ސަރުކާރުން ވަނީ 64 ބިލިއަން ރުފިޔާގެ ޓީބިލް ވިއްކާފައި: ވޯލްޑް ބޭންކް

ފިނޭންސް މިނިސްޓްރީގެ އޮފީސް. ޓީބިލް ގެ ޖުމްލަ އަދަދު 64 ބިލިއަން ރުފިޔާއަށް އަރައިފި -- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

12 އޮކްޓޯބަރ 2024 - 09:47

ސަރުކާރުން ރާއްޖޭގެ ފައިނޭންޝަލް ސެކްޓަރު މެދުވެރިކޮށް 64 ބިލިއަން ރުފިޔާގެ ޓީބިލް މިހާތަނަށް ވިއްކާފައިވާ ކަން ވޯލްޑް ބޭންކުގެ ރިފޯޓުގައި ބުނެފި އެވެ.

އެ ބޭންކުން އާންމުކުރި "ސީކިން ސްޓެބިލިޓީ އިން ޓާބިއުލަންޓް ޓާމްސް" ރިޕޯޓުގައިވާ ގޮތުން ރާއްޖެ އިން އެތެރޭގެ ދަރަނި ނަގާ އަދަދު 68 ޕަސެންޓަށް ވަނީ އިތުރު ވެފަ އެވެ. ބޭންކިން ސެކްޓަރާއި ޕެންޝަން ފަންޑު މެދުވެރިކޮށް ވިއްކާ ޓީބިލް ވެސް ވަރަށް ބޮޑަށް އިތުރުވެފައިވާ ކަމަށް އެ ރިޕޯޓުގައި ބުންޏެވެ.

ފިނޭންސް މިނިސްޓްރީގެ ތަފާސްހިސާބުތައް ދައްކާ ގޮތުން ޓީބިލްގެ އިތުރުން ބޭންކުތަކުން ނަގާފައިވާ އެހެން ލޯނުތަކާ އެކު ރާއްޖޭގެ އެތެރޭގެ ދަރަނި ވަނީ 74 ބިލިއަން ރުފިޔާ އަށް އަރައިފަ އެވެ.

ސަރުކާރުން ކޮންމެ ހަފްތާއަކު އަންނަނީ ޓީބިލް ވިއްކަން ހުޅުވައިލަމުންނެވެ. ޓީ ބިލް ވިއްކަނީ އެއް މަހާއި އެއް އަހަރާ ދެމެދުގެ މުއްދަތަކަށެވެ. އޭގެ އިންޓްރެސްޓް ރޭޓު އުޅެނީ 3.5 ޕަސެންޓާއި 4.6 ޕަސެންޓާ ދެމެދުގެ ރޭޓުތަކެއްގަ އެވެ.

ވޯލްޑް ބޭންކުން ބުނިގޮތުގައި، މިހާތަނަށް ނަގާފައިވާ ޖުމްލަ ދަރަނި އިތުރުވަމުންދާ އިރު ފައިނޭންޝަލް ސެކްޓަރު މެދުވެރިކޮށް ނަގާ ދަރަނި އަހަރުން އަހަރަށް ނުވަ ޕަސެންޓަށް އިތުރުވަމުންނެވެ. ބޭންކްތަކުގެ ޖުމްލަ އެސެޓުގެ 36 ޕަސެންޓު ނިސްބަތް ވަނީ ސަރުކާރުން ނަގާ ދަރަންޏެވެ. އެހެން މާލީ އިދާރާތައް ކަމުގައިވާ ޕެންޝަން އޮފީސް ފަދަ ތަންތަނުގެ ޖުމްލަ އެސެޓުގެ 68 ޕަސެންޓު ދަރަނި ސަރުކާރަށް ނިސްބަތްވާ ކަމަށް ވޯލްޑް ބޭންކުން ބުނެފައިވެ އެވެ.

އެ ބޭންކުން ބުނީ، ދައުލަތުގެ ޖުމްލަ ދަރަނި 126 ބިލިއަން ރުފިޔާގައި ހުރި އިރު އެހާ ބޮޑަށް އެތެރޭގެ ދަރަންޏަށް ބަރޯސާވާން ޖެހެނީ، ރާއްޖޭގެ ކްރެޑިޓް ރޭޓިން ދަށަށް ގޮސް، ބޭރުން ފައިނޭންސް ހޯދުމަށް ދަތިތައް ކުރިމަތިވެފައިވާތީ ކަމަށެވެ.

ވޯލްޑް ބޭންކުން ބުނީ، ރާއްޖެއިން ދަރަނި އަދާކުރަން ހޭދަކުރާ ވަރު އަހަރުން އަހަރަށް 13 ޕަސެންޓަށް އިތުރުވަމުންދާ ކަމަށެވެ. މި އަހަރު ދަރަނި އަދާކުރަން 6.3 ބިލިއަން ރުފިޔާ ހޭދަކުރަން ޖެހެ އެވެ. މިދިޔަ އަހަރު ދަރަނި އަދާކުރަން ހޭދަކުރީ 5.5 ބިލިއަން ރުފިޔާ އެވެ.

މި އަހަރު ދައްކަން ކަނޑައަޅާފައިވާ ދަރަނީގެ ތެރެއިން އިންޑިއާ އަށް ދައްކަން ޖެހޭ 50 މިލިއަން ޑޮލަރު (770 މިލިއަން ރުފިޔާ) އިތުރު އެއް އަހަރަށް ވަނީ ފަސްކޮށްދީފަ އެވެ.

ވޯލްޑް ބޭންކްގެ ރިޕޯޓުގައިވާ ގޮތުން ޗައިނާ އާއި ޔޫއޭއީ އިން ނެގި ދަރަނިތައް އަދާކުރުން ފަސްކުރުމަށް އެ ގައުމުތަކާ އެކު ސަރުކާރުން އަންނަނީ މަޝްވަރާ ކުރަމުންނެވެ.

އިގްތިސާދު ފިނޭންސް މިނިސްޓްރީ ވޯލްޑް ބޭންކް ރާއްޖޭގެ އިގްތިސާދު

31 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތިހާމް ހަސަން

13 October 2024

އިބޫމެން މުޅި ގައުމު ހަލާކުކޮށްލީމަ އެ ހަޑި ސާފްކުރަން ރައީސް މުއިއްޒް ކުރާ މަސައްކަތް މި ފެންނަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ނިހާމް

13 October 2024

އެވްރެޖްކޮށް މިދިޔަ އެހެން ހުރިހާ ސަރުކާރަށް ވުރެ މިސަރުކާރުން ޓީ ބިލް ވިއްކި ވަރު މަދު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުދު ކާފޫރު

12 October 2024

ސަރުކާރުގެ ހަރަދުތައް ހަމަޖެއްސުމަށް ވިއްކާ ޓީބިލްގެ އިތުރުން ސަރުކާރު ހިއްސާވާ ކުންފުނިތަކަށް ދޫކޮށްފައިވާ ލޯނުގެ އަދަދު 5.9 ބިލިއަން ރުފިޔާ އަށް އަރާ ކަމަށް ވެސް އެ ރިޕޯޓުގައި ވެ އެވެ. އަދިވެސް ފެނަކައަށް މުވައްޒަފުން އަޅަނީ. އެމްޑީޕީއަށްވުރެ މާގިނަވެސްޖެ. މިކަމުގައި މުއިއްޒު ސަރުކާރު ފޭލވެއްޖެކަމުގައި ކަނޑައަޅައިފިން. އެމްޑީ ހަދަނީ ދޮގު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންމަކަނބަލު

12 October 2024

ދިވެހި ރައްޔިތުންނައް އެނގޭ ދިވެހި ދައުލަތައް ލިބޭ އާމްދަނީ. އެކަމަކުވެސް އާމްދަނީއާއި ނުބައްދަލު ކަންކަން ކުރުމަށް ގިނަ ރައްޔިތުން އެދޭ މިހެންވުމުގެ ސަބަބުން ދައުލަތުގެ ދަރަނި ބޮޑުތަނުން އިތުރުވުމަށް މަގުފަހިވޭ. މިކަން ހައްލުކުރުމަށް ޒަމާނީ ރަސްކަމެއް ނުވަތަ އަވަސް އަވަހަށް ބަދަލުނުވާ ވެރިކަމެއް އޮތުން ވަރަށްވެސް މުހިއްމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޓު

12 October 2024

މީ ވެރިކަން ކޮށްފަ ދިޔަ މީހުންގެ މައްސަލަ މުއީއްޒުވެސް ދެންވެސް ހޭއަރާ ތަރައްގީ ނުކޮށް މިކަންކަން ކުރަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާސިދު

12 October 2024

ޕެންޝަން އޮފީސް ފަދަ ތަންތަނުގެ ޖުމްލަ އެސެޓުގެ 68 ޕަސެންޓު ދަރަނި ސަރުކާރަށް ނިސްބަތްވާ ކަމަށް ވޯލްޑް ބޭންކުން ބުނުމުން ދޭހަވަނީ އަޅުގަނޑުމެންގެ ޕެންސަން ފަނޑުގައިހުރި ލާރިކޮޅުގެ %68 ސަރުކާރަށް ނަގާފައިވާކަމަށް.މިލާރިއަށް ވާނުވާއެއް އެނގެނީއީކީ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުދޭށޭ

12 October 2024

މިގައުމައް އަދި އެހެންވެސް ގައުމަކައް ވަކިމިންގަނޑެއްގެ އިތުރުން ދަރަނި ނުދޭންވެއްޖެ. އެއީ ދުނިޔޭގެ ހުރުހާ ގައުމެއްގެ ޒިންމާއަކައް ހަދަންވެއްޖެ. އެހެންނޫނީ ވާގޮތަކީ ކޮންމެ ސަރުކާރެއް ވެރިކަމައް އަރާ ގައުމުގެ ރައްޔިތުންގެ ނަމުގަ ބޮޑެތި ދަރަނިތައްނަގަނީ އެއްގައުމުން ނުދިނިއްޔާ އަނެއްގައުމުންއެބަދޭ. އެމީހުންވެރިކަމުން ފައިބައިގެންދަނީ ބޮޑެތިމަހުޖަނުންނައްވެގެން ދަރަނި ބޮލުއަޅަންތިބެނީ އާންމުރައްޔިތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

12 October 2024

ބިލިއަނުން ލޯން ނަގަނީ ލޯން ދައްކާށެވެ. ޓީ ބިލް ވިއްކުމުގެ ސަބަބުން ޓީ ބިލް ގަންނަ ފަރާތް މުއްސަނދި ވެ ސަރުކާރު ދަރަނިވެރި ވަނީއެވެ. 5ލައްކަ އާބާދީ އެއް އޮންނަ އިރު 1.5 މިލިއަނަށް ވުރެ ގިނަ އިން ޓޫރިސްޓުން އެބަ އާދެ އެވެ. އެއާރޕޯޓް އަށް ބިލިއަނުން ފައިދާ ވެ އެވެ. ކޮރަޕްޝަން އުޅެނީ މާމަތީގަ އެވެ. ސަރުކާރު ހަރަދު ތައް މާ ބޮޑީއެވެ. ސަރުކާރުން ވަގައް ނެގި ފައިސާ އާ އެސެޓް ތައް ނުހޯދުނެވެ. ސަރުކާރު ބިން ކުޑަ ކުއްޔަށް ސިޔާސީ މީހުން ނަގާފަ އެބަ ހުއްޓެވެ