މިއަދު ބޭއްވި ޕްރެސް ކޮންފަރެންސްގައި ބައްސާމް: އޭނާ ވިދާޅުވީ ކްލަބްތަކުގެ އިތުބާރު އޭނާ އަށް އެބައޮތް ކަމަށް --- ފޮޓޯ: ނިޝާން އަލީ | މިހަރު
16 އޮކްޓޯބަރ 2024 - 12:45
12 comments
އައިލެންޑް އޭވިއޭޝަންގެ މީގެ ހަތް އަހަރު ކުރީގެ ބިލްތަކަށް ވެސް އެފްއޭއެމުން ފައިސާ ނުދައްކާ ކަމަށާއި ތަކުރާރުކޮށް އެދުމުން ވެސް މިހާތަނަށް 7.4 މިލިއަން ރުފިޔާ ނުދައްކާ ހުރުމުން އެ ފައިސާ ދައްކަން އެ ކުންފުނިން އަންގައިފި އެވެ.
އެ ކުންފުނިން މި މަހު އެފްއޭއެމަށް ފޮނުވި ސިޓީއެއްގައި 2016 އަދި 2017 ގެ ބިލްތަކަކަށް ފައިސާ ނުދައްކާ އެބަހުރި ކަމަށް ވަނީ ބުނެފަ އެވެ. އެ ސިޓީގައިވާ ގޮތުން 7,426,687.94ރ. އެފްއޭއެމުން އައިލެންޑް އޭވިއޭޝަނަށް ދައްކަން ޖެހެ އެވެ.
އެ އިންވޮއިސްތަކަށް ފައިސާ ހޯދުމަށް އެފްއޭއެމްގެ ކުރީގެ ލީޑާޝިޕްގެ އެކި ބޭފުޅުންނާ ގުޅައިގެން ވާހަކަ ދެކެވި އިންވޮއިސްތަކުގެ ތަފްސީލު މެއިލްކޮށް އެ ފައިސާ ހޯދުމަށް ކުރިން ވެސް މަސައްކަތްކޮށްފައި ވާނެ ކަމަށް އެ ކުންފުނިން ބުނެފައިވެ އެވެ. އަދި މިކަމާ ގުޅޭ ބައްދަލުވުންތައް ބޭއްވިކަން ވެސް ފާހަގަކޮށްފައިވެ އެވެ.
"ނަމަވެސް މި ކުންފުންޏަށް ފައިސާ ލިބިފައިނުވާކަން ހިތާމަޔާ އެކު ދަންނަވަމަވެ.،" އެފްއޭއެމް އެންސީގެ ޗެއާޕާސަން އަހްމަދު ޒުހޫރަށް އެޑްރެސްކޮށް އައިލެންޑް އޭވިއޭޝަނުން ފޮނުވި ސިޓީގައިވެ އެވެ.
ދަރަނި ބޮޑުވެ އެފްއޭއެމް ސަލާމަތް ނުވާ ހިސާބުގައި އޮތް އިރު ނޯމަލައިޒޭޝަން ކޮމިޓީ އަށް އޮތް އެންމެ ބޮޑު ގޮންޖެހުމަކީ ފައިސާގެ މުއާމަލާތްތަކުގެ ލިޔެކިޔުންތައް އެ އެސޯސިއޭޝަނުގައި ނެތުން ކަމަށް މިދިޔަ މަހު ބޭއްވި ޕްރެސް ކޮންފަރެންސެއްގައި ޒުހޫރު ވިދާޅުވެފައިވެ އެވެ.
"މިހާރު" އަށް އެނގިފައިވާ ގޮތުގައި އައިލެންޑް އޭވިއޭޝަނުން ޑިމާންޑް ކުރާ ފައިސާއަށް ހޯދި ހިދުމަތްތަކުގެ ލިޔެކިޔުންތައް ވެސް އެފްއޭއެމްގައި ފެންނާކަށް ނެތެވެ.
އެފްއޭއެމްގެ ދަރަނި މިހާރު ވަނީ 150 މިލިއަނަށް އަރައިފަ އެވެ. ކުރިން 85 މިލިއަން ރުފިޔާގައި ހުރި ދަރަނި ކުއްލިއަކަށް އެހާ ބޮޑުވެގެން ދިޔައީ ދެކުނު ކޮރެއާގެ ކުންފުންޏަކަށް 52 މިލިއަން ރުފިޔާ ދައްކަން ސިވިލް ކޯޓުން އެފްއޭއެމްގެ މައްޗަށް ހުކުމް ކުރުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިހްސާސް
16 October 2024
ތިޔައީ ބައްސާމުގެ އެކަނި ގޭމެއް ނޫން. އޭނާގެ ބައިވެރިންތައް ކޮބާބާ؟
ޖބޖހކޖޮ
16 October 2024
ރޯމާދުވާލު މީހަކު އެފްއޭއެމް ދޮވެލައި މުޅި ފުޓުބޯޅަ ދިވެހިރާއްޖެއިން ފޮހެލި މީހަކު އަދިވެސް ނޫސްކޮންފަެސްތަ ދެނީ
އޮނަރަބަލް ހަސަންފުތާ
16 October 2024
ބައްސާމު ބްރޯ ކަލޭ ލަދުގަންނަންޖެހޭ. ބޭރު ގައުމަކުން މޮޅަށް ކިޔަވައިގެންއައިސް، މަކަރުވެރި ރޭވުމެއްގެ ތެރެއިން އެފްއޭއެމްގެ ރައީސަކަށްވެ، އެތަން ދޮވެލާ، ހަރުފަތަކަށްފަހު ހަރުފަތެއް ގިރާކުރަމުންދިޔަ ގައުމީކުޅިވަރު މޭސްތިރިއަކަށްވެ ފުޓްބޯލް އިނދަޖައްސާލާ، ނާޖާއިޒު ގޮތުގައި މުއްސަދިވެ، ފުޓުބޯޅަ މިއިންޒަމާނަކުވެސް ފަހަތަށް ނުދާވަރަށް ފަހަތައްޖައްސާލާ، ކުޅިވަރަށް ތިދިން ގެއްލުން، ތިކުރި ވައްކަން..ހަނދާ ނުނެތޭނެ! ޔޫއާރ އަ ޑިސްގްރޭސް ޓް ދަ ހޯލްނޭޝްން!!
މަހުވެއި
16 October 2024
މިބައްސާމު އޭ ކިޔާ މީހާ އަދީބުއަށްވުރެވެސް ނުބައި. ލިޔެ ކިއުންތައްވެސް ދިރުވާލައިފި. ހާދަ ވިޔާނުދާ މީހެކޭ!
ނަގިއްޔާ
16 October 2024
ސަރުކާރުގެ އޮފީސްތަކާއި މުއައްސަސާތަކަށް ދައްކަންޖެހޭ ފައިސާ ދެއްކުމުގައި ކޮންމެވެސްކަހަލަ ފުރިހަމަ ގަވާއިދެއް އުސޫލެއް އޮންނަންއެބަޖެހޭ. ވަކިމުއްދަތެއްގައި ނުދެއްކިއްޖެއްނަމަ އެހެންގޮތެއްވެސް އެބައޮންނަންޖެހޭ. މިހާރު މިވާގޮތުން ދިހަ ބާރުއަަހަރުގެ ދަރަނިނުދައްކާ ތަނުގެފައިސާއެއް ހެދިނެހެދިއެއްޗެއް ނޭގި އެތާހުންނަކަލޭގެ ދައުރު ހަމަކޮށް އެބަ ބަޗާ، ހުރިހާ ނުހޮރުއްފާނެ ދެންއަންނަ ވެރިއަކަށް. އޭނަޔަކަށްވެސް ނޭގޭ އެގަހުކޭލެެއް މިގަހުކޭލެއް،ލިއުމެންނެތް
ޕޮބްލިކް
16 October 2024
އޮންލީ 150 މިލިއަން؟
އޮނަރަބްލް އަފީފު ދީދީ
16 October 2024
ވެރިކަމުގައިތިބިމީހުން ރުއްސައިގެން މަޤާމްގައި ދެމިތިބުމަށްޓަކާ އިބްރާހިމް ގެ ޕާޓީއަށް 6 މިލިޔަން ރުފިޔާގެ ދަރަނިދޫކޮށް އަދި ފައިސާނުދައްކާނެކަން ޔަޤީނަށްއިގޭއިރުވެސް ބައްސާމު ހިންގި މާލޭގެ ކަންމަތީޤުރޫޕްތަކުގެ މައިއޮފީހަށް (FAMއަށް) 7.4 މިލިޔަންގެ ދަރަނިދޫކޮށް އަދި "ކުންފުންޏަށް ގެއްލުންވާގޮތަށް" ރިސޯޓްތަކާއިއެކު ކޮންޓްރެކްޓްހަދައި މިދަތުރުތައްކުރުމަށްޓަކާ ގޭން އެއަރޕޯޓާއި މާލޭއެއަރޕޯޓުން އެތައް މިލިޔަންރުފިޔާގެ ޖެޓްފިއުލް ދަރަންޏަށް ނަގާފައިވޭ.
އޮނަރަބްލް އަފީފު ދީދީ
16 October 2024
މަތީގައި މިދެންނެވި "ހުރިހާ ކަމެއް ކޮށްފަައިވަނީ ކަޑައެޅިގެން ކުންފުންޏަށް ގެއްލުން ވާގޮތަށް" ކަމަށް ކަމުގައިވާއިރު މިކަންކުރި ކުންފުނީގެ ސީނިއަރ މެނޭޖްމަންޓަށާއި ބޯޑު މެންބަރުންނަށް މިކަން މިގޮތަށް ކޮށްގެން ނުވާނެކަމަށް ދައުލަތުގެ ކުންފުނިތަކުގެ ބަލަދުވެރި ފަރާތުން އަންގާފައި ނުވަނީ ކީއްވެގެންތޯ!؟ އެފް އޭ އެމް ގެ މައްޗަށް ދައުވާ އުފުލާ ފަދައިން މިކަމުގައި އިހްމާލުވެފައިވާ ފަރާތް ތަކާއިމެދު ދައުވާ ކުރަން ޖެހޭނެ.
ާއުދުހޭ
16 October 2024
ކީއްވެހޭ ދަރަންޏަށް ޓިކެޓް ދިނީ؟
މުރްސީ
16 October 2024
ނާގާބިލު ވެރިން ލީމާ ވާނެ ގޮތް. އެފްއޭއެމް އަށް ވެސް ރަށެއް ދީ ރިޒޯޓް ހަދަން ކުއްްޔަދިނީމާ ފައިސާ ލިބޭނެ. މި ގައުމުގައި މި އޮތީ ސަލާންޖަހާ ސިސްޓަމް. އަމިއްލަަ ފައިމައްޗައް ތެދުވަން ނޫޅޭ.