އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަން ގާއިމްކޮށްފި

ބިދޭސީންތަކެއް މަސައްކަތް ކުރަނީ: އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަން ވަނީ ގާއިމް ކޮށްފައި --- ފޮޓޯ/މިހާރު

އާސިމާ ނިޒާރު، މިހާރު

06 އޮކްޓޯބަރ 2024 - 14:20

1 comments

އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަން ވަޒީފާއާބެހޭ ޓްރައިބިއުނަލްގައި ގާއިމްކޮށްފި އެވެ.

ވަޒީފާއާ ބެހޭ ޓްރައިބިއުނަލުން ބުނީ އިންޑަސްޓްރިއަލް ރިލޭޝަންސްގެ ގާނޫނުގެ ދަށުން އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަންގެ ނަމުގައި ވަކި ޑިވިޝަނެއް ގާއިމްކޮށްފައިވާ ކަމަށެވެ. މި ޑިވިޝަނަކީ އިންޑަސްޓްރިއަލްތަކާއި ޔޫނިއަންތަކުގެ ވަޒީފާއާބެހޭ މައްސަލަތައް ބެލުމުގެ ބާރު އޮންނަ ޑިވިޝަނެކެވެ.

އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޝަން އެކުލެވިގެންވަނީ ވަޒީފާއާބެހޭ ޓްރައިބިއުނަލްގެ ދެ މެމްބަރަކާއި މަސައްކަތްތެރިންނާއި ވަޒީފާދޭ ފަރާތްތައް ތަމްސީލުކުރަން މިނިސްޓަރު އައްޔަން ކުރައްވާ 12 މެންބަރުންނާއެކު ޖުމްލަ 14 މެންބަރުންގެ މައްޗަށެވެ.

މިނިސްޓަރު އައްޔަން ކުރައްވާ މެންބަރުންގެ މުއްދަތަކީ އައްޔަންކުރާ ތާރީހުން ފެށިގެން ތިން އަހަރު ދުވަހެވެ. އަދި މިނިސްޓަރު އައްޔަން ކުރައްވާ އެއްވެސް މެމްބަރަކަށް ޖެހިޖެހިގެން ދެ ދައުރު ޕެނަލްގެ މެންބަރެއްގެ ގޮތުގައި ނުހުރެވޭނެ އެވެ.

ޑިސްޕިއުޓް ރިޒޮލިއުޝަން ޑިވިޝަނަށް ހުށަހަޅާ މައްސަލަތައް ބެލުމުގައި އަމަލުކުރާނީ އެ ގާނޫނުގެ ދަށުން ހަދާ ގަވާއިދުގައި ބަޔާންކުރާ އުސޫލުތަކާ އެއްގޮތަކަށެވެ. އަދި އެ ޑިވިޝަނުން ނިންމާ މައްސަލަތައް އިސްތިއުނާފުކުރުމުގެ ހައްގު މައްސަލައާ ގުޅުންހުރި ކޮންމެ މީހަކަށް ވެސް އޮވެ އެވެ.