ކުންފުނިތަކުގައި 12،000ރ. އަށް ވުރެ ބޮޑުކޮށް ލިބޭ މުވައްޒަފުންގެ މުސާރައިން 10 ޕަސެންޓް އުނިކުރަނީ

ކުރިން ބޭއްވި ރައީސްގެ ކެބިނެޓުގެ ބައްދަލުވުމެއް: ކުންފުނިތަކުގައި 12،000ރ. އަށް ވުރެ ބޮޑުކޮށް ލިބޭ ހުރިހާ މުވައްޒަފުންގެ މުސާރައިން 10 ޕަސެންޓް އުނިކުރަން ވެސް ރައީސް ވަނީ ނިންމަވައިފައި.-- ފޮޓޯ: ރައީސް އޮފީސް

އިފްރާޒް އަލީ، މިހާރު

24 އޮކްޓޯބަރ 2024 - 01:01

20 comments

ހަރަދުތައް ކުޑަކުރުމުގެ ގޮތުން، ސަރުކާރުގެ ކުންފުނިތަކުގެ މުވައްޒަފުންގެ ތެރެއިން 12،000ރ. އަށް ވުރެ ބޮޑު މުސާރައެއް ލިބޭ މުވައްޒަފުންގެ މުސާރައިން ވެސް 10 ޕަސެންޓް އުނިކުރަން ރައީސް ޑރ. މުހައްމަދު މުއިއްޒު ނިންމަވައިފި އެވެ.

ރައީސް މުއިއްޒު މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ ބޭންކުތައް ފިޔަވައި ސަރުކާރު ހިއްސާވާ ކުންފުނިތަކުގެ މުވައްޒަފުންގެ މުސާރައިން 10 ޕަސެންޓް އުނިކުރަން ނިންމާފައިވާ ކަމަށެވެ.

އެއީ، ސިޔާސީ އަދި ސިޔާސީ ނޫން މުވައްޒަފުން ވެސް ހިމެނޭ ގޮތަށެވެ.

ނަމަވެސް، ރައީސް ވިދާޅުވި ގޮތުގައި، ކުންފުނިތަކުގައި 12،000ރ. އަށް ވުރެ ކުޑަ މުސާރައެއް ލިބޭ އެއްވެސް މުވައްޒަފެއްގެ މުސާރައިން އެއްވެސް ޕަސެންޓެއް ނުކަނޑާނެ އެވެ.

ކުންފުނިތަކުގެ ވެރިންނަށް އެންމެ ބޮޑުކޮށް ދެވޭނީ 90،000ރ. ކަމަށް ކަނޑައަޅަން ވެސް ރައީސް ވަނީ ނިންމަވައިފަ އެވެ. ބައެއް ކުންފުނިތަކުގެ އޮނިގަނޑު އޮންނަ ގޮތުން އެތަންތަނުގެ ވެރިންނަށް މިހާރު 100،000ރ. އަށް ވުރެ ބޮޑު މުސާރައެއް ލިބޭ ކަމަށް ރައީސް ވިދާޅުވި އެވެ.

BREAKING: Siyaasee muvvazafunnai dhaulathuge veringe musaaraige 10 percent uni kuran Raees nimmavvaifi

The most trusted news source in the Maldives

Mihaaru

ރައީސް ވަނީ ސިޔާސީ މުވައްޒަފުންނާއި ދައުލަތުގެ ތިން ބާރުގެ އިސް ބޭފުޅުންނާއި މިނިވަން މުއައްސަސާތަކުގެ ވެރިންނާއި މަޖިލީހުގެ މެމްބަރުންނާއި ސަރުކާރު ކުންފުނިތަކުގެ އިސްވެރިންގެ މުސާރައިން ވެސް 10 ޕަސެންޓް ދެ އަހަރު ދުވަހުގެ މުއްދަތަށް އުނިކުރުމަށް ނިންމަވައިފަ އެވެ.

މީގެ އިތުރުން ރައީސްގެ އަމިއްލަފުޅު މުސާރައިން 50 ޕަސެންޓް އުނިކުރުމަށް ވެސް އެމަނިކުފާނު ވަނީ ނިންމަވައިފަ އެވެ. ރައީސްގެ މިހާރުގެ މުސާރައަކީ 100،000ރ. އެވެ. މި އިސްލާހާ އެކު ރައީސް ދެން ނަންގަވާނީ 50،000ރ. ގެ މުސާރައެކެވެ.

ދައުލަތުގެ ދަރަނި ބޮޑުވެ، ރާއްޖޭގެ އިގްތިސާދީ ހާލަތު ދަށަށް ގޮސްފައި ވާތީ ދައުލަތުގެ ހަރަދުތައް ކުޑަކުރުމުގެ ގޮތުން ގިނަ ފިޔަވަޅުތަކެއް އަޅަން ސަރުކާރުން ކުރިން އޮތީ ނިންމައިފަ އެވެ.

ހަރަދުތައް ކުޑަކުރުމުގެ ސިޔާސަތުގެ ދަށުން ސަރުކާރުގެ ސިޔާސީ މަގާމުތަކުގައި މިހާރު ތިބި 228 މުވައްޒަފަކު މަގާމުން ވަކިކުރަން ވެސް ރައީސް ވަނީ މިދިޔަ ހަފުތާގައި ނިންމަވައިފަ އެވެ. އެ ނިންމެވުމުގެ ސަބަބުން މަހަކު 5.7 މިލިއަން ރުފިޔާ ދައުލަތަށް ސަލާމަތް ކުރެވޭނެ ކަމަށް ރައީސް ވިދާޅުވެފައިވެ އެވެ.

ދައުލަތުގެ އާމްދަނީ ޕަބްލިކް ކުންފުނި ރައީސް ޑރ. މުހައްމަދު މުއިއްޒު

20 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮވިޑް ގައި ވެސް ނުކުރާ ކަމެއް

24 October 2024

ރ. ޞޯލިޙް ފެ ވެރިކަމުގައި ކޮވިޑާއި އެކު އިޤްތިޞާދީ ގޮތުން މުޅިދުނިޔެ ހުއްޓިފައި އޮތް އިރުވެސް ސަރުކާރު މުވައްޒަފުންގެ ބޭސިކް މުސާރަ އަކާއި ނުކުޅެ އެވެ. ހިންގުންތެރި، ކުޅަދާނަ އަދި ޙިކުމަތްތެރި، ވެރިންނަކީ އެއީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދީ

24 October 2024

މުސާރަ ނުދެވިގެން އުޅޭއިރުވެސް ރަސްމާލެ ހިއްކަން މިލިއަނުން ލޯން ނަގަނީ. އަދި އިކުއިޓީ އަށް ބަޖެޓުން ހަރަދުކުރަނީ. ރަސްމާލެ ނުހިއްކިގެން ހާލުގަ ޖެހުނު މީހަކު އަދި ނެތް. އެކަމު މުސާރައިން 10% ކެނޑީމަ ކިތަށް ނިކަމެތި ރައްޔިތުން ހާލުގަ ޖެހޭނެ ؟ އެންމެންނަކީ އަނބިން ވަޒީފާއަށް ފޮނުވޭނެ މީހުނެއް ނޫން. އެއް މުސާރައިން ކުއްޔާ ބިލްތަކާ ކެއުމާ ސްކޫލް ހަރަދުތައް ކުރަންޖެހޭ އިރު 10% ގޮތުގަ ގެއްލޭ 1500 ނޫނީ 2000 ވާނީ ވަރަށް ބޮޑު އެއްޗަކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 October 2024

ހަލާލު މަސައްކަތުންހޯދާ އުޖޫރައަށްވުރެން ރަނގަޅު އާމްދަނީއެއް އިންސާނާއަށްނުލިބޭނެ. އެހެންކަމުން އުޖޫރަކަޑައެޅިގެން މަސައްކަތްކުރަމުންދަނިކޮށް އެފަރާތުގެރުހުންނުލިބި އޭނާގެ މުސާރައާއިކުޅުމަކީ ޖާއިޒުގޮތެއްނޫން އިގޭތޯ. ދަންނަވަންތޯ "ދައުލަތުގެ ޙަރަދުބޮޑުވެގެން ދައުލަތް ބަޤުރޫޓްވެދާނެ ކަމުގެ ބިރުއޮތްނަމަ" އެކަމަށް ފަރުވާލިބޭނެ ތަރުތީބުމަގުން ކަންކަންކުރާންފެއްޓުން މުހިންމުކަމަށް ދެކެން. އެގޮތުން މީހުންގެމުސާރަ ތިޔަލިސްޓްގެކުރިއަށް ގެންނާކަށްނުޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 October 2024

ރައްޔިތުމީހާގެ ދާމީސް ގަޑާއި (މުސާރަ) ކުޅުމުގެކުރިން ދައުލަތަށް އާމްދަނީއިތުރުވާނެ ފަހި މަސައްކަތްތަކެއްކުރުން މުހިންމު. އެކަމަށްވެސް ވަގުތުނަގާތީ މަސަައްކަތް ލަސްކޮށްފިނަމަ ވާނެގެއްލުން ކުޑަކުރާންބޭނުންނަމަ ދައުލަތަށްލިބެންޖެހޭ ފައިސާ (ޓެކްސް، ކުލި، އެހެނިހެން އާމްދަނީ) ހޯދަން ގަދައަޅާ މަސައްކަތްކުރަންޖެހޭ. މިގޮތުން ރިސޯޓްތަކުގެ ކުއްޔާއި، ފުލެޓް ކުލި އަދި ރިސޯޓް ޓެކުހުގެގޮތުގައި ލިބެންޖެހޭފައިސާ އެކަނި ލިބުނަސް މިހާރުގެހާލަތުން އަރައިގަނެވޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

24 October 2024

މުސާރަ ކުޑަކުރުމާއި، ރިސޯޓް ކުއްޔާއި ފުލެޓް ކުލީގެ ގޮތުގައި ނުދައްކާހުރި އެތައް ބިލިޔަން ރުފިޔާގެ އިތުރުން ޓެކްސްގެ ގޮތުގައި ލިބެންޖެހޭ ފައިސާގެ ވާހަކަ ބަހައްޓާފައި "ދައުލަތުގެ ޙަރަދު ކުޑަކުރުމަށްޓަކާ" ކަމެއް ކުރާނަމަ ފުރަތަމަ ކުރާންޖެހޭ ކަމަކީ ސަރުކާރު އޮފީސްތަކާއި، ދައުލަތާއި ދައުލަތް ޙިއްސާވާ ކުންފުނިތަކުގެ އޮފީހާއި ގުދަންހަދަން ބޮޑުއަގުގައި ކުއްޔަށް ހިފާފައިވާ ކ.މާލޭ މީހުންގެ ގެދޮރު ދޫކޮށްލުން ނޫންތޯ. ކީއްވެ އެކަން ކުރާން ބޭނުން ނުވަނީ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުސްކުޅިބޭ

24 October 2024

ބަލަ ބޮޑު ގާނޫނެއްގެ ދަށުން ފަޒީފާގެ ބަޔާން ހަދައި އެއްބަސްވުން ހަދައިފައިވާ މުވައްޒަފުންގެ މުސާރަ ރައީސް ބޭނުންހާ އިރަކު ބަދަލެއް ނުކުރެވޭނެ، ރައީސް ވަޒީފާ ދީފައި ސިޔާސީ މަގާމުތަކުގެ މުސާރަ ކުޑަކުރެވިދާނެ، ވަޒީފާއާބެހޭ ގާނޫނާ، ކުންފުނިތަކުގެ އުސޫލުތަކާއި މުވައްޒަފުންގެ ހައްގަކީ އެއްވެސް އަގެއްހުރި އެއްޗެއްނޫންތާ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިނބޫ

24 October 2024

ބަޖެޓަށް ނުކަތާވަރަށް ސިޔާސީ މުވައްޒަފުން ނަގާފަ ބުރަ މަސައްކަތް ކުރާ އާދައިގެ މުވައްޒަފުންނަށް އޭގެ ހިތި ބޭސް ބޯންދިނުން މީ ވަރަށް ހުދުމުހުތާރު އަމަލެއް. މިހާރުން މިހާރަށް ބޭކާރު ސިޔާސީ މަގާމުތައް އުވާލަން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިރުސައި

24 October 2024

ނުދެވިގެން އުޅުނު ދިވެހީންގެ ރާއްޖެއަށް މިއޮތީ އާދެވިފަ. ހަހަހަހަހަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާސިތްް

24 October 2024

މި އުނދަގޫ ފިޔަވަޅާއެކުވެސް މިގައުމުގެ ކަންކަން ހަމަަމަގަށް އެޅިއްްޖެނަމަ ކިތަންމެހާވެސް ރަނގަޅު. މިހާލަތުގައި މިކަން ކޮށްގެންނޫންގޮތަކަށް ނެތް ސަލާމަތްވާކަށް. އުނދަގޫ މިފަދަ އެތަށް ކަމެއްކޮށްގެން ދާންބޭނުންވާ މަންޒިލަށް ދެވޭނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސޮ

24 October 2024

ކޮންމަންޒިލަކަށް ނުދެވިގެން ތިއުޅުއްވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރަތޭރީ

24 October 2024

މިއަދުގެ ގައުމީ ހާލަތަށް ބައްލަވާ ރައީސް ނިންމެވި ފުރިހަމަ ނިންމުމެއް. ނަމަވެސް ސަރުކާރުން ހިއްސާވާ ކުންފުނިތަކުގެ ވެރިންގެ މުސާރަ، ދައުލަތުގެ އެންމެ އިސްވެރިޔާގެ މުސާރައާއި އެއްވަރެއްގެ ނުވަތަ އެއަށްވުރެ ބޮޑުކޮށް އޮތުމަކީ އެންމެ ރަނގަޅު ގޮތްކަމުގައި ނުދެކެން...ކުންފުނިތަކުގެ ހިންގާ ގަވާއިދަށް ބަދަލުގެނެސް އެކަން އިސްލާހްވާންޖެހޭ.