އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު މިނިސްޓްރީގެ އާ ވެބްސައިޓް "މިހާރު"ގެ ނޫސްވެރިންނަށް ދައްކާލަނީ. -- ފޮޓޯ: ނިޝާން އަލީ | މިހާރު
10 އޮކްޓޯބަރ 2024 - 11:23
5 comments
ރާއްޖޭގެ ހުރިހާ ސްކޫލެއްގެ މައުލޫމާތު ހިމަނައިގެން، 12 އަހަރަށް ފަހު އެޑިޔުކޭޝަން މިނިސްޓްރީން އާ ވެބްސައިޓެއް ހަދައިފި އެވެ.
މީގެ ކުރިން ބޭނުންކުރީ 2012 ގައި ހެދި ވެބްސައިޓެކެވެ.
އެޑިއުކޭޝަން މިނިސްޓްރީން މިއަދު އާންމުކުރި (https://www.moe.gov.mv/dv) ވެބްސައިޓާ ގުޅޭގޮތުން އެޑިޔުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވީ ތާރީހުގެ އެކި ފަށްފުތްތަކުގެ އިތުރުން ސްކޫލްތަކުގެ މައުލޫމާތު އެނގޭނޭ ގޮތަށް ކޮންމެ ސްކޫލަކަށް ހާއްސަ ވެބް ޕޭޖެއް އެ ވެބްސައިޓުގައި ހިމަނާފައިވާނެ ކަމަށެވެ.
އެ ވެބްސައިޓުން، ރާއްޖޭގައި މިދިޔަ 100 އަހަރު އެޅި ސްކޫލުތަކުގެ މައުލޫމާތު ލިބޭ އިރު ކޮންމެ އަތޮޅެއްގައި ހުރީ ކިޔަވައިދޭ ކިތައް ސްކޫލުކަން ވެސް ބަލާލެވޭނެ އެވެ.
އެޑިޔުކޭޝަން މިނިސްޓްރީގެ އާ ވެބްސައިޓުގައި ސްކޫލު ތަކުގެ މައުލޫމާތު އާންމުކޮށްފައި.
ވެބްސައިޓުގައިވާ ގޮތުގައި ރާއްޖޭގައި މިވަގުތު ހުރީ 217 ސްކޫލެވެ. ދަރިވަރުންގެ އަދަދަކީ 80،930 އެވެ. އެ ދަރިވަރުންނަށް ކިޔަވައިދެނީ 10،094 ޓީޗަރުންނެވެ.
މިނިސްޓްރީއާ ގުޅޭ ހަބަރާއި އިއުލާންތައް އަދި ސާކިއުލާ ފަދަ މައުލޫމާތުތައް ފަސޭހަ އިން އެނގޭނެ ހެން ހަދާފައިވާ ވެބްސައިޓުގައި ޓީޗަރުންނަށް ހާއްސަ ބައެއް ވެސް ހިމަނާފައިވެ އެވެ. ޓީޗަރަކު ނަފްސާނީ އެހީތެރިކަން ބޭނުން ވެއްޖެ ނަމަ އެކަމަށް އެހީވާނެ ކަމުގެ ޔަގީންކަން ދީ، 1484 ގުޅަން އެ ވެބްސައިޓުގައި އެދިފައިވެ އެވެ.
އެޑިއުކޭޝަން މިނިސްޓްރީގެ އާ ވެބްސައިޓް.
ވެބްސައިޓުން މިނިސްޓްރީގެ ދަށުން ހިންގާ ހަތަރު ޑިޕާޓްމެންޓާއި ޑިޕާޓްމެންޓް އޮފް ޕަބްލިކް އެގްޒަމިނޭޝަނާއި ޑިޕާޓްމެންޓް އޮފް އިންކްލޫސިވް އެޑިޔުކޭޝަނާއި ކޮލެޓީ އެޝުއަރެންސް ޑިޕާޓްމެންޓާއި ނޭޝަނަލް އިންސްޓިޓިއުޓް އޮފް އެޑިޔުކޭޝަންގެ މައުލޫމާތު ވެސް ލިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޅި އަލީ
10 October 2024
ސްކޫލުތަކުގެ މައުލޫމާތު ވަރަށް ގިނައިން އެބަހުރި! ނަމާއި ގުޅެނެ ފޯނު ނަމްބަރު އެކަނި އޮތީ! ދައުލަތަކީ އެއްވެސް ވަރަކަށް އޮފީކަކަށް ގުޅިޔަސް ފޯނުނަގާ ތަންތަނެއްނޫން! ކީއްކުރަން ބަހައްޓަ ފޯނު ތަކެއްތަ ކޮންމަ މަހަކު ލާރި ދައްކަން!
ދޮން
10 October 2024
ސުކޫލުތަކުގެ ކޯޑްތަކަށް ފައިސާ ދީބަލަ ، އެންމެ ކަމެއްނުވާ ވުޒާރާ ، ހުރިހާ ޖަލްސާއެއްގައި އެއްވާހަކައެއް ދައްކާ އަޑުއިވެނީ ދާއިރާ މަޑުޖެހިފައި ސުޕީޑް ސުލޯވެފައި ..
އަދާލަތު ކަހީނު
10 October 2024
މެގަ ޕްރޮޖެކްޓެއް ތީ.
ވެބްސައިޓް ސުމެއް
10 October 2024
މިއީ 2024 ވަނަ އަހަރު. ސްކޫލުތައް ހިންގަނީ ރައްޔިތުންގެ ލާރީގައި، ވެބްސައިޓުން ސްކޫލުގެ އަދަދު ހޯދަން ރައްޔިތުން ބޭނުމެއްނުވޭ. ރައްޔިތުން ބޭނުންވަނީ ކޮންމެ ސްކޫލެއްގެ އޯލެވެލް / އޭލެވަލް ނަތީޖާ، އެ މައުލޫމާތެއް ވެބްސައިޓްގައި ނެތް. މާނައަކީ ޓްރާންޕޭރަންސީގައި ނަމޫނާ ދައްކަންޖެހޭ އެޑިއުކޭޝަން ދާއިރާއިންވެސް އެންމެ އަސާސީ މައުލޫމާތު ސިއްރުކުރެޔޭ. މި ކަން ކުރެވިގެންނުވާނެ
raajje
10 October 2024
ވެބުސައިޓުގައިހުރި ތަފާސްހިސާބުތައް ދިމާނުވޭ، ކޮންޒަމާނެއްގެ މައުލޫމާތުތަކެއްތޯ ލާފަމިހުރީ؟ މިސާލަކަށް ޓީޗަރުންގެ އަދަދާ ބައެއް އަތޮޅުތަކުގައިހުރި ސުކޫލުގެ އަދަދުވެސް ވެބުސައިޓުގައި ހުރީ ނުބައިކޮށް، ފޭސްބުކުޕޭޖަރ އޭތިމީތި ހެދުމުގެ ބަދަލުގައި ކޮންމެސުކޫލަކުންވެސް އެސުކޫލެއްގެ ރަސްމީވެބުސައިޓެއް ބަލަހައްޓާ އަޕުޑޭޓުކުރަމުންދިޔުން ރަނގަޅުވާނެކަން މިފުރުސަތުގައި ފާހަގަކޮށްލަމެވެ. ބައެއްސުކޫލުތަކުން އެތައް ފޭސްބުކުޕޭޖެއްހަދާ ހަޑިހާވާފަހުރޭ