ފަލަސްތީނުގެ މިނިވަން ދައުލަތެއް ނެތި އިޒްރޭލާ ގުޅުމެއް ނެތް: މުހައްމަދު ބިން ސަލްމާން

ސައޫދީގެ ވަލީ އަހުދު މުހައްމަދު ބިން ސަލްމާން: އޭނާ ވަނީ ފަލަސްތީނުގެ ދައުލަތެއް ނެތި އިޒްރޭލު ގަބޫލު ނުކުރުމުގެ ސިޔާސަތު ތަކުރާރުކުރައްވާފައި.

19 ސެޕްޓެމްބަރ 2024 - 06:30

6 comments

ފަލަސްތީނުގެ މިނިވަން ދައުލަތެއް ނެތި އިޒްރޭލާ ގުޅުން ގާއިމު ނުކުރެވޭނެ ކަމަށް ސައޫދީ އަރަބިއްޔާގެ ވަލީ އަހުދު މުހައްމަދު ބިން ސަލްމާން އިއްޔެ ވިދާޅުވެއްޖެ އެވެ.

"ފަލަސްތީނު ރައްޔިތުންނާ ދެކޮޅަށް އިޒްރޭލުގެ އިސްތިއުމާރީ ބާރުން ހިންގާ ޖަރީމާތައް ހަރުކަށި އިބާރާތުން ކުށްވެރިކުރުން އަދިވެސް ތަކުރާރުކުރަން،" ސައޫދީގެ ރަސްކަމުގެ ޒިންމާތައް އަދާކުރައްވާ މުހައްމަދު، އެ ގައުމުގެ މަޝްވަރާ މަޖިލިހުގެ ޖަލްސާއެއް ފައްޓަވައިދެއްވަމުން ވިދާޅުވި އެވެ.

މުހައްމަދު ވިދާޅުވީ އިރުމަތީ ގުދުސް ވެރިރަށުގެ ގޮތުގައި އޮންނަ ފަލަސްތީނުގެ މިނިވަން ދައުލަތެއް ހޯދައިދޭން ކުރާ މަސައްކަތް ހުއްޓާނުލާނެ ކަމަށާއި އޭގެ ކުރިން އިޒްރޭލާ އެކު ގުޅުން ބަދަހި ނުކުރާނެ ކަމަށެވެ.

ފަލަސްތީނުގެ މިނިވަން ދައުލަތެއް އުފައްދައި އެ ދައުލަތް ދުނިޔެއިން ބަލައިގަތް ދުވަހަކުން ނޫނީ އިޒްރޭލާ އެކު ގުޅުން ގާއިމު ނުކުރެވޭނެ ކަމަށް އެމެރިކާއަށް ވެސް އަންގާފައި ވާނެ ކަމަށް ސައޫދީ ސަރުކާރުން ކުރިން ބުނެފައިވެ އެވެ.

ސައޫދީ އަރަބިއްޔާއިން ދުވަހަކު ވެސް އިޒްރޭލާ އެކު ސިޔާސީ ގުޅުމެއް ނުބާއްވަ އެވެ. އެކަމަކު 2020 ވަނަ އަހަރު އެމެރިކާގެ އިސްނެގުމަށް ކުރިއަށް ގެންދިޔަ "އަބްރަހަމް އެކޯޑްސް" ގައި ސައޫދީގެ އަވަށްޓެރި ބަހްރެއިނާއި ޔުނިޓެޑް އަރަބި އެމިރޭޓްސް އަދި މޮރޮކޯ އިޒްރޭލާ އެކު ސިޔާސީ ގުޅުން ގާއިމްކުރި އެވެ.

ސައޫދީ އަރަބިއްޔާ ފަލަސްތީން އިޒްރޭލް

6 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލީ!!

19 September 2024

ހޫތިން ބޯޓުތަކަށް ހަމަލާދޭންފެށީފަހުން މިހާރު އިޒުރޭލަށް އެއްގަމުމަގުން ހަތިޔާރާއި އެހެނިހެންސާމާނު އެތެރެކުރަނީ ޔޫއޭއީ ސައުދީ އަދި ޖޯޑަން ގުޅިފައިވާ ރޫޓަކުން.