14 އޮކްޓޯބަރ 2024 - 11:07
18 comments
ޓެކްސް ގާނޫނާ އެއްގޮތަށް އަމަލު ނުކުރާ ފަރާތްތަކަށް ފިޔަވަޅުތައް އެޅުމަށް ޓެކްސް އިދާރާ، މީރާ އަށް އިތުރު ބާރުތައް ދީ އަދި ދައުލަތަށް ލިބެންޖެހޭ ހުރިހާ ފައިސާއެއް މީރާ އަށް ދައްކަން މަޖުބޫރުވާ ގޮތަށް ގާނޫނަށް ވަރަށް އަވަހަށް ބަދަލު ގެންނާނެ ކަމަށް އެޓާނީ ޖެނެރަލް އަހުމަދު އުޝާމް ރޭ ވިދާޅުވެއްޖެ އެެވެ.
އޭނާ ވިދާޅުވީ، މީރާ އަކީ އެންފޯސްމެންޓް މަސައްކަތްތައް ކުރިން ވަރަށް ރަނގަޅަށް ކުރަމުން އައި އިދާރާއެއް ކަމަށާއި އެކަމަކު ޓެކްސް ނެގުމާ ބެހޭ އިދާރީ ގާނޫނަށް ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގެ ދުވަސްވަރު 2020 ގައި ގެނައި އިސްލާހުތަކުގެ ސަބަބުން ބައެއް ބާރުތައް ގެއްލިފައިވާ ކަމަށެވެ.
އެކަމަކު، އޭނާ ވިދާޅުވީ، މީރާ އަށް އަލުން އެ ބާރުތައް ދޭން އެ އިސްލާހުތައް ވަރަށް އަވަހަށް ރައްޔިތުންގެ މަޖިލީހަށް ފޮނުވާނެ ކަމަށެވެ.
އުޝާމް ވިދާޅުވި ގޮތުގައި، ދައުލަތަށް އެތައް ބިލިއަން ރުފިޔާއެއްގެ ފައިސާ ނުލިބި ހުރި އިރު އެ ފައިސާ ހޯދުމަށް މީރާ އަށް މިހާރު ދަތިތައް ދިމާވެ އެވެ.
"އެކަމާ ގުޅޭގޮތުން މީރާގެ އިސް ބޭފުޅުންނާ މަޝްވަރާ ކޮށްގެން އަޅުގަނޑުމެން މަޖިލީހުގެ މި ދައުރުގައި، ޓެކްސް ނެގުމާ ބެހޭ އިދާރީ ގާނޫނަށް އިސްލާހުތަކެއް ގެންނާނަން. [އިސްލާހުތައްޕ ގެނެސްފައި އަނެއްކާ ވެސް މީރާ އަށް އިތުުރު ބާރުތައް ދީގެން ދައުލަތަށް ލިބެން ހުރި ފައިސާ، އެބަހުރި އެތައް ބިލިއަނުން ލިބެން ޖެހޭ ފައިސާ. އެކަމަކު އެންސްފޯމެންޓްގެ އިޝޫތަކެއް ހުރެގެން އެކަން ނުކުރެވިފައި ހުރީ،" އޭނާ ވިދާޅުވި އެވެ.
މީރާގެ އެންމެ ފަހުގެ ތަފާސްހިސާބުތަކުން އެނގޭ ގޮތުން އެ އިދާރާ އަށް 10 ބިލިއަނެއްހާ ރުފިޔާ ލިބެން ޖެހެ އެވެ. އޭގެ ތެރޭގައި ރިސޯޓު ކުލީގެ ގޮތުގައި ލިބެން ޖެހޭ 4.3 ބިލިއަން ރުފިޔާ އާއި ޓެކްސްގެ ގޮތުގައި ލިބެން ޖެހޭ 5.5 ބިލިއަން ރުފިޔާ އެބަހުއްޓެވެ.
މީީރާގެ ގާނޫނުގައިވާ ގޮތުން ޓެކްސް ނޫން އެހެން އާމްދަނީއެއް ދައުލަތަށް ނުލިބިއްޖެ ނަމަ އެ ފައިސާ ހޯދުމުގެ މަސައްކަތް އެ އިދާރާ އިން މިހާރު ކުރާކަށް ނުޖެހެ އެވެ. އެހެންވެ، އެ ފައިސާ ހޯދުމުގެ މަސައްކަތް ކުރަން ޖެހެނީ ބަންޑާރަ ނައިބުގެ އޮފީހުންނެވެ.
އުޝާމް ވިދާޅުވީ، އެކަން ވެސް އިސްލާހުކޮށް ދައުލަތަށް ހޯދަން ޖެހޭ ހުރިހާ ފައިސާއެއް ހޯދުމުގެ ހުރިހާ ބާރެއް މީރާ އަށް ލިބޭނެ ގޮތަށް ބަދަލު ގެންނާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުސާމާ ލާދީން
14 October 2024
ރައީސް އިބްރާހިމް މުހައްމަދު ސޯލިހުގެ ސަރުކާރުގެ ދުވަސްވަރު 2020 ގައި ގެނައި އިސްލާހުތަކުގެ ސަބަބުން ބައެއް ބާރުތައް ގެއްލިފައިވާ ކަމަށެވެ.... އޭރު ޓެކްސް ނެގުމާބެހޭ އިދާރީ ޤާނޫނު އިސްލާހު ކުރީ ޓެކްސް ނޫން ފައިސާ މީރާއަށް ބަލައިވެސް ނުގަނެވޭނެކަމަށް ސުޕްރީމް ކޯޓުން ހުކުމް ކުރުމުން. އޭރުގެ ބަންޑާރަ ނައިބުގެ އޮފީހާއި މަޖިލީހަށް ފެނުނު މިންވަރަކަށް ފަހުން މީރާއަށް ބާރު ދިނީ.
ހޮޓްކިންގ
14 October 2024
ދައުލަތަށް ވަންނަ ހުރިހާ ފައިސާއެއް އެއްއިދާރާއެއްގެ ބެލުމުގެ ދަށުން ބަލައިގަތުން ރަނގަޅު. ނޫނީ ކަރަޕްޝަން ބޮޑުވޭ.
ތުނޑުހަސަނު
14 October 2024
ބިމުކުލި ނުދައްކައި ތިބުމާއި ޖީއެސްޓީއާ ޓީޖީއެސްޓީ ނުދައްކައި ތިބުމަކީ ވަރަަށް ތަފާތު ދެކަމެއް. އާމްދަނީ ދާށްވެގެން ކުލި ނުދެއްކި ހިނގައިދާނެ. އެކަމަކު ޖީއެސްޓީއާއި ޓީޖީއެސްޓީއަކީ ޚިދުމަތް ހޯދި ޢާންމު މީހުން ދައުލަތަށް ދެއްކުމަަށް ޙަވާލުކުރި އަމާނާތެއް. މިޓެކްސްތައް ނުދެއްކުމަކީ ޚިޔާނާތެއް. ކުލި ދެއްކުން ފަސްކުރިޔަސް މިޓެކްސްތައް ދެއްކުން ފަސްކޮށްދެވިގެންވެސް ނުވާނެ. މިޓެކްސްތައް ނުދައްކާ މީހުންނާމެދު ހަރުކަަށި ފިޔަވަޅު އަޅަންޖެހޭ.
ފައިން ރިލީފް
14 October 2024
އަދި މީގެ ޖޫރިމަނާ މާފު ކޮށް އެމީހުންނަށް ދޭ ފައިން ރިލީފް އަކީ ވެސް ހިޔާނާތްތެރިންނަށް ދެވޭ ބާރެއް
މުސާރަ
14 October 2024
މީރާ ގިނަ މުވައްޒަފުން 10-8 ގަޑި މަސައްކަތް ކޮށްފަ ލިބެނީ އެންމެ 13000 ރުފިޔާ. މީހުން ވަރަށް ޑީމޯޓިވޭޓް ވެފަ. ކުރިއަށް ދާން ފުރުސަތު ވަރަށް މަދު ބަޔަކަށް ލިބެނީ. ގިނަ މަސައްކަތާ އެކީ މުސާރަ ވެސް ބޮޑު ކޮށްދީ ޕލޒ
ެވަޒީފާ
14 October 2024
8-10 ގަޑި އިރަށް އެވަރު މަދިއްޔާ ދޭ ގެއަށް ،، ވަޒީފާ ނުލިބިފަ އެބަތިބި މީހުން
ޥަޒީފާ
14 October 2024
ނުޖެހޭނެ ގެއަށް ދާކަށް. މީރާގައި ކުރާ މަސައްކަތާއި މުވައޒަފުންނަށް ލިބޭ ސްޓްރެސް އާ ބަލާފަ އެއީ މަދު އެއްޗެއް. ވަޒީފާ ގެ ހާލަތު ބަޔާން ކުރުމަކީ އަނެކަކު ޓްރިގާ ވާ ވަރުގެ ކަމެއް ނޫން
ފިނޭ
14 October 2024
މިނިސްޓްރީ ތަކާއި ސިވިލް ސާވިސް އެހެން ތަންތަން 2 ޖަހާއިރު އޮފީސް ނިމޭ މީހުންނަށް ވެސް ހަމަ ތިވަރު މުސާރަ. އެހާ ގިނަ އިރު މަސައްކަތް ކުރާ ތަނެއްގަ މުވަޒަފުންގެ މުސާރަ ބޮޑު ވާން ޖެހޭ.ގެއަށް ދާން ބުނި މީހުން ވަޒީފާ ނުލިބެނީ ކޮލިފައި ނުވާތީ. މީހަކު ވަޒީފާގައި ހުންނާތީ އެއް ނޫން
އަލިބެ...
14 October 2024
ބަންޑާރަ ނައިބު ކުރަންޖެހޭ ކަމެއް ނުކުރެވިގެން މީރާއަށް އަލުން ޙަވާލުކުރާ ވާހަކަ ބަންޑާރަ ނައިބު ދެއްކެވީމާ ފާޑަކަށް މޭބޮޑުވެ، ނިދި ޖެހޭގޮތް ވަނީ!
ދޭހިލޭ
14 October 2024
މި ގައުމަށް އޮތް އެންމެ ރަނގަޅު ހައްލަކީ މީރާއަށް ހުރިހާ ފައިސާއެއް ބަލައިގަތުން. އެކަމަކު ހިތާމައަކީ މިލިއަނުން މިލިއަނުން ނުދައްކާ ތިބި މަހުޖަނުން އަތުން ފައިސާ ނުހޯދައި ނިކަމެތިން ފަހަތުން ދުވާ ތަނަކަށް ތި ތަން ވެދާނެތީ. ނިމިދިޔަ ސަރުކާރުންވެސް ކުރި ކަމަކީ އެތައް މިލިޔަން ރުފިޔާއެއް ނުދައްކައިތިބި ގާތް މަހުޖަހުން ދައްކަން އޮތް ބޮޑު އަދަދު މާފުކޮށްލީ. މިހެން ނުވާނަމަ މިގައުމަކީ އުފާވެރި ދަރަނި ނެތް ގައުމެއް.
ޥަނުދާނަ
14 October 2024
ކޮބާތަ ތިކުދިންނާ ބުރޯ ކެއި ލާރި ކޮޅޮ. ޢާހިރުގަ ލޮޓިލިބޭނީ ނިކަމެތި ކަންމަތީ ފިހާރަ ހިންގާ މީހާ އަށް.
އިދުހާމް ހުސައިން
14 October 2024
މިކަންކަން ކޮށްގެން ވާނީ. ދައުލަތުން ފައިސާ ބޭރުވާ ހުރިހާ މަގެއް ޖެހޭ ބަންދުކުރަން މިކަހަލަ.
އަޅި އަލީ
14 October 2024
އިއްޔެ އޮތީ ޓެކްސް ނުދައްކާ މީހުންގެ ވާހަކަ! ނުދެއްކީމަވެސް ކުރެވޭނެ ކަމެއް ނެތް! އަދިވެސް ކަމެއް އޮތިއްޔާ މީރާއަށް ހަވަލު ކުރޭ! އަހަރުމެން ބައި ރުފިޔާއެއް ދައްކަން އޮތަސް ޖޫރިމަނާ ކުރޭ ގޭދޮށަށް ހޯދަންވެސް އާދޭ! ބޮދެތި ވިޔަފާރި ތަކަށް އެއްކަމެއް ނުކުރެއވޭ! 2 ބިލިއަށް ވަގަށް ނެގިމީހާ މިނިވަންކޮއްފަ ގޭގަ! ވަރަށް ސަލާން ދިވެހި ދައުލަތް!
ގުއިއްޒު
14 October 2024
ހަމައެކަނި ފައިސާ ހޯދުމުގެ ބާރެއް ނޫން ދޭންވީކީ. ތަންތާނގަ ތަޅުއެޅުވުމުގެ ބާރުވެސް ދޭންވީ.