އިސްލާމިކް ސްޓޭޓް (އައިއެސް) ގެ ލީޑަރު އަބޫ ބަކުރު އަލް ބަޣުދާދީ. --ފައިލް ފޮޓޯ
02 މާޗް 2017 - 16:37
12 comments
ބަޣުދާދު (މާޗް 2) - އިސްލާމިކް ސްޓޭޓް (އައިއެސް) އަށް ނާކާމިޔާބު ވެއްޖެ ކަމަށާއި އެ ޖަމާއަތާ ގުޅުނު ހަނގުރާމަވެރިން އަނބުރާ އެ މީހުންގެ ގައުމުތަކަށް ދިއުމަށް އެ ޖަމާއަތުގެ ލީޑަރު އަބޫ ބަކުރު އަލް ބަޣުދާދީ ބުނެފައިވާ ކަމަށް ބައެއް މީޑިއާތަކުން ބުނެފި އެވެ.
އައިއެސްގެ ޚިލާފަތު 2014 ވަނަ އަހަރު އިއުލާންކުރި ބަޣުދާދީގެ ވަދާއީ ތަގްރީރުގައި އެ ޖަމާއަތުގެ އޮފީސް ވެސް ބަންދު ކުރުމަށް ބުނެފައިވާ ކަމަށް އަލް އަރަބިއާ އިން ރިޕޯޓްކޮށްފައިވެ އެވެ. މީގެ އިތުރުން ގައުމަށް ދާން ބޭނުން ނުވާ ހަނގުރާމަވެރިން އެ މީހުން އަމިއްލަ އަށް ގޮއްވާލުމަށް ބަޣުދާދީ އެދިފައިވާ ކަމަށް ވެސް ރިޕޯޓްކޮށްފައިވެ އެވެ. އެކަމަކު މިއީ ކިހާވަރެއްގެ ހަގީގަތެއް ކަމެއް ނޭނގެ އެވެ.
އައިއެސް ބަލިވެއްޖެ ކަމަށް ބަޣުދާދީއާ ހަވާލާދީ މީޑިއާތަކުން ބުނި އިރު އެ ޖަމާއަތުގެ ބާރުގެ ދަށުގައި އިރާގުގައި އޮތް މޫސަލް ހިފަން ވަނީ ވަރުގަދަ އަސްކަރީ އޮޕަރޭޝަނެއް ފަށައިފަ އެވެ. މޫސަލްގެ ހުޅަނގުގެ ހިސާބުތަކުގައި ތިބި އައިއެސްގެ ލީޑަރުން ފިލަމުންދާ ކަމަށް ވެސް އިރާގު ސިފައިން ބުނެފައިވެ އެވެ. މޫސަލްގެ އިރުމަތީގެ ސަރަހައްދު ވަނީ ޖެނުއަރީ މަހު ހިފައިފަ އެވެ. އަނެއްކޮޅުން ސީރިއާގައި އިރާގުގެ ވެރިރަށުގެ ގޮތުގައި ބަލާ ރައްގާ ހިފުމުގެ އޮޕަރޭޝަން ވެސް ވަނީ ފަށައިފަ އެވެ.
ކޯލީޝަނުގެ ވައިގެ ހަމަލާތަކުގައި އެތައް ފަހަރަކު ޒަޚަމްވެފައިވާ ކަމަށް ބުނެފައިވާ ބަޣުދާދީގެ ބޮލަށް އެމެރިކާ އިން ވަނީ 10 މިލިއަން ޑޮލަރު ހުށަހަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިން
07 March 2017
ތަނެއްދޮރެއް ބަލައިނުލާ ހަމަ އެއްޗެކޭ ބުނާއިރަށް ގަބޫލުކުރާނެ، ދިވެހިންގެ ވައްތަރު މީ ހަމަ
ޢަލީ
04 March 2017
އައިއެސް އަކީ ޔަހޫދީ އެޖެންޑާއެއް، އެމެރިކާގެ ބްލެކް ވާޓާއިން ތަމްރީންވެގެން މުސްލިމުންގެ އަބްރުކަތިލާ މުސްލިމުންނަކީ ޤާތިލުންތަކެއް ކަމަށް ދުނިޔެއަށް ހާމަކޮށް މުސްލިމުންގެ ލޭ ބޯން އިޒްރޭލާއި އެމެރިކާއިން އުފައްދާފައިވާ ޖަމާޢަތެއް، ޓްރަމްޕްގެ ކެމްޕޭންގައި ޓްރަމްޕްވެސް ބުނެފައިވާ އައިއެސްގެ ފައުންޑާރ އަކީ އޮބާމާކަމަށް އަދި ވައިސް ފައުންޑަރައކީ ހިލަރީ ކްލިންޓަންކަމަށް. އައިސްއަކީ މުސްލމް ޖަމާޢަތެއްނަމަ ކީއްވެ ފަލަސްތީންގެ ކުޑަކުދިން ކަތިލަމުންދާއިރު އިޒްރޭލަށް ހަމަލާ ނުދެނީ؟ އައިއެސްއަށް ސަޕޯޓް ކުރުމަކީ ޔަހޫދީންނަށް ސަޕޯޓް ކުރުން
ޖަލީލުބެ
03 March 2017
ޖަލީލުއަށް ހީވޭ ޖަލީލުއަކީ ދުނިޔޭގަހުރި އެންމެ ތަގުވާވެރި އެންމެ ދީންވެރި މީހާއޭދޯ
އަހުމަދު
03 March 2017
މިއީ ފޭކް ހަބަރެއްހެން ހާދަ ހީވެޔޭ... ކޮން ހަރުދަނާ ފަރާތަކުން ތިކަން ކަށަވަރުކޮއްދިނީ...އަލްއަރަބިއްޔާއިން ތިހެންބުންޏަސް އެއްވެސް ގައުމެއްގެ ސަރުކާރުން ތިކަންކަށަވަރުކޮއްދީފައިވޭތަ؟
ގެދާނޯމޮސް
02 March 2017
އެންމެ އަވަހަށް ސުވަރުގެ ދިޔުމަށް ލީޑަރު އެގޮވާލީ އަމިއްލަޔަށް ގޮއްވާ ލައިގެންނެވެ. މީ މުސްލިމަކު މުސްލިމަކަށް ދޭނެ ނަސޭހަތެއް ނޫނެވެ. ކޮންސްޕިއަރީ ތިއަރިސްޓައް ތާޢީދެވެ.
ކޮންސްޕިއަރީ ތިއަރިސްޓެއް
02 March 2017
ބަޣުދާދީ އަކީ އިޒްރޭލުން ޖާސޫސްކުރާ ހަމަ ފައްކާ %100 ޔަހޫދީއެއް.. އައިއެސް އަކީ އެމެރިކާގެ ހަރަދުގަ ކައިގެން ބޮއިގެން އުޅޭ ބައިންގަނޑެއް.
މެންޓަލިސްޓް ރިޓާންސް އެކަމަކު މޮޔައެއް
02 March 2017
ތިޔައީ މީޑިޔަތަކުން އަނބުރާ ގޭސްގަނޑެއް.އަބޫ ބަކުރު އަލް ބަޣުދާދީ އެއީ ފިނޑިއެއްނޫން ތިޔަބާވަތުގެ ވާހަކަދައްކަން.
ޖަލީލު
02 March 2017
އެއީ ފިނޑިއެއް. ޚަވާރިޖެއް. ދުނިޔެއާހެދި މަރުދޭ މީހެއް.
ހެހެ
02 March 2017
އައި އެސް އެއް ނޫން ހުރިހާ ތިފަދަ މީހުން ބަލިވާނެ. ހަގީގަތަކީ ގޮތްނޭގޭ ތިފަދަ ހުރިހާ ޖަމާޢަތްތަކަކީ އެމެރިކާއިން އަޑީގައި އޮވެގެން ފަންޑުކޮށްގެން އުފައްދާފައިވާ ވިސްނުންތަކެއް. ބޭނުމަކީ ދާއިމީ ގޮތެއްގައި މެދުއިރުމަތި ހިސާރުކުރުން. ނަމަވެސް ހައިރާން ކުރަނިވި ގޮތަކަށް ޓްރަމްޕް ހޮވުމުން މުޅި އެމެރިކާގެ ފޮރިން ޕޮލިސީ އަދި ތިފަދަ ހުރިހާކަމެއްހިންގާ ވޯމޮންގަރުން ވަނީ މިވަގުތަށް ހުއްޓިފައި. އެހެނީ ޓްރަމްޕަކީ މިދިޔަ 100 އަހަރުގައި އެމެރިކާ މިކުޅުނު ޑްރާމާ ދަންނަމީހަކަށް ނުވުން. އެސޮރު އެބަލަނީ ދިވެހިން ބަންގްލާމީހުންނާއި މެދު ދެކޭގޮތަށް، ބޭރު ގައުމތަކުގެ މީހުންގެ ކަންތަކާ.
ލޮލް
02 March 2017
އަޅުގަނޑުމެން ބޭނުންވިކަންވެއްޖެ، އަޅުގަނޑުމެން ބޭނުންވިވަރަށް ވައްކަން ވެއްޖެ، އަޅުގަނޑުމެން ބޭނުންވިވަރަށް ތެޔޮނެގިއްޖެ، އަޅުގަނޑުމެން ބޭނުންވިވަރަށް ހަތިޔާރު ބޭނުން ކުރެވިއްޖެ، އަޅުގަނޑުމެން ބޭނުންވިވަރަށް ކޮންކްރީޓް އިމާރާތްތައް ހަލާކުކުރެވިއްޖެ. ބައުދާދީ މިހެންބުނިނަމަ މާރަނގަޅުވާނެ. ތެލާއި، ރަން، ގޭހާ އާއި މައުދަންތައް، އެމެރިކާގައި އުޅޭ ޔަހޫދީ ބާރުގަދަ 2،3 ވިޔަފާރިވެރިން ނަގައި ހުސްކޮއްލި އިރު އަރަބިކަރަ އޮތީ ގަދަ ނިދިން ނިދާފައި.
ދަގަނޑު ދަހަނާ
02 March 2017
ތިހެން ނުބުނޭ. ތިންހަތަރު ރަސްކަލަކު ހާދަ މަސައްކަތެކޭ އެކުރައްވަނީ ސީރިޔާ، ޔަމަނު، އިރާގު ފުނޑާލަން. ބޭނުމަކީ އިސްރާއީލު ފަލަސްޠީނު ރައްޔިތުން ކޮންމެ ދުވަހަކު ކަތިލަމުންދާ ދިއުމަށް ފަސްއަޅާ ފޮރުވުން.
ރޮތުޗައިލްޑް
02 March 2017
ތިބުނީ ހަމަ ތެދެއް. ދެން ގައުމުތަކަށް ލިބުނުގެއްލުމުން އަރައިގަތުމަށް ހަމަ ތިބުނާ 2،3 ޔަހޫދީން ކޮންޓްރޯލްކުރާ އައި.އެމް.އެފް އާ ވޯލްޑްބޭންކުން އިރާގާ ސީރިޔާ ފަދަ ގައުމުތަކުގެ އަތުގަ ދެންވެސް ހުރިނަމަ ހުރި އެސެޓްއެއް ގެރެންޓީ ގޮތުގަ ދައްކާފަ ބޮޑެތި އަދަދު ތަކުގެ ލޯނުދީ ދާއީމީ ސަލާމަތް ނުވެވޭނެފަދަ މަޅިތަކުގަ ބައްދާނެ. މީ މި ދުނިޔެ މިހާރު ހިގަމުންދާ ގޮތަކީ.. މިވާހަކަ ދައްކާނެ މީޑިޔާއެއް ގައުމެއް ފަރުދެއް މި ދުނިޔޭގަނެތް.