ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް އާއި މިނިސްޓްރީގެ އިސްވެރިން "އަދިތު ޓަނަލް"ގެ މަސައްކަތް ބައްލަވާލެއްވުމަށް ފަހު ފޮޓޯއެއް ނަންގަވަނީ.-- ފޮޓޯ: ކޮންސްޓްރަކްޝަން މިނިސްޓްރީ
11 ސެޕްޓެމްބަރ 2024 - 11:18
62 comments
އިންޑިއާގެ މުމްބާއީގައި ހަދަމުން އަންނަ ކަނޑުއަޑީގެ ޓަނަލްގެ މަސައްކަތް ރާއްޖޭގެ ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް އިއްޔެ ބައްލަވާލައްވައިފި އެވެ.
ކޮންސްޓްރަކްޝަން އެންޑް އިންފްރާސްޓްރަކްޗަރު މިނިސްޓްރީން އެކްސްގައި ބުނީ މުމްބާއީގައި ހަދަމުން އަންނަ ކަނޑުއަޑީގެ ޓަނަލްގެ މަސައްކަތް ބައްލަވާލެއްވުމަށް މުއްތަލިބް އިއްޔެ ވަޑައިގެންނެވި ކަމަށެވެ. އޭނާއާ އެކު، ރާއްޖޭގައި ހުންނަވާ އިންޑިއާގެ ސަފީރު މުނޫ މަހަވާރާއި ސްޓޭޓް މިނިސްޓަރު އިބްރާހިމް ތޯއާމް މުހައްމަދު އަދި ސްޓޭޓް މިނިސްޓަރު އިސްމާއިލް ހަމީދު ވެސް ސައިޓަށް ވަޑައިގެންނެވި ކަމަށް މިނިސްޓްރީން ބުންޏެވެ.
ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް އާއި މިނިސްޓްރީގެ އިސްވެރިން "އަދިތު ޓަނަލް"ގެ މަސައްކަތް ބައްލަވާލައްވަނީ.-- ފޮޓޯ: ކޮންސްޓްރަކްޝަން މިނިސްޓްރީ
"އަދިތު"ގެ ނަން ދީފައިވާ އެ ޓަނަލަކީ މުމްބާއީ އާއި އަހުމަދުއާބާދާ ދެމެދުގައި ހައި ސްޕީޑް ރެއިލް ދަތުރުތައް ކުރުމަށް ހަދާ ޓަނަލެކެވެ. ޖުމްލަ 21 ކިލޯމީޓަރުގެ ދިގު އެ ޓަނަލްގެ ހަތް ކިލޯމީޓަރުގެ ސަރަހައްދެއް އޮންނާނީ ކަނޑުއަޑީގަ އެވެ. އެ ޓަނަލް ހަދަނީ ތިލަމާލެ ބްރިޖުގެ މަސައްކަތް ވެސް ކުރަމުން އަންނަ އިންޑިއާގެ އެފްކޮންސް ކުންފުނިންނެވެ.
އިންފްރާސްޓްރަކްޗަރު މިނިސްޓްރީން ބުނި ގޮތުގައި، އެ މިނިސްޓްރީގެ އިސްވެރިން އެ ސައިޓަށް ވަޑައިގެންނެވީ މުސްތަގުބަލުގައި ރާއްޖޭގައި ވެސް އެ ފަދަ އިންފްރާސްޓްރަކްޗާގެ ވަރުގަދަ ޕްރޮޖެކްޓުތައް ހިންގުމަށް ތަޖުރިބާ ހޯއްދެވުމަށެވެ.
ރައީސް ޑރ. މުހައްމަދު މުއިއްޒު ވަނީ ރަސްމާލެ އާއި މާލެ ގުޅުވާލާނީ ކަނޑުއަޑީގެ ޓަނަލަކުން ކަން މި އަހަރުގެ ކުރީކޮޅުގައި އިއުލާން ކުރައްވައިފަ އެވެ. ރަސްމާލެ ހިއްކުމަކީ މާލޭގައި ދިރިއުޅޭ މީހުންގެ ބޯހިޔާވަހިކަމުގެ މައްސަލަ ހައްލުކުރުމަށް ރައީސް މުއިއްޒުގެ އެންމެ އުންމީދީ މަޝްރޫއެވެ.
ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް އާއި މިނިސްޓްރީގެ އިސްވެރިން "އަދިތު ޓަނަލް"ގެ މަސައްކަތް ބައްލަވާލައްވަނީ.-- ފޮޓޯ: ކޮންސްޓްރަކްޝަން މިނިސްޓްރީ
ރައީސް އޭރު ވިދާޅުވި ގޮތުގައި، އެ ޓަނަލްގައި ދުއްވާނީ ރޭލެކެވެ. އެ ރޭލު ދަތުރުގައި ކަނޑުއަޑީގެ ރީތި މަންޒަރުތައް ފެންނާނެ އެވެ.
މުއްތަލިބް އިންޑިއާއަށް މިހާރު ކުރައްވާ ދަތުރުގައި އިއްޔެ ވަނީ ތިލަމާލެ ބްރިޖު މަޝްރޫއުގެ 12 ވަނަ ޖޮއިންޓް ޕްރޮޖެކްޓް މޮނިޓަރިން ކޮމިޓީގައި ވެސް ބައިވެރިވެވަޑައިގެންފަ އެވެ. އެއީ އިންޑިއާގައި ބޭއްވި މި ކޮމިޓީގެ ފުރަތަމަ ބައްދަލުވުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަފިއްޔާ.
13 September 2024
ރަނގަޅަށްތަ އެތަން ހަދާފަ ހުރީ މުއްތޯ؟ ކިތައް ލޭނު އޮތް؟ ހިލައިންތަ ނޫނީ ގެރިގުއިން ތަ؟
ހައިތަމް މުހައްމަދު
12 September 2024
ބަޔަކު ބުނި ބްރިޖްވެސް ނޭޅޭނެޔޭ. އެކަންވެސް ކޮށްފި. ރައީސް މުއިއްޒް ޓަނަލް އަޅާ ވާހަކަ ބުނީމަ ޖޯކް ޖެހި މީހުންވެސް މިކަން ވިސްނާތި. މީ ވަރަށް ވާހަކަ
ލިހާޒް މުހުސިން
12 September 2024
މަ ބުނީތީ ނޯޓް ކޮށްލާ. ރައީސް މުއިއްޒް ބުނި ޓަނަލް އަޅާނެ. ދުވަސް ނެގިޔަސް. މިކަން އިންޝާﷲ އެމަނިކުފާނުގެ 2 ވަނަ ދައުރު މެދުތެރެއިން ބޭނުން ކުރެވެން ފަށާނެ. ވަރަށް ކަންކަން އިނގޭތީ މިބުނީ
އައްޔަލީ
11 September 2024
ބީޗު އަޑިން ޓަނަލް އެޅިޔަސް މާ ކަނޑު އަޑީގަ ޓަނަލް އެއް ނޭޅޭނެ
ހުއްޓާލާ
11 September 2024
ބޮޑެތި ޕްރޮޖެކްޓްތަކުގަ އިންޑިއާގެ ސްޕީޑް ހުންނަ ވަރެއް ކަމަކުނުދޭ. ކަމެއް އަވަހަށް ޔަގީންކަމާއެކު ކުރަން ބޭނުމިއްޔާ ޗައިނާއާ ހަވާލުކުރަންވީ.
ނުކިޔާތ
11 September 2024
ދެން އެއްވެސް މީހަކު އެއްވެސް ގައުމެއް އައުޓް ނުކިޔާތި. ކިޔައިފިއްޔާ އޭގެ އިދިކޮޅަށްޖަހާއިރު މާބޮޑަށް އެބަ އިން ވޭ.
އައިފާން
11 September 2024
މިވެސް ގަބޫލު ކުރާ ބަޔަކު އުޅޭނެ ދޯ
ކަނބިލި
11 September 2024
މިހާރަކަށް ސިޔާސީ ވާދަވެރިންގެ ކަމަކީ އެކަކު ބުރިޖު އެޅީމާ އަނެކަކުވެސް ބުރިޖެއް އެޅުން. މިހާރު މިއުޅެނީ ބުރިޖުއެޅި މީހުންނާ ވާދާކޮށް ކަނޑުއަޑިން ޓަނަލް ހަދަން. މިއީ ތެޔޮ ނަގާ ގައުމެއް ނޫން. ދަރަނި ނަގައިގެން މިކަން މިކުރަނީ. މިފަދަ ބޮޑެތި އިންފްރާސްޓްރަކްޗަރ ޕްރޮޖެކްޓްތައް މިހިންގަނީ ރާއްޖޭގެ މާލީ ހާލަތާއި އިގުތިސާދަށް ބެލުމެއް ނެތި ސިޔާސީ މަންފާ ވަކި ބަޔަކު ހޯދުމަށް. މިއީ ރާއްޖެއަށް މިހާރު ދިމާވެފައި އޮތް ބޮޑު ބުރައެއް
އަފްރާސިޔާބު
11 September 2024
ރައްޔިތުންގެ ކަންކަމަށް ލޯން ހޯދީމާ އޭގެ ބުރަވެސް އުފުލަންވާނީ ރައްޔިތުންތާ؟ އޭގެ ބުރަ ފަސްއަހަރުގެ ނުވަތަ ދިހަ އަހަރުގެ ރައީސަކު އުފުލާކަށް ނުޖެހޭނެތާ.
އައިފާން
11 September 2024
މުމްބާއީ އަދި އަހްމަދު އާބާދު އޮތީ އެއްގަމު މަގުން ގުޅިފަ. އެއްގަމު މަގުން ގުޅިފަ އޮތް 2 ތަން ގުޅުވަން ކޮން ކަނޑު އަޑީގެ ޓަނަލް އެއް ތަ؟
ޖިހާދު.
11 September 2024
ނޭގޭ ވާހަކަ ނުދައްކާ މަޑުން ހުރެބަލަ. ތިކަހަލަ ބަޔަކު އުޅުނު އިންޑިޔާ އައުޓް ކިޔައިގެންވެސް.
އޮނަރަބްލް އަފީފު ދީދީ
11 September 2024
އިންޑިޔާގެ ލައިން އޮފް ކުރެޑިޓްގެ ދަށުން ދޫކުރި 800މ ޑޮލަރުގެ ލޯނު އެހީގެ ތެރެއިން ހަދަމުންދާ ކ.މާލެ ތިލަމާލެ ބުރިޖްގެ މަސައްކަތް ތަންކޮޅެއް ލަސްކޮށް ދިޔަކަމުގައިވިޔަސް އައްޑޫސިޓީގައި ޙަވާލު ކުރި މަގުހެދުމުގެ ޕްރޮޖެކްޓާއި ހަންކެޑެ ބްރިޖް އަދި އައްޑޫ GAN International Airport ޑިވޮލޯޕްކޮށް އަޕްޤްރޭޑް ކުރުމުގެ މަސައްކަތް ބާރު މިނުގައި އިންޑިޔާގެ ކުންފުނިތަކުން ކުރަމުންގޮސް އެއަރޕޯޓް މަސައްކަތްނޫން ހުރިހާ މަސައްކަތެއް ވަނީ ނިމުމުގެ މަގުމަތީގައި.