި ވަރަށް ނިކަމެތި ކޮށް ހުންމަ ފިރިހެނެތް! އެސޮރު ސައިކަލުގައި ތަންތަނަށް އިންސްޕެކްޓް ކުރަން ދާންޖެހޭތީ އޮފީހަށް ދަނީ ފައިމަގުގައި މިހާރު. އެހެންތާ ވާނީ ސައިކަލަށް އަޅާނެ ޕެޓްރޯލް ވެސް އަޅަންޖެހެނީ އަމިއްލަ ޖީބުންވީޔާ. ހިނގާއިފައި ދެވޭ ހިސާބު ޗެކްކޮށްފައި މިހާރު ނިންމާލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮހޮއްތު

24 August 2024

ތިޔަ އޮތޯރިޓީއަކީ އަބަދު ބަދިގެތެރޭ ތިބެވޭނެ ބައެއްނޫން . މީހުން ހޭލުންތެރިކުރުވުން ނޫންގޮތެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީހާމީހާ

24 August 2024

10،000ރ ޖޫރިމަނާ އޭރުވެސް އޮވޭ. ގަވާއިދާއި ހިލާފުވި ކިތައްތަން ޖޫރިމަނާ ކުރެވުނުތޯ؟ މިއުޅެނީ އަދަބު ކުޑަވެގެނެއްނޫން. ކަންކަން މަތިކޮށްފަތިބޭމީހުން މުސާރަނަގައިގެން ޒިންމާއަދާނުކުރާތީ.